ᐅᖃᓚᐅᑎᓯᐅᑏᑦ

You are here

ᐊᐅᓪᓚᖃᑦᑕᖅᑐᑦ ᐃᓄᑑᔭᕆᐊᖃᕐᓂᕐᓗ

ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕈᑏᑦ

ᐅᓇ ᓇᕿᓪᓗᒍᑦ ᐅᑎᕈᒪᒍᕕᑦ ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕐᕕᖕᒧᑦ

 

ᓄᓇᕗᑦ ᒐᕙᒪᒃᑯᖏᑦ ᐊᐅᓚᖃᑦᑕᕐᓂᖕᒧᑦ ᑭᒡᓕᖃᖅᑎᑕᐅᔪᑦ ᓄᓇᓕᖕᒥᐅᓄᑦ ᓄᓇᓕᖕᒥᐅᑕᐅᙱᑦᑐᓄᓪᓗ ᓄᓇᕗᒻᒧᐊᓕᕐᑐᑦ.

ᐅᑐᐱᕆ 31−ᖑᓕᕐᑎᓪᓗᒍ, ᓄᑖᖅ ᑲᓇᑕᐅᑉ ᒐᕙᒪᒃᑯᖏᑦᑕ ᖃᐅᔨᒪᔾᔪᑎᒃᓴᖏ ᑕᒪᐃᓐᓂ ᐃᑭᒪᔪᓕᒫᓂ ᐅᑭᐅᓕᑦ 12 ᐅᖓᑖᓄ ᖃᖓᑕᓲᑯᑦ ᑎᑎᖅᑲᖃᖁᔨᓪᓗᑎᒃ ᑲᐱᔭᐅᓯᒪᓂᖏᑦᑕ ᒥᒃᓵᓄ ᐊᐅᓪᓚᕐᓂᐊᕐᓗᑎᒃ.

ᓄᕕᐱᕆ 4, 2021−ᓗᒍ, ᓱᒃᑲᔪᒥ ᓄᕙᒡᔪᐊᕐᓇᖅ-19 ᖃᐅᔨᓴᕐᕕᒃᑕᖃᓕᓚᐅᕐᑐᑦ ᐃᖃᓗᐃᑦ ᒥᑦᑕᕐᕕᐊᓂᑦ. ᑖᓐᓇ ᐃᒻᒥᒥ−ᖃᐅᔨᓴᕈᑎ ᖃᖓᑕᓲᓕᕆᔨᒃᑯᓐᓂᖔᕐᓂᐊᕐᑐᖅ ᖃᐅᔨᓴᑲᐅᕐᑐᕐᐸᒃᓗᑎᒃ 30 ᒥᓂᑦᓯᓂᑦ. ᐊᐅᓪᓚᕐᓂᐊᕐᑐᑦ ᑐᓴᕋᓱᒃᓗᑎᒃ ᖃᖓᑕᓲᓕᕆᔨᑦ ᑐᑭᓯᒋᐊᒃᑲᓐᓂᓂᐊᕐᒪᑕ ᖃᓄᐃᓕᐅᕆᐊᖃᖕᒪᖔᖏᓐᓂᑦ ᐱᕕᒃᓴᖃᕐᓂᖏᓐᓂᓪᓗ ᐊᐅᓪᓚᕐᓂᐊᕐᓂᖏᓐᓂᑦ. ᖃᐅᔨᒪᔭᐅᔭᕆᓕᒃ: ᓄᓇᕗᒻᒥᑦ, ᖃᐅᔨᓴᕐᕕᐅᔪᓐᓇᕐᑐᑐᐊᖅ ᐃᖃᓗᐃᑦ ᒥᑦᑕᕐᕕᐊᓂ. ᓄᓇᕗᑦ ᒐᕙᒪᒃᑯᖏᑦ ᖃᐅᔨᓴᕐᓯᖃᑦᑕᙱᑦᑐᑦ ᐊᐅᓪᓚᕐᓂᐊᕐᓗᓂ.

ᐊᐅᓪᓚᕐᓂᐊᕐᑐᑦ ᐅᑭᐅᓕᑦ 12 ᑐᖔᓂ ᐊᒻᒪᓗ ᑕᖅᑭᓕᑦ ᑎᓴᒪᓂ ᐊᒻᒪᓗ ᐋᓐᓂᐊᕕᓕᐊᕐᑐᑦ ᒪᓕᒃᑐᓪᓗ ᑐᐊᕕᖕᓇᖅᑐᒃᑰᕐᑎᑕᐅᔪᑦ ᓄᓇᕗᑦ ᓯᓚᑖᓄ ᑭᑭᑕᐅᓯᒪᔪᑦ ᐊᑐᕐᑕᐅᔭᕆᐊᓕᖕᓂ ᒫᓐᓇᐅᔪᖅ. ᓄᓇᕗᒻᒧ ᐅᑎᓕᕈᑎᒃ ᖃᖓᑕᓲᑐᐃᓐᓇᒃᑯᑦ, ᐋᓐᓂᐊᕕᓕᐊᕐᑐᖅ ᒪᓕᒃᑐᕐᓗ ᑐᐊᕕᖕᓇᖅᑐᒃᑰᕐᑎᑕᐅᓯᒪᔪᑦ ᓄᓇᕗᒻᒥᑦ ᒪᓕᒋᐊᖃᕐᓂᐊᕐᑐᑦ ᓄᑖᓂ ᐊᐅᓪᓚᕐᓂᖕᒧᑦ ᒪᓕᒋᐊᓕᖕᓂᑦ.

ᐊᐅᓪᓚᕐᓯᒪᔪᑦ ᓄᕙᒡᔪᐊᕐᓇᖅ-19−ᑖᕐᓯᒪᔪ ᖃᖓᑕᐅᐃᓐᓇᖅ ᐊᐅᓪᓚᕐᓯᒪᑎᓪᓗᒋᑦ ᐊᓂᑦᑕᐃᓕᔭᕆᐊᖃᕐᓂᐊᕐᐳᑦ ᐅᓪᓗᓄᑦ 14 ᑭᓯᐊᓂ ᓇᓗᓇᐃᕐᑕᐅᒃᐸ ᐱᑕᖃᙱᑦᑐᖅ ᖃᐅᔨᓴᕈᑎᖓ.

ᐅᓇᓂ ᒪᓕᒃᑕᐅᔭᕆᐊᓕ ᓄᕕᐱᕆ 30−ᖑᕋᓱᖕᓂᖓᓂ, ᓴᖅᑭᑦᑎᒃᑲᓐᓂᓛᕐᓗᑎᒃ ᑭᒡᓕᒋᔭᐅᔪᒃᓴᓂ. ᓄᓇᕗᑦ ᒐᕙᒪᒃᑯᖏᑦ ᓄᓇᕗᒻᒥᐅᓂᑦ ᑐᓴᐅᒪᑎᑦᑏᓐᓇᕐᓂᐊᕐᐳᑦ ᐊᑐᐃᓐᓇᐅᓕᕌᖓᑕ.

 

ᐊᐅᓪᓚᕐᓂᐊᕐᓗᓂ ᐊᑐᕐᑕᐅᔭᕆᐊᓕᑦ ᓄᑖᒥ ᒐᕙᒪᑐᖃᒃᑯᑦ ᖃᐅᔨᒪᔾᔪᑎᖏᓐᓂ

ᒫᓐᓇᐅᔪᖅ, ᖃᖓᑦᑕᕐᓂᐊᕐᑐᓕᒫᑦ ᓄᓇᕗᒻᒥᑦ ᓄᓇᓕᖕᓄᑦ ᐃᖃᓗᐃᑦ ᒥᑦᑕᕐᕕᐊᒎᖅᐸᙱᑦᑐᑦ, ᓄᑖᒧᑦ ᒐᕙᒪᑐᖃᒃᑯᑦ ᒪᓕᒋᐊᓕᖏᓐᓄᑦ ᐃᓚᐅᙱᑦᑐᑦ, ᓲᕐᓗ ᑕᑯᑎᑦᑎᔭᕆᐊᖃᙱᑦᑐᑦ ᑲᐱᔭᐅᓂᖓᑕ ᒥᒃᓵᓄ, ᐊᖏᕆᐊᖃᙱᑦᑐᑦ ᓇᒃᓯᐅᔾᔨᔭᕆᐊᖃᙱᑦᑐᓪᓗ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᕈᑎᕕᓂᖕᒥᑦ ᓱᓕᓂᕋᕈᑎᒥᓪᓗ ᑎᑎᕋᕆᐊᖃᙱᑦᑐᑦ.

ᐊᐅᓪᓚᕐᓂᐊᕐᑐᓕᒫᑦ, ᐋᓐᓂᐊᕕᓕᐊᕐᑐᓪᓗ, ᐊᐅᓪᓚᓕᕐᑐᑦ ᐃᖃᓗᒃᑎᒎᖅᑐᓪᓘᓐᓃᑦ, ᓄᓇᕗᑦ ᓯᓚᑖᓄᓪᓘᓐᓃᑦ ᓄᓇᕗᒻᒧᓪᓘᓐᓃᑦ, ᒪᓕᒋᐊᓕᑦ ᒐᕙᒪᑐᖃᒃᑯᑦ ᐊᑐᕐᑕᐅᔭᕆᐊᓕᖏᓐᓂᑦ, ᓈᒻᒪᒃᑐᓂᓪᓗ ᑎᑎᖅᑲᖃᕐᓗᓂ. ᖃᖓᑕᓲᑦᑕᐅᖅ ᓇᖕᒥᓂᖅ ᐱᓕᕆᐊᖃᓪᓗᐊᕐᑐᑦ ᓇᓗᓇᐃᕐᓯᓂᐊᕐᓗᑎᒃ ᑲᐱᔭᐅᓯᒪᔪᑦ ᖃᓄᐃᓕᖓᓂᖏᓐᓂᑦ. ᐊᐅᓪᓚᕐᓂᐊᕐᑐᑦ ᖃᐅᔨᒋᐊᖁᕙᕗᑦ ᖃᖓᑕᓲᓕᕆᔨᓂ ᑐᑭᓯᒋᐊᒃᑲᓐᓂᖁᓪᓗᒋ

ᓄᑖᓂ ᒐᕙᓚᑐᖃᒃᑯᑦ ᖃᐅᔨᒪᔾᔪᑎᖏᓐᓂᑦ, ᑎᑎᖅᑲᐅᔭᕆᐊᓕᑦ ᐃᓚᖓᑦ ᐊᑕᐅᓯᖅ ᐊᒥᓲᓂᕐᓴᓂᓪᓘᓐᓃᑦ ᐅᑯᓂᖓ, ᒪᓕᖕᓂᐊᕐᑐᑦ ᑲᐱᔭᐅᓯᒪᓂᖓᑕ ᖃᓄᐃᓕᖓᓂᖓᓂ. ᐊᐅᓪᓚᕐᓂᐊᕐᑐᓕᒫᑦ ᐊᑐᐃᓐᓇᐅᕙᒌᖅᑎᑦᑎᔭᕆᐊᓕᑦ ᐃᑭᓚᐅᙱᓐᓂᖏᓐᓂᑦ ᖃᖓᑕᓲᖕᒧᑦ.

ᑕᒪᐃᓐᓂᒃ ᑲᐱᔭᐅᓯᒪᔪᑦ ᐊᐅᓪᓚᕆᐊᕐᑐᕐᑐᑦ:

ᓄᓇᕗᒻᒥᑦ ᐊᐅᓪᓚᓕᕐᑐᑦ:

ᐊᐅᓪᓚᕐᑐᑦ, ᐃᖃᓗᒃᑎᒎᖅᑐᓪᓘᓐᓃᑦ, ᐃᖃᓗᐃᑦ ᒥᑦᑕᕐᕕᖓᓂ:

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ.

ᑲᖏᖅᖠᓂᖕᒥᖔᕐᑐᑦ ᐃᖃᓗᒃᑑᑦᑎᐊᓂᓪᓘᓐᓃᑦ:

ᒫᓐᓇᐅᔪᖅ, ᑎᑎᖅᑲᖃᕆᐊᖃᙱᑦᑐᑦ ᐊᐅᓪᓚᕐᓂᐊᕐᓗᑎᒃ ᓄᓇᕗᒻᒥᑦ ᖃᖏᖅᖠᓂᖕᒥᑦ ᐃᖃᓗᒃᑑᑦᑎᐊᓂᓪᓘᓐᓃᑦ. ᑭᓯᐊᓂᓕ, ᔭᓗᓇᐃᓕᐊᙱᑉᐸᑕ ᐅᐃᓂᐲᒡᒧᓪᓘᓐᓃᑦ, ᐅᑯᐊ ᐊᑐᕐᑕᐅᔭᕆᐊᓕᑦ:

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ.

ᓄᕕᐱᕆ 30−ᙳᕋᓱᖕᓂᖓᓂ, ᐊᔪᕐᓇᙱᒻᒥᔪᖅᑕᐅᖅ ᓴᖅᑭᑉᐸᒃᓗᒍ ᓄᓇᕗᒻᒥᐅᑦ ᑲᐱᔭᐅᓂᖕᒧᑦ ᑎᑎᖅᑲᕋᓛᒥ ᓇᓗᓇᐃᒃᑯᑕᐅᓗᓂ ᑲᐱᔭᐅᓯᒪᓂᖕᒧᑦ, ᑭᓯᓂᐊᓕ ᓄᓇᕗᒻᒥᐅ ᖃᐅᔨᒋᐊᓪᓗᐊᕐᑐᑦ ᐋᓐᓂᐊᕕᖏᓐᓄᑦ ᓇᓗᓇᐃᒃᑯᑕᕐᑖᕐᓗᑎᒃᓗ ᑲᐱᔭᐅᓯᒪᓂᖕᒧᑦ ᕿᓚᒻᒥᐅᓛᒃᑯᑦ.

ᓄᓇᕗᒻᒧᐊᓕᕐᓗᓂ

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ ᐊᒻᒪᓗ,
  • ᓄᓇᕗᒻᒥᑦ ᐋᓐᓂᐊᖅᑕᐃᓕᒪᔪᓕᕆᔨᒻᒪᕆᖕᒥᑦ ᑎᑎᖅᑲᖃᕐᓗᓂ.

ᐃᖅᑲᐃᓯᒋᐊᕈᑎᑦ, ᓇᓗᓇᐃᒃᑯᑕᖅ ᑲᐱᔭᐅᓯᒪᓂᖕᒧᑦ ᑎᑎᖅᑲᐃ ᐱᔭᐅᔪᓐᓇᕐᑐᑦ ᐋᓐᓂᐊᕕᔅᓯᓐᓂ. ᑲᐱᔭᐅᓯᒪᓂᖕᒧᑦ ᑭᑭᑕᐅᓯᒪᔾᔪᑎᑖᕈᑎᓄ ᐱᓕᕆᐊᓂ ᑎᑎᖅᑲᖅᑖᕐᓂᐊᕐᓗᓂᓗ ᐊᐅᓪᓚᕐᓂᐊᖕᓂᖕᒧᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒥᑦ, ᐅᕗᙵᐅᓗᑎᑦ: ᑲᐱᔭᐅᓯᒪᔪᓄᑦ ᐊᐅᓪᓚᕐᓂᐊᕐᑐᓄᑦ

ᐸᖅᑭᔭᐅᔪᑦ 12-17 ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑲᐱᔭᐅᓯᒪᙱᑦᑐᓪᓘᓐᓃᑦ, ᐊᐅᓪᓚᖃᑕᐅᓂᐊᕐᓗᓂ ᑲᐱᔭᐅᓯᒪᔪᒥ ᐊᖓᔪᖅᑳᒥᓂ ᐸᖅᑭᔨᒧᓪᓘᓐᓃᑦ ᑭᑭᑕᐅᓯᒪᓗᓂ:

ᓄᓇᕗᒻᒥᑦ ᐊᐅᓪᓚᓕᕐᑐᑦ:

ᐊᐅᓪᓚᕐᑐᑦ, ᐃᖃᓗᒃᑎᒎᖅᑐᓪᓘᓐᓃᑦ, ᐃᖃᓗᐃᑦ ᒥᑦᑕᕐᕕᖓᓂ:

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑖᕋᓂ.

 

ᑲᖏᖅᖠᓂᖕᒥᖔᕐᑐᑦ ᐃᖃᓗᒃᑑᑦᑎᐊᓂᓪᓘᓐᓃᑦ:

ᒫᓐᓇᐅᔪᖅ, ᑎᑎᖅᑲᖃᕆᐊᖃᙱᑦᑐᑦ ᐊᐅᓪᓚᕐᓂᐊᕐᓗᑎᒃ ᓄᓇᕗᒻᒥᑦ ᖃᖏᖅᖠᓂᖕᒥᑦ ᐃᖃᓗᒃᑑᑦᑎᐊᓂᓪᓘᓐᓃᑦ. ᑭᓯᐊᓂᓕ, ᔭᓗᓇᐃᓕᐊᙱᑉᐸᑕ ᐅᐃᓂᐲᒡᒧᓪᓘᓐᓃᑦ, ᐅᑯᐊ ᐊᑐᕐᑕᐅᔭᕆᐊᓕᑦ:

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᔭᓗᓇᐃᒥ ᐅᐃᓂᐸᐃᒃᒥᓪᓘᓐᓃᑦ, ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ ᑎᑭᕝᕕᒋᓂᐊᕐᑕᖓᓄ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

ᓄᓇᕗᒻᒧᐊᓕᕐᓗᓂ:

  • ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ ᑲᐱᔭᐅᓯᒪᓂᖕᒧᑦ ᐊᐅᓪᓚᕈᓐᓇᐅᑎᒥ ᑎᑎᖅᑲ ᐸᖅᑭᔭᐅᔪᑦ ᐊᑎᖏᑦ ᐃᓚᓕᐅᑎᓯᒪᓗᑎᒃ ᐊᖓᔪᖅᑳᕋᔭᒧᑦ ᐸᖅᑭᔨᒧᓪᓘᓐᓃᑦ ᑎᑎᕋᕐᕕᒃᓴᖏᓐᓄᑦ, ᐊᒻᒪᓗ
  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

 

ᑲᐱᔭᐅᓯᒪᙱᑦᑐᑦ ᐸᖅᑭᔭᑦ ᐱᖃᕐᑐᐃᑦ ᐊᓂᑦᑕᐃᓕᔭᕆᐊᖃᖕᓂᐊᕐᑐᑦ ᐅᓪᓗᓄᑦ 14−ᓄᑦ ᓄᓇᕗᑦ ᒐᕙᒪᒃᑯᖏᑦᑕ ᐃᓄᑐᐊᒃᑯᖏᓐᓂᑦ ᓯᓂᒃᑕᕐᕕᖕᒥᑦ ᐃᑦᒪᓐᑕᓐᒥᓪᓘᓐᓃᑦ, ᔭᓗᓇᐃᒥᓪᓘᓐᓃᑦ, ᐅᐃᓂᐸᐃᒃᒥᓪᓘᓐᓃᑦ ᐋᑐᕚᒥᓪᓘᓐᓃᑦ.

ᓄᓇᕗᒻᒧᐊᕈᑎᒃ, ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑲᐱᔭᐅᓯᒪᙱᑦᑐᓪᓘᓐᓃᑦ ᐸᖅᑭᔭᑦ ᒪᓕᒋᐊᓕᑦ ᐊᓂᑦᑕᐃᓕᒪᓂᖕᓂᑦ ᐋᖅᑭᒃᑕᐅᓯᒪᔪᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᖃᐅᔨᒪᔭᐅᔭᕆᐊᓕᑦ ᒪᓕᒃᑕᐅᔭᕆᐊᓕᖕᓂᑦ ᓇᓂᔭᐅᔪᓐᓇᕐᑐᑦ

ᐅᓇᓂ ᐊᑖᓂ ᓄᓇᕗᒻᒥᑦ ᐊᓂᑦᑕᐃᓕᓂᖕᒧᑦ ᒪᓕᒋᐊᓕᑦ ᑲᐱᔭᐅᓯᒪᔪᓄᑦ ᐊᐅᓪᓚᕐᓂᐊᕐᑐᓄᑦ, ᑲᐱᔭᐅᓯᒪᙱᑦᑐᓄᑦ ᐸᖅᑭᔭᓄᑦ.

 

ᐃᓚᐃᓐᓇᖓᓂ ᑲᐱᔭᐅᓯᒪᔪᐃᑦ ᑲᐱᔭᐅᓯᒪᙱᑦᑐᓪᓘᓐᓃᑦ ᐊᐅᓪᓚᕐᓂᐊᕐᑐᑦ (ᐊᓯᖏᓐᓂᑦ ᐸᖅᑭᔭᓂ ᐊᐅᓪᓚᖃᑕᐅᓂᐊᕐᓗᓂ ᑲᐱᔭᐅᓯᒪᔪᒥ ᐊᖓᔪᖅᑳᒥᓂ ᐸᖅᑭᔨᒧᓪᓘᓐᓃᑦ ᑭᑭᑕᐅᓯᒪᓗᓂ):

ᓄᓇᕗᒻᒥᑦ ᐊᐅᓪᓚᓕᕐᑐᑦ:

ᐊᐅᓪᓚᕐᑐᑦ, ᐃᖃᓗᒃᑎᒎᖅᑐᓪᓘᓐᓃᑦ, ᐃᖃᓗᐃᑦ ᒥᑦᑕᕐᕕᖓᓂ

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

ᑲᖏᖅᖠᓂᖕᒥᖔᕐᑐᑦ ᐃᖃᓗᒃᑑᑦᑎᐊᓂᓪᓘᓐᓃᑦ:

ᒫᓐᓇᐅᔪᖅ, ᑎᑎᖅᑲᖃᕆᐊᖃᙱᑦᑐᑦ ᐊᐅᓪᓚᕐᓂᐊᕐᓗᑎᒃ ᓄᓇᕗᒻᒥᑦ ᖃᖏᖅᖠᓂᖕᒥᑦ ᐃᖃᓗᒃᑑᑦᑎᐊᓂᓪᓘᓐᓃᑦ. ᑭᓯᐊᓂᓕ, ᔭᓗᓇᐃᓕᐊᙱᑉᐸᑕ ᐅᐃᓂᐲᒡᒧᓪᓘᓐᓃᑦ, ᐅᑯᐊ ᐊᑐᕐᑕᐅᔭᕆᐊᓕᑦ:

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᔭᓗᓇᐃᒥ ᐅᐃᓂᐸᐃᒃᒥᓪᓘᓐᓃᑦ, ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ ᑎᑭᕝᕕᒋᓂᐊᕐᑕᖓᓄ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

ᓄᓇᕗᒻᒧᐊᓕᕐᓗᓂ:

ᐃᓚᐃᓐᓇᖓᓂ ᑲᐱᔭᐅᓯᒪᔪᐃᑦ ᑲᐱᔭᐅᓯᒪᙱᑦᑐᓪᓘᓐᓃᑦ ᐊᐅᓪᓚᕐᓂᐊᕐᑐᑦ (ᐊᓯᖏᓐᓂᑦ ᐸᖅᑭᔭᓂ ᐊᐅᓪᓚᖃᑕᐅᓂᐊᕐᓗᓂ ᑲᐱᔭᐅᓯᒪᔪᒥ ᐊᖓᔪᖅᑳᒥᓂ ᐸᖅᑭᔨᒧᓪᓘᓐᓃᑦ ᑭᑭᑕᐅᓯᒪᓗᓂ, ᐋᓐᓂᐊᕕᓕᐊᕐᑐᓪᓗ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᓗᓂ ᐃᓄᑑᔭᕆᐊᖃᖕᓂᖕᒧᑦ):

  • ᓄᓇᕗᒻᒥᑦ ᐋᓐᓂᐊᖃᖕᓇᙱᑦᑐᓕᕆᔨᒧᑦ ᐊᐅᓪᓚᕈᓐᓇᐅᑎ ᓇᓗᓇᐃᕐᓯᓯᒪᔪᑦ ᐃᓱᓕᑦᑎᓂᖓᓂ ᐊᓂᑦᑕᐅᓕᓂᖕᒥᑦ ᐅᓪᓗᓄᑦ−14 ᓂᕈᐊᕐᑕᐅᓯᒪᔪᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᓄᑐᐊᒃᑯᕕᖏᓐᓂᑦ.

ᑲᐱᔭᐅᓯᒪᔪᑦ ᐃᓚᐃᓐᓇᖓᓂᑦ ᑲᐱᔭᐅᓯᒪᙱᑦᑐᓪᓗ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᓗᓂ ᐃᓄᑑᔭᕆᐊᖃᖕᓂᖕᒧᑦ ᐱᓕᕆᐊᖓᑎᒍᑦ ᐊᐅᓪᓚᕐᓯᒪᔪᑦ:

  • ᓄᓇᕗᒻᒥᑦ ᐋᓐᓂᐊᖃᖕᓇᙱᑦᑐᓕᕆᔨᒧᑦ ᐊᐅᓪᓚᕈᓐᓇᐅᑎ ᓇᓗᓇᐃᕐᓯᓯᒪᔪᑦ ᐃᓱᓕᑦᑎᓂᖓᓂ ᐊᓂᑦᑕᐅᓕᓂᖕᒥᑦ ᐅᓪᓗᓄᑦ−14 ᓂᕈᐊᕐᑕᐅᓯᒪᔪᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᓄᑐᐊᒃᑯᕕᖏᓐᓂᑦ, ᐊᒻᒪᓗ
  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᓗᓂ ᐃᓄᑑᔭᕆᐊᖃᖕᓂᖕᒧᑦ ᐱᓕᕆᐊᓂᑦ ᑕᑯᓗᒍ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᓗᓂ ᐃᓄᑑᔭᕆᐊᖃᖕᓂᖕᒧᑦ (EMTI):

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᐃᓄᑐᐊᒃᑯᕕᖕᒧᐊᕈᓐᓇᖕᒪᖔᑦ ᓂᕈᐊᕐᑕᐅᓯᒪᔪᓂᑦ ᓄᓇᕗᑦ ᒐᕙᒪᒃᑯᖏᓐᓄᑦ, ᐅᓇᓃᑦᑐᖅ ᑕᑯᓗᒐ.

ᐱᕕᒡᔪᐊᓄ ᐃᖅᑲᓇᐃᔮᒧᑦ ᐃᓚᓕᐊᕐᓂᖕᒧᓪᓗ ᑭᑭᑕᐅᓯᒪᔪᑦ ᐃᓚᐃᓐᓇᖓᓂ ᑲᐱᔭᐅᓯᒪᔪᓄᑦ ᑲᐱᔭᐅᓯᒪᙱᑦᑐᓄᓪᓘᓐᓃᑦ ᐊᐅᓪᓚᕐᓂᐊᕐᑐᓄᑦ

ᓄᕕᐱᕆ 1, 2021−ᒥᑦ, ᐱᕕᒡᔪᐊᓄᑦ ᑭᑭᑕᐅᔪᓐᓇᕐᓂᐊᕐᑐᑦ ᑐᐊᕕᖕᓇᖅᑐᖃᓕᕌᖓᑦ ᑭᓯᐊᓂ, ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅᑉ ᐃᓱᒪᖓᓂ.

ᑭᑭᑕᐅᔪᖃᕐᓂᐊᕐᐸᑦ ᓄᓇᕗᒻᒧᐊᕐᓂᐊᓪᓗᓂ ᐊᑐᙱᓪᓗᓂ ᐅᓪᓗᑦ− 14 ᐊᓂᑦᑕᐃᓕᓂᖕᓂ, ᑭᑭᑕᐅᓯᒪᔪᑦ ᐅᑯᓂᖓ ᑎᑎᖅᑲᖃᕆᐊᖃᕐᓂᐊᕐᑐᑦ ᐊᐅᓪᓚᓚᐅᖅᑳᕋᑎᒃ:

  • ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒥᑦ ᐱᕕᒡᔪᐊᒧᑦ ᐃᓚᓕᐊᕐᓂᐊᕐᓗᓂᓘᓐᓃᑦ ᑭᑭᑕᐅᓯᒪᓂᖕᒧᑦ ᑎᑎᖅᑲᒥᑦ.
  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ, ᐅᕝᕙᓘᓐᓃᑦ:
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

ᓄᓇᕗᒻᒧᐊᕈᑎᒃ, ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑲᐱᔭᐅᓯᒪᙱᑦᑐᓪᓘᓐᓃᑦ ᐸᖅᑭᔭᑦ ᒪᓕᒋᐊᓕᑦ ᐊᓂᑦᑕᐃᓕᒪᓂᖕᓂᑦ ᐋᖅᑭᒃᑕᐅᓯᒪᔪᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᑐᑭᓯᒋᐊᒃᑲᓐᓂᕈᓐᓇᕐᑐᑦ ᐊᑐᕐᑕᐅᔭᕆᐊᓕᖕᓂ ᐅᕙᓂ ᓄᓇᕗᒻᒥᑦ ᐊᓂᑦᑕᐃᓕᓂᖕᒧᑦ ᒪᓕᒃᑕᐅᔭᕆᐊᓕᑦ ᑲᐱᔭᐅᓯᒪᔪᓄᑦ ᐊᐅᓪᓚᓚᐅᕐᑐᓄᑦ, ᑲᐱᔭᐅᓯᒪᙱᑦᑐᓄᑦ ᐸᖅᑭᔭᓄᑦ.

 

ᐊᓂᑦᑕᐃᓕᒪᓂᖅ ᑲᐱᔭᐅᓯᒪᙱᑦᑐᓄᑦ/ᐃᓚᐃᓐᓇᖓᓂᑦ ᑲᐱᔭᐅᓯᒪᔪᓄᑦ ᐊᐅᓪᓚᓚᐅᕐᑐᓄᑦ 

ᑲᐱᔭᐅᓯᒪᙱᑦᑐᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᐊᐅᓪᓚᓚᐅᙱᓐᓂᖏᓐᓂᑦ ᐊᓂᑦᑕᐃᓕᔭᕆᐊᓕᑦ ᐅᓪᓗᓄᑦ 14−ᓄᑦ ᓄᓇᕗᑦ ᒐᕙᒪᒃᑯᖏᑦᑕ ᓂᕈᐊᕐᓯᒪᔭᓂᖓ ᐋᑐᕚᒥ, ᐅᐃᓂᐸᐃᒡᒥ, ᐃᑦᒪᓐᑕᓐᒥ, ᔭᓗᓇᐃᕝᒥᓘᓃᑦ.

ᐊᓂᑦᑕᐃᓕᒪᓂᖅ

  • ᐃᓐᓇᐃᑦ ᑕᒪᕐᒥᒃ (18−ᓂᒃ ᐅᑭᐅᓖᑦ ᐅᖓᑖᓂᓪᓘᓐᓃᑦ) ᑐᒃᓯᕋᐅᑎᒥᒃ ᑎᑎᕋᕆᐊᖃᕆᕗᑦ ᓇᒃᓯᐅᑎᓗᒍᓗ.
  • ᐃᕐᙲᓐᓈᖅᑕᐅᒃᑯᑦ ᑭᐅᔭᐅᓂᐊᖅᐳᑦ ᓇᓗᓇᐃᖅᓯᒪᔪᒥᒃ ᑭᐅᔭᐅᓂᐊᕐᓂᖓᓂᒃ ᐅᓪᓘᖕᓂᒃ ᒪᕐᕉᖕᓂᒃ ᐃᖅᑲᓇᐃᔭᕐᓇᓂ.
  • ᐊᐅᓪᓚᕐᓂᐊᖅᑐᑦ ᐃᕐᙲᓐᓈᖅᑕᐅᒃᑯᑦ ᑎᑎᕋᕐᕕᐅᓂᐊᖅᐳᑦ ᓇᓗᓇᐃᖅᓯᒪᔪᒥᒃ ᐃᓄᑑᔭᕆᐊᖃᖅᑎᑕᐅᔪᑦ ᐃᓂᒃᓴᓕᐅᖅᑕᐅᓂᖓᓂᒃ.

ᐊᐅᓪᓚᕐᓂᐊᖅᑐᑦ ᑎᑎᕋᕆᐊᖃᖅᐳᑦ ᐃᓄᑑᔭᕆᐊᓕᖕᓄᑦ ᐃᓂᒃᓴᓕᐅᖅᑕᐅᔪᒪᔪᓄᑦ ᑐᒃᓯᕋᐅᑎᒥᒃ ᐅᕗᖓᓗ ᓇᒃᓯᐅᑎᓗᒍ nuisolationreservations@nunavutcare.ca.

ᐅᓪᓗᑦ 7 ᐃᓄᑑᔭᕆᐊᖃᖅᑎᑕᐅᔪᖅ ᐃᓂᑖᖅᑎᑕᐅᕝᕕᒃᓴᖓᑕ ᓯᕗᓂᐊᒍᑦ, ᐊᐅᓪᓚᕐᓂᐊᖅᑐᖅ ᑎᑎᕋᕆᐊᖃᖅᐳᖅ ᐃᓄᑐᐊᒃᑯᕕᖕᒧᐊᓚᐅᙱᑎᓪᓗᒍ ᐃᓂᑖᖅᑎᑕᐅᔾᔪᑎᒥᒃ ᑎᑎᕋᕐᕕᒃᓴᒥᒃ ᐅᕗᖓᓗ ᓇᒃᓯᐅᑎᓗᒍ nuisolationreservations@nunavutcare.ca, ᐊᔪᕐᓇᕈᓐᓃᑐᐊᖅᐸᑦ.

ᐊᐅᓪᓚᕐᓂᐊᖅᑐᑦ ᐃᕐᙲᓐᓈᖅᑕᐅᒃᑯᑦ ᑎᑎᕋᕐᕕᐅᓂᐊᖅᐳᑦ ᓇᓗᓇᐃᖅᓯᒪᔪᒥᒃ ᐃᓄᑐᐊᒃᑯᕕᖕᒧᐊᓚᐅᙱᑎᓪᓗᒍ ᐃᓂᑖᖅᑎᑕᐅᔾᔪᑎ ᑎᑎᕋᕆᐊᓕᒃ ᐱᔭᐅᓂᖓᓂᒃ ᐊᒻᒪ ᐃᓄᑑᔭᕆᐊᖃᖅᑎᑕᐅᔪᓄᑦ ᑐᑭᓯᒋᐊᕈᑎᒃᓴᑦ ᑲᑎᓯᒪᔪᑦ.

ᐅᓪᓗᑦ 14 ᐊᓂᒍᖅᐸᑦ, ᖃᓂᒪᙱᑦᑐᑦ ᓄᓇᖃᖅᑏᑦ ᐊᓂᑎᑕᐅᓂᐊᖅᐳᑦ ᑎᑎᖅᑲᒥᒡᓗ ᑐᓂᔭᐅᓗᑎᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᐊᑎᓕᐅᖅᓯᒪᔪᒥᒃ ᐊᖏᕐᕋᐅᔪᓐᓇᕐᓂᕋᖅᑕᐅᓕᕐᓗᓂ ᓄᓇᒥᓄᑦ. ᐅᓇ ᓇᕿᓪᓗᒍᑦ ᑐᑭᓯᒋᐊᒃᑲᓐᓂᕈᒪᒍᕕᑦ.

ᐅᓇ ᓇᕿᓪᓗᒍᑦ ᑐᑭᓯᒋᐊᒃᑲᓐᓂᕈᒪᒍᕕᑦ

 

ᐃᓄᑐᐊᒃᑯᕕᓕᐊᕐᐸᓪᓕᐊᔪᓕᕆᔨᒧᐊᕐᓗᓯ ᐅᑎᕐᓂᐊᕐᓗᓂᓗ ᕿᒥᕐᕈᔭᒃᓴᖅ.

ᑐᐊᕕᐊᖑᓪᓗᑎᒃ ᐋᓐᓂᐊᕕᓕᐊᖅᓯᒪᔪᑦ ᐊᓂᑦᑕᐃᓕᒋᐊᖃᕐᓂᖏᑦ

ᑐᐊᕕᐊᖑᓪᓗᑎᒃ ᐋᓐᓂᐊᕕᓕᐊᕐᓂᖅ ᐊᑐᐃᓐᓇᐅᔪᖅ ᐋᓐᓂᐊᕕᓕᐊᕐᑐᓄᑦ ᑲᐱᔭᐅᓯᒪᙱᑦᑐᓄᑦ. ᑲᐱᔭᐅᓯᒪᔪᑦ ᐋᓐᓂᐊᕕᓕᐊᕐᑐᑦ ᐊᔪᙱᑦᑐᑦ ᑲᐱᔭᐅᓯᒪᔪᑎᑐᑦ ᐊᐅᓪᓚᕐᓂᐊᕐᑐᑎᑐ ᑐᒃᓯᕋᕈᓐᓇᕐᖢᑎᒃᓗ ᑲᐴᑎᒧᑦ ᑭᑭᑕᐅᓂᐊᕐᓗᓂ ᖁᓛᓂ ᓇᓗᓇᐃᕐᓯᒪᔪᑎᑐᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᓗᓂ ᐃᓄᑑᔭᕆᐊᖃᖕᓂᖕᒧᑦ ᐊᑐᐃᓐᓇᐅᔪᑦ ᐅᕙᓂ.

 

ᑲᐱᔭᐅᓯᒪᔪᑦ ᐊᐅᓪᓚᖅᐸᓪᓕᐊᔪᐃᑦ

ᓄᓇᕗᑦ ᒐᕙᒪᒃᑯᖏᑦ ᑭᒡᓕᖃᖅᑎᑦᑎᓯᒪᔪᑦ ᑭᑭᑕᐅᓯᒪᔪᖁᑎᖏᓐᓂ ᓄᓇᕗᑦ−ᓯᓚᑖᓂ ᐊᓂᑦᑕᐃᓕᓂᖕᓄᑦ ᑲᐱᔭᐅᓯᒪᔪᓄᑦ ᐃᓄᖕᓄᑦ, ᐃᓄᑑᓪᓗᑎ ᐊᐅᓪᓚᕐᓯᒪᔪᑦ ᑲᐱᔭᐅᓯᒪᙱᑦᑐᓂᓪᓘᓐᓂᑦ ᐸᖅᑭᔭᓂᑦ.

ᐃᓄᒃ ᐃᓱᒪᒋᔭᐅᓂᐊᖅᐳᖅ ᑕᒪᐃᓐᓂᒃ ᑲᐱᔭᐅᓯᒪᓂᖓᓂᒃ ᐱᓇᓱᐊᕈᓰᒃ ᒪᕐᕉᒃ ᐊᐃᑉᐸᖓᓂ ᑲᐱᔭᐅᕌᓂᓚᐅᖅᑎᓪᓗᒋᑦ ᐋᓐᓂᐊᖅᑐᓕᕆᔨᒃᑯᑦ ᑲᓇᑕᒥ ᐊᖏᖅᑕᐅᓯᒪᔪᑦ ᓄᕙᕐᔪᐊᕐᓇᖅ−19-ᑖᕇᒃᑯᑎᒧᑦ.

ᑲᐱᔭᐅᓯᒪᖏᑦᑐᑦ ᐸᖅᑭᔭᐅᔪᑦ, 12 ᑐᖔᓂ ᐅᑭᐅᓕᑦ, ᐊᐅᓪᓚᖃᑦᑕᕈᓐᓇᖅᓯᔪᑦ ᐅᑎᕐᓗᑎᒃ ᓄᓇᕗᒻᒧᑦ ᐃᓚᖃᕐᓗᑎᒃ ᑲᐱᔭᐅᓯᒪᔪᓂᑦ ᐱᓯᒪᑦᓯᔨᖏᓐᓂᑦ, ᒐᕙᒪᒃᑯᑦ ᓄᓇᕗᒻᒥ ᐃᓄᑐᐊᒃᑯᕕᖏᓐᓃᒋᐊᑐᖏᓪᓗᑎᒃ ᖃᓪᓗᓈᓂᑦ ᑲᓇᑕᒥ. ᑲᐱᔭᐅᓯᒪᙱᑦᑐᑦ ᐸᖅᑭᔭᐅᔪᑦ ᐊᓂᑦᑕᐃᓕᔭᕆᐊᖃᖅᐳᑦ 14-ᓄ ᐅᓪᓗᓄᑦ ᐅᑎᕈᑎᒃ ᓄᓇᕗᒻᒧᑦ. ᑲᐱᔭᐅᓯᒪᙱᑦᑐᑦ ᐃᓪᓗᒥᐅᖃᑎᒋᔭᐅᔪᑦ ᐊᓂᑦᑕᐃᓕᔭᕆᐊᖃᖅᐳᑦᑕᐅᖅ 14-ᓄ ᐅᓪᓗᓄᑦ.

ᐃᓚᐅᑎᑕᐅᙱᑦᑐᑦ ᑲᐱᔭᐅᕌᓂᒃᓯᒪᓕᖅᑐᓄᑦ

ᑲᐱᔭᐅᓯᒪᔪᑦ ᑕᒪᐃᓐᓂᒃ ᐊᐅᓪᓚᕐᓂᐊᕐᑐᑦ, ᑕᐃᒃᑯᐊᓗ ᐊᐅᓪᓚᖃᑎᖃᕐᑐᑦ ᑲᐱᔭᐅᓯᒪᙱᑦᑐᓂᑦ ᐸᖅᑭᔭᓂ ᑎᑎᕋᕆᐊᖃᕐᐳᑦ ᑲᐱᔭᐅᓯᒪᔪᑦ ᐊᐅᓪᓚᕐᓂᐊᕐᑐᑦ ᓱᓕᓂᕋᕈᑎᒥᑦ ᐊᐅᓪᓚᕐᓂᐊᕐᑑᓪᓗ ᐸᖅᑭᔭᖓᓄ ᑎᑎᕋᕐᕕᒃᓴᒥᑦ.

ᓄᓇᕗᒻᒥ ᑲᐱᔭᐅᓚᐅᙱᒃᑯᕕᑦ, ᖃᐅᔨᒋᐊᖅᑕᐅᔪᓐᓇᖅᑐᒥᒃ ᓇᓗᓇᐃᕈᑎᒃᓴᒥᒃ ᑐᓂᓯᔭᕆᐊᖃᖅᐳᑎᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᓇᒃᓯᐅᑎᓗᒍᓗ ᑎᑎᕋᕐᕕᒃᓴᐃᑦ, ᓴᖅᑭᔮᕐᑐᒥᑦ ᑲᐱᔭᐅᓯᒪᓂᖕᓂᑦ ᑕᒪᐃᓐᓂᒃ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᑲᓇᑕᒥ ᐊᖏᖅᑕᐅᓯᒪᔪᒧᑦ ᑲᐴᑎᒧᑦ. ᐃᓚᐅᑎᑕᐅᔪᒪᙱᓐᓂᕐᒧᑦ ᑐᒃᓯᕋᐅᑏᑦ ᑲᒪᒋᔭᐅᔾᔮᙱᑦᑐᖅ ᑭᓯᐊᓂ ᑲᐱᔭᐅᓯᒪᓂᕐᒧᑦ ᓇᓗᓇᐃᕈᑎᒥᒃ ᑐᓂᓯᒍᕕᑦ.

ᐸᖅᑭᔭᐅᔪᑦ ᐊᐅᓪᓚᖃᑕᐅᔪᑦ ᐊᖓᔪᖅᑳᒥᓂ ᐸᖅᑭᔨᖓᓂᓪᓘᓐᓃᑦ ᖃᖓᑐᐃᓐᓇᖅ ᑎᑎᕋᕐᓯᒪᔭᕆᐊᓕ ᑎᑎᕋᕐᕕᒃᓴᒥ ᓇᒃᓯᐅᔾᔭᐅᓚᐅᖅᑳᕋᓂ.

ᑎᑎᕋᕐᑕᐅᕌᓂᒃᓯᒪᔪᑦ ᓇᒃᓯᐅᔾᔭᐅᔭᕆᐊᓕᑦ ᐅᕗᖓ vaccineexemptions@gov.nu.ca:

ᐊᖏᖅᑕᐅᓯᒪᓕᖅᑎᓪᓗᒍ, ᐊᐅᓪᓚᕐᓂᐊᖅᑐᒧᑦ ᑎᑎᖅᑲᖅ ᑐᓂᔭᐅᓂᐊᖅᑐᖅ ᐊᑐᕈᓐᓇᖅᓱᓂᓗ ᐊᕐᕌᒍᓕᒫᒧᑦ. ᑖᓐᓇ ᑎᑎᖅᑲᖅ ᑐᓂᔭᐅᔭᕆᐊᖃᖅᑐᖅ ᖃᖓᑦᑕᐅᑎᑖᕐᕕᒻᒧᑦ ᓯᕗᕐᖓᒍᑦ ᐅᑎᓚᐅᕋᓂ ᓄᓇᕗᒻᒧᑦ.

ᐊᒥᓱᒻᒪᕆᐅᒻᒪᑕ ᑐᑦᓯᕋᐅᑎᐅᔪᑦ ᑎᑎᖅᑲᐃᓪᓗ ᓯᕗᓪᓕᐅᔾᔭᐅᔭᕆᐊᓖᑦ ᑐᙵᕕᒋᑦᓱᒋᑦ ᐊᐅᓪᓚᕐᕕᑦᓴᓄᑦ ᐅᓪᓗᖏᑦ. ᐅᑕᖅᑭᒋᑦ ᑐᓂᓚᖓᓗᒍ ᑐᑦᓯᕋᐅᑏᑦ ᐊᑕᐅᓯᖅ ᑕᖅᑭᖅ ᓯᕗᕐᖓᒍᑦ ᐅᓪᓗᖓ ᐊᐅᓪᓚᕕᑦᓴᐃᑦ, ᐅᕝᕙᓘᓐᓃᑦ ᐃᓱᒪᒋᔭᐅᔾᔮᖏᑦᑐᑦ. ᐅᑕᖅᑭᓗᑎᑦ ᐱᓇᓱᐊᕈᓰᖕᓄ ᒪᕐᕉᖕᓄᑦ ᑐᒃᓯᕋᐅᑎᑦ ᐱᓕᕆᐊᖑᓂᐊᕐᓗᓂ.

ᓄᓇᕗᒻᒥᑦ ᐊᓂᑦᑕᐃᓕᓂᖕᒧᑦ ᒪᓕᒃᑕᐅᔭᕆᐊᓕᑦ ᑲᐱᔭᐅᓯᒪᔪᓄᑦ ᐊᐅᓪᓚᓚᐅᕐᑐᓄᑦ, ᑲᐱᔭᐅᓯᒪᙱᑦᑐᓄᑦ ᐸᖅᑭᔭᓄᑦ 

ᓄᓇᕗᒻᒦᓕᕈᕕᑦ, ᑲᐱᔭᐅᓯᒪᔪᑦ ᐊᖓᔪᖄᕆᔭᐅᔪᑦ ᐱᓯᒪᑦᓯᔩᓪᓘᓐᓃᑦ ᐃᓄᑑᑎᑦᓴᕆᐊᖃᖏᑦᑐᑦ. ᐊᖓᔪᖅᑳᑦ ᐱᓯᒪᑦᓯᔩᓪᓘᓐᓃᑦ ᑲᒪᒋᔭᖃᕐᓂᐊᖅᑐᖅ ᓇᓗᓇᐃᖅᓯᓂᕐᒧᑦ 14 ᐅᓪᓗᐃᑦ ᐃᓄᑑᔭᕆᐊᖃᕐᓂᖏᓐᓄᑦ ᐸᖅᑭᔭᖏᑦ ᑲᐱᔭᐅᓯᒪᖏᑦᑐᓕᒫᓪᓗ ᐃᓪᓗᒥᐅᖃᑎᒋᔭᐅᔪᑦ.

ᐃᒡᓗᒥᐅᖃᑎᒌᑦ ᐊᓂᑦᑕᐃᓕᔪᑦ ᐳᓛᖅᑎᖃᕆᐊᖃᙱᑦᑐᑦ, ᑕᐃᒃᑯᐊᓗ ᐊᓂᑦᑕᐃᓕᔪᑦ ᐳᓛᕆᐊᕆᐊᖃᙱᑦᑐᑦ ᑐᐊᕕᕐᓇᖅᐸᑦ ᑭᓯᐊᓂ. ᐊᓂᑦᑕᐃᓕᓂᖅ ᐱᒋᐊᖃᑦᑕᖅᑐᖅ ᑎᑭᑐᐊᕈᕕᑦ ᓄᓇᕗᒻᒧᑦ. ᐋᓐᓂᐊᕐᕕᒻᒥ ᐊᓂᔪᓐᓇᖅᓯᓂᕋᖅᑕᐅᒋᐊᖃᙱᑦᑐᑦ ᐊᓐᓂᑕᐃᓕᓂᐅᑉ ᓄᕐᖑᐊᒍᑦ. ᑭᒃᑯᑐᐃᓐᓇᐃᑦ ᓱᕋᐃᔪᑦ ᐊᑐᕆᐊᖃᑦᑕᒥᓂᒃ ᐊᑭᓖᑎᑕᐅᔪᓐᓇᖅᑐᑦ $575.

ᑲᐱᔭᐅᓯᒪᔪᐃᑦ ᒪᓕᒋᐊᖃᕐᓂᐊᖅᑐᑦ ᐃᓄᓕᒫᓄᑦ ᐋᓐᓂᐊᓕᔾᔭᐃᒃᑯᑎᓄᑦ ᑎᓕᐅᖅᑐᕈᑎᓂᒃ ᐊᒻᒪᓗ ᒪᑐᐊᖅᓯᒪᕙᓪᓗᑎᒃ ᐅᓪᓗᓄᑦ 14−ᓄᑦ ᑎᑭᓚᐅᖅᑎᓪᓗᑎᑦ. ᒪᑐᐊᕐᓯᒪᔭᕆᐊᖃᕐᑐᑦ ᓱᓕ ᐃᖅᑲᓇᐃᔭᕐᕕᖕᒥᑦ ᑭᖑᓂᐊᓂ ᐱᓇᓱᐊᕈᓰᒃ ᒪᕐᕉᒃ ᐱᔭᕆᐊᖃᖅᑎᑕᐅᒃᐸᑕ ᐋᓐᓂᖃᕐᓇᙱᑐᓕᕆᓂᖕᒧᑦ ᑭᒃᑯᑐᐃᓐᓇᕐᓄᑎ ᑎᓕᐅᕆᔾᔪᑎᒃᑯᑦ.

ᓄᓇᕗᒻᒧᑦ ᖃᖓᑕᓲᒃᑰᕈᓐᓇᖅᑎᑕᐅᔪᑦ ᐃᓄᐃᑦ ᑕᒪᐃᓐᓂᒃ ᑲᐱᔭᐅᓯᒪᔪᑦ ᐸᖅᑭᔭᓄᓪᓗ ᐊᐱᖅᑯᑎᑦ ᑭᒡᒍᓯᓪᓗ

 

ᑲᐱᔭᐅᓯᒪᙱᑦᑐᑦ ᐃᖅᑲᓇᐃᔮᓖᑦ ᐱᓪᓚᕆᐊᓗᖕᓂᒃ ᑕᐃᒃᑯᐊᓗ ᖃᖓᑕᓲᒃᑯᑦ ᐊᐅᓪᓚᕆᐊᓖᑦ ᐃᓚᐃᖅᖢᑎᒃ ᐃᓚᓕᐊᕆᐊᖃᓲᑦ

ᐅᑯᐊ ᐃᓚᐅᑎᑕᐅᙱᑦᑐᓄᑦ ᓇᓖᕌᒐᒃᓴᐃᑦ ᐊᑐᕐᑐᑦ ᑲᐱᔭᐅᓯᒪᙱᑦᑐᓄᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᓄᑦ ᐊᐅᓪᓚᕐᓂᐊᕐᑐᓄᑐᐊᖅ. ᑲᐱᔭᐅᓯᒪᔪᑦ ᐊᐅᓪᓚᕐᓂᐊᕐᑐᑦ ᑐᒃᓯᕋᕆᐊᓕᑦ ᑲᐱᔭᐅᓯᒪᓂᖕᒧᑦ ᑭᑭᑕᐅᔾᔪᑎᒥᑦ.

ᖃᐅᔨᒪᔭᕆᐊᓕᒃ: ᑐᒃᓯᕋᐅᑏᑦ ᐊᐅᓪᓚᕆᐊᖃᓪᓚᕆᒃᑐᓄᑦ ᐃᑲᕐᕋᑦ 72 ᑐᖔᓂ ᑐᓐᓂᖅᑯᑕᐅᔪᑦ ᐊᖏᖅᑕᐅᙱᑐᐃᓐᓇᕆᐊᓕᒃ ᐊᐅᓪᓚᕐᕕᒃᓴᖓᓄᑦ.

 

ᑭᑭᑕᐅᓃᑦ ᐃᓚᓕᐊᕐᓂᖕᒧᑦ

ᑭᑭᑕᐅᓃᑦ ᓄᓇᕗᑦ−ᓯᓚᑖᓄ ᐊᓂᑦᑕᐃᓕᓂᖕᒧᑦ ᐊᑐᐃᓐᓇᐅᔪᑦ ᐃᓚᓕᐊᕐᓂᐊᕐᓗᓂ ᓴᖅᑭᑐᖃᕌᖓᑦ ᐊᑕᐅᓯᐅᑦᑕᕐᑕᐅᓗᑎᒃ. ᐆᒃᑑᑎᑦ ᐱᔾᔪᑕᐅᓗᑎᒃ ᐃᓚᓕᐊᕐᓂᖕᒧᑦ ᑭᑭᑕᐅᓃᑦ ᐅᑯᐊ ᐋᓐᓂᐊᒧᑦ ᐊᒻᒪᓗ ᐃᓚᐅᕐᑐᓄᑦ.

ᐃᓚᐅᔪᑦ ᒐᕙᒪᑐᖃᒃᑯᑦ ᒪᓕᒃᑕᐅᔭᕆᐊᓕᖏᑦ

 

ᑭᑭᑕᐅᓯᒪᔪᑦ ᑲᐱᔭᐅᓯᒪᙱᑦᑐᓄᑦ ᑲᐱᔭᐅᓯᒪᔪᓄᓪᓗ ᐃᓚᐅᓐᓇᖓᓂ ᐃᖅᑲᓇᐃᔭᖅᑎᓄᑦ

ᑲᐱᔭᐅᓯᒪᙱᑦᑐᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᐃᖅᑲᓇᐃᔭᕐᑎᑦ ᑐᓂᔭᐅᔪᓐᓇᕐᑐ ᓄᓇᕗᑦ−ᓯᓚᑖᓂ ᐊᓂᑦᑕᐃᓕᓂᖕᒧᑦ ᑭᑭᑕᐅᔾᔪᑎᒥᑦ ᐃᒪᐃᑦᑐᖃᕐᐸᑦ

1. ᓱᕋᒃᑕᐅᔪᖃᑳᓪᓚᒃᐸᑦ ᐊᒻᒪ ᓱᕋᐃᕐᔪᐊᖅᑐᖃᖅᐸᑦ ᓄᓇᓖᑦ ᐊᐅᓚᔪᓐᓇᐅᑎᒋᔭᕆᐊᖃᓪᓚᕆᒃᑕᖓᓂ ᐅᕝᕙᓘᓐᓃᑦ ᐊᓯᔾᔨᖅᑕᐅᔭᕆᐊᖃᖅᐸᑦ ᓂᕆᐅᓇᙱᑦᑐᒥᒃ ᖃᓂᒻᒪᒃᑐᖃᕐᓂᖓᓄᑦ ᐋᓐᓂᖅᑐᖃᕐᓂᖓᓄᓪᓘᓐᓃᑦ; ᐅᕝᕙᓘᓐᓃᑦ

2. ᐃᖅᑲᓇᐃᔭᖅᑎ(ᑎᑦ) ᓘᒃᑖᒥᑦ ᑎᑎᖅᑲᖅᑖᕈᓂ ᓇᓗᓇᐃᖅᓯᒪᓗᓂ ᑲᓇᑕᐅᑉ ᒐᕙᒪᒃᑯᖏᑦ ᐊᖏᖅᑕᐅᓯᒪᔪᒥᒃ ᓄᕙᒡᔪᐊᕐᓇᖅ-19−ᒧᑦ ᑲᐴᑎᒥᒃ ᓇᓕᐊᖕᓂᒃ ᑲᐱᔭᐅᔪᓐᓇᙱᑦᑎᐊᕐᓂᕋᕐᓗᑎᒃ ᐋᓐᓂᐊᓂᕐᒧᑦ ᐱᔾᔪᑎᖃᕐᓗᓂ ᑎᑎᕋᖅᓯᒪᔪᒥᑦ ᐋᓐᓂᐊᓕᕇᒃᑯᑎᒧᑦ ᑎᑎᕋᖅᓯᒪᔪᓂᑦ.

 

ᑐᒃᓯᕋᕐᓂᐊᕐᓗᓂ ᐃᓚᓕᐊᕈᒪᓂᖕᒧᑦ ᐅᕝᕙᓘᓐᓃᑦ ᑲᐱᔭᐅᓯᒪᙱᑦᑐᒧᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᓄ ᑭᑭᑕᐅᓂᖕᒧᑦ

ᒥᓂᕆᓗᒍ ᑲᐱᔭᐅᓯᒪᙱᑦᑐᑦ ᐱᕕᒡᔪᐊᕐᒧᑦ ᐃᖅᑲᓇᐃᔭᖅᑎ ᐊᒻᒪᓗ ᐃᓚᓕᐊᕈᒪᓂᖕᒧᑦ ᑎᑎᕋᕐᕕᒃᓴᖅ (ᑎᑎᕋᕐᕕᒃᓴᖅ ᒥᓂᕆᖅᑳᕆᐊᓕᒃ ᑎᑎᕋᕐᕕᒋᓚᐅᙱᓐᓂᕐᓂᑦ).

ᓇᒃᓯᐅᑎᓗᒍ ᑎᑎᕋᕐᕕᒃᓴᖅ CPHOTravelRequests@gov.nu.ca ᑐᒃᓯᕋᕐᓂᐊᕐᓗᑎᒃ ᑭᑭᑕᐅᔾᔪᑎᒥᑦ.

ᐅᓪᓗᑦ ᑕᓪᓕᒪᐃᑦ ᑭᐅᔭᐅᓂᐊᖅᑐᖅ ᑐᒃᓯᕋᐅᑎᒋᔭᐃᑦ.

 

ᓄᓇᕗᒻᒥᑦ ᐊᓂᑦᑕᐃᓕᓂᖕᒧᑦ ᒪᓕᒋᐊᓕᑦ ᐊᐅᓚᕐᓂᐊᕐᑐᓄ ᐃᓚᓕᐊᕐᑐᓄᑦ ᐅᕝᕙᓘᓐᓃᑦ ᑲᐱᔭᐅᓯᒪᙱᑦᑐᓄᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑭᑭᑕᐅᓯᒪᔪᑦ (in territory rules)

ᑭᑭᑕᐅᓯᒪᔪᑦ ᐊᐅᓪᓚᕐᓂᐊᕐᑐᖅ ᐊᓂᑦᑕᐃᓕᔭᕆᐊᓕᑦ ᓄᓇᕗᒻᒥᑦ ᐅᓪᓗᑦ ᓯᕗᓪᓕᑦ 14−ᓄᑦ.

ᑲᐱᔭᐅᓯᒪᙱᑦᑐᐃᑦ/ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᐃᖅᑲᓇᐃᔭᕐᑎᑦ ᐃᓄᑑᔭᕆᐊᖃᕋᔭᖅᑐᑦ ᓄᓇᕗᒻᒥᑦ (ᑭᓯᐊᓂ ᓴᓇᔭᖅᑐᕐᓗᓂ) ᒪᑐᐊᖅᓯᒪᓗᓂ (ᐃᖅᑲᓇᐃᔭᕐᕕᖕᒥᑦᑕᐅ) ᐅᓪᓗᓄᑦ 14−ᓄᑦ ᑎᑭᓯᒪᓕᕐᓗᓂ. ᐃᖅᑲᓇᐃᔭᕆᐊᖃᓪᓚᕆᒃᑐᑦ ᓂᕿᑖᕆᐊᖅᑐᕈᓐᓇᖅᑐᑦ ᐱᓇᓱᐊᕈᓯᖅ ᐊᑕᐅᓯᐊᕐᓗᒍ ᐃᓄᑑᔭᕆᐊᖃᕐᓂᖏᓐᓂᒃ ᐊᒡᔭᖅᓯᕕᐅᔪᓐᓇᙱᑉᐸᑕ.

ᑲᐱᔭᐅᓯᒪᙱᑦᑐᖅ/ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᐃᒡᓗᒥᐅᖃᑎᒌᑦ ᐃᓚᓕᐊᕐᓯᒪᔪᓄᑦ ᐃᖅᑲᓇᐃᔭᕐᑎᓄᓪᓘᓐᓃᑦ ᑭᑭᑕᐅᓯᒪᔪᑦ ᐊᓂᑦᑕᐃᓕᒪᓂᖕᒧᑦ ᐊᓂᑦᑕᐃᓕᔭᕆᐊᖃᖕᒥᔪᑦᑕᐅᖅ ᐊᖏᕐᕋᒥᓂ ᐅᓪᓗᓄᑦ 14−ᓄᑦ.

ᓂᕿᑖᕆᐊᖅᑐᕈᓐᓇᕐᑐᑐᐊᖅ ᐊᑕᐅᓯᖅ ᐃᒡᓗᒥᐅᖃᑎᒌᓂᑦ.

 

ᐊᐅᓪᓚᕐᕕᐅᔪᓐᓇᖅᑐᑦ ᐊᐅᓪᓚᕆᐊᖅᑐᕐᑐᓄᑦ:

ᓄᓇᕗᑦ ᓯᓚᑖᓂ ᐃᓄᑑᔪᒃᑯᕕᖕᒧᐊᙱᑦᑐᓐᓇᖅᑐᑦ ᐊᖏᖅᑕᐅᓯᒪᓂᒃᑯᑦ ᐊᐅᓪᓚᕐᕕᐅᔪᓐᓇᕐᑐᓂ ᓂᕈᐊᕐᑕᐅᓯᒪᔪᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.

ᐊᐅᓪᓚᕐᕕᐅᔪᓐᓇᖅᑐᑦ ᐊᑐᖅᑐᑦ ᖃᖓᑕᔫᒃᑯᑦ ᓄᓇᒃᑯᓪᓗ ᐊᐅᓪᓚᖃᑦᑕᕐᓂᕐᒧᑦ ᐊᐅᓪᓚᖃᑦᑕᖅᑐᐃᓪᓗ ᐃᓄᑑᑎᒋᐊᖃᕋᑎᒃ ᐊᐅᓪᓚᖃᑦᑕᖅᑎᓪᓗᒋᑦ ᓄᓇᕗᒻᒥ ᓄᓇᑦᓯᐊᕐᒥᓪᓗ ᓄᓇᕗᒻᒥᓪᓘᓐᓃᑦ ᑰᒡᔪᐊᕌᓗᒃ, ᒫᓂᑑᕙᒧ ᖃᓄᐃᓕᖓᖁᔭᐅᔪᓄᑦ:

  • ᐊᐅᓪᓚᖅᑐᖅ ᓄᓇᕗᑦ ᑭᒡᓕᖃᕐᕕᖏᓃᑦᑕᕆᐊᖃᖅᑐᑦ ᖃᓂᒋᔮᓂᓘᓃᑦ ᓄᓇᕗᑦ ᐊᐅᓪᓚᕐᕕᒋᕙᒃᑕᖏᓐᓄᑦ.
  • ᐊᐅᓪᓚᕐᓂᐊᖅᑐᑦ ᐊᐅᓪᓚᕐᕕᐅᔪᓐᓇᖅᑐᓂ ᐱᓇᓱᐊᕈᓰᓐᓄ ᒪᕐᕉᓄᑦ ᐊᐅᓪᓚᓚᐅᖅᑳᕋᑎᑦ ᓄᓇᕗᒻᒧᓪᓘᓐᓃᑦ.
  • ᐊᐅᓪᓚᖅᑐᐃᑦ ᐊᐅᓪᓚᕐᕕᐅᔪᓐᓇᖅᑐᓃᒋᐊᓖᑦ ᐊᐅᓪᓚᖅᓯᒪᑎᓪᓗᒋᑦ.

ᐆᒃᑑᑎᒋᓗᒍ, ᓄᓇᕗᒻᒥᐅᑕᖅ ᑰᔾᔪᐊᕌᓗᒻᒧᕈᒪᑉᐸᑦ ᓇᓇᕗᒻᒦᓯᒪᖅᑳᕆᐊᓕᒃ ᐅᓪᓗᓄᑦ 14−ᓄᑦ ᐊᐅᓪᓚᓚᐅᖅᑳᕋᑎᒃ, ᐊᓯᐊᓄᑦ ᐊᐅᓪᓚᕈᓐᓇᙱᑦᑐᑦ, ᑭᓯᐊᓂ ᐅᑎᕐᓗᑎᒃ ᓄᓇᕗᒻᒧᑦ.

ᓄᓇᕗᒻᒧᑦ ᑎᑭᑦᑐᒪᔪᐃᑦ, ᑎᑎᕋᕆᐊᖃᖅᑐᑦ ᐅᕗᖓ cphotravelrequests@gov.nu.ca ᓱᒃᑲᔪᒃᑯᓪᓘᓃᑦ ᐊᐅᓪᓚᖅᑎᑦᑎᔪᓐᓇᕐᒥᔪᑎᑦ ᐅᕗᖓ: 1-867-975-6790 ᑕᑕᑎᕐᓗᒍ ᐊᑎᓕᐅᕆᐊᖃᕆᓪᓗᓂ ᐊᐅᓪᓚᕐᓂᕐᒧᑦ ᓇᓗᓇᐃᖅᓯᔾᔪᑎ ᑎᑎᖅᑲᖓ. ᑕᐃᒪᐃᙱᑉᐸᑕ ᐊᑦᑐᐃᓂᖃᑐᐃᓐᓇᕆᐊᓕᒃ ᓄᓇᕗᒻᒧᐊᕋᓱᓐᓂᖓᓂ. ᑭᐅᑦᑎᐊᙱᓪᓗᓂ ᓱᓕᙱᓪᓗᓂ ᐊᑭᓕᒃᓴᕐᑖᕐᑎᑕᐅᑐᐃᓐᓇᕆᐊᓕᑦ. ᑕᒪᓐᓇ ᑐᕌᖓᖕᒥᔪᖅᑕᐅᖅ ᓄᓇᕗᒻᒥᐅᓄᑦ ᐅᑎᕈᒪᔪᑦ ᓄᓇᑦᓯᐊᒦᓚᐅᕐᑎᓪᓗᒋᑦ ᑰᔾᔪᐊᕌᓗᒻᒥᓪᓘᓐᓃᑦ. ᑭᓇᑐᐃᓐᓇᖅ ᖃᖓᑕᔫᒃᑰᖅᑐᖅ ᑎᑎᖅᑲᖃᕆᐊᓕᒃ ᐊᔪᙱᑎᑕᐅᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒻᒥᑦ ᐃᑭᒍᓐᓇᕐᓂᐊᕐᓗᓂ ᖃᖓᑕᔫᒧᑦ.

ᖃᖓᑕᓲᒃᑯᑦ ᐊᐅᓪᓚᕐᓂᐊᖅᑐᑦ ᑐᓂᓯᒋᐊᖃᖅᐳᑦ ᓇᓗᓇᐃᖅᓯᔾᔪᑎᒥᒃ ᐅᓪᓗᑦ ᒪᕐᕉᖕᓂ 7-ᓄᑦ ᓴᓇᓐᓇᓄᑦ ᓄᓇᕗᒻᒧᑦ ᐊᐅᓪᓚᕐᕕᒃᓴᖓ ᓇᓪᓕᓚᐅᙱᓐᓂᖓᓂ.

ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅᑉ ᑎᑎᕋᕐᕕᐊ ᑎᑎᕋᖃᑦᑕᕐᓂᐊᕐᑐᑦ ᐊᖏᕈᑎᒥᑦ. ᐊᐅᓪᓚᕐᓂᐊᕐᑐᑦ ᓴᖅᑭᑦᑎᔭᕆᐊᖃᖃᑦᑕᕐᓂᐊᕐᑐᑦ ᐊᖏᕈᑎᒥᑦ ᑎᑎᖅᑲᒥᑦ ᐃᑭᓚᐅᙱᓐᓂᖏᓐᓂᑦ ᖃᖓᑕᓲᒧ ᓄᓇᕗᓕᐊᕐᑐᒥᑦ.

ᐅᑯᐊ ᖃᐅᔨᒪᓗᒋᑦ: ᑲᐱᔭᐅᓯᒪᔪᑦ ᐊᐅᓪᓚᕐᓂᐊᕐᑐᑦ ᓇᓗᓇᐃᒃᑯᓕ ᑲᐱᔭᐅᓯᒪᓂᖕᒧᑦ ᐊᑐᕈᓐᓇᕐᑐᑦ ᓇᓗᓇᐃᒃᑯᑕᒥ ᑲᐱᔭᐅᓯᒪᓂᖕᒧᑦ ᐊᐅᓪᓚᕐᓂᐊᕐᓗᑎᒃ ᑐᒃᓯᕋᙱᓪᓗᑎᒃ ᐊᐅᓪᓚᕐᕕᐅᕙᒃᑐᒧ ᐊᖏᖅᑕᐅᓂᖕᒥᑦ.

ᐊᐅᓪᓚᕐᕕᐅᔪᓐᓇᖅᑐᑦ ᓱᓕᓂᕋᕈᑎ ᑕᑕᑎᕆᐊᓕᕐ

ᒫᓐᓇᐅᔪᖅ ᐃᓕᓴᕆᔭᐅᓯᒪᔪᑦ ᐊᐅᓪᓚᕐᕕᐅᔪᓐᓇᖅᑐᑦ ᐅᑯᐊᖑᕗᑦ:

Churchill

 

ᐃᒡᓗᓕᐅᖅᑏᑦ

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ CPHOconstructionrequests@gov.nu.ca. ᑲᐱᔭᐅᓯᒪᔪᑦ ᐃᒡᓗᕐᔪᐊᓕᐅᖅᑏᑦ ᓄᓇᕗᒻᒧᐊᕈᒪᓗᑎᒃ ᑐᒃᓯᕋᕐᓗᑎᒃ ᓄᓇᕗᒻᒧᐊᕈᑎᒥ ᑲᐱᔭᐅᓯᒪᔪᑎᑐᑦ ᐊᐅᓪᓚᕐᓂᐊᕐᓗᓂ.

 

ᐃᓄᑑᑎᑕᐅᓂᐊᖅᑐᑦ ᐃᓯᖅᐸᓪᓕᐊᔪᑦ ᐊᖏᕐᕋᐅᓂᐊᖅᑐᓄᓪᓗ ᓇᓗᓇᐃᖅᓯᒪᔪᑦ

ᐃᓄᑑᔭᕆᐊᖃᖅᑎᑕᐅᔪᑦ ᐊᐅᓪᓚᕐᓂᐊᖅᑐᑦ

ᐃᓄᐃᑦ ᐅᓪᓗᓄᑦ 14−ᓄᑦ ᐃᓄᑑᔭᕆᐊᖃᖅᑎᑕᐅᔪᑦ ᓄᓇᕗᒻᒧᑦ ᐅᑎᓚᐅᙱᑎᓪᓗᒋᑦ ᐅᑯᓇᓂ ᐅᓪᓗᓂᑦ ᐃᓂᒃᓴᓕᐅᖅᑕᐅᔪᓐᓇᕐᓂᐊᖅᑐᑦ ᐃᓄᑑᔭᕆᐊᖃᖅᑎᑕᐅᓂᐊᖅᑐᑦ:

ᓇᓂ ᐅᓪᓗᐃᑦ ᐃᓂᒃᓴᓕᐅᖅᑕᐅᕝᕖᑦ
ᐋᑐᕚ

ᓇᒡᒐᔾᔭ - ᐊᐃᑉᐹ - ᐱᖓᔪᐊᑦ - ᕿᑎᖅᑰ - ᐅᓪᓗᑐᐃᓐᓇᖅ


ᐅᐃᓂᐲᒡ
ᓇᒡᒐᔾᔭ - ᐊᐃᑉᐹ - ᐱᖓᔪᐊᑦ - ᕿᑎᖅᑰ - ᐅᓪᓗᑐᐃᓐᓇᖅ
ᔭᓗᓇᐃ

ᓇᒡᒐᔾᔭ - ᐊᐃᑉᐹ - ᐱᖓᔪᐊᑦ - ᕿᑎᖅᑰ - ᐅᓪᓗᑐᐃᓐᓇᖅ

ᐃᐊᒪᓐᑕᓐ

ᓇᒡᒐᔾᔭ - ᐊᐃᑉᐹ - ᐱᖓᔪᐊᑦ - ᕿᑎᖅᑰ - ᐅᓪᓗᑐᐃᓐᓇᖅ

ᐃᓄᑑᔭᕆᐊᖃᖅᑎᑕᐅᔪᓄᑦ ᐃᓂᒃᓴᓕᐅᕐᕖᑦ ᑭᒡᓕᖃᖅᑎᑕᐅᕗᑦ ᐅᓪᓗᓄᑦ ᖁᓛᓃᑦᑐᓄᑦ ᖃᖓᑕᕝᕕᐅᓲᓂᒃ ᒪᓕᒐᓱᒃᖢᑎᒃ ᐅᑎᖅᐸᓪᓕᐊᔪᑦ ᖃᖓᑕᕝᕕᒃᓴᖏᑕ ᐅᓪᓗᖏᓐᓄᑦ ᐊᒻᒪ ᐊᑑᑎᖃᓛᖑᓇᓱᒃᖢᑎᒃ ᐃᓄᑑᔭᕆᐊᖃᖅᑎᑕᐅᔪᑦ ᐊᐅᓪᓚᕐᕕᒃᓴᖏᑦ ᐱᓕᕆᐊᖑᔪᑦ. ᑭᑭᑕᐅᔪᖃᖃᑦᑕᕐᓂᐊᖅᑐᖅ ᑐᔪᕐᒥᓂᐊᖅᑐᑦ ᐃᓂᒃᓴᓕᐅᖅᑕᐅᔪᓐᓇᖁᓪᓗᒋᑦ ᐅᓪᓗᖏᓐᓂᒃ ᓇᓗᓇᐃᖅᓯᒪᔪᓂᑦ ᖁᓛᓂ ᐊᑕᐅᓯᐅᓈᖅᑎᕐᓗᒋᑦ.

 

ᐊᖏᖅᑕᐅᔪᑦ ᐊᐅᓪᓚᕐᕕᒃᓴᖏᑕ ᐅᓪᓗᖏᑦ

ᐊᑖᓂ ᑎᑎᕋᖅᓯᒪᔪᑦ ᓇᓗᓇᐃᔭᖅᓯᒪᕗᑦ ᐱᓇᓱᐊᕈᓯᕐᒥ ᐅᓪᓗᖏᓐᓂᒃ ᐃᓄᑑᔭᕆᐊᖃᖅᑎᑕᐅᔪᑦ ᓄᓇᕗᒻᒧᑦ ᐅᑎᕐᕕᒋᔪᓐᓇᕐᓂᐊᖅᑕᖏᑦ. ᐅᑎᕐᕕᒃᓴᓪᓚᑦᑖᖏᑕ ᐅᓪᓗᐃᑦ ᒪᓕᖃᑦᑕᕐᓂᐊᖅᐳᑦ ᖃᖓᑕᓲᑦ ᐊᐅᓚᓂᕆᔭᖏᓐᓄᑦ ᐊᒻᒪ ᐃᓂᒃᓴᖃᕌᖓᑕ.

ᑐᖑᔪᖅᑐᒥᒃ ᓇᓗᓇᐃᖅᓯᒪᔪᑦ: ᐃᓄᑑᔭᕆᐊᖃᖅᑎᑕᐅᔪᑦ ᐃᓂᒃᓴᓕᐅᖅᑕᐅᕝᕕᖏᑕ ᐅᓪᓗᖏᑦ

 

 

ᐊᐱᖅᑯᑏᑦ ᑭᐅᔾᔪᑏᓪᓗ

ᐊᐱᖅᑯᑎ: ᒪᕐᕉᒃ ᐃᓅᒃ ᐃᓂᒃᓴᖅᑖᖅᑎᑕᐅᓗᑎᒃ ᑕᕝᕙᓂᑦᑕᐃᓐᓇᖅ ᐅᓪᓗᕐᒥ, ᑭᓯᐊᓂ ᐱᖃᑖ ᐊᓯᐊᓂᒃ ᐅᓪᓗᕐᒥ ᐊᐅᓪᓚᕐᕕᒃᓴᖃᖅᖢᓂ, ᖃᓄᐃᒻᒪᑦ?

ᑭᐅᔾᔪᑎ: ᐋᓐᓂᐊᕐᕕᖕᒧᑦ ᐊᐅᓪᓚᕐᓂᐊᖅᑐᑦ ᓄᓇᕗᒻᒧᑦ ᐅᑎᕐᕕᒃᓴᖅᑖᖅᑎᑕᐅᖃᑦᑕᖅᐳᑦ ᑭᖑᓪᓕᕐᒥ ᖃᖓᑕᕝᕕᐅᓂᐊᖅᑐᒧᑦ ᐅᓪᓗᓂᒃ 14-ᓂᒃ ᐃᓄᑐᐊᒃᑯᕕᖕᒦᓵᖅᑐᓄᑦ. ᖃᖓᑕᓲᑦ ᖃᖓᑕᕝᕕᒋᕙᒃᑕᖏᑦ ᐃᓂᒃᓴᖃᕐᓂᖏᓪᓗ ᒪᓕᒃᖢᒋᑦ ᑖᓐᓇ ᐃᓄᒃ ᐅᓪᓗᑦ 14 ᐅᖓᑖᓂ ᐃᓄᑑᒃᑯᕕᖕᒥᑎᑕᐅᑐᐃᓐᓇᕆᐊᓕᒃ.

ᑭᒃᑯᑐᐃᓐᓇᑦ ᐊᐅᓪᓚᕐᓂᐊᖅᑐᑦ ᐃᓄᑑᒃᑯᕕᖕᒧᐊᖅᑎᑕᐅᔪᑦ ᐅᑎᕐᕕᒃᓴᖓᑕ ᖃᖓᑦᑕᐅᑎᖓ ᒪᓕᒃᑕᐅᓗᓂ ᓄᓇᕗᒻᒥ ᐃᓄᑑᔭᕆᐊᓕᖕᓄᑦ ᖃᖓᑦᑕᐅᑎᓕᕆᔨᒃᑯᓐᓄᑦ ᑐᓂᓚᐅᖅᑕᖏᑦ. ᑭᒃᑯᑐᐃᓐᓇᑦ ᐊᐅᓪᓚᕐᓂᐊᖅᑐᑦ ᐋᖅᑭᒋᐊᖅᓯᔭᕆᐊᖃᖅᐳᖅ ᓇᖕᒥᓂᖅ ᖃᖓᑕᐅᑎᒃᓴᒥᓂᒃ ᐱᔭᕆᐊᖃᖅᐸᑦ.  

ᐊᐱᖅᑯᑎ: ᐃᓄᒃ ᐃᓄᑑᔭᕆᐊᖃᖅᑎᑕᐅᔪᖅ ᐊᐃᕐᕆᓕ 30-ᒥ ᐃᓂᑖᖅᑎᑕᐅᔪᖅ ᐊᐅᓪᓚᕐᕕᒃᓴᖃᖅᖢᓂᓗ ᑭᓯᐊᓂ ᒪᐃ 14-ᒥ 15-ᒥᓪᓘᓐᓃᑦ ᐊᐅᓪᓚᕐᕕᒃᓴᓕᖕᓂᑦ ᑎᑎᕋᖅᓯᒪᔪᓂᑦ. ᖃᖓ ᐊᐅᓪᓚᕐᕕᒃᓴᖃᖅᐸ? ᖃᓄᐃᒻᒪᑦ ᑖᒃᑯᓇᓂ ᑎᑎᕋᖅᑕᐅᓯᒪᙱᓚᖅ?

ᐅᖃᓕᒫᖅᑎ ᐅᔾᔨᕈᓱᒋᐊᓕᒃ: ᐋᖅᑭᒃᑕᐅᓯᒪᔪᑦ ᑕᑯᓗᒋᑦ ᒪᒃᐱᒐᖅ ᑭᖑᑉᐱᐊᖅᑎᓪᓗᒍ

ᑭᐅᔾᔪᑎ: ᑐᔪᕐᒥᔪᖅ ᐊᐅᓪᓚᕐᕕᒃᓴᖓᑕ ᐅᓪᓗᖓᓂᒃ ᖃᐅᔨᓇᓱᒃᑐᖅ ᑭᒃᑯᑐᐃᓐᓇᓂᒃ ᐊᐅᓪᓚᖃᑕᐅᓂᐊᖅᑐᖅ, ᖃᖓᑕᓲᓕᕆᔨᒃᑯᓐᓄᑦ ᖃᐅᔨᒋᐊᖁᔭᐅᓗᓂ ᐅᖃᐅᔾᔭᐅᓪᓗᐊᖅᐳᖅ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᓂ ᖃᖓᑦᑕᐅᑎᖓᓂᒃ  ᐅᑎᕐᕕᒃᓴᖓᓄᑦ.  ᑭᒃᑯᑐᐃᓐᓇᑦ ᐊᐅᓪᓚᕐᓂᐊᖅᑐᑦ ᓂᐅᕕᕆᐊᖃᖅᐳᖅ ᐋᖅᑭᒋᐊᖅᓯᓗᓂᓗ ᓇᖕᒥᓂᖅ ᖃᖓᑦᑕᐅᑎᒃᓴᖓᓂᒃ ᒪᓕᖁᓪᓗᒋᑦ ᐃᓄᑑᔭᕆᐊᖃᖅᑎᓪᓗᒍ ᐃᓂᖓᑕ ᐊᐅᓪᓚᕐᕕᒃᓴᖓᑕ ᐅᓪᓗᖓᓂᒃ.

ᐋᓐᓂᐊᕐᕕᖕᒧᑦ ᐊᐅᓪᓚᕐᓂᐊᖅᑐᑦ ᓄᓇᕗᒻᒧᑦ ᐅᑎᕐᕕᒃᓴᖅᑖᖅᑎᑕᐅᖃᑦᑕᖅᐳᑦ ᑭᖑᓪᓕᕐᒥ ᖃᖓᑕᕝᕕᐅᓂᐊᖅᑐᒧᑦ ᐅᓪᓗᓂᒃ 14-ᓂᒃ ᐃᓄᑐᐊᒃᑯᕕᖕᒦᓵᖅᑐᓄᑦ. ᖃᖓᑕᓲᑦ ᖃᖓᑕᕝᕕᒋᕙᒃᑕᖏᑦ ᐃᓂᒃᓴᖃᕐᓂᖏᓪᓗ ᒪᓕᒃᖢᒋᑦ ᑖᓐᓇ ᐃᓄᒃ ᐅᓪᓗᑦ 14 ᐅᖓᑖᓂ ᐃᓄᑑᒃᑯᕕᖕᒥᑎᑕᐅᑐᐃᓐᓇᕆᐊᓕᒃ.

ᐊᐱᖅᑯᑎᒃᓴᖃᖅᑐᑦ ᐃᓄᑑᔭᕆᐊᖃᖅᑎᑕᐅᔪᑦ ᐅᑎᕐᕕᒃᓴᖓᑕ ᐅᓪᓗᐊᓂᒃ ᐅᕝᕙᓘᓐᓃᑦ ᖃᓄᐃᒻᒪᑦ ᐊᐅᓪᓚᕐᓂᐊᖅᑐᓄᑦ ᑎᑎᕋᖅᑕᐅᓯᒪᙱᒻᒪᖔᑦ ᐅᕗᖓ ᖃᐅᔨᒋᐊᖅᑎᑕᐅᔪᓐᓇᖅᐳᖅ NUIsolationTravel@gov.nu.ca.

ᐊᐱᖅᑯᑎ: ᐃᓄᑑᔭᕆᐊᖃᖅᑎᑕᐅᓵᖅᑐᖅ ᐅᖃᐅᔾᔭᐅᓗᓂ ᒪᐃ 1-ᒥ ᐊᐅᓪᓚᕈᓐᓇᕐᓂᕋᖅᑕᐅᓕᕐᓗᓂ, ᑭᓯᐊᓂ ᒪᐃ 5-ᒧᑦ ᖃᖓᑦᑕᐅᓯᖅᑕᐅᓗᓂ. ᑖᓐᓇ ᐊᓯᔾᔨᖅᑕᐅᔪᓐᓇᖅᐸ?

ᑭᐅᔾᔪᑎ: ᐋᓐᓂᐊᕐᕕᖕᒧᑦ ᐊᐅᓪᓚᖅᐸᒃᑐᑦ ᐅᖃᐅᔾᔭᐅᓯᒪᓪᓗᐊᖅᐳᑦ ᐅᑎᕐᕕᒃᓴᖓᑕ ᐅᓪᓗᐊ ᐋᖅᑭᒃᑕᐅᖃᑦᑕᕐᓂᖓᓂᒃ ᑭᖑᓪᓕᕐᒥ ᖃᖓᑕᕝᕕᒃᓴᖓᓄᑦ ᐅᓪᓗᓄᑦ 14-ᓄᑦ ᐃᓄᑑᔭᕆᐊᖄᓂᒃᑎᓪᓗᒍ. ᐅᑎᕐᕕᒃᓴᖓᑕ ᐅᓪᓗᐊ ᐋᖅᑭᒃᑕᐅᔪᖅ ᕿᓚᒻᒥᐅᓛᖑᕗᖅ ᖃᖓᑕᕝᕕᒋᔪᓐᓇᖅᑕᖓᓄᑦ.

ᑭᒃᑯᑐᐃᓐᓇᑦ ᐊᐅᓪᓚᕐᓂᐊᖅᑐᑦ ᐃᓄᑑᒃᑯᕕᖕᒧᐊᖅᑎᑕᐅᔪᑦ ᐅᑎᕐᕕᒃᓴᖓᑕ ᖃᖓᑦᑕᐅᑎᖓ ᒪᓕᒃᑕᐅᓗᓂ ᓄᓇᕗᒻᒥ ᐃᓄᑑᔭᕆᐊᓕᖕᓄᑦ ᖃᖓᑦᑕᐅᑎᓕᕆᔨᒃᑯᓐᓄᑦ ᑐᓂᓚᐅᖅᑕᖏᑦ. ᑭᒃᑯᑐᐃᓐᓇᑦ ᐊᐅᓪᓚᕐᓂᐊᖅᑐᑦ ᐋᖅᑭᒋᐊᖅᓯᔭᕆᐊᖃᖅᐳᖅ ᓇᖕᒥᓂᖅ ᖃᖓᑕᐅᑎᒃᓴᒥᓂᒃ ᐱᔭᕆᐊᖃᖅᐸᑦ.

 

 

ᒪᑐᐊᖅᓯᒪᔭᕆᐊᓖᑦ ᖃᖓᑕᓲᒃᑯᑦ ᐊᐅᓪᓚᕐᓂᐊᖅᑐᑦ


ᑲᓇᑕᐅᑉ ᒐᕙᒪᖓ ᐃᒪᓐᓇᐃᑦᑕᕆᐊᖃᖅᑎᑦᑎᕗᑦ, ᖃᖓᑕᓲᒃᑯᑦ ᐊᐅᓪᓚᖅᐸᒃᑐᓕᒫᑦ ᐊᑐᕆᐊᖃᕐᓗᑎᒃ ᐋᓐᓂᐊᕕᖕᒥᙶᙱᑦᑐᑦ, ᑮᓇᕐᒧᑦ ᒪᑐᐊᕐᓂᒃ ᖃᓂᖏᑦ ᕿᖓᖏᓪᓗ ᒪᑐᐊᕈᑎᒋᔪᓐᓇᖅᑕᖏᓐᓂᒃ ᖃᖓᑕᓲᒃᑰᖃᑕᐅᑎᓪᓗᒋᑦ ᑲᓇᑕᒥ ᒥᑦᑕᕐᕕᖕᒦᑎᓪᓗᒋᑦ ᐊᒻᒪ ᖃᖓᑕᓲᒃᑰᖅᑎᓪᓗᒋᑦ. ᐋᓐᓂᐊᕕᖕᒥᐅᑕᙱᑦᑐᒥᒃ ᑮᓇᕐᒧᑦ ᒪᑐᐊᖅᓯᒪᓪᓗᓂ ᐱᒻᒪᕆᐅᓪᓗᓂ ᐆᒃᑐᕋᐅᑕᐅᒃᑲᓐᓂᕆᐊᖃᖅᐳᖅ ᖃᖓᑕᓲᒃᑯᑦ ᐊᐅᓪᓚᖃᑕᐅᓂᐊᖅᑐᓕᒫᓄᑦ ᓇᒃᓴᖅᑕᐅᔪᓐᓇᕐᓗᑎᒃ ᓴᐳᔾᔨᔾᔪᑕᐅᔪᓐᓇᕐᒪᑕ ᐃᓄᖕᓄᑦ ᖃᓂᕝᕕᓯᐅᖅᑐᓄᑦ. 

ᓂᐅᕕᖅᐸᒃᑐᑦ ᑮᓇᕐᒧᑦ ᒪᑐᐊᕐᓯᒪᖏᑦᑐᑦ ᐊᐅᓪᓚᕈᓐᓇᖅᑎᑕᐅᖃᑦᕋᔮᖏᑦᑐᑦ. 

ᑮᓇᕐᒧᑦ ᒪᑐᐊᖅ ᓴᓇᔭᐅᓯᒪᔭᕆᐊᓕᒃ ᒪᕐᕈᖕᓂ ᖃᓪᓗᓈᖅᑕᕐᒥᑦ ᓱᑲᖓᔪᒥᑦ ᓄᕕᐅᖃᕐᓯᒪᓗᑎᒃ, ᓴᓗᒪᓗᓂ ᐊᒻᒪᓗ ᖃᐅᓯᖏᓪᓗᓂ, ᐊᒻᒪᓗ ᒪᑐᐊᖅᓯᒪᑦᑎᐊᕐᓗᒋᑦ ᕿᖓᒃᑯᑦ ᖃᓂᒃᑯᓪᓗ.

ᐃᖃᐅᒪᔭᕆᐊᖃᕐᐳᑎᑦ ᑖᒃᑯᐊ ᑮᓇᕐᒧᑦ ᒪᑐᐊᕐᒧᑦ ᒪᓕᒃᑕᐅᔭᕆᐊᓖᑦ ᒪᓕᑦᑎᐊᕐᓯᒪᖏᑦᑐᑦ ᐃᑭᔪᓐᓇᕐᑎᑕᐅᓇᔭᖏᑦᑐᑦ, ᑭᒡᓕᖃᖏᓐᓂᖏᓐᓄᑦ ᐊᐃᑦᑐᕐᓗᖕᓂᖅ ᓇᕙᒡᔪᐊᕐᓇᖅ−19−ᒥᑦ.

  • ᐋᓐᓂᐊᕐᕕᖕᒥᖔᖏᑦᑐᓂ ᑮᓇᕐᒧᑦ ᒪᑐᐊᕐᓯᒪᔾᔪᑏᑦ ᐊᓂᖅᓵᕐᕕᓖᑦ ᐅᕝᕙᓘᓐᓃᑦ ᐊᖕᒪᔪᓖᑦ.
  • ᐋᓐᓂᐊᕐᕕᖕᒥᖔᖏᑦᑐᓂ ᓴᓇᔭᐅᓯᒪᔪᑦ ᐊᖕᒪᔪᖓᓛᓖᑦ.
  • ᑮᓇᕐᒧᑦ ᒪᑐᐊᖅ ᕿᐅᒃᑲᖓᒃᐸᑦ, ᐃᒃᐸᒃᑯᑎᓘᓐᓃᑦ ᐅᕝᕙᓘᓐᓃᑦ ᐊᓕᒃᓯᒪᒃᐸᑦ.
  • ᖁᖓᓯᕈᕐᒥᑦ.
  • ᓇᓴᕈᕚᕐᒥᑦ.
  • ᑮᓇᕐᒧᑦ ᓴᐳᒻᒥᔾᔪᑎᒥᒃ.

 

ᐃᑲᔫᑎᒃᓴᑦ

ᐃᓄᑑᔭᕆᐊᖃᖅᑎᑕᐅᔪᑦ ᐊᒻᒪ ᓄᓇᕗᒻᒧᑦ ᐅᑎᕐᓂᐊᖅᑐᓄᑦ ᒪᓕᒃᑕᐅᒋᐊᓖᑦ

ᒪᑐᐊᖅᓯᒪᔭᕆᐊᓖᑦ ᖃᖓᑕᓲᒃᑯᑦ ᐊᐅᓪᓚᕐᓂᐊᖅᑐᑦ

ᓄᕙᒡᔪᐊᕐᓇᖅ-19−ᒧᑦ ᐃᓄᑑᑎᑕᐅᔪᑦ

ᐊᐱᖅᑯᑕᐅᒐᔪᒃᑐᑦ ᖃᖓᑕᓲᒃᑯᑦ ᐊᐅᓪᓚᕐᕕᐅᒐᔪᒃᑐᒃᑯᑦ ᐊᖅᑯᓵᕐᕕᒃᑯᑦ ᓄᓇᕗᒻᒥ ᓄᓇᑦᓯᐊᕐᒥᓗ

 

 
ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕈᑏᑦ

ᐅᓇ ᓇᕿᓪᓗᒍᑦ ᐅᑎᕈᒪᒍᕕᑦ ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕐᕕᖕᒧᑦ