ᓄᓇᕗᒨᖓᔪᑦ

ᑐᙵᓱᒋᑦᑎ

ᓄᓇᕗᑦ -- "ᓄᓇᕗᑦ" ᐃᓄᐃᑦ ᐅᖃᐅᓯᖓᑦᑎᒍᑦ -- ᐊᖏᕐᕋᕆᔭᐅᓕᖅᑐᖅ ᐃᓄᖕᓄᑦ ᐊᒥᓱᒻᒪᕆᖕᓂᒃ ᐊᕐᕌᒍᓂᒃ ᐊᒻᒪᓗ ᑲᓇᑕᒥ ᐃᓚᐅᖃᑕᐅᓕᖅᑐᖅ ᐊᕐᕌᒍᑦ 100 ᐅᖓᑖᓂ. ᐱᖃᑕᐅᑎᑦᑎᑦᑎᐊᖅᑐᑦ ᑕᒪᐃᓐᓂᒃ ᐃᓕᖅᑯᓯᑐᖃᑎᒍᑦ ᖃᐅᔨᒪᓂᕆᔭᐅᔪᓂᒃ ᐊᒻᒪᓗ ᐱᒻᒪᕆᐅᑎᑕᐅᔪᓂᒃ ᐊᒻᒪᓗ ᓄᑖᑦ ᐱᕕᒃᓴᕆᔭᐅᔪᑦ ᓴᖅᑭᑎᑕᐅᓯᒪᔪᑦ ᓲᕐᓗ ᖃᕆᑕᐅᔭᒃᑰᕈᑎᓂᒃ, ᓄᓇᕗᑦ ᒐᕙᒪᒃᑯᖏᑦ ᒫᓐᓇᐅᔪᖅ ᓴᖅᑭᔮᖅᑎᑦᑎᓕᖅᑐᑦ ᐊᒥᓱᓂᒃ ᐱᔨᑦᓯᕋᐅᑎᓂᒃ ᒪᓕᒃᑐᓂᒃ ᐊᔾᔨᐅᖏᑦᑐᒃᑯᑦ ᐱᔭᐅᔭᕆᐊᓕᖕᓂᒃ 37,082-ᓄᑦ ᓄᓇᖃᖅᑐᓄᑦ.

ᓯᕗᒧᐊᕈᑎᒋᔭᕗᑦ

ᐃᓄᐃᑦ ᓄᓇᖃᐃᓐᓇᐅᔭᕐᒪᑕ ᑲᓇᑕᒥ ᐊᒃᓱᕈᕐᓇᐃᓐᓇᐅᔭᖅᑐᒥ. ᐊᓐᓇᐅᒪᓇᓱᖕᓂᖅ ᑭᓯᐊᓂ ᐱᓕᕆᖃᑎᒌᒍᓐᓇᖅᐳᒍᑦ ᐱᐅᓯᒋᐊᖅᑎᓪᓗᒍ ᐊᓐᓇᐅᒪᓂᖅ, ᖃᐅᔨᒪᓂᖅ ᐊᒻᒪ ᐃᓅᑦᑎᐊᕐᓂᖅ ᐊᓯᑦᑎᓐᓄᑦ. ᐊᕐᕌᒍᒐᓴᐅᓕᖅᑐᓂᑦ, ᒐᕙᒪᕗᑦ ᓯᕗᒻᒧᐊᒃᑎᑦᑎᕙᓪᓕᐊᖏᓐᓇᖅᐳᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ, ᒪᓕᒃᖢᑎᒃ ᐱᓇᓱᐊᖅᑕᕗᑦ ᑐᕌᒐᖏᓐᓂᑦ ᑕᒪᒃᑯᐊᓗᓕᒫᑦ ᓯᕗᒧᐊᒍᑎᒋᔪᓐᓇᖅᑕᕗᑦ ᐅᓪᓗᒥᒧᑦ ᓯᕗᓂᒃᓴᒧᓪᓗ ᑭᖑᕚᒃᓴᑦᑎᓐᓄᑦ.

ᐃᓅᖃᑎᒌᑦᑎᐊᕐᓂᖅ              
ᐃᒃᐱᒋᑦᑎᐊᕐᓗᒋᑦ ᐊᓯᕗᑦ, ᐃᓚᕗᑦ ᐸᖅᑭᑦᑎᐊᕐᓗᒋᓪᓗ ᐃᓅᖃᑎᕗᑦ

ᑐᙵᓇᕐᓂᖅ               
ᑐᙵᓇᑦᑎᐊᕐᓗᑕ ᐊᖏᖅᓯᒪᓗᑕ ᑐᙵᓱᒃᑎᑦᑎᓂᕐᒥᒃ ᐃᓚᐅᑎᑦᑎᓂᒃᑯᓪᓗ

ᐱᔨᑦᑎᕐᓂᖅ                
ᐱᔨᑎᕈᓐᓇᕐᓗᒋᑦ ᐃᓚᕗᑦ/ᓄᓇᖅᑲᑎᕗᓪᓘᓐᓃᑦ.

ᐋᔩᖃᑎᒌᖕᓂᖅ           
ᐅᖃᖃᑎᒌᖕᓂᒃᑯᑦ ᐊᖏᖃᑎᒌᖕᓂᒃᑯᓪᓗ ᐃᑲᔪᖃᑦᑕᐅᑎᓗᑕ

ᐱᓕᒻᒪᒃᓴᕐᓂᖅ / ᐱᔭᕆᐊᖅᓴᓂᖅ    
ᑕᐅᑎᖕᓂᒃᑯᑦ, ᐃᓕᓐᓂᐊᖅᑎᑦᑎᓂᒃᑯᑦ, ᐱᓕᕆᑎᑦᑎᓂᒃᑯᑦ ᐱᓇᓱᐊᖅᑎᑦᑎᓂᒃᑯᓪᓗ ᐱᓕᒻᒪᒃᓴᕐᓗᑕ

ᐱᓕᕆᖃᑎᒌᖕᓂᖅ / ᐃᑲᔪᖃᑎᒌᖕᓂᖅ 
ᐊᑕᐅᓯᕐᒧᑦ ᐊᒃᓱᕉᑎᖃᖅᑐᐃᓐᓇᐅᓗᑕ ᐱᓕᕆᓗᑕ

ᖃᓄᖅᑑᕐᓂᖅ           
ᐃᓱᒪᒃᓴᖅᓯᐅᕈᓐᓇᕐᓗᑕ ᐃᑲᔪᕈᓐᓇᕐᓗᑕᓗ.

ᐊᕙᑎᑦᑎᓐᓂ ᑲᒪᑦᑎᐊᕐᓂᖅ       
ᓄᓇᕗᑦ, ᐆᒪᔪᕗᑦ ᐊᕙᑎᕗᓪᓗ ᐃᒃᐱᒋᑦᑎᐊᕐᓗᒋᑦ ᐸᖅᑭᑦᑎᐊᕐᓗᒋᓪᓗ.