ᓯᕗᓪᓕᖅᐹᕆᔭᐅᔪᖅ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓂᖅ ᒪᓂᒪᑎᑕᐅᔪᖅ ᐃᖃᓗᓐᓂ

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓯᕗᓪᓕᖅᐹᕆᔭᐅᔪᖅ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓂᖅ ᒪᓂᒪᑎᑕᐅᔪᖅ ᐃᖃᓗᓐᓂ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 27, 2013) ᓄᓇᕗᑦ ᒐᕙᒪᖓ, ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ, ᐊᒻᒪᓗ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᑲᑐᔾᔨᖃᑎᒌᖕᒪᑕ ᐋᖅᑭᒃᓱᐃᓂᕐᒥᑦ ᓄᑖᖑᔪᒥᑦ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓇᖅᑐᒥᑦ ᐃᑲᔫᑎᖃᕐᓂᐊᖅᑐᖅ ᓄᓇᕐᓂᒃ-ᐃᓄᖕᓂᒃ ᐊᑲᐅᙱᓕᐅᕈᑕᐅᕙᒃᑐᓂᑦ ᓄᓇᕗᒻᒥ.

"ᐱᓕᕆᓂᖃᖅᓯᒪᔪᐃᓐᓇᐅᒐᑦᑕ ᑖᒃᑯᐊ ᐃᓄᐃᑦ ᓄᓇᕗᒻᒥᐅᑕᐅᔪᑦ ᐃᖅᑲᓇᐃᔭᖅᑐᐃᓪᓗ ᓴᖅᑭᔮᖃᑎᒌᔪᓐᓇᖁᓪᓗᒋᑦ ᑖᒃᑯᓄᖓ ᓇᓅᔪᓄᑦ," ᐅᖃᖅᑐᖅ ᓯᑏᕝ ᐱᖕᒃᓯᓐ, ᒥᓂᔅᑕᐅᑉ ᑐᒡᓕᒋᓚᐅᑲᒃᑕᖓ ᐊᕙᑎᓕᕆᔨᒃᑯᓐᓄᑦ ᓄᓇᕗᑦ ᒐᕙᒪᒃᑯᖏᓐᓄᑦ. "ᑖᓐᓇ ᓄᑖᖑᔪᖅ ᐃᓕᓐᓂᐊᕐᓇᖅᑐᖅ ᐱᕕᖃᖅᑎᑦᑎᓂᐊᖅᑐᖅ ᐃᓕᓐᓂᐊᖅᑎᐅᔪᓂᒃ ᐊᔪᙱᓐᓂᖃᕐᓂᕐᒥᑦ ᓄᓇᕗᒻᒥᐅᓂᒃ ᓴᐳᔾᔨᔪᓐᓇᕐᓗᑎᑦ ᐊᒻᒪᓗ ᐃᑲᔪᕈᓐᓇᕐᓗᑎᑦ ᓄᖑᕋᐃᑎᑦᑎᑦᑕᐃᓕᒪᓂᕐᒧᑦ ᐱᒻᒪᕆᔭᑦᑎᓐᓂ ᓂᕐᔪᑎᓂ."

ᓄᓇᕗᑦ ᒐᕙᒪᖓᑕ ᓇᓄᕐᓂᒃ ᑲᑉᐱᐊᓵᕆᓂᒃᑯᑦ ᕿᒫᑎᑦᑎᓂᕐᒧᑦ ᐱᓕᕆᐊᒃᓴᖏᑦ ᐱᓕᕆᖃᑎᖃᑦᑎᐊᓲᑦ ᓄᓇᓕᐅᔪᓂᑦ, ᓄᓇᕐᔪᐊᕐᒥ ᐆᒪᔪᓕᕆᔨᒃᑯᓐᓂ, ᐃᖅᑲᓇᐃᔭᕐᕕᓂ, ᐊᓯᖏᓪᓗ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᐊᒻᒪᓗ ᐃᓛᒃᑯᖓᔪᓂᒃ ᒥᑭᒡᓕᒋᐊᖅᑎᑦᑎᓂᕐᒥᑦ ᓇᓄᕐᓂᒃ-ᐃᓄᖕᓄᑦ ᐊᑲᐅᙱᓕᐅᕈᑎᓂᒃ. ᓄᑖᖑᔪᖅ ᐃᓕᓐᓂᐊᕐᓇᖅᑐᖅ, ᐃᓚᒃᑲᓐᓂᕈᑎᐅᔪᖅ ᑖᔅᓱᒧᖓ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓇᖅᑐᖅ ᐋᖅᑭᒃᓱᖅᑕᐅᓯᒪᔪᖅ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᓚᓕᐅᑕᐅᓪᓗᓂ ᓄᓇᕐᔪᐊᒥ ᐅᑭᐅᖅᑕᖅᑑᑉ ᐊᕐᕌᒍᖓᓂ, ᐆᑦᑑᑎᒃᑲᓐᓂᐅᔪᖅ ᖃᓄᖅ ᑲᑐᔾᔨᖃᑎᒌᑦ ᐃᑲᔪᕐᓂᖃᓲᖑᒻᒪᖔᑦ ᓄᓇᓕᐅᔪᓄᑦ, ᓇᒻᒥᓂᖃᖅᑎᐅᔪᓄᑦ, ᐃᖅᑲᓇᐃᔭᕐᕕᖕᓄᑦ, ᖃᐅᔨᓴᖅᑎᓄᑦ, ᒐᕙᒪᒃᑯᓐᓄᓪᓗ ᓄᓇᕘᓕᒫᒥᑦ. ᓄᑖᖑᔪᖅ ᐃᓕᓐᓂᐊᕐᓂᒃᑯᑦ ᐃᑲᔫᑎᒃᓴᑦ ᑐᕌᕐᕕᖃᕐᓂᐊᖅᑐᑦ ᓴᐳᔾᔨᓂᕐᒥᑦ ᐃᓄᖕᓂᑦ, ᐱᖁᑎᓂ ᓇᓄᖕᓂᓗ ᓇᓗᓇᐃᖅᓯᓂᒃᑯᑦ ᑲᑉᐱᐊᓵᕆᓂᒃᑯᓪᓗ ᕿᒫᑎᑦᑎᓂᕐᒥᑦ.

ᐃᓕᓴᖅᓯᓂᖅ ᐊᑐᖅᑕᐅᖃᑦᑕᕐᓂᐊᖅᑐᒥᑦ ᐃᓕᓐᓂᐊᕐᓂᒃᑯᑦ ᓇᓄᕐᓂᒃ ᓴᐳᔾᔨᔨᐅᓂᐊᖅᑐᓄᑦ, ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ ᐱᓕᕆᖃᑎᖃᖅᓯᒪᔪᑦ ᓄᓇᕗᑦ ᒐᕙᒪᖓᓂ ᐊᒻᒪᓗ ᒥᕐᖑᐃᖅᓯᕐᕕᓕᕆᔨᒃᑯᓐᓂ ᓄᓇᕗᒻᒥ ᐊᕐᕌᒎᑉ ᐃᓗᐊᓂ ᐋᖅᑭᒃᓱᐃᓂᕐᒥᑦ ᓄᑖᖑᔪᒥᑦ ᐃᓕᓐᓂᐊᕈᑎᒃᓴᐅᓂᐊᖅᑐᒥᑦ.

"ᖁᕕᐊᓱᒃᐳᒍᑦ ᑲᔪᓯᑎᑦᑐᓐᓇᕋᑦᑎᒍ ᑲᑐᔾᔨᖃᑎᒌᓂᕆᔭᕗᑦ ᑲᔪᓯᑎᑦᑎᓂᕐᒥᑦ ᓯᕗᓪᓕᖅᐹᕆᔭᐅᔪᒥᑦ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓂᕐᒥᑦ, ᑮᓇᐃᔭᖃᖅᑎᑕᐅᓪᓗᓂ ᑖᒃᑯᓇᙵᑦ ᑰᑲ-ᑰᓚ ᐅᑭᐅᖅᑕᖅᑐᒥᑦ ᐊᖏᕐᕋᖃᕐᓂᕐᒧᑦ ᐱᓕᕆᐊᖑᔪᒥᑦ," ᐅᖃᖅᑐᖅ ᒪᕐᑎᓐ ᕚᓐ ᒨᕐᕚᑦᔅ, ᑐᑭᒧᐊᒃᑎᑦᑎᔨ ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ-ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐱᓕᕆᐊᖑᔪᒥᑦ. "ᑕᒪᓐᓇ ᐱᓕᕆᓂᐅᔪᖅ ᐱᒻᒪᕆᐅᔪᖅ ᑖᓐᓇ ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ ᐃᑲᔪᕐᓂᕆᔪᒪᔭᖓᓂ ᒥᑭᓪᓕᑎᕆᓂᕐᒧᑦ ᐃᓄᖕᓂᑦ-ᓇᓄᕐᓂᒃ ᐊᑲᐅᙱᓕᐅᕈᑕᐅᔪᓂᒃ ᑲᓇᑕᒥ ᐅᑭᐅᖅᑕᖅᑐᓕᒫᒥᓗ."

ᓯᕗᓪᓕᖅᐹᒥᑦ ᓇᓄᕐᓂᒃ ᓴᐳᔾᔨᔨᐅᓂᕐᒧᑦ ᐃᓕᓐᓂᐊᕐᓂᖅ ᒪᓂᒪᑎᑕᐅᓂᐊᖅᑐᖅ ᐃᖃᓗᓐᓂ ᓄᕕᐱᕆ 29ᒥ ᑎᓯᐱᕆ 1ᒧᑦ, 2013ᒥ ᓄᓇᓕᓐᓂ ᓇᓄᕐᓄᑦ ᓴᐳᔾᔨᔨᐅᓂᐊᖅᑐᓄᑦ, ᓄᓇᕗᒻᒥ ᑲᓇᑕᒥᓗ ᒥᕐᖑᐃᖅᓯᕐᕕᓕᕆᔨᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ ᓄᓇᒥ ᐃᖅᑲᓇᐃᔭᖅᑎᐅᕙᒃᑐᓄᑦ, ᐊᒻᒪᓗ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓄᓪᓗ ᐊᕙᑎᓕᕆᓂᕐᒧᑦ ᐱᓕᕆᐊᒃᓴᐅᔪᒧᑦ.

ᓄᓇᕗᑦ ᒐᕙᒪᖓ, ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ, ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᑲᔪᓯᓂᖃᕐᓂᐊᖅᑐᑦ ᐱᓕᕆᖃᑎᒌᑦᓯᐊᕐᓂᒃᑯᑦ ᐊᓯᖏᓐᓂᒃ ᐊᖏᓪᓕᑎᕆᓂᕐᒧᑦ ᐃᓄᖕᓂᒃ ᓇᓄᕐᓂᓗ ᓴᐳᔾᔨᓯᒪᓂᕐᒥᑦ ᓄᓇᕘᒥ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:

ᑕᐃᓗ ᕌᔅ

ᐊᐅᓚᑦᑎᔨᐅᑲᐃᓐᓇᖅᑐᖅ ᑐᓴᒐᒃᓴᓕᕆᓂᕐᒧᑦ

ᐊᕙᑎᓕᕆᔨᒃᑯᑦ

tross1@gov.nu.ca

867-975-7720

 

 

ᕆᐋᓇᓐ ᔮᓐ

ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ-ᑲᓇᑕᒥ

rjohn@wwfcanada.org

416-347-1894

 

 

ᒋᐅᕆ ᐊᓐᔅ

ᓯᓚᑖᓃᙶᖅᑐᓂᒃ ᐊᐅᓚᑦᑎᔨ

ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ

garry.enns@pc.gc.ca

867-975-4680

ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ ᒥᒃᓵᓄᑦ

ᓄᓇᕐᔪᐊᕐᒥᑦ ᐆᒪᔪᓕᕆᔨᒃᑯᑦ ᓴᖅᑮᕙᓪᓕᐊᔪᑦ ᖃᓄᖅᑑᕈᑎᒃᓴᓂᑦ ᐊᒃᓱᕈᕐᓇᕐᓂᖅᐹᕈᑕᐅᔪᓄᑦ ᐱᐅᖅᓱᐊᕐᓂᕐᒧᑦ ᓄᓇᕐᔪᐊᑎᓐᓂ, ᐃᑲᔪᖅᑐᑦ ᐃᓄᖕᓂᑦ ᐆᒪᔪᓂᓪᓗ ᑲᔪᓯᓂᖃᑦᑎᐊᕐᓂᕐᒥᑦ. www.wwf.ca