ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᓂᖅ

ᐊᕐᕌᓂ ᐊᔾᔨᐅᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᕐᓇᓚᐅᖅᐳᖅ. ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒍᑕᐅᕙᓪᓕᐊᔪᖅ ᖃᓄᑐᐃᓐᓈᓗᒃ ᐱᔪᓐᓇᖅᑕᑦᑎᓐᓂ − ᓄᒃᑕᕐᓂᕐᒥ, ᐃᓐᓇᐃᑦ ᐃᕿᒻᒥᑦᑎᐊᕐᓗᑎᒍᑦ, ᐱᖃᓐᓇᕆᔭᕗᑦ ᐃᓚᕗᓪᓗ ᐳᓛᕆᐊᕐᓗᑎᒍᑦ, ᓄᓇᖅᑲᑎᒌᓂᒃ ᓂᕆᕕᒡᔪᐊᖅᑎᑦᑎᓂᖅ, ᐊᒡᓛᓐᓘᓐᓃᑦ ᖃᐅᑕᒫᑦ ᐱᓕᕆᐊᕆᕙᒃᑕᕗᑦ.  ᐊᓯᔾᔨᖅᓱᐃᒋᐊᖃᓚᐅᖅᐳᒍᑦ ᓴᐳᑎᓗᑎᒍᑦ ᖃᓄᐃᙱᑦᑎᐊᕈᓯᕗᑦ ᐊᒻᒪ ᓄᓇᖅᑲᑎᒌᑦ ᖃᓄᐃᙱᑦᑎᐊᕈᓯᖏᑦ.  

ᑕᖅᑭᕐᓂᒃ ᐊᓂᒍᓵᖅᑐᓂᒃ, ᑕᑯᓯᒪᕗᒍᑦ ᖃᐅᔨᖃᑦᑕᖅᓯᒪᕗᒍᓪᓗ ᖃᓂᒻᒪᓯᖅ ᐊᒃᑐᐃᔪᓐᓇᕐᓂᖓᓂᒃ ᓄᓇᑦᑎᓐᓂ.   

ᓄᓇᕗᒥᐅᑦ ᑲᐱᔭᐅᑲᑕᒃᐸᑕ ᐊᓪᓗᕐᓂᐅᖕᒪᑦ ᓄᓇᕗᒻᒥ ᐊᖅᑯᑎᒋᔮᓄᑦ.   ᓴᐳᔾᔨᔾᔪᑎᒃᓴᑐᐊᑦᑎᐊᕆᒐᑦᑎᒍᑦ ᓄᕙᒡᔪᐊᕐᓇᖅ-19−ᒧᑦ.  

ᑲᐱᔭᐅᔪᐃᓐᓈᓘᒋᐊᖃᙱᑦᑐᒍᑦ. ᑭᒃᑯᓕᒫᑦᑎᐊᑦ ᑎᓕᐅᖅᑕᐅᓗᑎᒃ ᑲᐱᔭᐅᖁᔭᐅᖃᑦᑕᔾᔮᙱᑦᑐᑦ, ᐊᒻᒪ ᑭᒃᑯᓕᒫᑦᑎᐊᑦ ᑲᐱᔭᐅᖃᑦᑕᔾᔮᙱᒃᑭᓪᓗᑎᒃ ᐊᖏᓚᐅᖅᑳᕋᑎᒃ.   

ᐃᓱᒪᓕᐊᕆᔭᐅᔪᖅ ᐃᓛᒃᑰᖓᖕᒪᑦ, ᑭᓯᐊᓂ ᓄᓇᑦᑎᓐᓂ ᖃᓄᐃᙱᑦᑎᐊᕈᓯᕐᒧᑦ ᐊᒃᑐᐃᔾᔪᑕᐅᑦᑎᐊᕐᓂᐊᕐᓗᓂ, ᓄᓇᕗᒻᒥ ᖃᓄᐃᙱᑦᑎᐊᕈᓯᕐᒧᑦ ᑭᒡᓕᒋᑎᑕᐅᔪᒧᑦ ᓯᕗᒻᒧᐊᒍᑎᒋᓗᑎᒍᑦ ᑕᖅᑭᕐᓂᒃ ᐊᕐᕌᒍᓂᒡᓗ ᐊᒡᒋᖅᑐᓂᒃ.  

ᓄᓇᕗᑦ ᒐᕙᒪᒃᑯᑦ ᐱᓕᕆᓂᐊᕐᒥᔪᑦ ᐃᑲᔪᕐᓗᑎᒃ ᓄᓇᕗᒥᐅᓂᒃ ᑖᔅᓱᒥᖓ ᐱᒻᒪᕆᐊᓗᖕᒥᒃ ᐃᓱᒪᓕᐅᕆᓗᑎᒃ ᐊᑐᐃᓐᓇᕈᖅᑎᑦᑎᕙᒡᓗᑎᒃ ᑐᑭᓯᒋᐊᒐᒃᓴᓂᒃ ᐊᑐᐃᓐᓇᐅᔪᓂᒃ ᑲᐱᔭᐅᓂᕐᒥᒃ ᐱᔾᔪᑎᓕᖕᓂᒃ ᐊᑐᐃᓐᓇᕈᑐᐊᕌᖓᑕ.  ᑲᐱᔭᐅᓂᕐᒧᑦ ᐊᐅᓚᑦᑎᔾᔪᑎᑦ ᐊᒻᒪ ᑲᐱᔭᐅᑎᑦᑎᓂᖅ ᑐᙵᕕᖃᖃᑦᑕᕐᓂᐊᖅᑐᑦ ᖃᐅᔨᔭᐅᔪᓄᑦ, ᖃᐅᔨᓴᖅᑐᓕᕆᓂᕐᒧᑦ ᑐᙵᕕᖃᖅᑐᒥᒃ ᓴᐳᑎᓗᑎᒍᑦ ᖃᓄᐃᙱᑦᑎᐊᕈᓯᖅᐳᑦ ᐃᓅᑦᑎᐊᕈᓯᖅᐳᓪᓗ ᓄᓇᕗᒥᐅᓕᒫᓄᑦ. 

 

ᓄᕙᒡᔪᐊᖕᓇᖅ−19−ᒧᑦ ᑲᐱᔭᐅᓯᒪᔪᓄᑦ ᑭᒡᓕᓯᓂᐊᖅᑕᐅᓯᒪᔪᑦ 


*ᑲᑎᖦᖢᒋᑦ ᑲᐱᔭᐅᓂᕆᔭᐅᔪᑦ ᓄᑖᙳᕆᐊᖅᑎᑕᐅᖃᑦᑕᖅᐳᖅ ᖃᖓᙳᑐᐊᕌᖓᑦ ᐊᔪᕐᓇᙱᓐᓂᖓ ᒪᓕᒃᖢᒍ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᓂ ᑕᒪᑐᒪᙵᑦ ᓈᓴᖅᑕᐅᓯᒪᓪᓚᑦᑖᕐᓂᕆᔭᖓᓂᑦ.

ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:

ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᔪᓚᐃ 26, 2021. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᑦᓯᒪᓪᓗᑎᒃ ᓄᓇᕘᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐊᕐᕌᒍᓖᑦ.

ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᓗᒃᑖᖅᓯᒪᔪᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐋᖅᑭᒋᐊᖅᑕᐅᒋᐊᖃᕌᖓᑕ.  ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.

ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.

ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.

ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.   

ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.

ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.

ᐊᖏᖕᒪᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ.  ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᒡᔪᐊᕇᒃᑯᑎᓂᒃ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).                             

ᓇᑭᙶᕐᓂᖏᑦ:

ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.

ᑲᐱᔭᐅᓯᒪᔪᑦ ᖃᑦᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.

ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.

ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ).  ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.

  

ᑲᐴᑎ ᑕᐃᒎᓯᓕᒃ Moderna ᐱᔾᔪᑎᒋᓪᓗᒍ 

ᓯᕗᓪᓕᐹᖅ ᑲᐱᔭᐅᔾᔪᑎ ᐊᑐᐃᓐᓇᐅᓕᓛᖅᑐᖅ ᓄᓇᕗᒻᒥ Moderna’s mRNA ᑲᐴᑎ. mRNA, ᑐᑭᖃᖅᐳᖅ messenger RNA ᓲᕐᓗᓕ ᐱᓕᕆᒋᐊᕈᑎᒃᓴᖅ ᐅᕝᕙᓘᓐᓃᑦ ᓂᕿᓕᐊᓄᑦ ᐃᓚᒃᓴᖏᑦ ᓂᕿᓂ ᓄᑭᑦᑎᐊᕆᖕᓇᖅᑐᑦ ᑎᒥᖕᓄᑦ.  ᑲᐴᑎ Moderna mRNA ᑎᒥᖕᓄᐊᓲᖑᕗᖅ ᑎᒥᖕᓂᓪᓗ ᖃᐅᔨᒪᓇᖅᖢᓂ ᓂᕿᓂ ᓄᑭᑦᑎᐊᕆᖕᓇᖅᑐᑦ ᐃᑲᔫᑎᒋᔪᓐᓇᕐᓂᐊᖅᑕᓯ ᓄᕙᒡᔪᐊᕐᓇᖅ-19−ᑖᖅᑕᐃᓕᓂᕐᒧᑦ. mRNA ᑲᐴᑎᑦ ᓄᕙᒡᔪᐊᕐᓇᖅ-19−ᑖᕐᓇᙱᑦᑐᑦ ᓄᕙᒡᔪᐊᕐᓇᖅ-19−ᒥ ᖁᐱᕐᕈᐊᕐᔪᖕᒧᑦ ᐃᓚᒋᔭᐅᙱᑦᑎᐊᕐᓂᖓᓄᑦ. 

ᑲᐴᑎ Moderna ᒪᕐᕈᐃᖅᓱᕐᓗᒍ ᑲᐱᔭᐅᒋᐊᖃᕐᓇᖅᐳᖅ − ᐅᓪᓗᑦ 28 ᐊᓂᒍᖅᐸᑕ ᑲᐱᔭᐅᒃᑲᓐᓂᕆᐊᖃᕐᓇᖅᑐᖅ − ᐊᑭᖃᙱᖦᖢᑎᒃ ᑲᐱᔭᐅᓐᓇᖅᑐᑦ ᓄᓇᕗᒥᐅᓕᒫᓄᑦ ᐅᑭᐅᖃᖅᑎᒋᔪᓄᑦ 18 ᐅᖓᑖᓄᑦ. 

ᒫᓐᓇᒧᑦ ᑎᑭᖦᖢᒍ, 30,000 ᐃᓚᐅᔪᑦ ᐃᓄᒋᐊᒃᑐᓂᑦ ᒪᑑᓇ ᑲᐴᑦ ᖃᐅᔨᓴᖅᑕᐅᓕᖅᑎᓪᓗᒍ ᐃᓚᐅᓚᐅᖅᐳᑦ. ᑖᓐᓇ Moderna ᑲᐱᔭᐅᔾᔪᑎ 94%−ᒧᑦ ᐊᑐᕐᓂᖃᕈᓐᓇᖅᐳᖅ ᐱᑕᖃᖅᑎᑦᑎᑦᑕᐃᓕᒪᔪᓐᓇᖅᖢᓂ ᐱᒻᒪᕆᐊᓗᖕᒥᒃ ᐊᐃᑦᑐᕐᓗᒃᑕᐅᓯᒪᓂᕐᒥᒃ ᑕᐃᒪᐃᔾᔪᑎᖃᖅᖢᓂ ᓄᕙᒡᔪᐊᖕᓇᖅ-19−ᒥᒃ. ᒫᓐᓇ ᓱᓕ ᖃᐅᔨᒪᔪᖃᙱᓚᖅ ᖃᓄᖅ ᐊᑑᑎᖃᖅᑎᒋᖕᒪᖔᑦ ᑲᐴᑎ ᓯᐊᒻᒪᒃᑎᖅᑎᑦᑕᐃᓕᒪᔾᔪᑎᒋᓪᓗᒍ, ᑕᒪᓐᓇ ᐱᔾᔪᑎᒋᓪᓗᒍ ᐱᒻᒪᕆᐅᖕᒪᑦ ᑲᐱᔭᐅᕌᓂᒃᓯᒪᓕᕋᓗᐊᖅᑎᓪᓗᒋᑦ, ᐃᓄᐃᑦ ᓱᓕ ᒪᓖᓐᓇᕆᐊᖃᕋᔭᖅᐳᑦ ᐃᓄᖕᓄᑦ ᖃᓄᐃᑦᑕᐃᓕᒪᓂᕐᒧᑦ ᐆᒃᑐᕋᐅᓯᕐᓂᒃ.  ᐅᑯᐊ ᐋᓐᓂᐊᖅᑖᖅᑕᐃᓕᓂᕐᒧᑦ ᐆᒃᑐᕋᐅᑕᐅᖁᔭᐅᔪᑦ ᐊᑑᑎᖃᕐᒥᔪᑦ ᐳᕝᕕᕆᓂᒃᑯᑦ ᓱᕈᕈᑕᐅᕙᒃᑐᓂᒃ.  

ᒫᓐᓇ, ᑲᐴᑎ Moderna ᐊᖏᖅᑕᐅᓯᒪᙱᑦᑐᖅ ᐃᓄᖕᓄᑦ 18 ᑐᖔᓂ ᐅᑭᐅᓕᖕᓄᑦ.  

ᐱᒻᒪᕆᐅᕗᖅ ᓄᓇᕗᒥᐅᑦ ᑐᑭᓯᒋᐊᖅᐸᒡᓗᑎᒃ ᓄᓇᓕᖕᓂ ᐋᓐᓂᐊᕕᖕᒥ ᐃᓗᐊᖅᓴᐃᔨᓂᒃ, ᑲᐱᔭᐅᓚᐅᙱᑎᓪᓗᒋᑦ ᓯᖓᐃᒃᐸᑕ, ᐊᒫᒪᒃᑎᑦᑎᒃᐸᑕ, ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᖃᓂᒪᑎᓪᓗᒋᑦ ᑎᒥᖏᑦᑕ ᓴᐳᓐᓂᐊᕈᑎᖏᓐᓂᒃ ᓈᒻᒪᙱᓪᓕᐅᕈᑎᖃᖅᐸᑕ ᐅᕝᕙᓘᓐᓃᑦ ᑎᒥᖏᓐᓄᑦ ᓈᒻᒪᙱᓪᓕᐅᕈᑎᖃᖅᐸᑕ ᐊᑕᐅᓯᕐᒧᑦ ᐅᖓᑖᓄᓪᓘᓐᓃᑦ ᑲᐴᑎᒥ ᐃᓚᐅᕈᑎᖏᓐᓄᑦ.

 

Pfizer ᐋᓐᓂᐊᓕᕇᒃᑯᑎᐅᒃ ᒥᒃᓵᓅᖓᔪᑦ

Pfizer-BioNTech ᓯᕗᓪᓕᖅᐹᖑᔪᖅ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎ ᐊᑐᐃᓐᓇᐅᓛᖅᑐᖅ ᓄᓇᕗᒻᒧ ᒪᒃᑯᒃᑐᓄ ᐅᑭᐅᓕᖕᓂᑦ 12−ᓗ 17−ᓗ ᐊᑯᓐᓂᐊᓂᑦ. Pfizer ᐅᓇ mRNA ᐋᓐᓂᐊᓕᕇᒃᑯᑎ, ᒪᑑᓇᑐᑦ, ᑎᒥᖕᓂᑦ ᐃᓕᑦᑎᑎᑦᑎᕙᒃᐳᖅ ᓴᓇᓂᐊᕐᓗᓂ ᑭᓱᓪᓚᕆᖕᒥᑦ ᓄᑭᑦᑎᐊᕆᖕᓇᕐᑐᒥ ᐊᑐᕐᓂᐊᕐᑐᖅ ᐃᑲᔫᑎᓗᓂ ᐃᓕᖕᓂᑦ ᓴᐳᒻᒥᔾᔪᓯᐅᕐᓗᓂ ᓄᕙᒡᔪᐊᕐᓇᖅ-19−ᒧᑦ. 

ᑲᐴᑎ Pfizer ᒪᕐᕈᐃᖅᓱᕐᓗᒍ ᑲᐱᔭᐅᒋᐊᖃᕐᓇᖅᐳᖅ − ᐅᓪᓗᑦ 21 ᐊᓂᒍᖅᐸᑕ ᑲᐱᔭᐅᒃᑲᓐᓂᕆᐊᖃᕐᓇᖅᑐᖅ − ᐊᑭᖃᙱᖦᖢᑎᒃ ᑲᐱᔭᐅᓐᓇᖅᑐᑦ ᓄᓇᕗᒥᐅᓕᒫᓄᑦ ᐅᑭᐅᖃᖅᑎᒋᔪᓄᑦ 12  ᐊᒻᒪ 17 ᐊᑯᓐᓂᐊᓂᑦ. ᐱᔭᕆᐊᖃᕐᐸᑦ, Pfizer ᐃᓐᓇᕐᓄᑦ ᐊᑐᕐᑕᐅᔪᓐᓇᕐᑐᖅ. ᓴᐳᒻᒥᔾᔪᓯᐅᕋᔮᓲᖅ. ᐱᓇᓱᐊᕈᓯᖕᓂ ᒪᕐᕉᓂ ᓴᐳᒻᒥᔾᔪᓯᐅᑦᑎᐊᕈᓐᓇᕐᑐᖅ ᓄᕙᒡᔪᐊᕐᓇᖅ-19−ᒧᑦ. ᓴᐳᒻᒥᔭᐅᑦᑎᐊᕐᓂᐊᕐᓗᓂ, ᐊᐃᑉᐸᖓᓂ ᐃᖢᐊᖅᓴᖅᑕᐅᔭᕆᐊᖃᕐᓂᐊᕐᑐᑎᑦ.

ᓯᕗᓪᓕᕐᒥ Pfizer−ᒧᑦ ᐆᒃᑑᑕᐅᓚᐅᕐᑐᑦ ᐃᓄᐃᑦ 38,000 ᐅᑭᐅᓕᑦ 16 ᐅᖓᑖᓄᓪᓗ ᑭᖑᓂᐊᒍᓪᓗ ᐆᒃᑑᑕᐅᒃᑲᓐᓂᓕᕆᓪᓗᓂ 2,260 ᓄᑕᖅᑲᓄ ᐅᑭᐅᓕᑦ 12−ᒥᑦ 15−ᒧᑦ. ᐅᓇ ᐋᓐᓂᐊᓕᕇᒃᑯᑎ ᐊᑑᑎᖃᕐᓯᒪᓂᕋᖅᑕᐅᔪᖅ 95 ᐳᓴᓐᑎᒥᑦ ᐊᐃᑦᑐᐊᓗᐊᕐᑕᐃᓕᖕᓂᑦ ᓄᕙᒡᔪᐊᕐᓇᖅ-19−ᒧᑦ. ᒫᓐᓇ ᓱᓕ ᖃᐅᔨᒪᔪᖃᙱᓚᖅ ᖃᓄᖅ ᐊᑑᑎᖃᖅᑎᒋᖕᒪᖔᑦ ᑲᐴᑎ ᓯᐊᒻᒪᒃᑎᖅᑎᑦᑕᐃᓕᒪᔾᔪᑎᒋᓪᓗᒍ, ᑕᒪᓐᓇ ᐱᔾᔪᑎᒋᓪᓗᒍ ᐱᒻᒪᕆᐅᖕᒪᑦ ᑲᐱᔭᐅᕌᓂᒃᓯᒪᓕᕋᓗᐊᖅᑎᓪᓗᒋᑦ, ᐃᓄᐃᑦ ᓱᓕ ᒪᓖᓐᓇᕆᐊᖃᕋᔭᖅᐳᑦ ᐃᓄᖕᓄᑦ ᖃᓄᐃᑦᑕᐃᓕᒪᓂᕐᒧᑦ ᐆᒃᑐᕋᐅᓯᕐᓂᒃ.  ᐅᑯᐊ ᐋᓐᓂᐊᖅᑖᖅᑕᐃᓕᓂᕐᒧᑦ ᐆᒃᑐᕋᐅᑕᐅᖁᔭᐅᔪᑦ ᐊᑑᑎᖃᕐᒥᔪᑦ ᐳᕝᕕᕆᓂᒃᑯᑦ ᓱᕈᕈᑕᐅᕙᒃᑐᓂᒃ.  

ᐱᒻᒪᕆᐅᕗᖅ ᓄᓇᕗᒥᐅᑦ ᑐᑭᓯᒋᐊᖅᐸᒡᓗᑎᒃ ᓄᓇᓕᖕᓂ ᐋᓐᓂᐊᕕᖕᒥ ᐃᓗᐊᖅᓴᐃᔨᓂᒃ, ᑲᐱᔭᐅᓚᐅᙱᑎᓪᓗᒋᑦ ᓯᖓᐃᒃᐸᑕ, ᐊᒫᒪᒃᑎᑦᑎᒃᐸᑕ, ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᖃᓂᒪᑎᓪᓗᒋᑦ ᑎᒥᖏᑦᑕ ᓴᐳᓐᓂᐊᕈᑎᖏᓐᓂᒃ ᓈᒻᒪᙱᓪᓕᐅᕈᑎᖃᖅᐸᑕ ᐅᕝᕙᓘᓐᓃᑦ ᑎᒥᖏᓐᓄᑦ ᓈᒻᒪᙱᓪᓕᐅᕈᑎᖃᖅᐸᑕ ᐊᑕᐅᓯᕐᒧᑦ ᐅᖓᑖᓄᓪᓘᓐᓃᑦ ᑲᐴᑎᒥ ᐃᓚᐅᕈᑎᖏᓐᓄᑦ.

ᐃᓗᓕᖏᑦ

  • ᐃᓅᓕᓴᐅᑎᐅ ᐃᓚᒃᓴᖓ
    • mRNA

  • ᐃᓅᓕᓴᐅᑎᐅᙱᑦᑐ ᐃᓚᒃᓴᖓ
    • ALC-0315 = ((4-hydroxybutyl)axanediyl)bis(hexane-6,1-diyl)bis(2-hexyldecanoate)
    • ALC-0159 = 2-[(polyethylene glycol)-2000]-N,N-ditetradecylacetamide
    • 1,2-Distearoyl-sn-glycero-3-phosphocholine
    • cholesterol
    • Dibasic sodium phosphate dihydrate
    • Monobasic potassium phosphate
    • Potassium chloride
    • Sodium chloride
    • sucrose
    • ᑲᐴᑎᓗ ᐃᒪᕐᒥᒃ ᐃᓚᓯᒪᓪᓗᓂ 

ᐊᒃᑑᑎᔪᑦ

  • ᐋᓐᓂᐊᓗᓂ ᑲᐱᔭᐅᔾᕕᐊᓂᑦ
  • ᖄᓕᖅᑭᑲᑕᒡᓗᓂ
  • ᑕᖃᖓᓗᓂ 
  • ᐆᓇᕐᓗᓂ
  • ᐳᓪᓕᕐᓗᓂ ᐊᐅᐸᖅᓯᓗᓂᓘᓐᓃᑦ ᑲᐱᔭᐅᕝᕕᐊᒍᑦ
  • ᒥᕆᐊᙳᓗᓂ ᐊᒻᒪ/ᐅᕝᕙᓘᓐᓃᑦ ᒥᕆᐊᑲᑕᒡᓗᓂ
  • ᕿᓕᖅᓯᓇᖅᑯᖅᑐᓯᓗᓂ

ᐅᑯᐊ ᑕᒪᕐᒥᐊᓗᒃ ᑲᐱᔭᐅᕌᓂᒡᓗᓂ ᐃᒃᐱᖕᓂᕈᑎᒋᙱᑐᐃᓐᓇᕆᐊᖃᖅᑕᑎᑦ ᑲᐱᔭᐅᓐᓂᕈᕕᑦ Pfizer-BioNTech ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒥ.  ᑲᐱᔭᐅᕌᓂᒃᓯᒪᓕᖅᑎᓪᓗᑎᑦ ᑎᒥᒃᑯᑦ ᓈᒻᒪᙱᓪᓕᐅᕈᑎᖃᕈᕕᑦ ᐅᑯᓇᓂ ᑎᑎᕋᖅᓯᒪᙱᑦᑐᓂᒃ, ᐃᓗᐊᖅᓴᐃᔨ ᑐᓴᖅᑎᑦᑕᕆᐊᖃᖅᐸᑦ.

ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ ᐅᕝᕙᓘᓐᓃᑦ ᑎᒥᒃᑯᑦ ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ, ᐃᕐᖐᓐᓇᖅ ᐋᓐᓂᐊᕕᖕᒧᑦ ᑲᒪᒋᔭᐅᔭᖅᑐᕆᐊᖃᖅᐳᑎᑦ.  ᑲᐱᔭᐅᕌᓂᒃᑐᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓲᑦ ᒪᑯᐊᖑᕗᑦ:

  • ᐱᖑᔭᓪᓗᓂ (ᖃᑦᑎᒐᓛᒃᓗᓂ ᐅᕕᓂᒃᑯᑦ ᐅᖏᓚᖕᓇᒻᒪᕆᐊᓗᒃᖢᑎᒃ).
  • ᑮᓇᒃᑯᑦ ᐳᓪᓕᖅᖢᑎᒃ, ᐅᖃᒃᑯᑦ ᐅᕝᕙᓘᓐᓃᑦ ᐃᒡᒋᐊᒃᑯᑦ.
  • ᐊᓂᕐᓂᑭᓪᓗᓂ

ᑲᐴᑎᓕᐅᓲᑦ ᐱᕙᒌᔭᖅᑕᐅᓲᑦ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᑦ ᑲᒪᒋᔭᐅᑲᐅᑦᑐᕈᑎᒃᓴᖏᓐᓂᒃ.   ᑭᓇᑐᐃᓐᓇᖅ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᖅ, ᐊᐃᑉᐸᖓᓂ ᑲᐱᔭᐅᔭᕆᐊᖃᙱᑦᑐᖅ. 

 

ᐊᐱᖅᑯᑕᐅᒐᔪᒃᑐᑦ


ᐃᑲᔫᑎᒃᓴᑦ

ᑐᑭᓯᒋᐊᕈᑎ Pfizer-BioNTech ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ

MODERNA ᓄᕙᒡᔪᐊᕐᓇᖅ-19−ᒧᑦ ᑲᐴᑦ ᐱᔾᔪᑎᒋᓪᓗᒍ

ᓄᕙᕐᔪᐊᕐᓇᖅ-19-ᒧ ᑲᐱᔭᐅᕖᑦ: ᓱᓇᓂᑦ ᓂᕆᐅᒋᔭᖃᕐᓂᖅ

 

Moderna ᑲᐴᑎᒧᑦ ᐃᓚᐅᖅᓯᒪᔪᑦ: 

  • 1,2-distearoyl-sn-glycero-3-phosphocholine (DSPC).
  • acetic acid.
  • Cholesterol.
  • lipid SM-102.
  • polyethylene glycol (PEG) 2000 DMG.
  • sodium acetate.
  • sucrose.
  • tromethamine.
  • tromethamine hydrochloride.
  • ᑲᐴᑎᓗ ᐃᒪᕐᒥᒃ ᐃᓚᓯᒪᓪᓗᓂ. 

 

Moderna ᑲᐴᑎᒧᑦ ᑲᐱᔭᐅᕌᓂᒃᑎᓪᓗᒋᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓕᖅᐸᒃᑐᑦ:

ᑲᐱᔭᐅᔪᒃᑯᑦ ᐊᐅᐸᖅᓯᓗᑎᒃ ᒪᐃᓪᓗᑎᒡᓗ: 

  • ᒪᐃᓪᓗᓂ ᑲᐱᔭᐅᕝᕕᐊᒍᑦ.
  • ᑕᖃᖓᓗᓂ.
  • ᓂᐊᖁᙳᓗᓂ.
  • ᓴᐅᓂᙳᓗᓂ ᓴᖕᓂᕐᓗᓂᓗ.
  • ᖄᓕᖅᑭᑲᑕᒡᓗᓂ.
  • ᐆᑎᕐᓇᕐᓗᓂ.
  • ᐳᓪᓕᕐᓗᓂ ᐊᐅᐸᖅᓯᓗᓂᓘᓐᓃᑦ ᑲᐱᔭᐅᕝᕕᐊᒍᑦ.
  • ᒥᕆᐊᙳᓗᓂ ᐊᒻᒪ/ᐅᕝᕙᓘᓐᓃᑦ ᒥᕆᐊᑲᑕᒡᓗᓂ.
  • ᕿᓕᖅᓯᓇᖅᑯᖅᑐᓯᓗᓂ.

ᐅᑯᐊ ᑕᒪᕐᒥᐊᓗᒃ ᑲᐱᔭᐅᕌᓂᒡᓗᓂ ᐃᒃᐱᖕᓂᕈᑎᒋᙱᑐᐃᓐᓇᕆᐊᖃᖅᑕᑎᑦ ᑲᐱᔭᐅᓐᓂᕈᕕᑦ Moderna ᓄᕙᒡᔪᐊᕐᓇᖅ-19−ᒧᑦ ᑲᐴᑎᒧᑦ.  ᑲᐱᔭᐅᕌᓂᒃᓯᒪᓕᖅᑎᓪᓗᑎᑦ ᑎᒥᒃᑯᑦ ᓈᒻᒪᙱᓪᓕᐅᕈᑎᖃᕈᕕᑦ ᐅᑯᓇᓂ ᑎᑎᕋᖅᓯᒪᙱᑦᑐᓂᒃ, ᐃᓗᐊᖅᓴᐃᔨ ᑐᓴᖅᑎᑦᑕᕆᐊᖃᖅᐸᑦ.

ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ ᐅᕝᕙᓘᓐᓃᑦ ᑎᒥᒃᑯᑦ ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ, ᐃᕐᖐᓐᓇᖅ ᐋᓐᓂᐊᕕᖕᒧᑦ ᑲᒪᒋᔭᐅᔭᖅᑐᕆᐊᖃᖅᐳᑎᑦ.  ᑲᐱᔭᐅᕌᓂᒃᑐᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓲᑦ ᒪᑯᐊᖑᕗᑦ: 

  • ᐅᕕᓂᐊᒍᑦ ᖃᑦᑎᒐᓛᓕᖅᖢᑎᒃ (ᐅᕕᓂᒃᑯᑦ ᖃᑦᑎᒐᓛᓕᖅᑐᑦ ᐅᖏᓚᖕᓇᒻᒪᕆᐊᓗᒃᖢᑎᒃ). 
  • ᑮᓇᒃᑯᑦ ᐳᓪᓕᖅᖢᑎᒃ, ᐅᖃᒃᑯᑦ ᐅᕝᕙᓘᓐᓃᑦ ᐃᒡᒋᐊᒃᑯᑦ. 
  • ᐊᓂᖅᓵᑦᑎᐊᕈᓐᓇᐃᓪᓕᓪᓗᑎᒃ.

ᑲᐴᑎᓕᐅᓲᑦ ᐱᕙᒌᔭᖅᑕᐅᓲᑦ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᑦ ᑲᒪᒋᔭᐅᑲᐅᑦᑐᕈᑎᒃᓴᖏᓐᓂᒃ.   ᑭᓇᑐᐃᓐᓇᖅ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᖅ, ᐊᐃᑉᐸᖓᓂ ᑲᐱᔭᐅᔭᕆᐊᖃᙱᑦᑐᖅ. 

 

ᐊᑐᐃᓐᓇᕈᖅᑎᑕᐅᓂᖓ

ᓄᓇᕗᒻᒥ ᖃᐅᔨᕐᔪᐊᖅᓯᒪᔪᐊᓘᓕᖅᑐᑦ ᑲᐴᑎᓂᒃ ᓄᓇᕗᒥᐅᓄᑦ ᐊᐅᓪᓚᖅᑎᑕᐅᑲᑕᒃᑐᓂᒃ.  2009−ᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᖅᑲᓇᐃᔭᖅᑎᑦ ᑲᐱᓯᔪᓐᓇᖅᓯᓚᐅᖅᐳᑦ 60%−ᐸᓗᖕᓂᒃ ᓄᓇᕗᒻᒥᐅᑦ ᐃᓄᖕᓂᒃ, ᑕᖅᑭᓕᒫᑉ ᑐᖔᓂ.  ᐊᕐᕌᒍᑕᒫᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᕈᖅᑎᑦᑎᓲᖑᕗᑦ ᐊᒥᓱᕐᔪᐊᕌᓗᖕᓂᒃ ᑲᐴᑎᓂᒃ ᐊᕐᕌᒍᓕᒫᒧᑦ ᑲᐱᔭᐅᔪᒃᓴᑦ ᑲᐱᔭᐅᑲᑕᖕᓂᐊᖅᑎᓪᓗᒋᑦ.   

ᓄᓇᕗᒻᒥ ᑲᐱᔭᐅᑎᑦᑎᓂᕐᒧᑦ ᐸᕐᓇᐃᕗᑦ ᑐᙵᕕᒋᔭᐅᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᑦᑕ ᓴᓂᕐᕙᒃᐸᓪᓕᐊᔭᖏᑦ ᑲᐴᑎᑦ ᐊᒻᒪ ᐊᐅᓪᓚᖅᑎᑕᐅᑎᓪᓗᒋᑦ ᐱᕕᒃᓴᕆᑎᑕᐅᔪᑦ.  

ᒫᑦᓯ 2021 ᐃᓱᐊᓄᑦ ᑎᑭᓪᓗᒍ, ᓄᓇᕗᑦ ᒐᕙᒪᒃᑯᑦ ᓂᕆᐅᒋᔭᖃᖅᐳᑦ ᓈᒻᒪᒃᑐᓂᒃ ᑲᐴᑎᓂᒃ ᐱᓛᕈᒪᓪᓗᑎᒃ 75%−ᖏᓐᓄᑦ ᓄᓇᕗᒥᐅᓄᑦ ᐅᑭᐅᖃᖅᑎᒋᔪᓄᑦ 18 ᐅᖓᑖᓂ. 

ᑲᐴᑎᑦ ᐊᐅᓚᑕᐅᕌᓂᒃᐸᑕ, ᑲᐱᔭᐅᖃᑦᑕᓚᐅᖅᑐᑦ  ᖃᐅᔨᒃᑲᖅᑕᐅᓚᐅᕐᓗᑎᒃ ᑲᐱᔭᐅᒃᑲᓐᓂᕆᐊᖃᓕᕐᓂᖏᓐᓂᒃ ᑲᐱᔭᐅᒃᑲᓐᓂᖃᑦᑕᕐᓂᐊᖅᐳᑦ.  

ᑭᓇᑐᐃᓐᓇᖅ ᓯᕗᓪᓕᖅᐹᒥ ᑲᐱᔭᐅᔪᖅ ᐋᓐᓂᐊᕐᕕᖕᒥ ᐃᖅᑲᐃᓯᔾᔪᑎᒥᒃ ᑐᓂᔭᐅᓂᐊᖅᐳᑦ ᑭᖑᓪᓕᕐᒥ ᑲᐱᔭᐅᕝᕕᒃᓴᖓᓄᑦ. ᑕᕝᕙᓂᑦᑕᐃᓐᓇᖅ ᓄᓇᓕᖕᓃᑦᑕᕆᐊᖃᖅᐳᑎᑦ ᑕᒪᐃᓐᓄᑦ ᑲᐱᔭᐅᓂᐊᕐᓗᑎᑦ. ᐅᑯᐊ ᓇᒃᓴᕐᓂᐊᖅᐸᑎᑦ ᑲᐱᔭᐅᔭᖅᑐᓕᕈᕕᑦ:

ᓄᓇᕗᒻᒥᐅᑕᐅᓂᕐᒧᑦ: 

  • ᓄᓇᕗᒻᒥ ᐋᓐᓂᐊᕐᕕᓕᐊᕈᓐᓇᐅᑏᑦ ᐊᓯᐊᓂᒡᓘᓐᓃᑦ ᓇᓗᓇᐃᒃᑯᑕᕐᓂᒃ (ᓲᕐᓗ ᑲᓇᑕᐅᑉ ᓯᓚᑖᓄᐊᕈᓐᓇᐅᑦ, ᐊᖁᑦᑐᓐᓇᐅᑦ, ᐊᓯᖏᓪᓗ) ᑕᑯᔭᐅᕝᕕᒃᓴᕐᓂᑦ ᓄᓇᕗᒻᒥᐅᑕᐅᓂᕐᓂᑦ ᑕᑯᑎᑦᑎᓗᑎᑦ.
  • ᐊᓯᖏᑦ ᓇᓗᓇᐃᒃᑯᑕᐃᑦ ᐊᑐᕈᓐᓇᖅᑐᑦ: ᓄᓇᕗᑦ ᑐᙵᕕᒃᑯᓐᓂ ᐃᓚᒋᔭᐅᔾᔪᑏᑦ, ᐊᖑᓇᓱᒍᓐᓇᐅᑏᑦ, ᐊᒻᒪ ᑎᑎᖅᑲᑦ ᓲᕐᓗ ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑎ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᖃᐅᒻᒪᖅᑯᑎᓯᐅᑎ ᓇᓗᓇᐃᒃᑯᑕᕆᔪᓐᓇᖅᑐᖅ ᓄᓇᕗᒻᒥᐅᑕᐅᓂᕐᓂᑦ.
  • ᑎᑎᕋᖅᓯᒪᔪᓂᑦ ᓇᒃᓴᕐᓗᑎᑦ ᐄᔭᒐᖃᑦᑕᕐᑕᓐᓂᑦ ᑎᒥᒧᑦ ᓈᒻᒪᒍᓐᓃᕈᑎᒋᕙᒃᑕᕐᓂᓪᓘᓐᓃᑦ, ᐄᔭᒐᐃᓪᓘᓐᓃᑦ ᓇᒃᓴᕐᓗᒋᑦ. 

ᓄᓇᕗᒻᒥᐅᑕᐅᓕᓵᖅᑐᑦ ᐅᕝᕙᓘᓐᓃᑦ ᐃᖢᐊᖅᓴᐃᔨᑦ, ᓘᒃᑖᑦ, ᐃᕐᓂᓱᒃᓰᔨᑦ, ᐸᓖᓯᑦ, ᑐᐊᕕᕐᓇᖅᑐᓕᕆᔨᑦ ᐊᒻᒪ ᖃᑦᑎᕆᔨᑦ:

ᐊᑐᖅᑐᒥᑦ ᐊᔾᔨᙳᐊᓕᖕᒥᒃ ᓇᓗᓇᐃᒃᑯᑕᕐᒥᒃ, ᓲᕐᓗ ᑲᓇᑕᐅᑉ ᓯᓚᑖᓄᐊᕈᓐᓇᐅᑦ, ᐋᓐᓂᐊᕐᕕᓕᐊᕈᓐᓇᐅᑦ ᐅᕝᕙᓘᓐᓃᑦ ᐊᖁᑦᑐᓐᓇᐅᑦ, ᐊᒻᒪᓗ ᐅᑯᓇᙵᑦ ᓇᓕᐊᖕᓂᑐᐃᓐᓇᖅ:

  • ᓄᓇᕗᒻᒥ ᐃᖅᑲᓇᐃᔮᖃᕐᓂᕐᒧᑦ ᓇᓗᓇᐃᖅᓯᒪᔪᒥᒃ.
  • ᓄᓇᕗᒻᒥᐅᑕᐅᓂᕐᓂᑦ ᓇᓗᓇᐃᖅᓯᒪᔪᒥᒃ (ᓲᕐᓗ, ᖃᐅᒻᒪᖅᑯᑎᓯᐅᑎ, ᐊᑐᖅᑐᐊᕈᑎ, ᐊᓯᖏᓐᓂᒡᓗ).
  • ᑎᑎᕋᖅᓯᒪᔪᓂᒃ ᓇᒃᓴᕐᓗᑎᑦ ᐄᔭᒐᖃᑦᑕᕐᑕᓐᓂᑦ ᑎᒥᒧᑦ ᓈᒻᒪᒍᓐᓃᕈᑎᒋᕙᒃᑕᕐᓂᓪᓘᓐᓃᑦ, ᐄᔭᒐᐃᓪᓘᓐᓃᑦ ᓇᒃᓴᕐᓗᒋᑦ. 

 

ᓴᐳᔾᔭᐅᔾᔪᑎᑦ ᑲᒪᒋᔭᐅᑦᑎᐊᕐᓗᑎᒃ-ᐊᒥᓱᕐᔪᐊᕌᓗᐃᑦ ᑲᐳᖅᓴᖅᑕᐅᑎᓪᓗᒋᑦ:

ᓄᓇᕗᑦ ᒐᕙᒪᒃᑯᑦ ᑲᐱᓯᑲᑕᒃᑎᓪᓗᒋᑦ ᑲᒪᒋᖃᓯᐅᑎᓂᐊᖅᑕᖏᑦ ᑲᒪᒋᑦᑎᐊᕐᓗᒋᑦ ᓴᐳᔾᔭᐅᔾᔪᑎᒃᓴᑦ ᐊᒥᓱᕐᔪᐊᑦ ᑲᐳᖅᓴᖅᑕᐅᑎᓪᓗᒋᑦ.  ᐅᑯᐊ ᐱᓕᕆᔾᔪᓯᑦ ᐱᕕᖃᕈᑕᐅᓂᐊᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᓯᐊᒻᒪᒃᑎᖅᑕᐅᑦᑎᐊᕈᓐᓇᕐᓗᑎᒃ ᑲᐴᑎᑦ, ᓄᓇᕗᒥᐅᓕᒫᓄᑦ ᖃᐅᔨᒪᔭᐅᓇᓱᒡᓗᑎᓪᓗ ᓯᕗᓪᓕᐅᔾᔭᐅᒋᐊᓕᑦ ᓯᕗᓪᓕᐅᔾᔭᐅᖕᒪᖔᑕ ᐊᑦᑕᕐᓇᖅᑐᒦᓐᓂᖅᐹᓄᑦ ᐱᕐᔪᐊᕌᓗᖕᓄᑦ ᖃᓂᒻᒪᓯᕐᓄᑦ ᓲᕐᓗ ᓄᓇᓕᖕᒥᐅᓄᑦ ᐊᑯᓂᐅᔪᒃᑯᑦ ᑲᒪᒋᔭᐅᒋᐊᓕᖕᓄᑦ ᑲᒪᔨᖏᓪᓗ.  

ᓄᓇᕗᑦ ᒐᕙᒪᒃᑯᑦ ᖁᓱᙱᑦᑎᐊᖅᐳᑦ ᑲᐴᑎᑦ ᐊᐅᓪᓚᖅᑎᑕᐅᕙᓪᓕᐊᔪᑦ ᑕᑎᒋᔭᒃᓴᐅᑦᑎᐊᕐᒪᖔᑕ ᒪᓕᑦᑎᐊᕐᒪᖔᑕᓗ, ᐱᕕᖃᕈᑕᐅᔪᓐᓇᕐᓗᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒥᓱᒻᒪᕆᐊᓗᖕᓂᒃ ᑲᐳᖅᓴᐃᓂᐊᖅᑎᓪᓗᒋᑦ ᓄᓇᓕᖕᓂ ᖃᑯᒍᑦᑎᐊᖅ ᓯᕗᓂᒃᓴᑦᑎᓐᓂ. 

ᐃᓐᓇᑐᖃᒃᑯᕕᖕᒦᑦᑐᑦ ᐱᓕᕆᐊᖃᓪᓗᐊᑕᕐᓂᐊᕐᑐᑦ ᐋᓐᓂᐊᓯᐅᑎᑦ ᐅᐸᒃᐸᒡᓗᑎᒃ ᑲᐱᓯᔭᕐᑐᕐᐸᒡᓗᑎᒃ.

 

ᑐᑭᓯᒋᐊᒃᑲᓐᓂᕈᒪᑐᐊᕈᕕᑦ ᑲᐱᔭᐅᕕᖕᓂᑦ ᓄᓇᔅᓯᓐᓂᑦ: