ᐅᖃᓚᐅᑎᓯᐅᑏᑦ

You are here

ᓯᕕᓕᔅ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᖅ ᐅᓄᖅᓯᕙᓪᓕᐊᕗᑦ ᓄᓇᕘᒥ

ᑎᓯᐱᕆ 10, 2013

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓯᕕᓕᔅ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᖅ ᐅᓄᖅᓯᕙᓪᓕᐊᕗᑦ ᓄᓇᕘᒥ

ᐱᒋᐊᕐᕕᐊ ᐅᓪᓗᖅ: ᑎᓯᐱᕆ 11, 2013
ᐃᓱᓕᕝᕕᐊ ᐅᓪᓗᖅ: ᔭᓄᐊᕆ 31, 2014
ᓄᓇᕗᑦ 60 ᑎᒃᑕᑯᓗᐃᑦ

ᓯᕕᓕᔅ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᖑᔪᖅ (ᔅᑎ) ᓈᒻᒪᖏᔾᔪᑕᐅᓕᕈᓐᓇᖅᑐᖅ ᐅᓄᖅᓯᕙᓪᓕᐊᕗᑦ ᓄᓇᕘᒥ.

ᑖᓐᓇ ᓯᕕᓕᔅ ᐱᒻᒪᕆᐊᓘᔪᖅ ᖁᐱᕐᕆᔾᔪᑕᐅᓗᓂ ᓯᐊᒻᒪᒃᐸᓪᓕᐊᔪᓐᓇᖅᑐᖅ ᐃᓄᖕᒥᑦ ᐃᓄᖕᒧᑦ ᓄᓕᐊᕐᓂᒃᑯᑦ. ᓯᕕᓕᔅᑕᐅᖅ ᑐᓐᓂᖅᑯᑕᐅᔪᓐᓇᕐᒥᔪᖅ ᓄᑕᕋᓛᒧᑦ ᐊᓈᓇᐅᔪᒥᑦ ᐃᕐᓂᕙᓪᓕᐊᑎᓪᓗᒍ.

ᖃᐅᔨᓵᓕᓗᓂ ᐱᑕᖃᕋᔭᖅᑐᖅ ᐃᒃᐱᖕᓇᖏᕈᓗᒡᓗᓂ ᐊᒥᕐᓘᖅᑰᔨᔪᑯᓗᖕᒥᒃ ᓴᖅᑭᑦᑐᖃᕋᔭᖅᑐᖅ ᐅᓪᓗᑦ ᐱᖓᓱᓂᑦ ᐅᓪᓗᑦ 90 ᐃᓗᐊᓂ ᑯᔭᖃᑎᖃᓚᐅᖅᑎᓪᓗᒍ ᑕᐃᒪᐃᑦᑐᓕᖕᒥᒃ ᐃᓄᖕᒥᒃ. ᐊᒥᓱᑦ ᐃᓄᐃᑦ ᐅᔾᔨᕈᓱᓲᖑᙱᑦᑐᑦ ᐱᖃᕐᓂᕐᒥᖕᓂᒃ ᐃᒃᐱᖕᓇᖏᓐᓂᐊᓄᑦ.

ᐱᒻᒪᕆᐅᕗᖅ ᖃᐅᔨᓴᖅᑕᐅᔪᒪᓗᓂ ᐱᖃᕋᓱᒋᑐᐊᕐᓗᓂ ᓯᕕᓕᔅᒥᒃ. ᓯᕕᓕᔅ ᑲᒪᒋᔭᐅᔪᑕᐅᓲᖅ ᐃᔭᒐᖅᑎᑕᐅᓇᔭᖅᑐᑦ ᐃᓅᓕᓴᐅᑎᓕᖕᒥᒃ ᖃᐅᔨᔭᐅᓵᓕᒃᐸᑦ ᑲᒪᒋᔭᐅᓵᓕᓗᓂᓗ. ᑭᓯᐊᓂ, ᖃᖓᙳᖅᐸᓪᓕᐊᓗᓂ, ᑲᒪᒋᔭᐅᔪᑎᒋᓯᒪᙱᑉᐸᑦ ᐱᐅᔪᓐᓃᕈᑎᑐᐃᓐᓇᕆᐊᓕᒃ ᓱᕋᐃᕙᓪᓕᐊᓕᕐᓗᓂᓗ ᐆᒪᑎᒥᒃ, ᑕᖃᖕᓂᒃ ᐊᒻᒪᓪ ᐃᓱᒪᒥᒃ, ᐊᒻᒪᓗ ᐃᓚᖓᒍᑦ ᑐᖁᔾᔪᑕᐅᔪᓐᓇᖅᑐᖅ. ᐃᓄᐃᑦ ᓯᕕᓕᔅᖃᖅᑐᑦ ᐊᑦᑕᕐᓇᖅᑐᒦᓐᓂᖅᓴᐅᔪᑦ ᐱᑖᕈᓐᓇᕐᓂᕐᒧᑦ ᐊᓴᐱᒃᓴᒥᒃ/ᐊᓴᐱᒥᒃ.

ᐅᓄᖅᑐᓂᒃ ᓄᓕᐊᖃᑎᖃᖃᑦᑕᕈᕕᑦ, ᐊᑦᑕᕐᓇᖅᑐᒦᓐᓂᖅᓴᐅᓂᐊᖅᑐᑎᑦ ᑕᒪᑐᒧᖓ ᖁᐱᕐᕆᑦᑐᓐᓇᕐᓂᕐᒧᑦ. ᐃᓚᐅᖃᑦᑕᕈᕕᑦ ᐃᒥᒃᑳᓗᖕᓂ ᐅᕝᕙᓘᓐᓃᑦ ᐋᖓᔮᕐᓇᖅᑐᕈᓘᔭᕐᓂ, ᐃᓚᐅᑐᐃᓐᓇᕆᐊᖃᕋᕕᑦ ᓴᐳᓗᑕᖃᙱᑦᑐᒥ ᓄᓕᐊᕐᓂᕐᒥ. ᐅᔾᔨᑦᑎᐊᕆᑦ – ᐊᑐᖅᐸᒡᓗᑎᑦ ᐅᓲᑉ ᐴᖏᓐᓂᒃ ᓄᓕᐊᖃᑎᖃᕐᓂᐊᑐᐊᕋᖓᕕᑦ ᐊᑦᑕᕐᓇᖅᑐᒦᓂᐊᖏᓐᓇᕕᑦ ᖁᐱᕐᕆᑦᑐᓐᓇᕐᓂᕐᒥᑦ.

ᐅᖃᕐᓗᑎᑦ ᐋᓐᓂᐊᕕᖕᒥ ᑲᒪᔨᔪᒧᑦ ᓯᕕᓕᔅᖃᕋᓱᒋᑐᐊᕈᕕᑦ. ᖃᐅᔨᓴᖅᑕᐅᒋᑦ ᖁᐱᕆᓯᒪᙱᒃᑲᓗᐊᕐᒪᖔᕐᒥ ᐊᔪᕐᓇᖏᑦᑐᖅ ᐊᒻᒪᓗ ᑲᙳᓇᖅᑑᑎᑕᐅᓲᑦ.

###

Communications

2013-12 PSA

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑐᓴᒐᒃᓴᒧᑦ ᖃᐅᔨᒋᐊᕐᕕᒃ:

ᕌᓐ ᐅᐊᐃᓯᓐᒃ

ᑐᓴᒐᒃᓴᓕᕆᔨᒻᒪᕆᒃ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ

867-975-5710

rwassink@gov.nu.ca