ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ ᐃᓂᒋᔭᐅᔪᖅ

ᐱᔾᔪᑎᒋᔭᖓ ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ (ATIPP) ᐱᖁᔭᐅᑉ(ᓴᖅᑭᑎᑦᑎᓗᓂ ᐊᑦᑕᑕᕐᕕᒃᓴᒥᒃ ᐱᖁᔭᕐᒧᑦ) ᐱᑎᑦᑎᔪᒪᓂᐅᕗᖅ ᑕᒪᐃᓐᓂᒃ ᓄᓇᖃᖅᑐᓕᒫᓂᒃ ᐱᔪᓐᓇᐅᒻᒥᒃ ᐊᐱᕆᔪᓐᓇᕐᓗᓂ ᐊᑐᕈᒪᓂᕐᒥᒃ ᑐᓴᖅᑕᐅᔪᒃᓴᓂᒃ ᐱᔭᐅᓯᒪᔪᓂᒃ ᓄᓇᕗᑦ ᒐᕙᒪᒃᑯᖏᓐᓂ. ᑕᒪᓐᓇᓗ ᓇᓗᙱᑦᑎᐊᕈᑕᐅᕙᒃᐳᖅ ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ ᓴᐳᔾᔨᓯᒪᒐᓗᐊᕐᒪᖔᑕ ᖃᐅᔨᔭᐅᔭᕆᐊᖃᙱᑦᑐᓂᒃ ᐃᓄᖕᒧᑦ ᐊᑕᐅᓯᕐᒧᑦ ᑐᕌᖓᔪᓂᒃ ᑐᓴᖅᑕᐅᔪᒃᓴᓂᒃ ᐱᔭᐅᓯᒪᔪᓂᒃ ᐱᓕᕆᕝᕕᒋᔭᐅᔪᓂᑦ, ᑐᑦᑕᕐᕕᒋᔭᐅᔪᓂᑦ, ᑲᒥᓴᒋᔭᐅᔪᓂᑦ, ᑯᐊᐳᕇᓴᕆᔭᐅᔪᓂᑦ ᑎᑎᕋᕐᕕᒋᔭᐅᔪᓂᓪᓘᓐᓃᑦ, ᑕᒪᒃᑯᐊ ᐃᒪᓐᓇ ᖃᐅᔨᒪᔭᐅᕙᒃᑭᓪᓗᑎᒃ, ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᑦ. 

ATIPP-ᒧᑦ ᐱᖁᔭᖅ ᐊᑐᖅᐳᖅ ᑕᒪᐃᓐᓄᑦ ᒐᕙᒪᒃᑯᑦ ᐱᓕᕆᕝᕕᒋᔭᖏᓐᓄᑦ, ᑐᑦᑕᕐᕕᒋᔭᐅᔪᓄᑦ, ᑲᒥᓯᓇᒧᑦ ᑯᐊᐳᕇᓴᒋᔭᐅᔪᓄᓪᓗ, ᐊᓯᖏᓐᓄᓪᓗᑦᑕᐅᖅ ᑎᒥᓄᑦ ᑎᑎᕋᖅᑕᐅᓯᒪᔪᓄᑦ ᑭᒃᑯᑐᐃᓐᓇᓄᑦ ᑎᒥᒋᔭᐅᓂᖏᓐᓂᒃ ATIPP-ᒧᑦ ᒪᓕᒋᐊᓖᑦ ᐊᑖᒍᑦ ᐅᕗᓇ. ᓇᕿᓪᓗᒍ ᑕᑯᔪᒪᒍᕕᑦ ᑎᑎᕋᖅᓯᒪᔪᓂᒃ ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᓕᒫᓂᒃ ᒪᓕᒋᐊᖃᖅᐸᒃᑐᑦ ATIPP-ᒧᑦ ᐱᖁᔭᕐᒧᑦ.

ATIPP-ᑯᑦ ᑎᑎᕋᕐᕕᖓᑦ

ATIPP-ᑯᑦ ᑎᑎᕋᕐᕕᖓᑦ ᐃᓂᖃᖅᑎᑕᐅᕗᖅ ᒐᕙᒪᓕᕆᔨᒃᑯᓐᓂ. ATIPP-ᑯᑦ ᑎᑎᕋᕐᕕᖓ ᑲᒪᒋᔭᒃᓴᖃᖅᑎᑕᐅᕗᖅ ᐅᑯᓄᖓ ᐱᓕᕆᐊᒃᓴᓄᑦ:

ᐱᑎᑦᑎᕙᒡᓗᑎᒃ ᐃᑲᔪᖅᑐᐃᓂᕐᒥᒃ, ᓯᕗᓕᖅᑎᐅᓂᕐᒥᒃ ᐃᑲᔪᖅᑐᐃᓂᕐᒥᒡᓗ ᑕᒪᐃᓄᑦ ᑭᒃᑯᑐᐃᓐᓇᓄᑦ ᑎᒥᖁᑎᒋᔭᐅᔪᓄᑦ ᓇᓗᙱᑦᑎᐊᖃᑦᑕᕈᒪᓂᕐᒧᑦ ᒪᓕᒃᑐᖃᑦᑎᐊᕋᓗᐊᕐᒪᖔᑦ ᑖᔅᓱᒪ ᐱᖁᔭᐅᑉ ᐊᑖᒍᑦ, ᐊᒻᒪᓗᑦᑕᐅᖅ ᑭᒃᑯᑐᐃᓐᓄᑦ ᐊᑐᖅᑕᐅᕙᒃᑐᒧᑦ ᐱᑎᑦᑎᕙᖕᓂᕐᒥᒃ ᑭᒃᑯᑐᐃᓐᓇᓂᒃ ᐱᐅᓪᓗᓂ ᐱᔨᑦᑎᕋᕐᓂᕆᔭᐅᕙᒃᐳᑦ ATIPP-ᒧᑦ ᐱᖁᔭᐅᑉ ᐊᑖᒍᑦ;
ᑲᔪᓯᑎᑦᑎᓂᖅ ATIPP-ᒧᑦ ᐱᖁᔭᕐᒥᒃ ᐋᖅᑭᒃᓱᐃᓂᕐᓗ ᐊᑐᐊᒐᕐᓂᒃ ᐊᑐᖅᑕᐅᔪᓐᓇᖅᑐᓂᒡᓗ ᑕᓯᐅᕈᑕᐅᔪᓂᒃ ᑭᒃᑯᑐᐃᓐᓇᓄᑦ ᑎᒥᒋᔭᐅᔪᓂᒃ ᐊᑐᖅᑎᑦᑎᓂᐊᕐᓗᓂ ᑖᔅᓱᒥᖓ ᐱᖁᔭᕐᒥᒃ;
ᐃᑲᔪᖅᑐᐃᓂᖅ ᐊᑐᖅᑕᐅᔪᒃᓴᓂᒡᓗ ᐃᓄᖕᓄᑦ ᑭᒃᑯᑐᐃᓐᓇᓂᑦ ᖃᐅᔨᒃᑲᓐᓂᕈᒪᕙᒃᑐᓂ ATIPP-ᒧᑦ ᐱᖁᔭᕆᔭᐅᔪᒥᒃ ᐱᔪᓐᓇᐅᑎᒋᔭᐅᔪᓂᒃ ᑖᔅᓱᒪ ᐱᖁᔭᐅᑉ ᐊᑖᒍᑦ; ᐊᒻᒪᓗ
ᐅᔾᔨᕐᓇᖅᓯᑎᑦᑎᓂᖅ ᖃᐅᔨᒪᔭᐅᓂᖓᓂᒃ ATIPP-ᒧᑦ ᐱᖁᔭᕆᔭᐅᔪᖅ ᓄᓇᕘᓕᒫᒥ.

ATIPP-ᑯᑦ ᑎᑎᕋᕐᕕᖓᑦ ᐊᑕᐅᓯᕐᒥᒃ ᐃᖅᑲᓇᐃᔭᖅᑎᖃᖅᑐᑦ: ᐊᐅᓚᑦᑎᔨᒋᔭᐅᔪᒥᒃ, ᐊᕕᒃᓯᒪᓂᐅᔪᒧᑦ ATIPP-ᒧᑦ ᑎᑎᕋᕐᕕᒋᔭᐅᔪᖅ. 

ᑎᑎᖅᑲᕐᓄᑦ ᑐᕌᕈᑖ:

ᐊᐅᓚᑦᑎᔨ, ᐊᕕᒃᓯᒪᓂᐅᔪᒥ ATIPP-ᒧᑦ ᑎᑎᕋᕐᕕᒃ
ᒐᕙᒪᓕᕆᔨᒃᑯᑦ
ᓄᓇᕗᑦ ᒐᕙᒪᖓ
ᑎᑎᖅᑲᒃᑯᕕᐊ 1000, ᐃᓂᐊ 200, ᐃᖃᓗᐃᑦ, ᓄᓇᕗᑦ X0A0H0

ᐅᖄᓚᐅᑖ:
867-975-6044

ᓱᒃᑲᔪᒃᑯᑦ:
867-975-6091

ᖃᕆᑕᐅᔭᒃᑯᑦ:
atipp@gov.nu.ca
Jessica.Young@gov.nu.ca