11ᓂᑦ ᓄᑖᓂᒃ ᓄᕙᒃᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

11ᓂᑦ ᓄᑖᓂᒃ ᓄᕙᒃᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 25, 2020) − ᐅᓪᓗᒥ, ᓄᓇᕗᑦ 153ᓂᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᓂᑦ ᓄᕙᒃᔪᐊᕐᓇᖅ-19ᖃᕐᒪᖔᑕ ᖃᐅᔨᓴᖅᑕᐅᓯᒪᔪᑦ ᓇᓗᓇᐃᖅᑕᐅᕗᑦ. 8ᖑᔪᑦ ᓄᑖᑦ ᓇᓗᓇᐃᖅᑕᐅᕗᑦ ᐊᕐᕕᐊᓂ, ᓄᓇᖓᓂ ᐊᒥᓲᓂᖏᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᑦ ᐋᓐᓂᐊᓕᖅᓯᒪᓂᖏᑦ 115ᖑᓕᖅᐳᑦ. ᐱᖓᓱᑦ ᓄᑖᑦ ᓇᓗᓇᐃᖅᑕᐅᔪᑦ ᑎᑭᕋᕐᔪᐊᒥ ᑖᒃᑯᐊ ᑲᑎᓪᓗᒋᑦ 19ᖑᑎᓕᖅᐳᑦ ᐋᓐᓂᐊᓇᖅᑐᖃᓕᖅᑐᑦ ᓇᓗᓇᐃᖅᑕᐅᔪᑦ.

ᓇᓗᓇᐃᕈᑎᒃᓴᓪᓚᑦᑖᕐᒥᑦ ᐱᑕᖃᙱᑦᑐᖅ ᑖᓐᓇ ᓯᐊᒻᒪᓐᓂᕆᔭᖓᓐᓂᒃ ᑲᖏᖅᖠᓂᕐᒥᑦ ᐅᕝᕙᓗ ᑎᑭᕋᔪᐊᕐᒥᑦ. ᑖᒃᑯᐊ ᑕᒪᕐᒥᒃ ᓄᕙᒃᔪᐊᕐᓇᖅ-19ᑖᖅᓯᒪᔪᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᙱᑦᑐᑦ, ᐋᓐᓂᐊᓗᐊᙱᑦᑐᑦ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᖅ ᓇᓗᓇᐃᒃᑯᑎᖏᑦ ᑕᑯᒍᑦᑎᒍ ᐱᓗᐊᙱᑦᑐᑦ ᐋᓐᓂᐊᕆᔭᖏᑦ. ᖃᐅᔨᓴᖅᑕᐅᔪᑦ ᑭᓇᒃᑯᑦ ᑲᑎᓯᓯᒪᓐᓂᕐᒪᖔᑕ ᓄᓇᓕᖕᓂᑦ ᓱᓕ ᑲᔪᓯᕙᓪᓕᐊᖏᓐᓇᖅᑐᖅ ᐊᒻᒪᓗ ᑖᒃᑯᐊ ᐋᓐᓂᐊᕕᖕᓂᑦ ᐱᓕᕆᔨᖏᑦ ᐅᔾᔨᖅᑐᖅᐸᓪᓕᐊᖏᓐᓇᖅᑐᑦ ᑖᒃᑯᓂᖓ ᐃᓄᑑᑎᑕᐅᔪᓂᒃ ᑕᒪᐃᓐᓂᒃ.

ᓄᕕᐱᕆ 25ᒥᑦ ᐱᒋᐊᕐᖢᒍ, 164ᓂᑦ ᖃᐅᔨᓴᖅᑕᐅᔪᖃᖅᓯᒪᔪᖅ ᑲᖏᖅᖠᓂᕐᒥ ᑖᒃᑯᐊ ᑕᒪᕐᒥᒃ ᐱᑕᖃᕐᓂᕋᖅᑕᐅᖏᑦᑐᑦ ᖃᐅᔨᓴᖅᑕᐅᔾᔪᑎᖏᑦ. ᐊᕐᕕᐊᓂᑦ ᖃᐅᔨᓴᖅᑕᐅᔾᔪᑎᐅᓯᒪᔪᑦ 386 ᐱᑕᖃᕐᓂᕋᖅᑕᐅᓯᒪᙱᑦᑐᑦ ᖃᐅᔨᓴᖅᑕᐅᓯᒪᔪᑦ. ᖃᐅᔨᖅᑕᐅᔪᑦ ᑎᑭᕋᕐᔪᐊᕐᒥ 58ᓂᑦ ᖃᐅᔨᓴᖅᑕᐅᓯᒪᔪᖃᓕᖅᑐᖅ ᑖᒃᑯᐊ ᐱᑕᖃᕐᓂᕋᖅᑕᐅᓯᒪᖏᑦᑐᑦ. ᐅᔾᔨᖅᑐᖅᑕᐅᔪᑦ ᓴᓂᑭᓗᐊᕐᒥᑦ ᓱᓕ ᒫᓐᓇ ᑲᔪᓯᔪᖅ.

ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10−ᒥᑦ ᐅᓪᓛᒃᑯᑦ ᐊᒻᒪᓗ 6−ᒧᑦ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᒫᓐᓇᓕᓴᕐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᓂᒃ, ᐅᕗᙵᕈᓐᓇᖅᐳᓯ: https://www.gov.nu.ca/health/information/nunavuts-path

ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ 11−ᒥ ᐅᓪᓗᒥ. ᑲᓇᖕᓇᕐᒥ, ᐅᓪᓗᒥ, ᓄᕕᐱᕆ 25.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca