You are here
ᓇᒻᒥᓂᖅᓱᕐᓂᖅ
ᑭᓲᕙ ᓇᖕᒥᓂᖅᓱᕐᓂᖅ?
ᓇᖕᒥᓂᖅᓱᕐᓂᖅ ᐱᓕᕆᓂᐅᕙᓪᓕᐊᕙᒃᐳᖅ ᓅᑎᑦᑎᕙᓪᓕᐊᓂᐅᓪᓗᓂ ᐊᐅᓚᑦᑎᔪᓐᓇᕐᓂᕐᒥᒃ ᓄᓇᕗᒻᒥᐅᑦ ᑭᒃᑯᑐᐃᓐᓇᓄᑦ (ᑯᐃᓐ ᓄᓇᖁᑖ) ᓄᓇᖁᑎᒋᔭᖏᓐᓂᒃ ᐊᑐᖅᑕᐅᔪᓐᓇᖅᑐᓂᒡᓗ ᓄᓇᕗᑦ ᒐᕙᒪᒃᑯᖏᓐᓄᑦ. ᓇᖕᒥᓂᖅᓱᕐᓂᖅ ᐱᕕᖃᖅᑎᑦᑎᓂᐊᖅᑐᖅ ᓄᓇᕗᒻᒥᐅᓂᒃ ᐋᖅᑭᒃᓯᒪᓕᖅᑎᑦᑎᔪᓐᓇᕐᓗᑎᒃ ᖃᓄᖅ ᑭᒃᑯᑐᐃᓐᓇᓄᑦ ᓄᓇᖁᑎᒋᔭᐅᔪᑦ ᐊᑐᖅᑕᐅᖃᑦᑕᕐᓂᐊᕐᒪᖔᑕ ᑲᔪᓯᑎᑕᐅᕙᓪᓕᐊᖃᑦᑕᕐᓂᐊᕐᒪᖔᑕᓗ. ᐊᖏᖃᑎᒌᒍᑎᒥᒃ ᐋᔩᖃᑎᖃᕈᑎᖃᖅᑐᖃᕐᓂᐊᖅᐳᖅ ᓄᓇᕗᑦ ᒐᕙᒪᒃᑯᖏᓐᓄᑦ, ᑲᓇᑕᐅᑉ ᒐᕙᒪᖓᓄᑦ ᓄᓇᕗᑦ ᑐᙵᕕᒃᑯᓐᓄᓪᓗ, ᑕᓐᓇ ᐋᖅᑭᒃᓯᔾᔪᑕᐅᓗᓂ ᑲᔪᓯᐊᕝᕕᐅᕙᓪᓕᐊᓇᔭᖅᑐᒥᒃ ᑕᒪᑐᒧᖓ ᓅᑎᑦᑎᕙᓪᓕᐊᓂᕐᒧᑦ.
ᖃᓄᐃᒻᒪᑦ ᓇᖕᒥᓂᖅᓱᕈᓐᓇᕐᓂᖅ ᐱᒻᒪᕆᐅᕙ ᓄᓇᕗᒻᒧᑦ?
ᓇᖕᒥᓂᖅᓱᕈᓐᓇᕐᓂᖅ ᐱᑎᑦᑎᓂᐊᖅᐳᖅ ᐋᖅᑭᒃᓯᒪᓕᖅᑎᑦᑎᔪᓐᓇᕐᓂᕐᒥᒃ ᖃᓂᓐᓂᖅᓴᐅᓕᕐᓗᓂ ᓄᓇᒋᔭᐅᔪᒧᑦ, ᓄᓇᕗᒻᒥᐅᓂᒃ ᐱᑎᑦᑎᓗᓂ ᐊᖏᓂᖅᓴᒥᒃ ᐅᖃᕐᕕᖃᕈᓐᓇᕐᓂᕐᒥᒃ ᐃᓱᒪᒋᔭᒃᓴᓄᑦ ᐊᒃᑐᖅᓯᓕᖅᐸᒃᑐᓄᑦ. ᑭᖑᓪᓕᖅᐹᑦ ᐋᖅᑭᒃᓯᒪᓕᖅᑎᑕᐅᔪᑦ ᑭᒃᑯᑐᐃᓐᓇᓄᑦ ᓄᓇᖁᑎᒋᔭᐅᔪᓂᒃ ᐊᑐᖅᑕᐅᔪᓐᓇᖅᑐᓪᓗ ᓄᓇᒥᑦ ᐊᑐᖅᑕᐅᕙᖕᓂᖏᑦ ᐋᖅᑭᒃᑕᐅᖃᑦᑕᕐᓂᐊᖅᐳᑦ ᓄᓇᕗᒻᒥ, ᐋᑐᕚᒥᐅᙱᑦᑐᖅ. ᓇᖕᒥᓂᖅᓱᕐᓂᖅ ᐊᔪᕈᓐᓃᖅᑎᑦᑎᓂᐊᖅᑐᖅ ᓄᓇᕗᒻᒥᐅᓂᒃ ᐊᐅᓚᑦᑎᑦᑎᐊᒃᑲᓐᓂᕈᓐᓇᓕᕐᓗᑎᒃ ᖃᓄᖅ ᓱᒃᑲᓕᑎᒋᓂᖓᓂᒃ ᐱᕙᓪᓕᐊᓂᕆᔪᖅ ᑲᔪᓯᑎᑦᑎᓗᓂᓗ ᐆᒥᖓ, ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ, ᐊᕙᑎᒥᒡᓘᓐᓃᑦ ᑲᒪᒋᔭᖃᖅᐸᖕᓂᕐᒥᒃ.
ᓄᓇᕗᒻᒥᐅᑦ ᐱᑐᐃᓐᓇᕆᐊᖃᓕᖅᐹᑦ ᓇᖕᒥᓂᖅᓱᕈᓐᓇᕐᓂᕐᒦᒃ?
ᐄ. ᓇᖕᒥᓂᖅᓱᕈᓐᓇᕐᓂᖅ ᐱᒻᒪᕆᐊᓘᕗᑦ ᐱᒋᐊᕐᕕᐅᔪᓐᓇᖅᖢᓂ ᐱᓕᕆᐊᖃᐃᓐᓇᕈᓐᓇᕐᓂᕐᒥᒃ ᐱᓕᕆᐊᖑᕙᓪᓕᐊᓯᒪᔪᒥᒃ ᐱᒋᐊᖅᑕᐅᓚᐅᖅᓯᒪᔪᒥᒃ ᓄᓇᑖᕐᓂᕐᒧᑦ ᐋᔩᖃᑎᒋᒍᑕᐅᔪᓂᒃ ᐱᑖᖅᑎᑕᐅᓂᕐᓗ. ᓄᓇᕗᑦ ᒐᕙᒪᖓ ᐱᕙᒌᔭᖅᓯᒪᕗᑦ ᐋᔩᖃᑎᖃᕈᓐᓇᕐᓂᕐᒧᑦ ᐊᖏᖃᑎᒌᒍᖕᒥᒃ ᑲᓇᑕᓗ ᓄᓇᕗᑦ ᑐᙵᕕᒃᑯᓪᓗ. ᑕᒪᓐᓇ ᐋᔩᖃᑎᒌᖕᓂᖅ ᐱᐅᓛᖑᓇᔭᖅᑐᒧᑦ ᓄᓇᕗᒻᒥᐅᓄᑦ ᐊᑯᓂᐅᐸᓗᒃᑲᔭᕋᓗᐊᖅᑎᓪᓗᒍ, ᓄᓇᕗᑦ ᐊᑐᐃᓐᓇᐅᑦᑎᐊᓕᖅᑐᖅ ᓯᕗᒧᐊᒃᑲᓐᓂᕈᑎᒋᒐᔭᖅᑕᖓᓂᒃ.
ᓇᖕᒥᓂᖅᓱᕐᓂᖕᒧᑦ ᑐᖅᑲᖅᑕᕐᕕᒃᑯᑦ ᖃᓄᐃᓕᐅᖅᐸᒃᒪᑕ?
ᖃᓄᐃᓕᖓᓂᖓ ᐊᒻᒪᓗ ᐊᔪᕐᓇᙱᓐᓂᕆᔭᖏᑦ ᐊᔪᕐᓇᕐᓂᕆᔭᖏᓪᓗ ᓇᒻᒥᓂᖅᓱᕐᓂᕐᒧᑦ ᐱᓕᕆᐊᖑᐃᓐᓇᕐᒪᑕ ᐱᓕᕆᕝᕕᒃᑯᑦ ᐋᔨᖃᑎᒌᒍᑕᐅᓪᓗᑎᒃ ᐊᒻᒪᓗ ᓴᖅᑭᑦᑎᓇᓱᒡᓗᑎᒃ ᓇᒻᒥᓂᖅᓱᕐᓂᕐᒧᑦ ᐊᖏᖃᑎᒌᒍᒻᒥᒃ. ᑖᓐᓇ ᐱᓕᕆᕝᕕᒃ ᑐᑭᒧᐊᒃᑎᑦᑎᔨᐅᕝᕕᐅᖕᒪᑦ ᓯᐊᒻᒪᒃᑎᕆᓂᕐᒧᑦ ᐋᔨᖃᑎᒋᔭᐅᕕᐅᓪᓗᓂ ᑲᓇᑕᒥ ᒐᕙᒪᒃᑯᓐᓂᑦ (GC) ᐊᒻᒪᓗ ᓄᓇᕗᑦ ᑐᙵᕕᒃᑯᓐᓄᑦ (NTI). ᑖᓐᓇᓗ ᐱᓕᕐᕆᕝᕕᒃ ᐱᔭᒃᓴᖃᕆᕗᖅ ᓴᖅᑭᑦᑎᕙᓪᓕᐊᔭᕆᐊᖃᕐᓂᕐᒥᒃ ᐱᐊᓂᒃᑕᐅᓕᖅᑐᒥᒃ ᐊᖏᖃᑎᒋᖃᑦᑕᐅᑎᔾᔪᑎᒥᒃ ᐊᕐᕌᒎᔪᓄᑦ ᑕᐃᒪᙵᑦ ᐋᔨᖃᑎᒌᒍᑕᐅᖃᑦᑕᓕᓚᐅᖅᑎᓪᓗᒍ. [RS1]
ᓄᓇᕗᑦ ᓄᓇᖏᓐᓂᒃ ᓄᓇᒦᓐᖔᖅᑐᓂᓪᓗ ᐊᐅᓚᑦᓯᔪᓐᓇᐅᑎᑖᕐᐸᓪᓕᐊᓂᕐᒧᑦ ᐊᖏᕈᑕᐅᒋᐊᓐᖓᖅᑐᖅ:
ᑐᑭᓯᐅᒪᓂᖅ ᓇᒻᒥᓂᖅᓱᕐᓂᕐᒧᑦ ᓯᕗᓪᓕᖅᐹᖅᓯᐅᒻᒥᒃ ᐊᖏᕈᑎᒥᒃ
ᓄᓇᕗᑦ ᓄᓇᖏᓐᓂᒃ ᓄᓇᒦᓐᖔᖅᑐᓂᓪᓗ ᐊᐅᓚᑦᓯᔪᓐᓇᐅᑎᑖᕐᐸᓪᓕᐊᓂᕐᒧᑦ ᐊᖏᕈᑕᐅᒋᐊᓐᖓᖅᑐᖅ
ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᑎᖏᑦ ᑐᑭᒧᐊᒍᑎᒃᓴᓕᐅᖅᐸᓪᓕᐊᓂᖅ ᓇᖕᒥᓂᖅᓱᖅᐸᓪᓕᐊᓂᕐᒧᑦ
ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᑎᖏᑦ ᑐᑭᒧᐊᒍᑎᒃᓴᓕᐅᖅᐸᓪᓕᐊᓂᖅ ᓇᖕᒥᓂᖅᓱᖅᐸᓪᓕᐊᓂᕐᒧᑦ