ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᑲᔪᓯᑎᑦᓯᔪᑦ ᓯᕗᓪᓕᖅᐹᒥ ᐊᔪᖅᓴᓗᐊᖅᐸᑦᑐᑦ ᐱᔪᓐᓃᕐᔫᒥᑎᑕᐅᒐᓱᐊᕐᓂᖏᓐᓄᑦ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐱᖁᔭᖅ

ᒪᐃ 15, 2013

ᐱᕙᓪᓕᐊᔪᑦ ᑐᓴᕋᑦᓴᑦ

ᓴᖅᑭᖅᑕᐅᑦᓴᐅᑎᒋᒋᐊᓕᒃ

ᓄᓇᕗᒻᒥ ᑲᔪᓯᑎᑦᓯᔪᑦ ᓯᕗᓪᓕᖅᐹᒥ ᐊᔪᖅᓴᓗᐊᖅᐸᑦᑐᑦ ᐱᔪᓐᓃᕐᔫᒥᑎᑕᐅᒐᓱᐊᕐᓂᖏᓐᓄᑦ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐱᖁᔭᖅ

ᐃᖃᓗᐃᑦ, ᓄᓇᕗᑦ (ᒪᐃ 15, 2013) – ᐊᕐᕌᒍᓂᒃ ᐱᖓᓱᑲᓴᓐᓂᒃ ᑭᒃᑯᑐᐃᓐᓇᕐᓂᒃ ᐃᓚᐅᖃᑕᐅᑎᑦᓯᓯᒪᓪᓗᑎᒃ ᓄᓇᓕᓐᓂ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᓇᖕᒥᓂᖃᖅᑎᐅᔪᓂᒃ ᒐᕙᒪᒃᑯᓂᓪᓗ, ᓄᓇᕗᒻᒥ ᒪᓕᒐᓕᐅᖅᑏᑦ ᑲᔪᓯᑎᑦᓯᓯᒪᓕᖅᑐᑦ ᐱᖁᔭᑦᓴᖅ 59 - ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐱᖁᔭᖅ - ᓯᕗᓪᓕᖅᐹᖑᓪᓗᓂ ᑲᒪᒍᑎᐅᔪᖅ ᐊᑕᖏᖅᓯᓪᓗᑎᒃ ᐊᑐᐊᒐᓕᐅᕐᓂᕐᒧᑦ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ.

"ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᖅ ᑕᒪᑦᑕ ᑐᕌᒐᑦᑎᓐᓂ ᓯᕗᓪᓕᐅᑎᒍᒪᓯᒪᔭᕗᑦ ᓴᖅᑭᖅᑕᐅᖁᓪᓗᒍᓗ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐱᖁᔭᖅ ᑲᒪᒋᓂᐊᓚᐅᕋᑦᑎᒍ ᒐᕙᒪᒋᔭᑦᑕ," ᐅᖃᖅᓯᒪᔪᖅ ᓯᕗᓕᖅᑎ ᐄᕙ ᐋᕆᐊᒃ. "ᖁᕕᐊᒻᒪᕆᑦᑐᖓ ᒪᓕᒐᓕᐅᖅᑏᑦ ᑲᔪᓯᑎᑦᓯᓯᒪᓕᕐᖓᑕ ᐱᖁᔭᕐᒥᒃ. ᐱᒻᒪᕆᐅᒻᒪᑦ ᐱᓕᕆᐊᖃᕆᐊᖃᕐᓂᕗᑦ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᓂᕆᐊᖅᑕᐅᓯᒪᓂᖏᑦ ᒐᕙᒪᐅᔪᑦ ᐊᓂᒍᖅᓯᒪᓕᕋᓗᐊᖅᑎᓪᓗᒋᑦ."

ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᑲᑐᔾᔨᖃᑎᒌᒍᑎᖃᕐᓂᕐᒧᑦ ᐱᖁᔭᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐃᒪᐃᓕᐅᕈᑕᐅᒋᐊᓕᒃ:

ᐃᓚᐅᖃᑕᐅᓗᑎᒃ ᑲᑐᔾᔨᖃᑎᒋᓗᒋᑦ ᓄᓇᕗᑦ ᑐᙵᕕᒃᑯᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᐊᓯᖏᑦ ᒐᕙᒪᐃᑦ, ᒐᕙᒪᒃᑯᓐᓃᖔᙱᑦᑐᑦ ᑲᑐᔾᔨᖃᑎᒌᑦ ᓇᖕᒥᓂᖃᖅᑎᐅᔪᓪᓗ ᓄᓇᕗᒻᒥ ᑲᑎᒪᔨᖏᑎᒍᑦ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᐊᑐᓕᖅᑎᑕᐅᖁᓪᓗᒍ ᒪᑭᒪᓂᖅ ᐸᕐᓇᐅᑎ ᐊᕐᕌᒍᓄᓪᓗ ᑕᓪᓕᒪᓄᑦ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᐸᕐᓇᐅᑎ ᒪᓕᑦᑕᐅᓗᓂ ᐃᓛᒃᑰᖅᑐᖅ 32 ᓄᓇᕗᒻᒥ ᓄᓇᑖᖅᓯᒪᓂᕐᒧᑦ ᐊᖏᕈᑎ.

"ᑖᓐᓇ ᐱᖁᔭᖅ ᓇᓗᓇᐃᖅᓯᓯᒪᒍᑕᐅᓂᐊᖅᑐᖅ ᒐᕙᒪᒃᑯᑦ ᑲᑐᔾᔨᖃᑎᖃᑦᓯᐊᖁᓪᓗᒋᑦ ᐊᓯᖏᓐᓂᒃ ᐋᖅᑭᑦᓱᐃᓗᑎᒃ ᐊᑯᓂᐅᔪᒧᑦ ᐊᔪᖅᓴᓗᐊᖅᐸᑦᑐᓂᒃ ᐱᔪᓐᓃᕐᔫᒥᑎᑦᓯᒐᓱᐊᕐᓂᕐᒧᑦ ᐸᕐᓇᐅᑎᒥᒃ," ᐅᖃᖅᓯᒪᔪᖅ ᒫᓂᑲ ᐃᐅᓪ, ᒥᓂᔅᑕ ᐃᓄᓕᕆᔨᒃᑯᓐᓄᑦ. "ᖃᐅᔨᒪᓕᕋᑦᑕ ᐊᔪᖅᓴᓗᐊᖅᐸᑦᑐᑦ ᐱᔪᓐᓃᕐᔫᒥᑎᑕᐅᖁᓪᓗᒋᑦ, ᑲᑐᔾᔨᖃᑎᒌᒋᐊᖃᕐᓂᑎᓐᓂᒃ. ᑭᒃᑯᓕᒫᑦ ᐃᑲᔪᖃᑕᐅᒋᐊᓖᒃ."

ᐱᖁᔭᖅ ᐊᑕᖏᖅᑐᑎᒃ ᐃᑲᔪᖅᓱᖅᑕᐅᓚᐅᖅᑐᖅ ᓄᓇᕗᒻᒥ ᒪᓕᒐᓕᐅᖅᑎᓄᑦ.

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ

ᐋᓐᑐᕋᐃ ᐊᐃᐸᓇᔾ

ᑐᓴᕋᑦᓴᓕᕆᓂᕐᒧᑦ ᑲᒪᔨ

ᐃᓄᓕᕆᔨᒃᑯᑦ

867-975-7821

aibanez@gov.nu.ca