ᐅᖃᓚᐅᑎᓯᐅᑏᑦ

You are here

ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ ᐊᑭᓕᖅᑕᐅᓯᒪᓂᖅ

ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᖅᑕᐅᔾᔪᑎᖏᑦ ᒪᓂᒪᑎᑦᑎᕗᑦ ᓇᓪᓕᐅᒃᑯᒫᓂᑦ ᐊᑭᓕᐅᑎᔅᓴᓂᑦ ᐃᓚᖏᓐᓂᑦ ᓇᓗᓇᐃᖅᓯᒪᔪᓂᑦ:

  • ᐋᓐᓂᐊᕕᒃᑯᑦ ᐊᐅᓪᓚᕐᓂᖅ
  • ᐋᓐᓂᐊᕕᒻᒥ ᑐᓂᔭᐅᓯᒪᔪᑦ ᐄᔭᒐᑦ
  • ᐋᓐᓂᐊᕕᒃᑯᑦ ᑐᓂᔭᐅᓯᒪᔪᑦ ᐊᑐᕆᐊᓖᑦ ᐊᒻᒪᓗ ᐋᓐᓂᐊᕕᓕᕆᔾᔪᑏᑦ
  • ᑭᒍᓐᓂᐊᑐᓕᕆᓃᑦ
  • ᑐᓵᔾᔪᑏᑦ
  • ᐃᔨᓐᓂᐊᖅᑕᐅᔾᔪᑏᑦ

ᑕᒪᕐᒥᒃ ᐃᓕᓴᕆᔭᐅᓯᒪᔪᐃᑦ ᓄᓇᑖᕈᑕᐅᓯᒪᔪᓂᑦ ᐊᑎᖃᖃᑕᐅᔪᑦ ᐱᔪᓐᓇᖅᑎᑕᐅᔪᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᖅᑕᐅᔾᔪᑎᖏᓐᓂᑦ.

 

ᐋᓐᓂᐊᕕᒃᑯᑦ ᐊᐅᓪᓚᕐᓂᖅ

ᐃᑲᔪᖅᑕᐅᔾᔪᑏᑦ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᒍᓐᓇᖅᑐᑦ ᓈᓗᒍ ᐊᑭᖓ $250 ᐊᑭᓕᖅᓱᐃᖃᑎᒋᔭᕐᓄᑦ ᐊᑭᓕᕆᐊᓕᖓᓂᑦ ᐊᑭᓕᖅᑕᐅᔪᓐᓇᖏᑦᑐᒥᒃ ᓄᓇᕘᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᖅᓯᐅᑎᒧᑦ.

ᓇᕿᓪᓕ ᒪᐅᓇ ᖃᐅᔨᒋᐊᕐᓂᐊᕐᓗᑎᑦ ᒥᔅᓵᓄᑦ ᐋᓐᓂᐊᕕᒃᑯᑦ ᐊᐅᓪᓚᓂᕐᒧᑦ ᐃᑲᔪᖅᑕᐅᔾᔪᑎᓂᑦ ᐅᕙᙵᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ.

ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᓇᕿᓪᓕ ᒪᐅᓇ ᖃᐅᔨᒋᐊᕐᓂᐊᕐᓗᑎᑦ ᒥᔅᓵᓄᑦ ᐋᓐᓂᐊᕕᒃᑯᑦ ᐊᐅᓪᓚᓂᕐᒧᑦ ᐃᑲᔪᖅᑕᐅᔾᔪᑎᓂᑦ ᐅᕙᙵᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ.

 

ᐋᓐᓂᐊᕕᒻᒥ ᑐᓂᔭᐅᓯᒪᔪᑦ ᐄᔭᒐᑦ

ᐃᑲᔪᖅᑕᐅᔾᔪᑏᑦ: ᐊᖏᖅᑕᐅᑉᐸᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᑕᒪᐃᓐᓂᒃ ᐊᑭᓖᔪᓐᓇᖅᑐᑦ ᐊᖏᖅᑕᐅᓯᒪᔪᓄᑦ ᐋᓐᓂᐊᕕᒻᒥ ᐄᔭᒐᖅᑖᕆᔭᐅᔪᓂᑦ.

ᓇᕿᓪᓕ ᒪᐅᓇ ᑕᑯᓂᐊᕐᓗᒋᑦ ᑎᑎᖅᐸᓪᓕᐊᓯᒪᔪᑦ ᐊᖏᖅᑕᐅᓯᒪᔪᓄᑦ ᐋᓐᓂᐊᕕᒻᒥ ᐄᔭᒐᖅᑖᕆᔭᐅᔪᓐᓇᖅᑐᓄᑦ. ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐃᒃᑭᐊᖅᒃᕕᑭᑯᑦ ᑐᑭᓯᒋᐊᕐᕕᖓ.

ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᐊᑭᖏᑦ ᐄᔭᒐᖅᑖᓄᑦ ᐊᑭᓕᕆᐊᓕᖏᑦ ᑐᓂᔭᐅᓂᐊᖅᑐᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.

 

ᐋᓐᓂᐊᕕᒃᑯᑦ ᑐᓂᔭᐅᓯᒪᔪᑦ ᐊᑐᕆᐊᓖᑦ ᐊᒻᒪᓗ ᐋᓐᓂᐊᕕᓕᕆᔾᔪᑎᑦ

ᐃᑲᔪᖅᑕᐅᔾᔪᑏᑦ: ᐊᖏᖅᑕᐅᑉᐸᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᑕᒪᐃᓐᓂᒃ ᐊᑭᓖᔪᓐᓇᖅᑐᑦ ᐋᓐᓂᐊᕕᒻᒥ ᑐᓂᔭᐅᔪᓐᓇᖅᑐᓂᑦ ᓱᓇᒃᑯᑖᓂᑦ ᐊᒻᒪ ᐊᑐᕆᐊᓕᓐᓂᒃ ᓂᐅᕕᐊᕆᔭᐅᓯᒪᔪᓂᑦ ᐊᖏᖅᑕᐅᓯᒪᔪᒃᑯᑦ ᐱᔨᖅᑎᑦᑎᓄᑦ ᐱᖃᖅᑎᐅᔪᓂᑦ ᐊᒻᒪᓗ ᓂᐅᕐᕈᑎᖃᖅᑎᓄᑦ.

ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᐊᑭᖏᑦ ᐋᓐᓂᐊᕕᒃᑯᑦ ᑐᓂᔭᐅᔪᓐᓇᖅᑐᑦ ᓱᓇᒃᑯᑖᓄᑦ ᐊᒻᒪᓗ ᐊᑐᕆᐊᓕᓐᓄᑦ ᐊᑭᓕᕆᐊᓕᖏᑦ ᑐᓂᔭᐅᓂᐊᖅᑐᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.

 

ᑭᒍᓐᓂᐊᖅᑐᓕᕆᓂᖅ

ᐃᑲᔪᖅᑕᐅᔾᔪᑏᑦ:

ᐊᖏᖅᑕᐅᑉᐸᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖅᑐᑦ ᑕᒪᐃᓐᓂᒃ ᐊᑭᓕᕆᐊᓕᓐᓂᒃ ᑭᒍᑎᙳᐊᓄᑦ ᐱᖃᓯᐅᑎᓗᒋᑦ ᖃᐅᔨᓴᖅᑕᐅᔾᔪᑎᖏᑦ ᑭᒡᒍᓐᓂᐊᕕᒻᒥ, ᓴᓗᒻᒪᓴᖅᑕᐅᔾᔪᑎᖏᑦ, ᐱᕈᓇᖅᓴᖅᑕᐅᔾᔪᑎᖏᑦ ᖃᐳᖅᑎᕈᒻᒧᑦ, ᑕᕐᕋᑐᖅᑕᐅᓂᖏᑦ, ᑭᒍᑎᓕᕆᔭᐅᔾᔪᑏᓪᓗ.

ᐅᖃᕐᕕᒋᒍᒃ ᑭᒍᓐᓂᐊᖅᑎ ᑲᒪᒋᔭᐅᓚᐅᙱᓂᕐᓂᑦ.

ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᐊᑭᖏᑦ ᑭᒍᑎᙳᐊᑦ ᐊᑭᓕᕆᐊᓕᖏᑦ ᑐᓂᔭᐅᓂᐊᖅᑐᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.

 

ᐃᔨᓐᓂᐊᖅᑕᐅᔾᔪᑏᑦ

ᐃᑲᔪᖅᑕᐅᔾᔪᑏᑦ:

ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᕐᓂᐊᖅᑐᑦ ᑕᒪᐃᓐᓂᒃ ᐊᑭᓕᕆᐊᓕᓐᓂᑦ ᐃᔨᓕᕆᔭᐅᔾᔪᑎᓄᑦ ᓚᐃᓴᓕᒻᒧᑦ ᐃᔨᓕᕆᔨᒻᒧᑦ ᒪᓕᓪᓗᒋᑦ ᐊᑭᖏᑕ ᐋᖅᑭᔅᓯᒪᓂᖏᑎᒍᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.

ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᓂᐊᖅᑐᑦ ᐊᑭᖏᓐᓂᒃ ᐄᒡᒑᒃ ᑕᐅᑐᑦᑎᐊᖏᑦᑐᖅᓯᐅᑏᓄᒃ ᒪᓕᓪᓗᒋᑦ ᐊᑭᖏᑕ ᐋᖅᑭᔅᓯᒪᓂᖏᑎᒍᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.

19 ᐅᖓᑖᓂ ᐊᕐᕌᒍᖃᕈᕕᑦ, ᐱᔪᓐᓇᖅᑎᑕᐅᔪᑎᑦ ᐃᒡᒑᓐᓂᒃ ᑕᖅᑮᑦ 24 ᓈᒐᐃᑉᐸᑕ.

19 ᐊᑖᓂ ᐊᕐᕌᒍᖃᕈᕕᑦ, ᐱᔪᓐᓇᖅᑎᑕᐅᔪᑎᑦ ᐃᒡᒑᓐᓂᒃ ᑕᖅᑮᑦ 12 ᓈᒐᐃᑉᐸᑕ.

ᖃᐅᔨᒪᒋᑦ: ᐊᓯᔾᔨᕐᓂᖅᑕᓕᖅᐹᓘᑉᐸᑦ ᐃᕝᕕᑦ ᑕᐅᑐᑦᑎᐊᖏᑦᑐᖅᓯᐅᑎᖏᓐᓂᒃ, ᐱᔪᓐᓇᖅᑎᑕᐅᓴᕋᐃᑐᐃᓐᓇᕆᐊᖃᖅᑐᑎᑦ ᑎᑭᓚᐅᖅᑎᓐᓇᒍ ᐱᔪᓐᓇᖅᑎᑕᐅᕖᑦ ᑎᑎᖅᑕᐅᓯᒪᔪᖅ ᖁᓛᓂ.

ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖏᑦᑐᑦ ᐃᔨᐅᑉ ᐃᓗᐊᓅᒐᕐᓂᑦ ᐃᒡᒑᕋᓛᓂᒃ ᓘᑦᑖᖅ ᐅᖃᖅᓯᒪᙱᑐᐊᖅᑲᑦ ᖃᓄᐃᒋᔭᐃᑦ ᐃᔩᓐᓄᒃ ᑲᒪᒋᔭᐅᔪᓐᓇᖏᑉᐸᑎᒃ ᐃᒡᒑᓐᓄᒃ.

ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ:

ᓄᓇᕘᒥ, ᐊᑭᖏᑦ ᐃᔩᓄᒃ ᖃᐅᔨᓴᖅᑕᐅᓂᖓ ᐊᒻᒪᓗ ᐃᒡᒑᖅᑖᕐᔪᑏᑦ ᐊᑭᓕᖅᑕᐅᕙᑦᑐᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ.

ᓄᓇᕘ ᓯᓚᑖᓂ, ᓇᒻᒥᓂᖅ ᐊᑭᓖᑦᑕᐅᑎᒋᔭᕆᐊᖃᑐᐃᓐᓇᕆᐊᖃᖅᑐᑎᑦ. ᑐᔅᓯᕋᐅᑎᓕᐅᕈᓐᓇᕐᒥᔪᑎᑦ ᐃᔨᓕᕆᔨ ᓘᑦᑖᖅ ᐅᖄᓚᖁᓗᒍ ᐅᕗᖓ 1-800-661-0833 ᐅᖓᑖᓃᑦᑐᒧᑦ ᐋᓐᓂᐊᕕᓕᐊᖅᑐᖅᓯᐅᑎᕕᑦ ᐃᖅᑲᓇᐃᔭᕐᓇᐅᑎᓪᓗᒍ. ᐃᓛᓐᓂᒃᑯᑦ ᐱᖃᖅᑎᑦᑎᔩᑦ ᐸᐃᑉᐹᓂᑦ ᐊᑭᓕᕆᐊᓕᓐᓂᑦ ᑐᓂᓯᓲᖑᒻᒥᔪᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖃᖅᑎᑦᑎᔨᓄᑦ ᐊᓪᓚᕝᕕᖓᓄᑦ ᑐᕌᖅᑕᐅᑦᑎᒋᓪᓗᓂ ᑕᐃᑯᖓ.

ᐊᑭᓖᑦᑕᐅᑎᒋᔪᓐᓇᖏᒃᑯᕕᑦ, ᓇᔅᓯᐅᑎᓕ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᑦᓂᒃ ᓇᓪᓕᐅᒃᑯᒫᖃᙱᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᓇᒻᒥᓂᖅ ᐅᑎᖅᑎᑦᑎᕕᐅᓇᓲᑎ- ᑲᖏᖅᑎᓂᕐᒥ ᐱᖃᓯᐅᑎᓯᒪᓗᒋᑦ ᓇᓕᖅᑲᑦ ᓇᓗᓇᐃᖅᓯᒪᔪᒧᑦ ᑐᕌᕐᕕᒻᒧᑦ:

Nunavut Health Insurance Programs Office
Department of Health
Bag 3
Rankin Inlet, NU
X0C 0G0

ᐅᖄᓚᐅᑎᖓ: (867) 645-8001
ᐊᑭᖃᙱᑐᒃᑯᑦ ᐅᖄᓚᐅᑎᖓ: (800) 661-0833
ᐃᕐᖐᓈᖅᑕᐅᑎᒃᑯᑦ