ᐅᖃᓚᐅᑎᓯᐅᑏᑦ

You are here

ᐊᐅᓪᓚᖃᑦᑕᖅᑐᑦ ᐃᓄᑑᔭᕆᐊᖃᕐᓂᕐᓗ

ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕈᑏᑦ

ᐅᓇ ᓇᕿᓪᓗᒍᑦ ᐅᑎᕈᒪᒍᕕᑦ ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕐᕕᖕᒧᑦ

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᑐᐊᒃᑯᕕᖕᒧᑦ ᐃᓂᒃᓴᓕᐅᖃᑦᑕᔾᔮᔪᓐᓃᖅᑐᑦ ᕕᕝᕗᐊᕆ 19−ᒥ ᐱᒋᐊᕐᓗᓂ. ᐊᐅᓪᓚᖅᓯᒪᔪᑦ ᒫᓐᓇ ᖃᓪᓗᓈᓂ ᐃᓄᑐᐊᒃᑯᕕᖕᒦᑦᑐᑦ ᐃᓂᒃᓴᓕᐅᖅᑕᐅᓯᒫᓂᓕᖅᑐᓪᓘᓐᓃᑦᓄᓇᕗᑦ ᓯᓚᑖᓂ ᐃᓄᑐᐊᒃᑯᕕᖕᒧᐊᕐᕕᒃᓴᖓᓂ, ᐱᕕᖃᖅᑎᑕᐅᓂᐊᖅᐳᑦ ᐃᓄᑐᐊᒃᑯᕕᖕᒦᓪᓗᑎᒃ ᐅᕝᕙᓘᓐᓃᑦ ᐃᓄᑐᐊᒃᕕᖕᒥ ᐃᓂᒃᓴᓂ ᖁᔭᓈᕐᓗᓂᐅᒃ ᐊᓯᐊᓂᙶᕐᓗ ᐸᕐᓇᐃᓕᕐᓗᓂ ᓇᖕᒥᓂᖅ ᐊᑭᓕᖅᓱᕐᓗᓂᐅᒃ.

ᐱᒋᐊᕐᓗᓂ ᕕᕝᕗᐊᕆ 28, 2022, ᑲᐱᔭᐅᓯᒪᙱᑦᑐᑦ ᐃᓚᐃᓐᓇᖓᓂᓪᓘᓐᓃᑦ ᑲᐱᔭᐅᓯᒪᔪᑦ ᓄᓇᕗᒻᒥᐅᑦ, ᐊᖏᕐᕋᐅᔪᓐᓇᕐᓂᐊᓕᖅᐳᑦ ᑕᑯᑎᑦᑎᓗᑎᒃ ᖃᖓᑦᑕᐅᑎᒥᓂᒃ ᓇᓗᓇᐃᖅᓯᔾᔪᑎᒥᒡᓗ ᓄᕙᕐᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᔾᔪᑎᒥᓂᒃ ᐱᖃᙱᓐᓂᕋᐃᔪᒥᒃ ᐃᑲᕐᕋᑦ 72 ᐊᐅᓪᓚᕐᕕᒃᓴᖓ ᑎᑭᓚᐅᙱᑎᓪᓗᒍ. ᓄᕙᕐᔪᐊᕐᓇᖅ-19−ᒧᑦ ᖃᐅᔨᓴᖅᑕᐅᔾᔪᑎᑦ ᐊᑐᐃᓐᓇᐅᕗᑦ ᐊᑭᖃᙱᖦᖢᑎᒃ ᒥᑦᑕᕐᕖᑦ ᐊᐅᓪᓚᕐᕕᐊᓂ ᑲᓇᑕᓕᒫᒥ.

ᐊᖏᕐᕋᖅᓯᒪᓕᕈᑎᒃ, ᑲᐱᔭᐅᓯᒪᙱᑦᑐᑦ ᐃᓄᐃᑦ, ᑕᐃᒃᑯᐊᓗ ᐱᖓᓱᑦ ᑐᖔᓂ ᑲᐱᔭᐅᓯᒪᔪᑦ ᓄᕙᕐᔪᐊᕐᓇᖅ-19 ᑲᐴᑎᒧᑦ, ᐅᓪᓗᓄᑦ ᖁᓕᓄᑦ ᐊᓂᑦᑕᐃᓕᔭᕆᐊᖃᖅᐳᑦ. ᐊᓂᑦᑕᐃᓕᓕᖃᑦᑕᖅᐳᑦ ᑲᐱᔭᐅᓯᒪᙱᑦᑐᖅ ᓄᓇᕗᒻᒧᐊᑐᐊᕈᓂ. ᐃᒡᓗᒥᐅᖃᑎᖏᑦ ᑲᐱᔭᐅᓯᒪᙱᑦᑐᑦ ᐃᓚᐃᓐᓇᖓᓂᓪᓘᓐᓃᑦ ᑲᐱᔭᐅᓯᒪᔪᑦ ᐊᓂᑦᑕᐃᓕᔭᕆᐊᖃᕆᕗᑦ ᐅᓪᓗᓄᑦ ᖁᓕᓄᑦ.

ᐱᒋᐊᕐᓗᓂ ᕕᕝᕗᐊᕆ 19−ᒥ, 2022, ᓄᓇᕗᒻᒥ ᓄᓇᕗᑦ ᓯᓚᑖᓂ ᐃᓄᑐᐊᒃᑯᕖᑦ ᑕᐃᑲᓃᑎᑦᑎᖃᑦᑕᕐᓂᐊᓕᕐᒪᑕ ᑲᐱᔭᐅᓯᒪᙱᑦᑐᓂᒃ ᐃᓚᐃᓐᓇᖓᓂᓪᓘᓐᓃᑦ ᑲᐱᔭᐅᓯᒪᔪᓂᑦ ᓄᓇᕗᒻᒥᐅᑕᓂᒃ ᓄᕙᕐᔪᐊᕐᓇᖅ-19−ᖃᕐᓂᕋᖅᑕᐅᔪᓂᑦ ᑭᓯᐊᓂ, ᐋᓐᓂᐊᕐᕕᓕᐊᖅᓯᒪᑎᓪᓗᒋᑦ.

ᑲᓇᑕᐅᑉ ᒐᕙᒪᒃᑯᖏᑦᑕ ᖃᐅᔨᒪᔾᔪᑎᒃᓴᖏ ᑕᒪᐃᓐᓂ ᐃᑭᒪᔪᓕᒫᓂ ᐅᑭᐅᓕᑦ 12 ᐅᖓᑖᓄ ᖃᖓᑕᓲᑯᑦ ᑎᑎᖅᑲᖃᖁᔨᓪᓗᑎᒃ ᑲᐱᔭᐅᓯᒪᓂᖏᑦᑕ ᒥᒃᓵᓄ ᐊᐅᓪᓚᕐᓂᐊᕐᓗᑎᒃ.

ᓱᒃᑲᔪᒥ ᓄᕙᒡᔪᐊᕐᓇᖅ-19 ᖃᐅᔨᓴᕐᕕᒃᑕᖃᓕᓚᐅᕐᑐᑦ ᐃᖃᓗᐃᑦ ᒥᑦᑕᕐᕕᐊᓂᑦ. ᑖᓐᓇ ᐃᒻᒥᒥ−ᖃᐅᔨᓴᕈᑎ ᖃᖓᑕᓲᓕᕆᔨᒃᑯᓐᓂᖔᕐᓂᐊᕐᑐᖅ ᖃᐅᔨᓴᑲᐅᕐᑐᕐᐸᒃᓗᑎᒃ 30 ᒥᓂᑦᓯᓂᑦ. ᐊᐅᓪᓚᕐᓂᐊᕐᑐᑦ ᑐᓴᕋᓱᒃᓗᑎᒃ ᖃᖓᑕᓲᓕᕆᔨᑦ ᑐᑭᓯᒋᐊᒃᑲᓐᓂᓂᐊᕐᒪᑕ ᖃᓄᐃᓕᐅᕆᐊᖃᖕᒪᖔᖏᓐᓂᑦ ᐱᕕᒃᓴᖃᕐᓂᖏᓐᓂᓪᓗ ᐊᐅᓪᓚᕐᓂᐊᕐᓂᖏᓐᓂᑦ. ᖃᐅᔨᒪᔭᐅᔭᕆᓕᒃ: ᓄᓇᕗᒻᒥᑦ, ᖃᐅᔨᓴᕐᕕᐅᔪᓐᓇᕐᑐᑐᐊᖅ ᐃᖃᓗᐃᑦ ᒥᑦᑕᕐᕕᐊᓂ. ᓄᓇᕗᑦ ᒐᕙᒪᒃᑯᖏᑦ ᖃᐅᔨᓴᕐᓯᖃᑦᑕᙱᑦᑐᑦ ᐊᐅᓪᓚᕐᓂᐊᕐᓗᓂ.

ᑐᑭᓯᒋᐊᒃᑲᓐᓂᕈᒪᔪ ᒐᕙᓚᑐᖃᒃᑯᑦ ᐊᐅᓪᓚᕐᓂᐊᕐᓗᓂ ᐊᑐᕆᐊᓕᖕᓂᑦ ᐅᖄᓚᓗᑎᒃ 1-833-524-0733.

 

ᐊᐅᓪᓚᕐᓂᐊᕐᓗᓂ ᐊᑐᕐᑕᐅᔭᕆᐊᓕᑦ ᒐᕙᒪᑐᖃᒃᑯᑦ ᖃᐅᔨᒪᔾᔪᑎᖏᓐᓂ

ᒫᓐᓇᐅᔪᖅ, ᐊᐅᓪᓚᕐᓂᐊᕐᑐᑦ ᓄᓇᕗᑦ ᓄᓇᓕᖏᓐᓂᑦ ᐃᖃᓗᒃᑎᒎᙱᑦᑐᐃᑦ, ᐊᒃᑐᕐᑕᐅᙱᑦᑐᑦ ᒐᕙᒪᑐᖃᒃᑯᓐᓄᑦ

ᐊᑐᕆᐊᓕᖏᓐᓂ, ᓲᕐᓗ ᓴᖅᑭᑦᑎᔭᕆᐊᖃᙱᑦᑐᑎ ᑲᐱᔭᐅᓯᒪᓂᖅᐱ ᒥᒃᓵᓄ, ᐊᖏᕈᑎᓂ ᓇᒃᓯᔾᔨᓗᑎᒃᓗ ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᕈᑎᓂ ᓱᓕᓂᕋᕈᑎᒥᓪᓘᓐᓃᑦ ᐊᑎᓕᐅᕐᓗᓂ.

ᐊᐅᓪᓚᕐᓂᐊᕐᑐᓕᒫᑦ, ᐋᓐᓂᐊᕕᓕᐊᕐᑐᓪᓗ, ᐊᐅᓪᓚᓕᕐᑐᑦ ᐃᖃᓗᒃᑎᒎᖅᑐᓪᓘᓐᓃᑦ, ᓄᓇᕗᑦ ᓯᓚᑖᓄᓪᓘᓐᓃᑦ ᓄᓇᕗᒻᒧᓪᓘᓐᓃᑦ, ᒪᓕᒋᐊᓕᑦ ᒐᕙᒪᑐᖃᒃᑯᑦ ᐊᑐᕐᑕᐅᔭᕆᐊᓕᖏᓐᓂᑦ, ᓈᒻᒪᒃᑐᓂᓪᓗ ᑎᑎᖅᑲᖃᕐᓗᓂ. ᖃᖓᑕᓲᑦᑕᐅᖅ ᓇᖕᒥᓂᖅ ᐱᓕᕆᐊᖃᓪᓗᐊᕐᑐᑦ ᓇᓗᓇᐃᕐᓯᓂᐊᕐᓗᑎᒃ ᑲᐱᔭᐅᓯᒪᔪᑦ ᖃᓄᐃᓕᖓᓂᖏᓐᓂᑦ. ᐊᐅᓪᓚᕐᓂᐊᕐᑐᑦ ᖃᐅᔨᒋᐊᖁᕙᕗᑦ ᖃᖓᑕᓲᓕᕆᔨᓂ ᑐᑭᓯᒋᐊᒃᑲᓐᓂᖁᓪᓗᒋ

ᓄᑖᓂ ᒐᕙᓚᑐᖃᒃᑯᑦ ᖃᐅᔨᒪᔾᔪᑎᖏᓐᓂᑦ, ᑎᑎᖅᑲᐅᔭᕆᐊᓕᑦ ᐃᓚᖓᑦ ᐊᑕᐅᓯᖅ ᐊᒥᓲᓂᕐᓴᓂᓪᓘᓐᓃᑦ ᐅᑯᓂᖓ, ᒪᓕᖕᓂᐊᕐᑐᑦ ᑲᐱᔭᐅᓯᒪᓂᖓᑕ ᖃᓄᐃᓕᖓᓂᖓᓂ. ᐊᐅᓪᓚᕐᓂᐊᕐᑐᓕᒫᑦ ᐊᑐᐃᓐᓇᐅᕙᒌᖅᑎᑦᑎᔭᕆᐊᓕᑦ ᐃᑭᓚᐅᙱᓐᓂᖏᓐᓂᑦ ᖃᖓᑕᓲᖕᒧᑦ.

 

ᑕᒪᐃᓐᓂᒃ ᑲᐱᔭᐅᓯᒪᔪᑦ ᐊᐅᓪᓚᕆᐊᕐᑐᕐᑐᑦ:

ᓄᓇᕗᒻᒥᑦ ᐊᐅᓪᓚᓕᕐᑐᑦ:

ᐊᐅᓪᓚᕐᑐᑦ, ᐃᖃᓗᒃᑎᒎᖅᑐᓪᓘᓐᓃᑦ, ᐃᖃᓗᐃᑦ ᒥᑦᑕᕐᕕᖓᓂ:

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ.

ᑲᖏᖅᖠᓂᖕᒥᖔᕐᑐᑦ ᐃᖃᓗᒃᑑᑦᑎᐊᓂᓪᓘᓐᓃᑦ:

ᒫᓐᓇᐅᔪᖅ, ᑎᑎᖅᑲᖃᕆᐊᖃᙱᑦᑐᑦ ᐊᐅᓪᓚᕐᓂᐊᕐᓗᑎᒃ ᓄᓇᕗᒻᒥᑦ ᖃᖏᖅᖠᓂᖕᒥᑦ ᐃᖃᓗᒃᑑᑦᑎᐊᓂᓪᓘᓐᓃᑦ. ᑭᓯᐊᓂᓕ, ᔭᓗᓇᐃᓕᐊᙱᑉᐸᑕ ᐅᐃᓂᐲᒡᒧᓪᓘᓐᓃᑦ, ᐅᑯᐊ ᐊᑐᕐᑕᐅᔭᕆᐊᓕᑦ:

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ.

ᓄᓇᕗᒻᒧᐊᓕᕐᓗᓂ:

  • ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ.

 

ᑲᐱᔭᐅᓯᒪᔪᑦ ᐊᐅᓪᓚᕐᓂᐊᕐᑐᖅ ᓄᕙᒡᔪᐊᖃᕐᑐᑦ ᐊᓂᑦᑕᐃᓕᔭᕆᐊᖃᕐᓂᐊᕐᑐᑦ ᒐᕙᒪᑐᖃᒃᑯ ᖃᐅᔨᒪᔾᔪᑎᖏᑎᒍ ᐃᑭᓚᐅᖅᑳᕋᓂ ᖃᖓᑕᓲᖕᒧᑦ. ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᓯᓚᑖᓂ ᐊᓂᑦᑕᐃᓕᕕᖃᕐᑎᑦᑎᔪᓐᓃᕐᑐᑦ ᐊᐅᓪᓚᕐᓂᐊᕐᑐᓪᓗ ᑲᒪᔭᕆᐊᖃᕐᓂᐊᕐᖢᑎᒃ ᓇᖕᒥᓂᖅ ᐃᓄᑐᐊᒃᑯᕕᖕᒦᔾᔪᑎᖏᓐᓂᑦ.

ᐃᖅᑲᐃᓯᒋᐊᕈᑎ, ᑲᐱᔭᐅᓯᒪᓂᖕᒧᑦ ᑎᑎᖅᑲᐃᑦ ᐱᔭᐅᔪᓐᓇᕐᑐᑦ ᐋᓐᓂᐊᕕᔅᓯᓐᓄ ᐅᖃᓗᒃᓗᓯ ᐃᕐᖐᓐᓇᕐᑕᐅᑎᒃᑯᓪᓘᓐᓃᑦ ᑎᑎᕋᕐᓗᑎᑦ vaccineexemptions@gov.nu.ca. ᑲᐱᔭᐅᓂᕐᒧ ᑭᑭᑕᐅᔪᒪᔾᔪᑎᓄ ᐅᕗᙵᐅᓗᑎᑦ: ᑲᐱᔭᐅᓯᒪᔪᑦ ᐊᐅᓪᓚᖅᐸᓪᓕᐊᔪᐃᑦ

 

ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑲᐱᔭᐅᓯᒪᙱᑦᑐᓪᓗ ᐊᐅᓪᓚᕐᓂᐊᕐᑐᑦ:

 

ᓄᓇᕗᒻᒥᑦ ᐊᐅᓪᓚᓕᕐᑐᑦ:

ᐊᐅᓪᓚᕐᑐᑦ, ᐃᖃᓗᒃᑎᒎᖅᑐᓪᓘᓐᓃᑦ, ᐃᖃᓗᐃᑦ ᒥᑦᑕᕐᕕᖓᓂ

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ.

ᑲᖏᖅᖠᓂᖕᒥᖔᕐᑐᑦ ᐃᖃᓗᒃᑑᑦᑎᐊᓂᓪᓘᓐᓃᑦ:

ᒫᓐᓇᐅᔪᖅ, ᑎᑎᖅᑲᖃᕆᐊᖃᙱᑦᑐᑦ ᐊᐅᓪᓚᕐᓂᐊᕐᓗᑎᒃ ᓄᓇᕗᒻᒥᑦ ᖃᖏᖅᖠᓂᖕᒥᑦ ᐃᖃᓗᒃᑑᑦᑎᐊᓂᓪᓘᓐᓃᑦ. ᑭᓯᐊᓂᓕ, ᔭᓗᓇᐃᓕᐊᙱᑉᐸᑕ ᐅᐃᓂᐲᒡᒧᓪᓘᓐᓃᑦ, ᐅᑯᐊ ᐊᑐᕐᑕᐅᔭᕆᐊᓕᑦ:

  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᔭᓗᓇᐃᒥ ᐅᐃᓂᐸᐃᒃᒥᓪᓘᓐᓃᑦ, ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ ᑎᑭᕝᕕᒋᓂᐊᕐᑕᖓᓄ, ᐅᕝᕙᓘᓐᓃᑦ
    • ᓇᓗᓇᐃᒃᑯᑕᖅ ᓄᕙᒡᔪᐊᕐᓇᖅ-19−ᖃᕐᓂᖕᒧᑦ ᖃᐅᔨᓴᖅᑕᖅ, ᐅᓪᓗᖃᕐᖢᓂ 14 ᓯᕗᓂᐊᓂ ᑭᓯᐊᓂᓕ ᐊᒥᓲᙱᓐᓂᕐᓴᓂᑦ ᐅᓪᓗᓂ 180 ᐊᐅᓪᓚᓚᐅᖅᑲᕋᓂ

 

ᓄᓇᕗᒻᒧᐊᓕᕐᓗᓂ:

ᐃᓚᐃᓐᓇᖓᓂ ᑲᐱᔭᐅᓯᒪᔪ ᑲᐱᔭᐅᓯᒪᙱᑦᑐᓪᓘᓐᓃᑦ ᐊᐅᓪᓚᕐᓂᐊᕐᑐᑦ (ᐊᓯᖏᑦ ᐋᓐᓂᐊᕕᓕᐊᕐᑐᑦ ᓄᑕᖅᑲᓪᓘᓐᓃᑦ ᐅᑭᐅᓕᑦ 12 ᑐᖔᓂ):

  • ᑲᐱᔭᐅᓯᒪᔪᑦ ᐃᓚᐃᓐᓇᖓᓂᑦ ᑲᐱᔭᐅᓯᒪᙱᑦᑐᓪᓗ ᓱᒃᑲᒃᑎᒋᐊᕐᓯᒪᔪᖅ ᐋᓐᓂᐊᕕᓕᐊᕐᓂᐊᕐᑐ:
  • ᐱᑕᖃᙱᓪᓗᓂ ᓄᕙᒡᔪᐊᕐᓇᖅ-19−ᒥᑦ ᓱᒃᑲᔪᒧᑦ ᖃᐅᔨᓴᖅᑕᐅᓗᓂ ᐃᑲᕐᕋᑦ 72 ᐃᓗᐊᓂ ᐊᐅᓪᓚᓚᐅᕐᑎᓪᓗᒍ.
    • ᓄᓇᕗᒻᒧᐊᕈᑎᒃ, ᐃᓚᐃᓐᓇᖓᓂ ᑲᐱᔭᐅᓯᒪᔪᑦ ᑲᐱᔭᐅᓯᒪᙱᑦᑐᓪᓘᓐᓃᑦ ᐸᖅᑭᔭᑦ ᒪᓕᒋᐊᓕᑦ ᐊᓂᑦᑕᐃᓕᒪᓂᖕᓂᑦ ᐋᖅᑭᒃᑕᐅᓯᒪᔪᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ. ᑐᑭᓯᒋᐊᒃᑲᓐᓂᕈᓐᓇᕐᑐᑦ ᐊᑐᕐᑕᐅᔭᕆᐊᓕᖕᓂ ᐅᕙᓂ ᓄᓇᕗᒻᒥᑦ ᐊᓂᑦᑕᐃᓕᓂᖕᒧᑦ ᒪᓕᒃᑕᐅᔭᕆᐊᓕᑦ.

 

ᑲᐱᔭᐅᓯᒪᔪᑦ ᐊᐅᓪᓚᖅᐸᓪᓕᐊᔪᐃᑦ

ᐃᓄᒃ ᐃᓱᒪᒋᔭᐅᓂᐊᖅᐳᖅ ᑕᒪᐃᓐᓂᒃ ᑲᐱᔭᐅᓯᒪᓂᖓᓂᒃ ᐱᓇᓱᐊᕈᓰᒃ ᒪᕐᕉᒃ ᐊᐃᑉᐸᖓᓂ ᑲᐱᔭᐅᕌᓂᓚᐅᖅᑎᓪᓗᒋᑦ ᑲᓇᑕᐅ ᒐᕙᒪᒃᑯᖏᓐᓄ ᐊᖏᖅᑕᐅᓯᒪᔪᑦ ᓄᕙᕐᔪᐊᕐᓇᖅ−19-ᑖᕇᒃᑯᑎᒧᑦ.

 

ᐃᓚᐅᑎᑕᐅᙱᑦᑐᑦ ᑲᐱᔭᐅᕌᓂᒃᓯᒪᓕᖅᑐᓄᑦ

ᐊᐅᓪᓚᕐᓂᐊᖅᑐᑦ ᑲᐃᔭᐅᓯᒫᓂᒃᑐᑦ ᓇᓗᓇᐃᒃᑯᑕᖃᕆᐊᖃᕐᓂᐊᖅᑐᑦ ᑲᐃᔭᐅᓯᒪᓂᕐᒧᑦ ᑐᓂᔭᐅᓯᒪᔪᑦ ᒪᓕᒐᐃᑦ ᐃᓗᐊᓂ ᐊᐅᓚᑕᐅᔪᓐᓇᖅᑐᓂ ᑲᐱᔭᐅᓯᒪᓂᕐᒧᑦ ᓄᓇᕗᒻᒥᑦ ᐃᓯᕈᒪᔪᓄᑦ. ᑲᐱᔭᐅᓯᒪᖏᑦᑐᑦ ᐃᓚᒋᔭᐅᔪᑦ ᐅᑭᐅᓖᑦ 12ᓂ ᑐᖔᓂᓗ ᐊᐅᓚᕈᓐᓇᖅᑐᑦ ᐸᕿᔨᖃᕐᓗᑎᒃ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᖃᖏᓪᓗᑎ. ᑭᓇᑐᐃᓐᓇᖅ ᑲᐱᔭᐅᓯᒪᔪᑦ ᓄᓇᕗᒻᒥᑦ ᑐᓂᔭᐅᔪᓐᓇᖅᑐᑦ ᓇᓗᓇᐃᒃᑯᑕᒥᑦ ᑲᐱᔭᐅᓯᒪᓂᕐᒧᑦ ᑲᐱᔭᐅᔭᕌᖓᑕ ᖃᐅᔨᒋᐊᕈᓐᓇᖅᑐᑦ ᐋᓐᓂᐊᕐᕕᔅᓯᓐᓄᑦ, ᐃᖃᓗᐃᑦ ᐋᓐᓂᐊᕐᕕᖓᓄᑦ, ᐅᕝᕙᓘᓐᓃᑦ ᑎᑎᕋᕈᓐᓇᖅᐳᑎᑦ ᐅᕗᖓ vaccineexemptions@gov.nu.ca. ᑕᐃᒃᑯᐊ ᐋᓐᓂᐊᕕᓕᐊᕈᒪᔪ ᐅᐸᒃᓗᑎᒃ ᐅᖃᓗᒃᐸᒌᖁᔭᐅᔪᑦ ᐃᓂᒃᓴᓕᐅᕐᓗᑎᒃᓗ.

ᑐᓴᕆᐊᒃᑲᓐᓂᕈᑎᓄᑦ ᐱᔪᒪᓗᒍ ᓇᓗᓇᐃᒃᑯᑕᖅ ᑲᐱᔭᐅᓯᒪᓂᕐᒧᑦ ᐊᓯᐊᓂᑦ ᓄᓇᓕᕐᔪᐊᒥ ᐊᕕᒃᑐᖅᓯᒪᔪᓂ ᓄᓇᓕᕋᓛᖑᓂᖅᓴᓂᒃᓘᓐᓃᑦ ᐊᕕᒃᑐᖅᓯᒪᔪᓂ, ᐅᕗᙳᕐᓗᑎᑦ: https://www.canada.ca/en/immigration-refugees-citizenship/services/canadian-covid-19-proof-vaccination/get-proof.html.

 

ᓄᓇᕘᑉ ᐃᓗᐊᓂ ᐊᓂᑦᑕᐃᓕᓂᐊᖅᑐᓄᑦ ᒪᓕᒐᒃᓴᑦ

ᑲᐱᔭᐅᓯᒪᔪᑦ ᓄᕙᒡᔪᐊᕐᓇᖅ-19−ᖃᕐᓂᕋᕐᑕᐅᔪᑦ ᐊᓂᑦᑕᐃᓕᓂᐊᕐᑐᑦ ᐅᓪᓗᓄ 7−ᓄᑦ.

ᑲᐱᔭᐅᓯᒪᙱᑦᑐᑦ ᓄᕙᒡᔪᐊᕐᓇᖅ-19−ᖃᕐᓂᕋᕐᑕᐅᔪᑦ ᐊᓂᑦᑕᐃᓕᓂᐊᕐᑐᑦ ᐅᓪᓗᓄ 10−ᓄᑦ.

ᐊᓂᑦᑕᐃᓕᓂᖅ ᐱᒋᐊᖃᑦᑕᕐᓂᐊᖅᑐᖅ ᖃᓂᒻᒪᒃᐸᓪᓕᐊᓂᕆᔭᖅ ᐱᒋᐊᓵᖅᑎᓪᓗᒍ ᐅᕝᕙᓘᓐᓃᑦ ᖃᐅᔨᓴᕈᑎᑦ ᖃᐅᔨᓇᖅᐸᑕ ᖃᓂᒻᒪᒃᓯᒪᓂᕋᐃᓗᑎᒃ. ᐊᓂᑦᑕᐃᓕᓂᖅ ᐅᐃᒍᔭᐅᖃᑦᑕᕐᓂᐊᖅᑐᖅ ᐃᓄᒃ ᐃᑲᕐᕋᓄᑦ 24-ᓄᑦ ᖃᓂᒻᒪᒃᐸᓪᓕᐊᙲᓐᓇᖅᐸᑦ.

ᑭᓇᑐᐃᓐᓇᖅ ᑲᐱᔭᐅᓯᒪᔪᖅ ᑕᒪᐃᓐᓂᒃ, ᑭᓯᐊᓂᓕ ᐱᖓᔪᖓᓂ ᐋᒃᑲ ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎᒧ ᐊᓂᑦᑕᐃᓕᖁᔭᐅᕗᑦ ᐅᓪᓗᓄ ᖁᓕᓄ ᐅᑎᕈᓂ ᖃᓪᓗᓈᓂ ᐅᕝᕙᓘᓐᓃᑦ ᓄᓇᕗᑦ ᓄᓇᓕᖕᓂᑦ. ᐊᓂᑦᑕᐃᓕᒪᓂ ᐱᒋᐊᖃᑦᑕᕐᐳᖅ ᐊᐅᓪᓚᕐᓯᒪᔪᓄ ᐅᑎᕐᑐᓄ ᓄᓇᕗᒻᒥᑦ ᐅᕝᕙᓘᓐᓃᑦ, ᓄᓇᕗᑦ ᐃᓗᐊᓂ ᐊᐅᓪᓚᑲᑕᖕᓂᖅ ᑎᑭᑉᐸᑕ ᐅᐸᒐᓱᒃᑕᖏᓐᓄᑦ. ᐊᐅᓪᓚᕐᓯᒪᔪᑦ ᐊᓂᑦᑕᐃᓕᔭᕆᐊᓕᑦ ᐊᐅᓪᓚᕐᓯᒪᓗᑎᒃ ᒪᑐᐊᕐᓯᒪᐃᓐᓇᐅᔭᕐᓗᑎᒃᓗ.

ᐊᑦᑕᕐᓇᖅᑐᒦᔭᑦᑐᑦ ᖃᓂᕝᕕᓯᐅᖅᑐᕕᓃᑦ ᐃᒡᓗᒥᐅᖃᑎᑎᒡᓗ, ᑲᐱᔭᐅᓯᒪᓂᖏᑦ ᖃᓄᐃᓕᖓᒥᐊᕋᓗᐊᖅᐸᑕ, ᐊᓂᑦᑕᐃᓕᒋᐊᖃᕐᓂᐊᕐᒥᔪᑦ ᐅᓪᓗᓄᑦ ᖁᓕᓄᑦ, ᑭᖑᓪᓕᕐᒥ ᖃᓂᒪᔪᒧᑦ ᖃᓂᕝᕕᓯᐅᓚᐅᕐᓂᖅᑎᓪᓗᒋᑦ.

ᐊᓂᑦᑕᐃᓕᖁᔭᐅᒍᕕᑦ ᖃᓂᒋᔭᖃᕐᓂᕐᓗᑎ ᓄᕙᒡᔪᐊᕐᓇᖅ-19−ᓕᖕᒥᑦ ᐊᐃᑦᑐᕐᑕᐅᓯᒪᔪᒥᓪᓘᓐᓃᑦ, ᐊᓂᑦᑕᐃᓕᒪᓂᖕᒧᑦ ᐃᑲᔫᓯᐊᕈᓐᓇᕐᐳᑎᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᕐᖐᓐᓈᖅᑕᐅᑎᒃᑯᓪᓘᓐᓃᑦ isolationsupports@gov.nu.ca.

 

ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕈᑏᑦ

ᐅᓇ ᓇᕿᓪᓗᒍᑦ ᐅᑎᕈᒪᒍᕕᑦ ᓄᕙᒡᔪᐊᕐᓇᖅ-19 (ᐊᑦᑕᕐᓇᕈᓐᓇᖅᑐᖅ ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ) ᒥᒃᓵᓄᑦ ᑐᑭᓯᒋᐊᕐᕕᖕᒧᑦ