ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᓂᖅ

ᓄᓇᕗᒻᒥᐅᓕᒫᑦ ᑕᕿᓂᑦ ᐊᕐᕕᓕᓂᖕᓂᑦ ᐊᒻᒪᓗ ᐅᖓᑖᓂᑦ ᐅᑭᐅᓖᑦ ᓄᕙᒡᔪᐊᕐᓇᖅ-19ᒧᑦ ᑲᐱᔭᐅᔪᓐᓇᖅᓯᔪᑦ. ᒫᓐᓇ, ᓄᓇᕗᒻᒥ ᐅᑯᓂᖓ ᐊᑐᐃᓐᓇᐅᑎᑦᑎᔪᑦ:

  • Moderna SPIKEVAX® ᓄᓇᕗᒻᒥᐅᓄᑦ ᑕᖅᑭᓕᖕᓄᑦ ᐊᕐᕕᓂᓕᖕᓄᑦ ᐅᖓᑖᓄᓪᓗ.
  • Pfizer-BioNTech Comirnaty mRNA ᐋᓐᓂᐊᓕᕇᒃᑯᑎᑦ ᐅᑭᐅᓕᖕᓄᑦ ᑕᓪᓕᒪᓂᒃ ᐅᖓᑖᓄᓪᓗ. 

ᑲᐴᑎᒧᑦ ᓴᙱᒃᑎᒋᐊᕈᑎᑦ:

  • ᐊᕐᕌᒍᓕᑦ 18 ᐅᖓᑖᓄᓪᓗ − ᑭᓇᑐᐃᓐᓇᖅ ᐊᕐᕌᒍᓕᒃ 18 ᐅᖓᑖᓂᓪᓗ ᐊᐃᑉᐸᖓᓂ ᑲᐱᔭᐅᒃᑲᓐᓂᕈᓐᓇᓕᕐᑐᑦ ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎᒧᑦ (ᑎᓴᒪᖓᑦ ᑲᐱᔭᐅᓂᖅ).
  • ᐊᕐᕌᒍᓕᑦ 5 ᐅᖓᑖᓄᓪᓗ − ᓄᓇᕗᒻᒥᐅᓕᒫᑦ ᐊᕐᕌᒍᓕᑦ 5 ᐅᖓᑖᓄᓪᓗ ᑲᐱᔭᐅᒃᑲᓐᓂᕈᓐᓇᓕᖅᑐᐃᑦ (ᐱᖓᔪᖓᓂᑦ ᑲᐱᔭᐅᓂᖅ) ᐊᑐᐃᓐᓇᐅᔪᑦ ᑕᖅᑭᑦ ᐊᕐᕕᓕᓂᖕᓂᑦ ᐊᓂᒍᕐᑎᓪᓗᒋ ᑲᐱᔭᐅᓚᐅᕐᑎᓪᓗᑎᑦ ᐊᐃᑉᐸᖓᓂᑦ ᐋᓐᓂᐊᓕᕇᒃᑯᑎᒥ ᐊᕐᕌᒍᖃᕈᕕᑦ ᐊᑯᓐᓂᖓᓂ 17 ᐊᒻᒪ 4.5 ᑕᖅᑭᑦ ᐊᕐᕌᒍᖃᕈᕕᑦ 18 ᐅᖓᑖᓂᑦ.
  • ᓄᓇᕗᒻᒥᐅᓕᒫᑦ ᐊᕐᕌᒍᓖᑦ ᑕᓪᓕᒪᓂ ᐅᖓᑖᓄᓪᓗ ᓄᕙᒡᔪᐊᕐᓇᖅ-19ᒧᑦ ᐋᓐᓂᐊᓕᖅᑐᕕᓃᑦ ᐅᑕᖅᑭᖁᔭᐅᕗᑦ ᐱᓇᓱᐊᕈᓯᕐᓂᑦ 8ᓂᑦ ᑕᐃᒪᙵᑦ ᐋᓐᓂᐊᕐᓂᖏᓐᓂᒃ ᓇᓗᓇᕈᓐᓃᓚᐅᖅᓯᒪᑎᓪᓗᒍ ᐅᕝᕙᓘᓃᑦ ᖃᐅᔨᓴᖅᑕᐅᓪᓗᑎᒃ ᖃᐅᔨᔭᐅᓚᐅᕐᓂᕈᑎᒃ ᓄᕙᒡᔪᐊᕐᓇᖅ-19 ᐱᖃᕐᒪᖔᖏᓐᓂᒃ ᑭᖑᓪᓕᐊᓂᒃ ᓴᙱᒃᑎᒋᐊᕈᑎᒥᒃ ᑲᐱᔭᐅᒃᑲᓐᓂᓚᐅᙱᓐᓂᕐᓂ.
  • ᐊᓐᓇᐅᒪᔾᔪᑎᖏᑦ ᐃᓗᐃᑦᑑᔪᓐᓃᖅᑐᑦ ᓄᑕᖅᑲᐃᑦ − ᓄᑕᖅᑲᑦ ᐅᑭᐅᓖᑦ 5 ᐅᖓᑖᓄᑦ ᐃᓕᖅᑯᓯᖅᓱᙱᔾᔪᑎᖃᕈᑎᒃ ᐊᓐᓇᐅᒪᔾᔪᑎᖏᑦ ᓴᙲᑦᑑᒃᐸᑕ ᖃᐅᔨᓴᖅᑕᐅᓪᓗᑎᒡᓗ ᓄᕙᒡᔪᐊᕐᓇᖃᖅᑐᕕᓂᐅᒃᐸᑕ ᑕᐃᒪᓕ ᐅᑕᖅᑭᖁᔭᐅᕗᑦ ᐱᓇᐊᓱᕈᓯᕐᓂᒃ 4-8 ᐋᓐᓂᐊᕇᒃᑯᑎᒧᑦ ᑲᐱᔭᐅᔪᓐᓇᖅᓯᓚᐅᙱᓐᓂᖏᓂ (ᐋᓐᓂᐊᖅᑰᔨᙱᑉᐸᑕ) ᑭᖑᓪᓕᐊᓂᒡᓘᓃᑦ ᑲᐱᔭᐅᒃᑲᓐᓂᓚᐅᙱᓐᓂᖏᓂ.
  • ᐊᓐᓇᐅᒪᔾᔪᑎᖃᓗᐊᙱᑦᑐᐃᑦ ᓄᑕᖅᑲᑦ − ᓄᑕᖅᑲᑦ ᐊᕐᕌᒍᓕᑦ 5-ᒥᑦ 11−ᒧᑦ ᐊᓐᓇᐅᒪᔾᔪᑎᖃᑦᑎᐊᙱᑦᑐᐃᑦ ᐱᖓᔪᖓᓐᓂᑦ ᑲᐱᔭᐅᔪᓐᓇᕐᑐᐃᑦ ᐱᓇᓱᐊᕈᓯᑦ 4-ᒥᑦ 8−ᒧᑦ ᑲᐴᑎᐅᑉ ᓴᙱᒃᑎᒋᐊᕈᑎᖓᓂᒃ ᑲᐱᔭᐅᔪᓐᓇᖅᓯᓪᓗᑎᒃ. ᑐᕌᖓᔪᖅ ᓄᑕᖅᑲᓄ ᐊᕐᕌᒍᓕᖕᓄᑦ 5-ᒥᑦ 11-ᒧᑦ ᐊᓐᓇᐅᒪᔾᔪᑎᖃᑦᑎᐊᙱᑦᑐᓄᑦ ᐊᒻᒪᓗ ᑕᒪᒃᑯᓄᖓᑐᐃᓐᓇᐅᙱᑦᑐᖅ 5−ᓂᒃ 11−ᓄᑦ ᐅᑭᐅᓖᑦ ᖃᓄᐃᔾᔪᑎᖃᙱᑦᑐᓄᑦ ᒫᓐᓇᑲᓚᐅᖅ.
  • ᐊᑯᓂᐅᓂᖅᓴᐅᒃᐸᑦ ᐋᓐᓂᐊᓕᕐᓂᐅᑉ ᑲᐱᔭᐅᓂᐅᓪᓗ ᐊᑯᓐᓂᖓ ᐃᒻᒪᖄ ᑕᐃᒪ ᓴᐳᑎᔭᐅᔪᓐᓇᕐᓂᖅᓴᐅᓂᐊᖅᐳᖅ. ᐊᐱᖅᑯᑎᒃᓴᐃᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐅᖄᓚᐅᑎᒃᑯᑦᑕᐅᖅ ᑭᐅᔭᐅᖃᑦᑕᕈᓐᓇᖅᑐᑦ ᐅᕙᓂ 1-888-975-8601 ᐅᓪᓛᑯᑦ 10 ᐊᒻᒪ ᐅᓐᓄᑯᑦ 8 ᐊᑯᓐᓂᐊᒍᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᑎᒍᑦ

ᐅᖃᓕᒫᕐᓗᒍ ᑎᑎᖅᑲᕗᑦ

ᐊᓯᔾᔨᕐᑐᖅ ᑐᓴᕐᑕᐅᔪᒃᓴᓪᓗ

ᖃᐅᔨᒪᓂᐊᕐᐳᓯ ᐊᓯᔾᔨᕐᑐᑦ ᑐᓴᒐᒃᓴᓪᓘᓐᓃᑦ ᐋᓐᓂᐊᓕᕇᒃᑯᑎᑦ ᒥᒃᓵᓄ ᓄᓇᕗᒻᒥᑦ ᐅᖃᐅᓯᐅᖃᑦᑕᕐᓂᐊᕐᒪᑕ ᐅᕘᓇ ᐃᑭᐊᖅᑭᕕᒃᑯᑦ, ᓄᓇᕗᑦ ᒐᕙᒪᒃᑯᖏᑦᑕ ᐃᓄᖕᓄᑦ ᑐᓴᖅᑎᑦᑎᔾᔪᑎᖏᑎᒍᑦ, ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐅᖃᐅᔾᔪᐃᔾᔪᑎᒃᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᑎᒍᑦ ᓴᖅᑭᑕᐅᓗᑎᒃ.    

ᐊᐱᖅᑯᑕᐅᒐᔪᒃᑐᑦ

ᖃᖓᓕ ᐋᓐᓂᐊᓕᕇᒃᑯᑎᑦ ᐊᑐᐃᓐᓇᐅᓕᕐᓂᐊᖅᐸᑦ ᓄᑕᖅᑲᓄ ᑕᓪᓕᒪᑦ ᑐᖔᓂ ᐅᑭᐅᓕᖕᓄᑦ? 
Moderna SPIKEVAX ᒫᓐᓇ ᐊᑐᐃᓐᓇᐅᓕᖅᑐᑦ ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐅᑭᐅᓕᖕᓄᑦ 5-ᓄᑦ ᑎᑭᓪᓗᒍ. ᔪᓚᐃ 14, 2022−ᒥᑦ, ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᑐᓴᖅᑎᑦᑎᓚᐅᖅᐳᑦ ᐊᑐᐃᓐᓇᐅᓕᕐᓂᖏᓐᓂᑦ ᐋᓐᓂᐊᓕᕇᒃᑯᑎᑦ ᐅᑯᓂᖓ ᐅᑭᐅᓕᖕᓄᑦ. ᔪᓚᐃ 15-ᒥ, ᓄᓇᕗᒥᐅᑦ ᑐᓴᖅᑎᑦᑎᓚᐅᖅᐳᑦ ᑖᒃᑯᐊ ᑲᐴᑎᑦ ᒪᓂᒻᒪᒃᑕᐅᓂᐊᕐᓂᖏᓐᓄᑦ ᑖᒃᑯᓄᖓ ᐅᑭᐅᖃᖃᑎᒌᓄᑦ ᓯᕗᓪᓕᐅᑎᔭᐅᒋᐊᓕᑦ ᓯᕗᓪᓕᐅᔾᔭᐅᓗᑎᒃ, ᐱᒋᐊᖅᑕᐅᓗᑎᒃ ᓄᑕᖅᑲᑦ ᐅᑭᐅᓖᑦ ᑎᓴᒪᓂᒃ, ᐅᕝᕙᓘᓐᓃᑦ, ᓄᑕᖅᑲᑦ ᑕᖅᑭᖃᖅᐸᑕ ᐊᕐᕕᓂᓕᖕᓂᒃ ᐊᒻᒪ ᑎᓴᒪᓂᒃ ᐅᑭᐅᖃᖅᐸᑕ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᐳᕙᒃᑯᑦ ᐋᓐᓂᐊᖃᑦᑕᖅᑐᐊᓘᒃᐸᑕ, ᐊᑯᓂᐅᔪᒃᑯᓪᓗ ᓴᙱᒃᑎᒋᐊᕈᑎᓄᑦ ᑲᒪᒋᔭᐅᖃᑦᑕᖅᐸᑕ ᐊᒻᒪ/ᐅᕝᕙᓘᓐᓃᑦ ᒪᒥᓴᖅᑕᐅᑲᑕᒃᐸᑕ ᓯᐊᒻᒪᔭᑦᑐᒥᒃ ᐋᓐᓂᐊᕐᓘᑎᒧᑦ. 

ᑕᖅᑭᓖᑦ ᐊᕐᕕᓂᓕᖕᓂᒃ ᐊᒻᒪ ᐅᑭᐅᓖᑦ ᑕᓪᓕᒪᓂᒃ ᓴᙱᓂᖅᓴᒧᑦ ᑲᐱᔭᐅᖃᑕᐅᔪᓐᓇᖅᐸᑦ?
ᒫᓐᓇᐅᔪᖅ, ᑲᐱᔭᐅᒃᑲᓐᓂᖁᔨᙱᑦᑐᑦ ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᐊᑐᐃᓐᓇᓂ ᓄᑕᖅᑲᓄ ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐅᑭᐅᓕᖕᓄᑦ ᑕᓪᓕᒪᓄᑦ.  ᓄᓇᕗᑦ ᒐᕙᒪᒃᑯᖏᑦ ᐅᔾᔨᖅᓱᖅᑐᑦ ᐱᕙᓪᓕᐊᓂᖏᓐᓂᑦ ᑐᓴᖅᑎᑦᑎᒃᑲᓐᓂᓛᖅᖢᑎᒡᓗ ᓄᑖᓂ ᐊᑐᐃᓐᓇᖅᑕᖃᓕᖅᐸᑦ ᑐᓴᖅᑕᐅᔪᒃᓴᓂᑦ.

ᓴᙱᓂᖅᓴᒧᑦ ᑐᒡᓕᐊᓄᑦ ᑲᐱᔭᐅᖃᑕᐅᔪᓐᓇᖅᐳᖓ? 
ᐃᓚᖏᑦ ᐱᔪᓐᓇᕐᓂᖃᕐᕕᐅᔪᑦ ᑎᓴᒪᖓᓐᓂ ᑲᐱᔭᐅᑎᑦᑎᑲᑕᓕᖅᑐᑦ ᖃᔅᓯᓪᓚᕆᖕᓄ ᐅᑭᐅᓕᖕᓄᑦ. ᓄᓇᕗᑦ ᒐᕙᒪᒃᑯᖏᑦ ᐊᖏᖅᓯᓚᐅᖅᑐᑦ ᑎᓴᒪᖓᓐᓂᒃ ᑲᐴᑎᒥᑦ ᓄᓇᕗᒥᐅᓕᒫᓄᑦ ᐅᑭᐅᓕᖕᓄᑦ 18 ᐅᖓᑖᓄᓪᓗ.

ᑲᐱᔭᐅᖏᓐᓇᐅᔭᕆᐊᖃᕐᓂᐊᓕᖅᐳᖓ ᐊᕐᕌᒍᑕᒫᑦ ᓄᕙᒡᔪᐊᕐᓇᖅ-19−ᒧᑦ? 
ᓄᓇᕗᑦ ᒐᕙᒪᒃᑯᖏᑦ ᐅᔾᔨᖅᓱᐃᓐᓇᖅᑐᑦ ᓴᖅᑭᑉᐸᓪᓕᐊᔪᖅ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᓂᑦ ᐃᓱᒪᓕᐅᕆᕙᒃᖢᑎᒡᓗ ᐱᐅᓛᒃᑯᑦ ᐱᐅᓯᕐᓂᑦ ᐊᒻᒪᓗ ᖃᐅᔨᓴᕈᑎᓂᑦ. ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᓕᕇᒃᑯᑎᑦ, ᐊᔾᔨᐸᓗᖓᑎᑐᑦ ᓄᕙᒡᔪᐊᖅᑐᓄᑦ ᐋᓐᓂᐊᓕᕇᒃᑯᑎᑐᑦ, ᑲᐱᔭᐅᒃᑲᓐᓂᕆᐊᖃᖃᑦᑕᕆᐊᖃᑐᐃᓐᓇᕆᐊᓖᑦ. 

 


Moderna SPIKEVAX ᑲᐴᑎᐅᑉ ᒥᒃᓵᓄᑦ

ᓯᕗᓪᓕᐹᖅ ᑲᐱᔭᐅᔾᔪᑎ ᐊᑐᐃᓐᓇᐅᓕᓛᖅᑐᖅ ᓄᓇᕗᒻᒥ Moderna’s mRNA ᑲᐴᑎ, ᐊᑦᑎᕐᑕᐅᒃᑲᓐᓂᕐᖢᓂ SPIKEVAX.mRNA, ᑐᑭᖃᖅᐳᖅ messenger RNA ᓲᕐᓗᓕ ᐱᓕᕆᒋᐊᕈᑎᒃᓴᖅ ᐅᕝᕙᓘᓐᓃᑦ ᓂᕿᓕᐊᓄᑦ ᐃᓚᒃᓴᖏᑦ ᓂᕿᓂ ᓄᑭᑦᑎᐊᕆᖕᓇᖅᑐᑦ ᑎᒥᖕᓄᑦ.  ᑲᐴᑎ Moderna mRNA ᑎᒥᖕᓄᐊᓲᖑᕗᖅ ᑎᒥᖕᓂᓪᓗ ᖃᐅᔨᒪᓇᖅᖢᓂ ᓂᕿᓂ ᓄᑭᑦᑎᐊᕆᖕᓇᖅᑐᑦ ᐃᑲᔫᑎᒋᔪᓐᓇᕐᓂᐊᖅᑕᓯ ᓄᕙᒡᔪᐊᕐᓇᖅ-19−ᑖᖅᑕᐃᓕᓂᕐᒧᑦ. mRNA ᑲᐴᑎᑦ ᓄᕙᒡᔪᐊᕐᓇᖅ-19−ᑖᕐᓇᙱᑦᑐᑦ ᓄᕙᒡᔪᐊᕐᓇᖅ-19−ᒥ ᖁᐱᕐᕈᐊᕐᔪᖕᒧᑦ ᐃᓚᒋᔭᐅᙱᑦᑎᐊᕐᓂᖓᓄᑦ.

ᑲᐴᑎ Moderna ᒪᕐᕈᐃᖅᓱᕐᓗᒍ ᑲᐱᔭᐅᒋᐊᖃᕐᓇᖅᐳᖅ − ᐅᓪᓗᑦ 21 ᐊᓂᒍᖅᐸᑕ ᑲᐱᔭᐅᒃᑲᓐᓂᕆᐊᖃᕐᓇᖅᑐᖅ − ᐊᑭᖃᙱᖦᖢᑎᒃ ᑲᐱᔭᐅᓐᓇᖅᑐᑦ ᓄᓇᕗᒥᐅᓕᒫᓄᑦ ᐅᑭᐅᖃᖅᑎᒋᔪᓄᑦ 12 ᐅᖓᑖᓄᑦ.

ᐊᖏᖅᑕᐅᓚᐅᖅᑳᕋᓂ, ᒪᑑᓇ ᖃᐅᔨᓴᕈᑕᐅᓚᐅᕐᐳᖅ 30,000 ᐃᓄᖕᓄᑦ, ᖃᐅᔨᔭᐅᓪᓗᓂᓗ 94 ᐳᓴᓐᑎᒥ ᐊᑑᑎᓕᒃ ᐊᐃᑦᑐᐃᓗᐊᕈᓐᓃᕐᑎᑦᑎᓪᓗᓂ ᓄᕙᒡᔪᐊᕐᓇᖅ-19−ᒧᑦ. ᑲᐴᑎ ᐃᑲᔫᑎᒐᓗᐊᕐᖢᓂ ᐊᑦᑕᕐᓇᓗᐊᕈᓐᓃᕐᑎᑦᑎᓪᓗᓂ ᓯᐊᒻᒪᖕᓂᖕᒥᑦ, ᑭᖑᓂᐊᒍᑦᑕᐅᖅ ᑲᐱᔭᐅᓯᒪᔪᑦ ᓯᐊᒻᒪᒃᑎᕆᔪᓐᓇᕐᑐᑦ ᖁᐱᕐᕈᐊᕐᔪᖕᒥᑦ. ᑲᐱᔭᐅᓗᓂ ᐱᒻᒪᕆᐅᕗᖅ ᐊᑦᑕᕐᓇᓗᐊᖁᓇᒍ ᓯᐊᒻᒪᒃᑎᕆᓂ ᐋᓐᓂᐊᓗᐊᕐᑕᐃᓕᒪᑎᑦᑎᓂᖕᒥᓪᓗ ᑕᐃᒃᑯᓄᖓ ᐊᐃᑦᑐᕐᑕᐅᓯᒪᔪᓄᑦ. ᑲᐱᔭᐅᓯᒪᔪᑦᑕᐅᖅ ᒪᓖᓐᓇᕆᐊᓕᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ

ᓲᕐᓗ ᒪᑐᐊᕐᓯᒪᓗᑎᒃ ᐊᒡᒐᓂᓪᓗ−ᐅᐊᓴᖃᑦᑕᕐᓂᖅ ᐅᑯᐊ ᐋᓐᓂᐊᖅᑖᖅᑕᐃᓕᓂᕐᒧᑦ ᐆᒃᑐᕋᐅᑕᐅᖁᔭᐅᔪᑦ ᐊᑑᑎᖃᕐᒥᔪᑦ ᐳᕝᕕᕆᓂᒃᑯᑦ ᓱᕈᕈᑕᐅᕙᒃᑐᓂᒃ. 

ᐱᒻᒪᕆᐅᕗᖅ ᓄᓇᕗᒥᐅᑦ ᑐᑭᓯᒋᐊᖅᐸᒡᓗᑎᒃ ᓄᓇᓕᖕᓂ ᐋᓐᓂᐊᕕᖕᒥ ᐃᓗᐊᖅᓴᐃᔨᓂᒃ, ᑲᐱᔭᐅᓚᐅᙱᑎᓪᓗᒋᑦ ᓯᖓᐃᒃᐸᑕ, ᐊᒫᒪᒃᑎᑦᑎᒃᐸᑕ, ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᖃᓂᒪᑎᓪᓗᒋᑦ ᑎᒥᖏᑦᑕ ᓴᐳᓐᓂᐊᕈᑎᖏᓐᓂᒃ ᓈᒻᒪᙱᓪᓕᐅᕈᑎᖃᖅᐸᑕ ᐅᕝᕙᓘᓐᓃᑦ ᑎᒥᖏᓐᓄᑦ ᓈᒻᒪᙱᓪᓕᐅᕈᑎᖃᖅᐸᑕ ᐊᑕᐅᓯᕐᒧᑦ ᐅᖓᑖᓄᓪᓘᓐᓃᑦ ᑲᐴᑎᒥ ᐃᓚᐅᕈᑎᖏᓐᓄᑦ.

ᓄᑖᙳᕆᐊᖅᓯᒪᔪᑦ ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐅᑭᐅᓕᖕᓄᑦ ᑕᓪᓕᒪᓄᑦ ᑎᑭᓪᓗᒍ:

ᐅᓗᕆᐊᓇᙱᓐᓂᖓ, ᐊᑑᑎᖃᕐᒪᖔᑦ ᐊᓐᓇᐅᒪᓂᕐᒧᓪᓗ ᑎᑎᖅᑲᑦ SPIKEVAX ᓄᑕᖅᑲᓂ ᖃᐅᔨᓴᖅᑕᐅᓚᐅᖅᐳᑦ ᒪᕐᕈᐃᓕᖓᓪᓗᑎᒃ ᐊᒥᐊᓕᒐᐃᑦ ᓄᓇᖓᓂ ᑲᓇᑕᒥᓪᓗ. ᖃᐅᔨᓴᖅᑐᓂ ᐃᓚᐅᔪᖃᓚᐅᖅᑐᖅ 6,400 ᐅᖓᑖᓂ ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐅᑭᐅᓕᖕᓄᑦ ᑕᓪᓕᒪᓄᑦ ᐊᑕᐅᓯᐊᖅᖢᑎᒃ ᑲᐱᔭᐅᓯᒪᔪᑦ SPIKEVAX−ᒥᑦ ᐊᔾᔨᙳᐊᖓᓂᓪᓘᓐᓃᑦ. ᐊᑦᑕᕐᓇᕐᒪᖔᑕ ᐃᓱᒫᓗᖕᓇᙱᑦᑐᑦ ᑖᒃᑯᓇᓂ ᐆᒃᑑᒪᔭᒃᑕᐅᔪᓂᒃ. ᐃᓱᒫᓘᑎᑕᖃᓚᐅᙱᑦᑐᖅ ᖃᐅᔨᓴᖅᑎᓪᓗᒋᑦ, ᐊᑐᖅᑕᐅᒐᔪᓚᐅᖅᑐᖅ ᐊᔾᔨᐸᓗᒋᔭᐅᓪᓗᓂ ᓄᑕᖅᑲᑦ ᑲᐱᔭᐅᒑᖓᒥᒃ, ᐋᓐᓂᐊᖅᖢᓂ ᑲᐱᔭᐅᔪᑦ, ᐅᐃᕐᖓᕐᓂᖅ ᓂᕆᔪᒪᖏᓐᓂᕐᓗ. ᐋᓐᓂᐊᓕᕇᒃᑯᑎ ᐅᓗᕆᐊᓇᙱᑦᑐᖅ ᐊᑑᑎᖃᖅᖢᓂᓗ ᓄᕙᒡᔪᐊᕐᓇᖅ-19−ᑖᖅᑕᐃᓕᓂᕐᒧᑦ ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐊᒻᒪ ᐅᑭᐅᓕᖕᓄᑦ ᑕᓪᓕᒪᓂᒃ.

  • ᐊᕐᕕᓂᓕᖕᓂᒃ ᑕᖅᑭᓕᖕᓂᒃ ᑕᓪᓕᒪᓄᑦ ᐅᑭᐅᓕᖕᓄᑦ ᑎᑭᓪᓗᒍ: ᑕᖅᑭᓕᖕᓄᑦ ᐊᕐᕕᓂᓕᖕᓂᒃ ᐅᑭᐅᓕᖕᓄᑦ ᑕᓪᓕᒪᓄᑦ, ᑲᐴᑎᒥ ᑲᐴᑎᓂᑦ 25 micrograms−ᖑᕗᑦ ᑎᓴᒪᓪᓗ ᐱᓇᓱᐊᕈᓰᑦ ᐅᖓᓯᒌᒃᑎᒋᓪᓗᑎᒃ ᑲᐱᔭᐅᒃᑲᓐᓂᑕᐃᓐᓇᖅᐸᒃᖢᑎᒃ.
  • ᐊᕐᕕᓂᓕᖕᓂᒃ ᐅᑭᐅᓖᑦ 11−ᒧᑦ ᑎᑭᓪᓗᒍ: ᐊᕐᕕᓂᓕᖕᓂᒃ ᐅᑭᐅᓖᑦ 11-ᒧᑦ ᑎᑭᓪᓗᒍ, ᐊᑐᓂ ᑲᐴᑎᑦ 50 micrograms−ᖑᕗᑦ ᐱᓇᓱᐊᕈᓯᓪᓗ ᑎᓴᒪᑦ ᐊᓂᒍᕌᖓᑕ ᑲᐱᔭᐅᒃᑲᓐᓂᖅᐸᒃᖢᑎᒃ.
  • ᐅᑭᐅᓖᑦ 12−ᓂᒃ ᐅᖓᑖᓂᓪᓗ: ᐅᑭᐅᓕᖕᓄᑦ 12-ᓂ ᐅᖓᑖᓄᓪᓗ, ᐊᑐᓂ ᑲᐴᑎᑦ 100 micrograms−ᖑᕗᑦ ᑲᐱᔭᐅᒃᑲᓐᓂᖅᐸᒃᖢᑎᒡᓗ ᐱᓇᓱᐊᕈᓯᑦ ᑎᓴᒪᑦ ᐊᓂᒍᕌᖓᑕ.

 

ᐃᓗᓕᖏᑦ:

ᐃᓅᓕᓴᐅᑎᐅ ᐃᓚᒃᓴᖏᑦ:

(mRNA)

ᐃᓅᓕᓴᐅᑎᐅᙱᑦᑐ ᐃᓚᒃᓴᖏᑦ:

  • acetic ᐆᑕᕐᓇᖅᑐᖅ
  • ᐅᖅᓱᖓ
  • DSPC (1,2-distearoyl-sn-glycero-3-phosphocholine)
  • PEG2000-DMG(1,2-dimyristoyl-rac-glycerol,methoxy-polyethyleneglycol)
  • lipid SM-102
  • sodium acetate trihydrate
  • sucrose
  • trometamol
  • trometamolhydrochloride
  • ᐃᒪᖅ ᑲᐴᑎᒧᑦ

 

Moderna ᑲᐴᑎᒧᑦ ᑲᐱᔭᐅᕌᓂᒃᑎᓪᓗᒋᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓕᖅᐸᒃᑐᑦ:

  • ᑲᐱᔭᐅᔪᒃᑯᑦ ᐊᐅᐸᖅᓯᓗᑎᒃ ᒪᐃᓪᓗᑎᒡᓗ:
  • ᒪᐃᓪᓗᓂ ᑲᐱᔭᐅᕝᕕᐊᒍᑦ
  • ᑕᖃᓯᒪᓗᓂ.
  • ᓂᐊᖁᙳᖃᑦᑕᒡᓗᑎᑦ.
  • ᓴᐅᓂᙳᓗᓂ ᓴᖕᓂᕐᓗᓂᓗ.
  • ᖄᓕᖅᑭᑲᑕᒡᓗᓂ
  • ᐆᑎᕐᓇᕐᓗᓂ
  • ᐳᓪᓕᕐᓗᓂ ᐊᐅᐸᖅᓯᓗᓂᓘᓐᓃᑦ ᑲᐱᔭᐅᕝᕕᐊᒍᑦ
  • ᒥᕆᐊᙳᓗᓂ ᐊᒻᒪ/ᐅᕝᕙᓘᓐᓃᑦ ᒥᕆᐊᑲᑕᒡᓗᓂ
  • ᕿᓕᖅᓯᓇᖅᑯᖅᑐᓯᓗᓂ.

ᐅᑯᐊ ᑕᒪᕐᒥᐊᓗᒃ ᑲᐱᔭᐅᕌᓂᒡᓗᓂ ᐃᒃᐱᖕᓂᕈᑎᒋᙱᑐᐃᓐᓇᕆᐊᖃᖅᑕᑎᑦ ᑲᐱᔭᐅᓐᓂᕈᕕᑦ Moderna SPIKEVAX ᓄᕙᒡᔪᐊᕐᓇᖅ-19−ᒧᑦ ᑲᐴᑎᒧᑦ.  ᑲᐱᔭᐅᕌᓂᒃᓯᒪᓕᖅᑎᓪᓗᑎᑦ ᑎᒥᒃᑯᑦ ᓈᒻᒪᙱᓪᓕᐅᕈᑎᖃᕈᕕᑦ ᐅᑯᓇᓂ ᑎᑎᕋᖅᓯᒪᙱᑦᑐᓂᒃ, ᐃᓗᐊᖅᓴᐃᔨ ᑐᓴᖅᑎᑦᑕᕆᐊᖃᖅᐸᑦ.

ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ ᐅᕝᕙᓘᓐᓃᑦ ᑎᒥᒃᑯᑦ ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ, ᐃᕐᖐᓐᓇᖅ ᐋᓐᓂᐊᕕᖕᒧᑦ ᑲᒪᒋᔭᐅᔭᖅᑐᕆᐊᖃᖅᐳᑎᑦ.  ᑲᐱᔭᐅᕌᓂᒃᑐᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓲᑦ ᒪᑯᐊᖑᕗᑦ: 

  • ᐱᖑᔭᓪᓗᓂ (ᖃᑦᑎᒐᓛᒃᓗᓂ ᐅᕕᓂᒃᑯᑦ ᐅᖏᓚᖕᓇᒻᒪᕆᐊᓗᒃᖢᑎᒃ). 
  • ᑮᓇᒃᑯᑦ ᐳᓪᓕᖅᖢᑎᒃ, ᐅᖃᒃᑯᑦ ᐅᕝᕙᓘᓐᓃᑦ ᐃᒡᒋᐊᒃᑯᑦ. 
  • ᐊᓂᕐᓂᑭᓪᓗᓂ

ᐅᖃᐅᓯᐅᒐᔪᖕᓂᖅᐹᖑᓚᐅᖅᑐᑦ ᓄᑕᖅᑲᑦ ᑲᐱᔭᐅᑲᑕᒃᑎᓪᓗᒋᑦ ᖃᓄᐃᓐᓂᕆᓚᐅᖅᑕᖏᑦ ᐅᑭᐅᓕᖕᓄᑦ ᑕᓪᓕᒪᑦ ᑐᖔᓂ ᐸᒡᕕᒍᓱᑲᑕᓚᐅᖅᐳᑦ/ᕿᐊᑲᑕᒃᖢᑎᒃ, ᐋᓐᓂᐊᖅᖢᑎᒃ, ᐅᐃᕐᖓᖅᖢᑎᒃ, ᐊᒻᒪ ᓂᕐᕆᕐᓗᓕᖅᖢᑎᒃ. ᑕᖃᖓᑲᑕᓚᐅᕐᒪᑕ ᐅᖃᐅᓯᐅᒐᔪᖕᓂᖅᐹᖑᓚᐅᖅᐳᖅ ᐅᑭᐅᖅᑯᖅᑐᓂᖅᓵᕐᔪᑦ 37 ᑕᖅᑮᑦ ᐅᖓᑖᓂ ᑕᖅᑭᓖᑦ.

ᑲᐴᑎᓕᐅᓲᑦ ᐱᕙᒌᔭᖅᑕᐅᓲᑦ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᑦ ᑲᒪᒋᔭᐅᑲᐅᑦᑐᕈᑎᒃᓴᖏᓐᓂᒃ. 


Pfizer Comirnaty ᑲᐴᑎᐅᑉ ᒥᒃᓵᓄᑦ

Pfizer-BioNTech ᓯᕗᓪᓕᖅᐹᖑᔪᖅ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎ ᐊᑐᐃᓐᓇᐅᓛᖅᑐᖅ ᓄᓇᕗᒻᒧ ᒪᒃᑯᒃᑐᓄ ᐅᑭᐅᓕᖕᓂᑦ 12−ᓗ 17−ᓗ ᐊᑯᓐᓂᐊᓂᑦ ᐊᒻᒪ ᒫᓐᓇ ᓄᑕᖅᑲᓄᑦ ᐅᑭᐅᓕᖕᓄᑦ 5−ᒥᑦ 11−ᒧᑦ. Pfizer, ᑭᖑᓂᐊᒍᑦ ᐊᑦᑎᖅᑕᐅᒃᑲᓐᓂᕐᖢᓂ Comirnaty ᐅᓇ mRNA ᐋᓐᓂᐊᓕᕇᒃᑯᑎ, ᒪᑑᓇᑐᑦ, ᑎᒥᖕᓂᑦ ᐃᓕᑦᑎᑎᑦᑎᕙᒃᐳᖅ ᓴᓇᓂᐊᕐᓗᓂ ᑭᓱᓪᓚᕆᖕᒥᑦ ᓄᑭᑦᑎᐊᕆᖕᓇᕐᑐᒥ ᐊᑐᕐᓂᐊᕐᑐᖅ ᐃᑲᔫᑎᓗᓂ ᐃᓕᖕᓂᑦ ᓴᐳᒻᒥᔾᔪᓯᐅᕐᓗᓂ ᓄᕙᒡᔪᐊᕐᓇᖅ-19−ᒧᑦ. ᕙᐃᓱ (Pfizer) ᐃᓐᓇᕐᓄᑦ ᐊᑐᕐᑕᐅᔪᓐᓇᕐᑐᖅ.

ᑲᐴᑎ Pfizer ᒪᕐᕈᐃᖅᓱᕐᓗᒍ ᑲᐱᔭᐅᒋᐊᖃᕐᓇᖅᐳᖅ − ᐅᓪᓗᑦ 21 ᐊᓂᒍᖅᐸᑕ ᑲᐱᔭᐅᒃᑲᓐᓂᕆᐊᖃᕐᓇᖅᑐᖅ − ᐊᑭᖃᙱᖦᖢᑎᒃ ᑲᐱᔭᐅᓐᓇᖅᑐᑦ ᓄᓇᕗᒥᐅᓕᒫᓄᑦ ᐅᑭᐅᖃᖅᑎᒋᔪᓄᑦ 5  ᐊᒻᒪ 17 ᐊᑯᓐᓂᐊᓂᑦ. ᐱᔭᕆᐊᖃᕐᐸᑦ, ᐱᑕᖃᕐᓂᖓᓂ, ᓄᓇᕗᑦ ᐱᓂᐊᕐᑐᑦ ᓈᒻᒪᒃᑐᓂ ᑲᐴᑎᓂ ᐱᒋᐊᕈᑕᐅᓂᐊᕐᑐᖅ ᐊᑕᐅᓯᖕᒥᑦ ᑲᐱᔭᐅᓗᑎᒃ ᐅᑭᐅᓕᑦ 5-ᒥᑦ 11-ᒧᑦ. ᓈᒻᒪᒃᑐᓂᑦ ᑲᐴᑎᑕᖃᕋᓗᐊᕆᐊᒃᓴᖓᓂ, ᓄᓇᕗᑦ ᐊᐃᑉᐸᖓᓂ ᑲᐱᓯᖃᑦᑕᕐᕕᒃᓴᓂ ᐋᖅᑭᒃᓯᓛᕐᑐᑦ 8 ᐱᓇᓱᐊᕈᓰᒃ ᑭᖑᓂᐊᓂ ᓯᕗᓪᓕᕐᒥ ᑲᐱᔭᐅᓚᐅᕐᑎᓪᓗᒋᑦ ᑲᐴᑎᑦ ᓈᒻᒪᒃᐸᑕ. ᐱᓇᓱᐊᕈᓯᑦ 8 ᐊᑯᓐᓂᖓᓂ ᑲᐱᔭᐅᓚᐅᕐᑎᓪᓗᒍ, ᐊᑖᓃᒻᒪᑦ ᖃᐅᔨᒪᔾᔪᓂᑦ ᑲᓇᑕᒥ ᐅᖃᐅᔾᔪᐃᔨᑦ ᑲᑎᒪᒋᔨᓐᓂ ᐋᓐᓂᐊᕇᒃᑯᓯᖅᑕᐅᕙᒃᑐᓕᕆᓂᖕᒧᑦ ᓴᐴᑎᑦᑎᐊᖁᓪᓗ ᓄᕙᒡᔪᐊᕐᓇᖅ-19−ᒥᑦ.

ᓴᐳᒻᒥᔾᔪᓯᐅᕋᔮᓲᖅ. ᐱᓇᓱᐊᕈᓯᖕᓂ ᒪᕐᕉᓂ ᓴᐳᒻᒥᔾᔪᓯᐅᑦᑎᐊᕈᓐᓇᕐᑐᖅ ᓄᕙᒡᔪᐊᕐᓇᖅ-19−ᒧᑦ. ᓴᐳᒻᒥᔭᐅᑦᑎᐊᕐᓂᐊᕐᓗᓂ, ᐊᑕᐅᓯᐅᙱᑦᑐᒥᑦ ᑲᐱᔭᐅᔭᕆᐊᖃᕐᓂᐊᕐᑐᖅ.

ᐸᐃᑉᓱ (Pfizer) ᖃᐅᔨᓴᖅᑕᐅᓯᒪᔪᖅ ᑲᐱᔭᐅᓪᓗᑎᑦ 38,000 ᐃᓄᐃᑦ ᐅᑭᐅᓖᑦ 16ᓂᑦ ᐅᖓᑖᓄᓪᓗ ᐊᒻᒪᓗ ᑭᖑᓂᖓᒍᑦ ᖃᐅᔨᓴᕐᓂᐅᔪᑦ ᐃᓚᔭᐅᓯᒪᒃᑲᓐᓂᖅᑐᑦ 2,260 ᐅᑭᐅᓖᑦ 12ᒥᑦ 15ᒧᑦ ᖃᐅᔨᓴᖅᑕᐅᓪᓗᑎ ᖃᓄᐃᒻᒪᖔᑕ. ᓯᕗᕐᖓᓂ ᐊᖏᖅᑕᐅᓚᐅᖅᑳᕋᓂ ᓄᑕᖅᑲᓄᑦ ᐅᑭᐅᓕᖕᓄᑦ 5−ᒥᑦ 11−ᒧᑦ, ᖃᐅᔨᓵᓂᓚᐅᕐᑐᑦ ᐃᓚᐅᓪᓗᑎᒃ 3,000 ᓄᑕᖅᑲᑦ. ᐅᓇ ᐋᓐᓂᐊᓕᕇᒃᑯᑎ

ᐊᑑᑎᖃᕐᓂᕋᖅᑕᐅᓯᒪᔪᑦ 95 ᐳᓴᓐᑎᒥᑦ ᐊᐃᑦᑐᕐᑕᐅᓗᐊᕌᓗᒍᓐᓇᐃᓪᓕᓗᑎᑦ ᓄᕙᒡᔪᐊᕐᓇᖅ-19−ᒥᑦ. ᑲᐴᑎ ᐃᑲᔫᑎᒐᓗᐊᕐᖢᓂ ᐊᑦᑕᕐᓇᓗᐊᕈᓐᓃᕐᑎᑦᑎᓪᓗᓂ ᓯᐊᒻᒪᖕᓂᖕᒥᑦ, ᑭᖑᓂᐊᒍᑦᑕᐅᖅ ᑲᐱᔭᐅᓯᒪᔪᑦ ᓯᐊᒻᒪᒃᑎᕆᔪᓐᓇᕐᑐᑦ ᖁᐱᕐᕈᐊᕐᔪᖕᒥᑦ. ᑲᐱᔭᐅᓗᓂ ᐱᒻᒪᕆᐅᕗᖅ ᐊᑦᑕᕐᓇᓗᐊᖁᓇᒍ ᓯᐊᒻᒪᒃᑎᕆᓂ ᐋᓐᓂᐊᓗᐊᕐᑕᐃᓕᒪᑎᑦᑎᓂᖕᒥᓪᓗ ᑕᐃᒃᑯᓄᖓ ᐊᐃᑦᑐᕐᑕᐅᓯᒪᔪᓄᑦ. ᑲᐱᔭᐅᓯᒪᔪᑦᑕᐅᖅ ᒪᓖᓐᓇᕆᐊᓕᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᓲᕐᓗ ᒪᑐᐊᕐᓯᒪᓂᖅ ᐊᒡᒐᓂᓪᓗ ᐅᐊᓴᑲᑕᖕᓂᖅ. ᐅᑯᐊ ᐋᓐᓂᐊᖅᑖᖅᑕᐃᓕᓂᕐᒧᑦ ᐆᒃᑐᕋᐅᑕᐅᖁᔭᐅᔪᑦ ᐊᑑᑎᖃᕐᒥᔪᑦ ᐳᕝᕕᕆᓂᒃᑯᑦ ᓱᕈᕈᑕᐅᕙᒃᑐᓂᒃ. 

ᐱᒻᒪᕆᐅᕗᖅ ᓄᓇᕗᒥᐅᑦ ᑐᑭᓯᒋᐊᖅᐸᒡᓗᑎᒃ ᓄᓇᓕᖕᓂ ᐋᓐᓂᐊᕕᖕᒥ ᐃᓗᐊᖅᓴᐃᔨᓂᒃ, ᑲᐱᔭᐅᓚᐅᙱᑎᓪᓗᒋᑦ ᓯᖓᐃᒃᐸᑕ, ᐊᒫᒪᒃᑎᑦᑎᒃᐸᑕ, ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᖃᓂᒪᑎᓪᓗᒋᑦ ᑎᒥᖏᑦᑕ ᓴᐳᓐᓂᐊᕈᑎᖏᓐᓂᒃ ᓈᒻᒪᙱᓪᓕᐅᕈᑎᖃᖅᐸᑕ ᐅᕝᕙᓘᓐᓃᑦ ᑎᒥᖏᓐᓄᑦ ᓈᒻᒪᙱᓪᓕᐅᕈᑎᖃᖅᐸᑕ ᐊᑕᐅᓯᕐᒧᑦ ᐅᖓᑖᓄᓪᓘᓐᓃᑦ ᑲᐴᑎᒥ ᐃᓚᐅᕈᑎᖏᓐᓄᑦ.

ᐃᓗᓕᖏᑦ (ᐅᑭᐅᓕᖕᓄᑦ 12 ᐅᖓᑖᓄᓪᓗ)

ᐃᓅᓕᓴᐅᑎᐅ ᐃᓚᒃᓴᖓ

mRNA

  • ᐃᓅᓕᓴᐅᑎᐅᙱᑦᑐ ᐃᓚᒃᓴᖓ
  • ALC-0315 = ((4-hydroxybutyl)axanediyl)bis(hexane-6,1-diyl)bis(2-hexyldecanoate)
  • ALC-0159 = 2-[(polyethylene glycol)-2000]-N,N-ditetradecylacetamide
  • 1,2-Distearoyl-sn-glycero-3-phosphocholine
  • cholesterol
  • Dibasic sodium phosphate dihydrate
  • Monobasic potassium phosphate
  • Potassium chloride
  • Sodium chloride
  • sucrose
  • ᑲᐴᑎᓗ ᐃᒪᕐᒥᒃ ᐃᓚᓯᒪᓪᓗᓂ 
  • ᐃᓗᓕᖏᑦ (ᐅᑭᐅᓕᖕᓄᑦ 5−ᒥᑦ 11−ᒧᑦ)
  • ALC-4 = ((6,1-hydroxybutyl)axanediyl)bis(hexane-2-diyl)bis(2-hexyldecanoate)
  • 2[(polyethylene glycol)-2000]- N,N-ditetradecylacetamide
  • 1,2-distearoyl-sn-glycero-3-phosphocholine,
  • cholesterol),
  • sucrose
  • tromethamine,
  • tromethamine hydrochloride.
  • sodium chloride
  • ᑲᐴᑎᓗ ᐃᒪᕐᒥᒃ ᐃᓚᓯᒪᓪᓗᓂ 
  • ᐊᒃᑑᑎᔪᑦ
  • ᐋᓐᓂᐊᓗᓂ ᑲᐱᔭᐅᕕᐊᒍᑦ.
  • ᖄᓕᖅᑭᑲᑕᒡᓗᓂ.
  • ᑕᖃᖓᓗᓂ.
  • ᐆᓇᑲᑕᒡᓗᑎᑦ.
  • ᐳᓪᓕᕐᓗᓂ ᐊᐅᐸᖅᓯᓗᓂᓘᓐᓃᑦ ᑲᐱᔭᐅᕝᕕᐊᒍᑦ
  • ᒥᕆᐊᙳᓗᓂ ᐊᒻᒪ/ᐅᕝᕙᓘᓐᓃᑦ ᒥᕆᐊᑲᑕᒡᓗᓂ
  • ᕿᓕᖅᓯᓇᖅᑯᖅᑐᓯᓗᓂ.

 

ᐅᑯᐊ ᑕᒪᕐᒥᐊᓗᒃ ᑲᐱᔭᐅᕌᓂᒡᓗᓂ ᐃᒃᐱᖕᓂᕈᑎᒋᙱᑐᐃᓐᓇᕆᐊᖃᖅᑕᑎᑦ ᑲᐱᔭᐅᓐᓂᕈᕕᑦ Pfizer-BioNTech ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒥ.  ᑲᐱᔭᐅᕌᓂᒃᓯᒪᓕᖅᑎᓪᓗᑎᑦ ᑎᒥᒃᑯᑦ ᓈᒻᒪᙱᓪᓕᐅᕈᑎᖃᕈᕕᑦ ᐅᑯᓇᓂ ᑎᑎᕋᖅᓯᒪᙱᑦᑐᓂᒃ, ᐃᓗᐊᖅᓴᐃᔨ ᑐᓴᖅᑎᑦᑕᕆᐊᖃᖅᐸᑦ.

ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ ᐅᕝᕙᓘᓐᓃᑦ ᑎᒥᒃᑯᑦ ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ, ᐃᕐᖐᓐᓇᖅ ᐋᓐᓂᐊᕕᖕᒧᑦ ᑲᒪᒋᔭᐅᔭᖅᑐᕆᐊᖃᖅᐳᑎᑦ.  ᑲᐱᔭᐅᕌᓂᒃᑐᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓲᑦ ᒪᑯᐊᖑᕗᑦ: 

ᐱᖑᔭᓪᓗᓂ (ᖃᑦᑎᒐᓛᒃᓗᓂ ᐅᕕᓂᒃᑯᑦ ᐅᖏᓚᖕᓇᒻᒪᕆᐊᓗᒃᖢᑎᒃ). 

ᑮᓇᒃᑯᑦ ᐳᓪᓕᖅᖢᑎᒃ, ᐅᖃᒃᑯᑦ ᐅᕝᕙᓘᓐᓃᑦ ᐃᒡᒋᐊᒃᑯᑦ. 

ᐊᓂᕐᓂᑭᓪᓗᓂ

ᑲᐴᑎᓕᐅᓲᑦ ᐱᕙᒌᔭᖅᑕᐅᓲᑦ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᑦ ᑲᒪᒋᔭᐅᑲᐅᑦᑐᕈᑎᒃᓴᖏᓐᓂᒃ. 

 

ᑐᑭᓯᒋᐊᕈᑎᒃᓴᖅ Moderna Spikevax Bivalent ᐋᓐᓂᐊᓕᕇᒃᑯᑎ

Moderna’s Spikevax Bivalent ᐋᓐᓂᐊᓕᕇᒃᑯᑦ ᐊᔾᔨᖓᓂ ᓴᐳᒻᒥᔪᓐᓇᖅᑐᖅ mRNA ᐋᓐᓂᐊᓕᕇᒃᑯᓯᖅᑎᑐᑦ ᑭᓯᐊᓂ ᐃᓚᓕᐅᑎᓯᒪᔪᖅ ᑐᕌᒐᕋᖃᖅᖢᓂ ᐊᑐᓂ ᓯᕗᓪᓕᖅᐹᒥᑦ ᓄᕙᒡᔪᐊᕐᓇᖅ−19 ᐱᖃᓯᐅᑎᓗᒍ Omicron ᓄᕙᒡᔪᐊᕐᓇᖅ.  bivalent ᐋᓐᓂᐊᓕᕇᒃᑯᑎ ᐊᖏᖅᑕᐅᓯᒪᔪᖅ ᑲᓇᑕᒥᑦ ᐊᑑᑎᖃᑦᑎᐊᖅᑐᖅ ᓯᕗᓪᓕᖅᐹᒥᑦ ᓄᕙᒡᔪᐊᕐᓇᖅ−19 ᐊᒻᒪᓗ Omicronᒥᑦ.

bivalent ᐋᓐᓂᐊᓕᕇᒃᑯᑎ ᐊᑐᐃᓐᓇᐅᔪᖅ ᓄᓇᕗᒻᒥᐅᓄᑦ 70ᓂ ᐅᖓᑖᓄᓪᓗ ᐅᑭᐅᓕᖕᓄᑦ ᓄᓇᓕᖕᓃᑦᑐᓄᑦ ᐊᒻᒪᓗ ᓄᓇᓕᓂᖔᖅᑐᓕᒫᑦ ᐊᒻᒪᓗ ᐃᖃᓇᐃᔭᖅᑏᑦ ᐃᑲᔪᖅᑕᐅᕝᕕᖕᒥᑦ ᑲᐱᔭᐅᓯᒪᔪᑦ ᓄᕙᒡᔪᐊᕐᓇᖅ ᐋᓐᓂᐊᓕᕇᒃᑯᑎ ᑭᖑᓪᓕᖅᐹᒥᑦ ᐋᓐᓂᐊᓕᕇᒃᑯᓯᖅᑕᐅᓯᒪᔪᑦ ᑕᕿᓂ ᐱᖓᓱᓂ.

ᐱᔪᓐᓇᐅᑎᓖᑦ ᐋᓐᓂᐊᓕᕇᒃᑯᑎᒧᑦ ᐊᖏᒡᓕᕆᐊᖅᑕᐅᓂᐊᖅᑐᖅ ᐋᓐᓂᐊᓕᕆᒃᑯᑏᑦ ᐅᓄᖅᓯᒋᐊᕐᓗᑎᓗ.

ᐋᓐᓂᐊᓕᕇᒃᑯᓯᖅᓯᒪᒐᓗᐊᖅᑎᓪᓗᑎᑦ, ᐃᓄᐃᑦ ᒪᓖᓐᓇᖁᔭᐅᔪᑦ ᐋᓐᓂᐊᖅᑕᐅᓕᒪᔪᓕᕆᓂᕐᒧᒃ  ᑭᒃᑯᑐᐃᓐᓇᕐᓄᑦ ᒪᓕᒃᑕᐅᖁᔭᐅᔪᑦ ᑐᑭᓕᐅᕆᓗᐳ ᒧᑐᐊᖅᓯᒪᕙᒡᓗᑎᑦ ᐊᒻᒪᓗ ᐊᒡᒐᑎᑦ ᐅᐊᔭᑦᑎᐊᖅᐸᒡᓗᒋᑦ. ᐅᑯᐊ ᐋᓐᓂᐊᖅᑖᖅᑕᐃᓕᓂᕐᒧᑦ ᐆᒃᑐᕋᐅᑕᐅᖁᔭᐅᔪᑦ ᐊᑑᑎᖃᕐᒥᔪᑦ ᐳᕝᕕᕆᓂᒃᑯᑦ ᓱᕈᕈᑕᐅᕙᒃᑐᓂᒃ.

ᐱᒻᒪᕆᐅᕗᖅ ᓄᓇᕗᒥᐅᑦ ᑐᑭᓯᒋᐊᖅᐸᒡᓗᑎᒃ ᓄᓇᓕᖕᓂ ᐋᓐᓂᐊᕕᖕᒥ ᐃᓗᐊᖅᓴᐃᔨᓂᒃ, ᑲᐱᔭᐅᓚᐅᙱᑎᓪᓗᒋᑦ ᓯᖓᐃᒃᐸᑕ, ᐊᒫᒪᒃᑎᑦᑎᒃᐸᑕ, ᑎᒥᒥᒍᑦ ᐊᓐᓇᐅᒪᔾᔪᑎᖃᑦᑎᐊᙱᑉᐸᑕ, ᖃᓂᒪᑎᓪᓗᒋᑦ ᑎᒥᖏᑦᑕ ᓴᐳᓐᓂᐊᕈᑎᖏᓐᓂᒃ ᓈᒻᒪᙱᓪᓕᐅᕈᑎᖃᖅᐸᑕ ᐅᕝᕙᓘᓐᓃᑦ ᑎᒥᖏᓐᓄᑦ ᓈᒻᒪᙱᓪᓕᐅᕈᑎᖃᖅᐸᑕ ᐊᑕᐅᓯᕐᒧᑦ ᐅᖓᑖᓄᓪᓘᓐᓃᑦ ᑲᐴᑎᒥ ᐃᓚᐅᕈᑎᖏᓐᓄᑦ.

 

ᐃᓗᓕᖏᑦ:

ᐃᓅᓕᓴᐅᑎᐅ ᐃᓚᒃᓴᖏᑦ:

  • Elasomeran (mRNA) encoding the pre-fusion stabilized Spike glycoprotein of 2019 novel Coronavirus (SARS-CoV-2)
  • imelasomeran (mRNA) encoding the pre-fusion stabilized conformation variant (K983P and V984P) of the SARS-CoV-2 Spike glycoprotein (Omicronvariant B.1.1.529 [BA.1]) 1
  • ᐃᓅᓕᓴᐅᑎᐅᙱᑦᑐ ᐃᓚᒃᓴᖏᑦ:
  • acetic acid
  • cholesterol
  • DSPC (1,2-distearoyl-sn-glycero-3-phosphocholine)
  • PEG2000-DMG(1,2-dimyristoyl-rac-glycerol,methoxy-polyethyleneglycol)
  • lipid SM-102
  • sodium acetate trihydrate
  • sucrose
  • trometamol
  • trometamol hydrochloride
  • ᑲᐴᑎᓗ ᐃᒪᕐᒥᒃ ᐃᓚᓯᒪᓪᓗᓂ

ᐊᒃᑑᑎᔪᑦ:

  • ᒪᐃᓪᓗᓂ ᑲᐱᔭᐅᕝᕕᐊᒍᑦ
  • ᑕᖃᓯᒪᓗᓂ.
  • ᓂᐊᖁᙳᖃᑦᑕᒡᓗᑎᑦ.
  • ᓴᐅᓂᙳᓗᓂ ᓴᖕᓂᕐᓗᓂᓗ.
  • ᖄᓕᖅᑭᑲᑕᒡᓗᓂ
  • ᐆᑎᕐᓇᕐᓗᓂ
  • ᐳᓪᓕᕐᓗᓂ ᐊᐅᐸᖅᓯᓗᓂᓘᓐᓃᑦ ᑲᐱᔭᐅᕝᕕᐊᒍᑦ
  • ᒥᕆᐊᙳᓗᓂ ᐊᒻᒪ/ᐅᕝᕙᓘᓐᓃᑦ ᒥᕆᐊᑲᑕᒡᓗᓂ
  • ᕿᓕᖅᓯᓇᖅ ᐳᑯᓕᖅᐸᑦ.

ᐅᑯᐊ ᑕᒪᕐᒥᐊᓗᒃ ᑲᐱᔭᐅᕌᓂᒡᓗᓂ ᐃᒃᐱᖕᓂᕈᑎᒋᙱᑐᐃᓐᓇᕆᐊᖃᖅᑕᑎᑦ ᑲᐱᔭᐅᓐᓂᕈᕕᑦ Moderna SPIKEVAX ᓄᕙᒡᔪᐊᕐᓇᖅ-19−ᒧᑦ ᑲᐴᑎᒧᑦ. ᑲᐱᔭᐅᕌᓂᒃᓯᒪᓕᖅᑎᓪᓗᑎᑦ ᑎᒥᒃᑯᑦ ᓈᒻᒪᙱᓪᓕᐅᕈᑎᖃᕈᕕᑦ ᐅᑯᓇᓂ ᑎᑎᕋᖅᓯᒪᙱᑦᑐᓂᒃ, ᐃᓗᐊᖅᓴᐃᔨ ᑐᓴᖅᑎᑦᑕᕆᐊᖃᖅᐸᑦ.

ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ ᐅᕝᕙᓘᓐᓃᑦ ᑎᒥᒃᑯᑦ ᐊᑲᐅᙱᓪᓕᐅᕈᑎᖃᓯᑳᓪᓚᒃᑐᐊᓘᒍᕕᑦ, ᐃᕐᖐᓐᓇᖅ ᐋᓐᓂᐊᕕᖕᒧᑦ ᑲᒪᒋᔭᐅᔭᖅᑐᕆᐊᖃᖅᐳᑎᑦ.  ᑲᐱᔭᐅᕌᓂᒃᑐᑦ ᑎᒥᖏᑦᑎᒍᑦ ᓈᒻᒪᙱᓪᓕᐅᕈᑕᐅᓲᑦ ᒪᑯᐊᖑᕗᑦ:

  • ᐱᖑᔭᓪᓗᓂ (ᖃᑦᑎᒐᓛᒃᓗᓂ ᐅᕕᓂᒃᑯᑦ ᐅᖏᓚᖕᓇᒻᒪᕆᐊᓗᒃᖢᑎᒃ).
  • ᑮᓇᒃᑯᑦ ᐳᓪᓕᖅᖢᑎᒃ, ᐅᖃᒃᑯᑦ ᐅᕝᕙᓘᓐᓃᑦ ᐃᒡᒋᐊᒃᑯᑦ.
  • ᐊᓂᕐᓂᑭᓪᓗᓂ

ᑲᐴᑎᓕᐅᓲᑦ ᐱᕙᒌᔭᖅᑕᐅᓲᑦ ᑎᒥᒥᒍᑦ ᓈᒻᒪᙱᓪᓕᐅᕈᑎᖃᖅᑐᑦ ᑲᒪᒋᔭᐅᑲᐅᑦᑐᕈᑎᒃᓴᖏᓐᓂᒃ.

 

ᖃᐅᔨᒋᐊᕐᕕᑦ

ᑐᑭᓯᒋᐊᕈᑎ Pfizer-BioNTech ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ

Moderna ᓄᕙᒡᔪᐊᕐᓇᖅ-19−ᒧᑦ ᑲᐴᑦ ᐱᔾᔪᑎᒋᓪᓗᒍ

ᓄᕙᕐᔪᐊᕐᓇᖅ-19-ᒧ ᑲᐱᔭᐅᕖᑦ: ᑭᓱᓂ ᓂᕆᐅᖕᓂᐊᖅᐱᑕ