ᐅᖃᓚᐅᑎᓯᐅᑏᑦ

You are here

ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧᑦ ᑮᓇᐅᔭᓂ ᐱᓇᓱᐊᖅᑐᑦ ᑐᓐᓂᖅᑯᑕᐅᔪᓪᓗ

ᓄᕕᐱᕆ 07, 2013

ᐱᕙᓪᓕᐊᔪᑦ ᓴᖅᑭᑕᐅᔪᖅ

ᓴᖅᑭᑎᑕᐅᓯᑲᐅᑎᒋᔭᕆᐊᓕᒃ

ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧᑦ ᑮᓇᐅᔭᓂ ᐱᓇᓱᐊᖅᑐᑦ ᑐᓐᓂᖅᑯᑕᐅᔪᓪᓗ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 7, 2013) – ᐱᖓᓱᑦ ᓄᓇᕗᒻᒥᐅ ᐃᓕᓐᓂᐊᖅᑏᑦ ᑐᓐᓂᖅᑯᑕᐅᓯᒪᓕᖅᑐᑦ $5,000 ᐃᓕᓐᓂᐊᕈᑎᒃᓴᓂ ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧᑦ ᑮᓇᐅᔭᓂ ᐱᓕᕆᐊᑎᒍᑦ (ᐊᑎᖃᕐᓂᑯ ᖃᖓᑕᓲᓕᕆᓂᕐᒧ ᐃᖅᑲᓇᐃᔮᖅᑖᕋᓱᐊᕐᓂᕐᒧ ᐱᓕᕆᐊᑦ) 2013-2014 ᐃᓕᓐᓂᐊᕐᓇᐅᑉ ᐊᕐᕌᒍᖓᓄ.

ᐃᓕᓐᓂᐊᕈᑎᒧᑦ ᑮᓇᐅᔭᑦ ᑐᓐᓂᖅᑯᑕᐅᓲᑦ ᐊᕐᕌᒍᑕᒫ ᐃᓕᓐᓂᐊᖅᑎᓄ ᓄᓇᕗᒻᒥᙶᖅᑐᓂᑦ ᓄᓇᑦᑎᐊᕐᒥᓗ (NWT) ᐱᓇᓱᐊᖅᑐᓄᑦ ᐃᓕᓐᓂᐊᓪᓚᕆᖕᓂᕐᒥ ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧ ᐃᖅᑲᓇᐃᔮᒧᑦ. ᑕᐃᒪᓱᓕᐃᓕᓐᓂᐊᕈᑎᒃᓴᒧ ᑮᓇᐅᔭᓂ ᓄᓇᕗᒻᒥᐅ ᐱᓇᓱᐊᕈᓐᓇᖅᑐᑦ. ᓇᑉᐸᖏ ᐃᓕᓐᓂᐊᕈᑎᒧ ᑮᓇᐅᔭᑦ ($2,500 ᐅᓪᓗᓕᒫ ᐃᓕᓐᓂᐊᖅᑐᓄᑦ ᕿᓚᒻᒥᐅᓛᖓᒍᑦ 10 ᐱᓇᓱᐊᕈᓯᑦ ᐊᑯᓂᐅᑎᒋᓗᓂ) ᐊᑕᖏᕐᓗᒍᓗ ᐃᓕᓐᓂᐊᕈᑎᒧ ᑮᓇᐅᔭᑦ ($5,000 ᐅᓪᓗᓕᒫ ᐃᓕᓐᓂᐊᖅᑐᓄᑦ ᕿᓚᒻᒥᐅᓛᖓᒍᑦ 20 ᐱᓇᓱᐊᕈᓯᑦ ᐊᑯᓂᐅᑎᒋᓗᓂ) ᐱᑐᐃᓐᓇᐅᔪᑦ.

ᑕᒪᑐᒪᓂ ᐊᕐᕌᒎᔪᒧ ᐱᓇᓱᐊᖅᑐᑦ ᐅᑯᐊᖑᕗ:

ᑖᒥᔅ ᑲᓯᓐᔅ, ᐃᓕᓐᓂᐊᕈᑎᒧᑦ ᑮᓇᐅᔭᖅᑖᖅᑐᖅ ᐃᑲᔪᖅᓯᖅᑕᐅᓪᓗᓂ ᕗᕉᔅᑦ ᐃᐅᒃᑯᓐᓂ. ᑖᒥᔅ ᐱᔭᕆᐅᖅᑐᖅ.

ᑳᓕᓐ ᒐᓐ, ᐃᓕᓐᓂᐊᕈᑎᒧᑦ ᑮᓇᐅᔭᖅᑖᖅᑐᖅ ᐃᑲᔪᖅᓯᖅᑕᐅᓪᓗᓂ ᑭᕙᐄᑕᓐ ᐃᐅᒃᑯᓐᓂ. ᑳᓕᓐ ᐱᔭᕆᐅᖅᑐᖅ.

ᐊᓐᑐᕆᐊ ᓂᑉᑕᓇᑦᑎᐊᒃ, ᐃᓕᓐᓂᐊᕈᑎᒧᑦ ᑮᓇᐅᔭᖅᑖᖅᑐᖅ ᐃᑲᔪᖅᓯᖅᑕᐅᓪᓗᓂ ᓄᓇᕗᑦ ᒐᕙᒪᖓᓂ. ᐊᓐᑐᕆᐊ ᐱᔭᕆᐅᖅᑐᖅ.

ᑭᖑᓪᓕᕐᒥ ᐱᓇᓱᐊᕐᓴᕐᓂᖅ

ᑭᖑᓪᓕᕐᒥᑦ ᐱᓇᓱᒍᓐᓇᕐᓂᐊᕐᒥᔪᑦ ᓄᓇᕗᒻᒥ 6 ᐊᒥᐊᒃᑰᔪᓄ ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧᑦ ᑮᓇᐅᔭᓂ. ᐊᔪᙱᑎᑕᐅᔪᒪᓗᓂ, ᐃᓕᓐᓂᐊᖅᑏᑦ ᐃᓕᓐᓂᐊᕆᐊᖅᓯᒪᔭᕆᐊᖃᕐᓂᐊᖅᑐᑦ ᐋᒎᓯ 1, 2013 ᐊᒻᒪ ᐋᒎᓯ 31, 2014 ᕿᑎᐊᓂᓗ, ᓄᓇᑦᑎᐊᕐᒥᐅᑕᐅᓗᒍ ᓄᓇᕗᒻᒥᐅᑕᐅᓗᒍᓘᓐᓃ ᐊᑦᑎᓛᖓᒍᑦ ᒪᕐᕈᑦ ᐊᕐᕌᒎᓵᖅᑐᓄ, ᓄᓇᕗᒻᒧᓗ ᐅᑎᕐᓂᐊᕐᓗᒍ ᐃᖅᑲᓇᐃᔭᕆᐊᖅᑐᕐᓗᑎ ᖃᖓᑕᓲᓕᕆᓂᕐᒥ ᐱᔭᕇᕈᕕᑦ.

Communications 2013-11 NR45

ᐱᓇᓱᐊᕐᓂᕐᒧᑦ ᐃᓱᓕᕝᕕᖓ ᑭᖑᓪᓕᖓᓂ ᔮᓄᐊᕆ 31, 2014-ᖑᕗᖅ.

ᐱᓇᓱᐊᕈᒪᒍᕕ ᐊᑏ ᒪᐅᙵᕆ: http://www.dot.gov.nt.ca/_live/pages/wpPages/NorthernAviationScholarship...

ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒧᑦ ᑮᓇᐅᔭᓂ ᐱᓕᕆᐊᑦ ᖃᓄᐃᓕᐅᕈᑕᐅᓇᓱᐊᖅᐳᖅ ᓄᓇᑦᑎᐊ ᒐᕙᒪᖓᓂ ᐊᒻᒪ ᓄᓇᕗᑦ ᐃᓛᒃᑯᓪᓗ ᑮᓇᐅᔭᑎᒍ ᐃᑲᔪᖅᓯᖅᑕᐅᓪᓗᑎᒃ ᑎᔅᑲᕗᕆ ᐃᐅᒥ, ᕗᕉᔅᑦ ᐃᐅᒥ, ᑭᕙᐃᑕᓐ ᐃᐅᒥ, ᐊᒻᒪ ᓄᐊᑦ-ᕙᐃᑦ ᐃᐅᕖᔅᒥ. ᑖᓐᓇ ᐱᓕᕆᐊ ᐱᔪᒃᓯᑎᑦᑎᓇᓱᐊᖅᑐᖅ ᓄᓇᑦᑎᐊᕐᒥᐅᓂ ᓄᓇᕗᒻᒥᐅᓂᓪᓗ ᐅᑭᐅᖅᑕᖅᑐᒥ ᖃᖓᑕᓲᓕᕆᔨᙳᕆᐊ ᑮᓇᐅᔭᑎᒍ ᐃᑲᔪᖅᖢᑎᒃ ᐊᒃᑑᑎᔪᒧ ᖃᖓᑕᓲᓕᕆᓂᕐᒧ ᐱᓕᒻᒪᒃᓴᐅᑎᓄ.

###

ᑐᑭᓯᒋᐊᒃᑲᓐᓂᕈᒪᒍᕕ:

ᒫᑎᐅ ᐃᓚᓯᐅᐃᒃᔅ

ᐊᐅᓚᑦᑎᔨ, ᑐᓴᒐᒃᓴᓕᕆᓂᕐᒧᑦ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ

867-975-7818

millaszewicz@gov.nu.ca