ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎᑉ ᐱᒃᑯᒋᕚ ᓄᓇᕘᒥ ᑲᒥᓯᓇᐅᑉ ᑐᒡᓕᖓ ᐊᕐᕌᒍᒥ ᑐᒡᓕᕌᓕᕐᓂᐊᓄᑦ

ᓯᑎᐱᕆ 05, 2013

ᑐᓴᒐᒃᓴᖅ ᓴᖅᑭᑕᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓯᕗᓕᖅᑎᑉ ᐱᒃᑯᒋᕚ ᓄᓇᕘᒥ ᑲᒥᓯᓇᐅᑉ ᑐᒡᓕᖓ ᐊᕐᕌᒍᒥ ᑐᒡᓕᕌᓕᕐᓂᐊᓄᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 5, 2013) – ᓯᕗᓕᖅᑎ ᐄᕙ ᐋᕆᐊᖅ ᐱᒃᑯᒍᓱᒃᐳᖅ ᓂᐊᓕ ᑯᓱᒐᕐᒥᒃ ᑲᖏᕐᖠᓂᕐᒥᐅᑕᕐᒥᒃ ᐊᕐᕌᒎᑉ ᐱᖃᑖᓄᑦ ᐃᓕᓯᒪᓕᕐᓂᐊᓂ ᑲᒥᓯᓇᐅᑉ ᑐᒡᓕᕆᓪᓗᓂᐅᒃ ᓄᓇᕘᒧᑦ. ᑯᓱᒐᖅ ᐅᓪᓗᒥ ᐊᖏᖅᑎᑕᐅᓚᐅᖅᑐᖅ ᓄᓇᕘᒥ ᑲᒥᓯᓇᐅᑉ ᑐᒡᓕᕆᓂᐊᕐᓗᓂᐅᒃ.

"ᖁᕕᐊᒋᕙᕋ ᑲᒥᓯᓇ ᓄᓇᕘᒧᑦ ᐃᑲᔪᖅᑐᖅᑕᐅᖏᓐᓇᕐᓂᐊᕐᒪᑦ ᐱᓕᕆᐊᒃᓴᖏᓐᓄᑦ ᑐᒡᓕᕆᔮᑕ ᑕᐅᕙᓂ ᑭᕙᓪᓕᕐᒥ ᐊᕕᒃᓯᒪᓂᐅᔪᒥ," ᐅᖃᖅᑐᖅ ᓯᕗᓕᖅᑎ ᐋᕆᐊᒃ. ‘ᐱᒃᑯᒋᔪᒪᓪᓗᒍ ᐊᒻᒪᓗ ᑕᐃᒪᑐᖅ ᖃᓄᐃᓗᐊᕐᓂᐊᖏᓚᖅ ᐊᕐᕌᒍᑦ ᐱᖓᓱᑦ ᐊᑐᕐᓂᐊᖅᑐᓂ."

ᓂᐊᓕ ᑯᓱᒐᖅ ᐃᓕᓴᐃᔨᐅᓚᐅᖅᓯᒪᔪᖅ ᐊᕐᕌᒍᓄᑦ ᐊᕙᑎᑲᓴᖕᓄᑦ ᐊᒻᒪᓗ ᖃᐅᔨᒪᓂᖃᑦᑎᐊᖅᖢᓂ ᑕᒪᐃᓂᒃ ᐃᓕᖅᑯᓯᒃᑯᑦ ᐊᒻᒪᓗ ᐃᓕᓐᓂᐊᖅᓯᒪᓪᓗᓂ. 1996-ᒥ ᓇᓗᓇᐃᒃᑯᑕᖅᑖᓚᐅᖅᓯᒪᔪᖅ ᑕᐃᑲᙵᑦ ᓄᓇᕘᒥ ᐃᓕᓴᐃᔨᙳᖅᓴᖅᑐᑦ ᐱᓕᕆᐊᖏᑦᑎᒍᑦ, ᐱᕚᓪᓕᕐᓂᕐᒧᑦ ᖁᑦᑎᓛᒦᓚᐅᖅᑐᖅ ᐃᓕᓐᓂᐊᖅᑕᒥᓂ. ᐊᒥᓱᓂᒃ ᐱᐊᓂᒃᓯᓪᓗᓂ, ᓇᓗᓇᐃᒃᑯᑕᖅᑖᖅᓯᒪᒋᓪᓗᓂ ᓄᓇᖃᖅᑳᖅᑐᓄᑦ ᐊᒻᒪ ᐅᑭᐅᖅᑕᖅᑐᒥᐅᓂ ᐃᓕᓐᓂᐊᕐᓂᓕᕆᓂᕐᒧᑦ McGill ᓯᓚᑦᑐᓴᕐᕕᒡᔪᐊᖓᓂᑦ; ᖃᔅᓯᒐᓴᖕᓄᑦ ᐃᓚᒋᔭᐅᖃᑦᑕᖅᓯᒪᔪᖅ ᐊᔪᙱᑕᖃᕐᓂᕐᒧᑦ ᑲᑐᔾᔨᖃᑎᒌᓄᑦ; ᐊᒻᒪᓗ ᐃᓚᐅᖏᓐᓇᓚᐅᖅᑐᖅ ᓄᓇᓕᖕᓂ ᖃᓄᐃᓕᐅᕐᓂᐅᔪᓂ ᐊᒻᒪ ᐊᑭᓕᓱᖅᑕᐅᓇᓂ ᐱᓕᕆᑲᑕᖃᑦᑕᖅᖢᓂ ᓄᓇᒥᓂ ᑲᖏᕐᖠᓂᕐᒥ. ᑲᒥᓯᓇᐅᑉ ᑐᒡᓕᐊ ᐃᓂᐅᔪᖅ ᐊᕐᕌᒍᓄᑦ ᐱᖓᓱᓄᑦ ᐃᓂᒋᔭᐅᔪᓐᓇᖅᖢᓂ.

###

ᑐᓴᒐᒃᓴᒧᑦ ᐅᖃᕐᕕᐅᔪᓐᓇᖅᑐᖅ:

ᐄᒪᓕ ᕘᑦᔅ

ᑎᑎᕋᕐᕕᖕᒥ ᑎᑎᕋᖅᑎ ᓯᕗᓕᖅᑎᑉ ᑎᑎᑦᕋᕐᕕᐊ

(867) 975-5059

ewoods@gov.nu.ca