ᐅᖃᓚᐅᑎᓯᐅᑏᑦ

You are here

ᐊᑭᖃᙱᑦᑐᒧᑦ ᑲᐱᔭᐅᓐᓇᖅᑐᖅ ᑕᒪᑐᒪᓂ ᐊᕐᕌᒎᔪᖅ ᓄᕙᖕᓇᒥᑦ

ᐊᒃᑐᐸ 21, 2013

ᑐᓴᒐᒃᓴᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᐊᑭᖃᙱᑦᑐᒧᑦ ᑲᐱᔭᐅᓐᓇᖅᑐᖅ ᑕᒪᑐᒪᓂ ᐊᕐᕌᒎᔪᖅ ᓄᕙᖕᓇᒥᑦ

ᐃᖃᓗᐃᑦ, ᓄᓇᕗᑦ (ᐅᑐᐱᕆ 21, 2013) – ᐊᕐᕌᒍᑕᒫᑦ ᑲᐱᔭᐅᖁᔨᓐᓇᐅᔪᑦ ᓄᓇᕗᒻᒥᐅᓂᑦ ᓄᕙᒃᔪᐊᒃᑕᐃᓕᒪᔾᔪᑎᒧᑦ ᑲᔪᓯᖕᒥᖕᒪᑦ. ᑲᐴᑎ ᐊᑭᖃᙱᓚᖅ ᐊᒻᒪᓗ ᐊᑐᐃᓐᓇᐅᒋᓪᓗᓂ ᐋᓐᓂᐊᕕᓕᒫᓂ ᓄᓇᕗᒻᒥᑦ ᐊᒻᒪᓗ ᐃᖃᓗᖕᓂᑦ ᐅᖃᒪᐃᓐᓂᖕᓂᐊᕐᕕᖕᒥᑦ.

ᒪᕐᕈᐃᖑᔪᑦ ᐱᑐᐃᓐᓇᐅᔪᑦ ᑕᒪᑐᒪᓂ ᐊᕐᕌᒎᔪᒥ. FluMist-ᖑᓂᕋᖅᑕᐅᓪᓗᓂᑦ ᕿᖓᕐᒧᑦ ᑎᖕᒥᑳᕆᐊᓕᒃ ᓱᕈᓯᕐᓄᑦ ᓄᑕᖅᑲᓄᓪᓗ ᐅᑭᐅᓕᖕᓄᑦ 2ᒥᑦ 17ᒧᑦ. ᑲᐴᑎ ᐱᑐᐃᓐᓇᐅᓪᓗᓂᑦ ᐊᓯᓕᒫᖏᓐᓄᑦ. ᓄᕙᖕᓇᙱᑦᑐᒧᑦ ᑲᐴᑦ ᐊᑐᖁᔭᐅᙱᑦᑐᖅ ᐱᐊᕋᓄᑦ 6ᒥᑦ ᑕᖅᑭᓖᑦ ᑐᖔᓂᓪᓗ.

"ᐃᓄᐃᑦ ᐅᓗᕆᐊᓇᓛᒦᑦᑐᑦ ᑕᒪᑐᒪᙵᑦ ᓄᕙᖕᓇᕐᔪᐊᒥᑦ ᓄᑕᕋᑯᓗᐃᑦ ᐊᒻᒪᓗ ᐃᓐᓇᑐᖃᐃᑦ, ᐊᒻᒪᓗ ᓴᐳᑎᔪᓐᓇᕐᐸᕗᑦ ᓄᑕᖅᑲᕗᑦ ᐃᓐᓇᖁᑎᕗᓪᓗ ᑲᐱᔭᐅᓂᒃᑯᑦ ᓄᕙᖕᓇᙱᑦᑐᒥᑦ," ᐅᖃᖅᑐᕕᓂᖅ ᓘᒃᑖᖅ ᒨᕇᓐ ᐸᐃᑭ, ᐊᖓᔪᖅᑳᖅ ᐃᓅᓕᓴᐃᔨᓕᕆᔨᒻᒪᕆᖕᓄᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓄᑦ."ᐃᓄᐃᑦ ᐃᒻᒥᓂᒃ ᓇᒡᓕᒋᔭᑎᒃᓗ ᓴᐳᒻᒥᖃᑦᑕᕐᐸᔾᔪᒃ ᓄᕙᖕᓇᕐᔪᐊᒥᑦ ᐃᓅᓕᓴᖅᑕᐅᓂᒃᑯᑦ."

ᓄᑕᖅᑲᑦ ᐊᖏᕐᕋᐅᔾᔨᙱᓐᓂᕐᓴᐅᕙᒃᐳᑦ ᓄᕙᖕᓈᓗᖕᒥᑦ ᐃᓕᓐᓂᐊᕐᕕᖕᒥᑦ ᐃᓚᒥᓄᑦ ᐃᓅᓕᓴᖅᑕᐅᓯᒪᑎᓪᓗᒋᑦ.

ᓄᕙᖕᓇᕐᔪᐊᖅ ᐊᐃᑦᑐᕐᓗᒃᑕᐅᕙᒃᐳᖅ ᖁᐃᕐᓱᖕᓂᒃᑯᑦ, ᑕᒋᐅᒃᓴᖕᓂᒃᑯᑦ ᐅᕝᕙᓘᓐᓃᑦ ᑲᒃᑭᒃᑯᑦ. ᖃᓂᒻᒪᒃᖢᓂ ᐆᓇᕐᓇᖅᐳᖅ, ᑳᒍᓐᓃᕐᖢᓂ, ᓄᑮᑦ ᐋᓐᓂᐊᓪᓗᑎᑦ, ᐃᒡᒋᐊᕐᓗᖕᓇᖅᖢᓂ, ᐊᒻᒪᓗ ᑕᖃᓯᒪᖅᑰᔨᓐᓇᕐᖢᓂ. ᓴᓗᒪᓂᖅ ᓲᕐᓗ ᐊᒡᒐᐃᑦ ᐅᐊᓴᐃᓐᓇᖃᑦᑕᕐᖢᒋᑦ ᐊᒻᒪᓗ ᖁᐃᕐᓱᖅᖢᓂ ᐅᕝᕙᓘᓐᓃᑦ ᑕᒋᐅᒃᖢᓂ ᑕᓕᖕᒧᑦ ᐅᕝᕙᓘᓐᓃᑦ ᑲᒃᑭᐅᑎᒃᓴᒧᑦ ᓄᖅᑲᐅᑎᔪᓐᓇᖅᐳᖅ ᓇᒧᙵᐅᓇᔭᖕᓂᖓᓂ ᓄᕙᐅᑉ.

ᓄᕙᒃᔪᐊᖕᓇᐅᕙᒃᐳᖅ ᔮᓄᐊᕆᒥᑦ ᒪᐃᒧᑦ ᓄᓇᕗᒻᒥᑦ. ᓘᒃᑖᖅ ᐸᐃᑭ ᐃᓅᓕᓴᖅᑕᐅᖁᔨᕗᖅ ᖁᕕᐊᓱᒃᕕᐅᑉ ᓯᕗᕐᖓᓂ ᓴᐳᒻᒥᔭᐅᓯᒪᖁᓪᓗᒋᑦ ᐃᓄᐃᑦ ᓄᕙᖕᓇᕐᔪᐊᒥᑦ ᑎᑭᑉᐸᑦ ᓄᓇᕗᒻᒧᑦ.

###

ᐱᕙᓪᓕᐊᔪᓄᑦ ᑐᑭᓯᒋᐊᕐᕕᒃ:

ᕌᓐ ᐅᐊᓯᓐᒃ ᑐᓴᐅᒪᔪᓕᕆᔨᒻᒪᕆᒃ

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

867-975-5710

rwassink@gov.nu.ca