You are here

ᒥᐊᓕᐅᑉ ᐅᓂᒃᑳᖅᑕᖓ

ᒥᐊᓕᐅᔪᖓ ᒫᓐᓇ ᐅᑭᐅᖃᖅᐳᖓ 17-ᓂᒃ, ᑕᖅᑭᐅᒃᑲᓐᓂᓕᖅᐸᑦ 18-ᖑᓛᓕᖅᖢᖓ. ᐅᕙᓐᓂᒃ ᓇᓗᓇᐃᕈᓐᓇᖅᐳᖓ ᐊᕐᓇᐅᒐᒪ/ᐊᖑᑕᐅᒐᒪ ᐊᒻᒪ ᐊᖑᑎᕐᔭᖓᒐᒪ. ᓂᕈᐊᕆᔭᖃᙱᑦᑐᖓ ᖃᓄᑐᐃᓐᓇᖅ ᐅᖃᐅᓯᐅᓗᖓ ᐅᖃᐅᓯᖅᑕᓂᒃ ᐊᑐᕋᓗᐊᖅᐸᑕ ᐅᕙᓐᓄᑦ ᐅᖃᓪᓚᒃᑎᓪᓗᒋᑦ− ᐅᕙᓐᓂᒃ ᐃᓱᒪᒋᔪᒪᑐᐃᓐᓇᓲᖑᒐᒪ ᐃᓅᓂᓐᓂᒃ. ᑭᓇᑐᐃᓐᓈᖅᑎᐅᖕᒥᒐᒪ ᑐᑭᖃᖅᑐ ᐱᐅᒃᓴᖅᑐᖓ ᐃᓅᑉ ᐃᓕᖁᓯᖏᓐᓂᑦ ᐃᓅᖃᑎᖃᕈᒪᔪᖓ ᐃᓄᖕᓂᑦ ᐃᒃᐱᖕᓂᐊᓂᒃᑯᑦ ᑎᒥᒃᑯᓪᓘᓐᓃᑦ.

ᑕᐅᕙᓂᕈᔪᒃ ᖁᕝᕙᓯᖕᓂᖃᖅᖢᖓ 8-ᒥᑦ ᖃᐅᔨᕙᓪᓕᐊᓕᓚᐅᖅᐳᖓ ᑭᓇᐅᓂᕐᓂᑦ ᑕᒪᐃᓐᓄᖅᑎᐅᓂᓐᓂᑦ ᖃᐅᔨᒪᓗᐊᓚᐅᖏᑦᑐᖓ ᐊᓯᖏᓐᓂᑦ ᓄᓕᐊᕐᓂᖅᒥᑦ ᑕᐃᔅᓱᒪᓂ ᑭᓯᐊᓂᓕ ᖃᐅᔨᒪᓚᐅᖅᑐᖓ ᐱᐅᒃᓴᖅᑐᖓ ᐊᕐᓇᓂᑦ ᐊᖑᑎᓂᒡᓗ. ᖃᐅᔨᓕᓚᐅᖅᐳᖓ ᑐᑭᖏᓐᓂᑦ ᑭᓇᑐᐃᓐᓈᖅᑐᓂᑦ ᐃᓚᒋᖃᓯᐅᑎᑐᐃᓐᓇᖅᖢᒋᓪᓗ ᐃᓕᓐᓂᐊᕐᕕᐊᓗᒃᒥᑦ ᐃᓕᓐᓂᐊᖅᑎᓪᓗᖓ ᖃᐅᔨᒃᑲᐃᓚᐅᖅᓯᒪᕗᖓ ᑭᓇᑐᐃᓐᓇᖅᑎᐅᓂᓐᓂ, ᐊᕐᓇᐅᒐᒪ/ᐊᖑᑕᐅᒐᒪ ᑕᐃᒪᐃᑦᑑᓂᓐᓂᑦ. ᖃᐅᔨᑎᓚᐅᖅᐸᕋ ᐊᖓᔪᒐ ᑕᐃᑲᓂ. ᑐᑭᓯᐅᒪᓚᐅᖅᑐ ᐅᖃᓚᐅᕆᕗ ᐊᕐᓇᐅᒐᒪ/ᐊᖑᑕᐅᒐᒪᑦᑕᐅ!

ᑕᐃᑲᓂ ᖃᐅᔨᓇᓱᒃᖢᖓ ᑭᓇᐅᖕᒪᖔᕐᒪ ᓄᓕᐊᕐᓂᒃᑯᑦ, ᐊᑐᕆᐊᖃᓚᐅᕋᒃᑯ ᐊᑖᑕᐃᖢᖓ. ᐊᖏᕐᕋᓯᒪᓚᐅᖅᐳᖓ ᐊᓈᓇᒐᓗ ᐅᖃᓗᒡᕕᐅᓪᓗᓂ ᐊᑖᑕᒪ ᖃᑕᙳᑎᖏᓐᓂᑦ. ᐅᖃᐅᔾᔭᐅᓪᓗᑕ ᐊᑖᑕᒐ ᐃᓅᔪᓐᓂᕐᓂᖓᓂᑦ ᐆᒻᒪᓯᓪᓗᓂ. ᑕᐃᑲᖓᓂᑦ, ᑲᑕᒃᓯᒪᓕᓚᐅᖅᐳᖓ ᐃᒻᒥᓂᓗ ᐊᓐᓂᖅᑎᖃᑦᑕᓕᖢᖓ. ᑕᐃᒪᐃᓕᐅᓚᐅᖅᐳᖓ ᐊᑯᓂᐸᓗᒃ, ᑭᓯᐊᓂᓕ ᓄᖃᓚᐅᖅᐳᖓ. ᖃᐅᔨᓚᐅᖅᐳᖓ ᓇᓂᓯᔭᕆᐊᖃᖅᓂᓐᓂ ᐱᐅᓂᖅᓴᒥᑦ ᐊᑲᐅᙱᓕᐅᕈᑎᓐᓄᑦ ᐊᔪᙱᔾᔪᑎᓂ. ᓴᓇᐅᒐᓕᕆᓕᑲᐅᑎᒋᓕᓚᐅᖅᐳᖓ. ᓴᐸᖓᓕᕆᓂᒥᑦ ᒥᖅᓱᕐᓂᖅᒥᒡᓗ ᐊᓕᐊᓇᐃᒋᑦᑎᐊᓕᓚᐅᖅᐸᒃᑲ ᐃᑲᔪᑎᓕᖅᖢᑎᓪᓗ ᐱᔪᓐᓇᕈᑎᒋᓕᓚᐅᕐᐸᒃᑲ.

ᐱᓕᕆᐊᕆᔭᒃᑲ ᐃᑲᔫᑎᓚᐅᖅᐳ ᐃᓚᐃᓕᕿᑎᓪᓗᖓ, ᓴᕿᓇᓱᒃᖢᓂ ᐊᒃᓱᕈᕐᓇᖅᒥᔪᖅ. ᑲᑉᐱᐊᓱᓚᐅᖅᐳᖓ ᐃᓄᖕᓂ ᐃᖃᖅᑐᖅᑕᐅᒐᔭᕐᒪᖔᖅᒪ. ᐃᒃᐱᒍᓱᓚᐅᖅᑐᖓ, ᑭᓯᐊᓂᓕ ᑕᐃᒪᓐᓇᐅᑎᓪᓗᒍ, ᑕᐃᒪᓐᓇᐅᓚᐅᖏᓚᖓ ᐃᓄᐃᑦ ᐊᖏᖅᓯᒪᔾᔫᒥᔭᕆᐊᖃᖅᒪᑕ. ᐃᓄᐃᑦ ᓵᓚᓯᐊᖃᓚᐅᑲᓚᐅᖅᐳᑦ ᐊᔾᔨᒌᖏᑦᑐᓄᑦ, ᑭᓯᐊᓂᓕ ᐅᕙᓐᓄᑦ ᐊᒃᑑᑎᓚᐅᖏᓚᑦ ᐃᒻᒥᓂ ᖁᓱᖏᓐᓇᒪ ᑭᓇᐅᓂᓐᓂᑦ. ᖁᑦᑎᖕᓂᒃᓴᓄᑦ ᐃᓕᓐᓂᐊᕐᕕᒃ ᐱᐅᔪᒥᑦ ᓴᕿᔮᖅᑎᑎᖃᑦᑕᓚᐅᖅᒪᑕ ᐅᖃᖃᑎᒌᒃᐸᒃᖢᑕ ᐊᖏᖅᓯᒪᔭᕆᐊᖃᕐᓂᑦᑎᓐᓂᑦ ᐃᓄᓕᒫᓂᑦ. ᑕᓐᓇ ᐱᒻᒪᕆᐅᕗᖅ ᐃᓕᓐᓂᐊᕐᕕᖕᒥᑐᐊᖑᖏᑦᑐᖅ, ᐊᖏᕐᕋᒥᓪᓗᒃᑕᐅᖅ. ᓯᕗᓪᓕᕐᒥᑦ, ᐊᓈᓇᒪ ᐊᖏᕈᑎᒋᓚᐅᖏᓛ ᐱᐅᒃᓴᕋᒪ ᐃᓄᖕᓂᑦ ᓯᓚᑎᖔᖓᑎᒍᑦ ᓂᕆᐅᒋᔭᐅᔪᒥᕐ ᐅᕙᓐᓄ ᐱᖃᑎᖃᕐᓂᕐᓗ ᐃᓄᖕᓂᑦ ᖃᓄᐃᑦᑑᒐᓗᐊᕐᐸᑦ ᐊᕐᓇᐅᓂᕐᓘᓐᓃᑦ ᐊᖑᑕᐅᓂᕐᓘᓐᓃᑦ. ᖃᓄᐃᖏᓐᓂᖅᓴᐅᓕᖅᑐ ᒫᓐᓇ.

ᓴᕿᓚᐅᖅᑎᓪᓗᖓ ᐅᖃᐅᓯᕆᕙᒃᖢᒍᓗ ᓄᓕᐊᕐᓂᓕᕆᓂᕐᒥᑦ ᐃᑲᔫᑎᓚᐅᖅᑐ ᐃᓱᒪᒃᑯᑦ ᖃᓄᐃᖏᑦᑎᐊᕐᐸᓕᓂᒃᑯᑦ ᑐᓂᓯᓚᐅᕐᒪᑦ ᐅᕙᓐᓂ ᑭᓇᐅᓪᓚᑦᑖᕐᓂᓐᓂ.