ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᖁᔭᐅᔪᑦ ᖃᓱᔭᐅᔾᔫᒥᔪᑦ ᒥᑦᑎᒪᑕᓕᖕᒥ

ᓄᕕᐱᕆ 19, 2021

ᓴᖅᑭᑕᐅᔪᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᖁᔭᐅᔪᑦ ᖃᓱᔭᐅᔾᔫᒥᔪᑦ ᒥᑦᑎᒪᑕᓕᖕᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 19, 2021) − ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᖃᖅᑎᑕᐅᔪᑦ ᐊᒃᓱᕉᑕᐅᓗᐊᔾᔮᔪᓐᓃᕐᓂᖏᓐᓂᒃ ᒥᑦᑎᒪᑕᓕᖕᒥ.

"ᓄᕙᒡᔪᐊᕐᓇᖅ−19−ᒥ ᐱᑕᖃᙱᑦᑐᖅ ᒥᑦᑎᒪᑕᓕᖕᒥ," ᐅᖃᓚᐅᖅᐳᖅ ᓘᒃᑖᖅ ᐹᑐᓴᓐ. "ᐱᓇᓱᐊᕈᓯᓕᒫᖅ ᐊᓂᒍᖅᓯᒪᓕᖅᑎᓪᓗᒍ ᓄᕙᒡᔪᐊᖅᑐᓂᒃ ᓴᖅᑭᑦᑐᖃᒃᑲᓐᓂᓚᐅᙱᑎᓪᓗᒍ, ᐊᑦᑕᕐᓇᕈᓐᓃᖅᑐᖅ ᐊᔪᖅᑎᑦᑎᔾᔪᑕᐅᑲᑕᓵᖅᑐᑦ ᖃᓱᔾᔫᒥᑎᑕᐅᒐᓗᐊᖅᐸᑕ ᓄᓇᓕᖕᓂ. ᑎᓕᐅᖅᐸᒃᑲ ᓄᓇᖅᑲᑎᒌᑦ ᒪᓖᓐᓇᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑎᓕᓯᔾᔪᑕᐅᔪᓂᒃ ᐃᖅᑲᐃᓯᖃᑦᑕᐅᑎᕙᒡᓗᑎᒡᓗ ᐃᓅᖃᑎᒥᓂᒃ ᒪᑐᐊᖅᓯᒪᐃᓐᓇᕆᐊᖃᕐᓂᖏᓐᓂᒃ ᓄᓇᕗᒻᒥ ᓄᓇᓕᓕᒫᓂᒃ."

ᐃᖅᑲᐃᓯᔪᒪᒋᓪᓗᒋᑦ, ᐃᓕᓐᓂᐊᕐᕖᑦ ᐸᐃᕆᕝᕖᓪᓗ ᒪᑐᐃᖓᓂᖏᓐᓂᒃ. ᒫᓐᓇᑲᐅᑎᒋ ᐱᒋᐊᕐᓗᓂ:

  • ᓯᓚᒥ ᑲᑎᓐᓂᕆᔭᐅᕙᒃᑐᑦ ᐃᓱᓕᑦᑕᖅᑎᑕᐅᕗᑦ 50−ᓄᑦ ᐃᓄᖕᓄᑦ.
  • ᐃᓘᑉ ᐃᓗᐊᓂ ᑲᑎᙵᔪᑦ ᖁᓕᐅᔭᕆᐊᓕᑦ ᐃᓄᐃᑦ ᐊᑕᐅᑦᑎᒥ, ᐃᒡᓗᒥᐅᖃᑎᒌᓪᓗ ᐃᓚᐅᓗᑎᒃ.
  • ᐃᓄᒋᐊᒃᑐᒃᑯᕕᑦ ᐃᓗᐊᓂ, ᐃᓚᐅᓪᓗᑎᒃ ᑲᑎᒪᕝᕕᑦ ᐱᙳᐊᕐᕕᑦ ᑭᒡᓕᖃᖅᑐᑦ 25−ᓂᑦ 50 ᐳᓴᓐᑎᓘᓐᓃᑦ ᐃᓄᒋᐊᒍᓐᓇᕐᑕᖏᓐᓂᑦ.
  • ᐅᖃᓕᒫᒐᖃᕐᕖᑦ, ᑕᑯᔭᒐᖃᕐᕖᑦ ᐃᓚᓕᐅᑎᔭᐅᓪᓗᑎᒃ ᑭᒡᓕᖃᖅᑎᑕᐅᕗᑦ 25−ᓂᒃ ᐃᓄᖃᕈᓐᓇᖅᑎᑕᐅᓪᓗᑎᒃ ᐅᕝᕙᓘᓐᓃᑦ 50 ᐳᓴᓐᑎᖓᓐᓄᑦ ᑎᑭᓪᓗᒍ, ᐃᓄᐃᑦ ᑲᑎᙵᓗᑎᒃ ᕿᒥᕐᕈᑎᑕᐅᖃᑦᑕᔾᔮᙱᑦᑐᑦ ᐊᒻᒪ ᐃᓄᑑᑦᑕᕐᓗᑎᒃ ᑭᓯᐊᓂ ᐃᖃᐃᓕᓴᖅᐸᒡᓗᑎᒃ.
  • ᐃᖃᐃᓕᓴᕐᕖᑦ ᑭᒡᓕᖃᕐᑐᑦ 25−ᓄᑦ ᐃᓄᖕᓄᑦ 50 ᐳᓴᓐᑎᓘᓐᓃᑦ ᐃᓄᒋᐊᒍᓐᓇᕐᑕᖓᓂ, ᐃᓄᑐᐊᖑᓗᑎᒃ ᑭᓯᐊᓂ ᐃᖃᐃᓕᓴᕐᓗᑎᒃ.
  • ᑐᒃᓯᐊᕐᕖᑦ ᑭᒡᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖓᑕ 50ᓂᑦ ᐅᕝᕙᓘᓐᓃᑦ 25 ᐳᓴᓐᑎᒥ, ᐃᙱᕆᐊᖃᙱᖦᖢᑎᒡᓗ.
  • ᓯᐊᕐᕆᔮᕐᕕᑦ ᑭᓪᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖏᑦ 50−ᓄᑦ ᐅᕝᕙᓘᓐᓃᑦ 50 ᐳᓴᓐᑎ ᐊᒻᒪᓗ 50 ᐃᓄᐃᑦ ᑕᐅᑐᕋᓐᓈᕆᐊᕈᓐᓇᖅᑐᑦ.
  • ᓄᔭᓕᕆᕝᕕᑦ ᓇᖕᒥᓂᕐᒧᑦ ᐱᔨᑦᑎᕋᕐᕕᑦ ᓲᕐᓗ ᐱᐅᓴᖅᑕᐅᕖᑦ ᐅᒃᑯᐃᒃᑲᓐᓂᕈᓐᓇᖅᓯᔪᑦ.
  • ᓂᕆᕝᕖᑦ ᐱᔪᓐᓇᐅᑎᖃᖅᑎᑕᐅᔪᓪᓗ 25 ᐳᓴᓐᑎᒥᒃ ᐃᓄᖃᕈᓐᓇᖅᓯᕗᑦ.
  • ᑲᑎᙵᔪᓂᑦ ᐃᓅᓯᓕᕆᔭᐅᕙᒃᑐᑦ ᖁᓕᑦ ᐃᓄᐃᑦ ᐅᖓᑖᓃᑦᑕᕆᐊᖃᙱᑉᐳᑦ.
  • ᑲᒪᒋᔭᐅᖏᓐᓇᖅᑐᒃᑯᕖᑦ ᐊᒻᒪᓗ ᐃᓐᓇᒃᑯᕖᑦ ᒪᕐᕉᖕᓂᒃ ᐳᓛᖅᑎᖃᕈᓐᓇᖅᑐᑦ, ᒪᑐᐊᖅᓯᒪᐃᓐᓇᕆᐊᖃᖅᑐᑦ. ᐃᓚᒌᑐᐊᑦ ᑭᓯᐊᓂ.
  • ᓯᓚᒥ ᐱᙳᐊᕐᕖᓪᓗ ᒪᑐᐃᕈᓐᓇᖅᓯᔪᑦ, ᐃᒡᓗᕐᔪᐊᑦ ᓱᓕ ᒪᑐᓯᒪᔭᕆᐊᓖᑦ.

ᑭᓇᑐᐃᓐᓇᖅ ᓄᕙᒡᔪᐊᕐᓇᖅ-19−ᒥᑦ ᖃᓂᒻᒪᒃᐸᓪᓕᐊᒃᐸᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ. ᓇᖕᒥᓂᖅ ᐋᓐᓂᐊᕕᓕᐊᖅᑕᐃᓕᒋᑦ.

ᓄᕙᒡᔪᐊᕐᓇᖅ-19 ᑲᐴᑎᑦ ᐊᑐᐃᓐᓇᐅᙱᓐᓇᖅᑐᑦ ᓄᓇᕗᒻᒥᐅᓕᒫᓄᑦ 12-ᒥ ᐅᖓᑖᓄᓪᓗ ᐅᑭᐅᓕᖕᓄᑦ. ᐋᓐᓂᐊᕐᕕᓯᓐᓄᑦ ᖃᐅᔨᒋᐊᕐᓗᑎᑦ ᐃᓂᒃᓴᓕᐅᕈᒪᒍᕕᑦ. ᐃᖃᓗᐃᑦ ᐅᖁᒪᐃᓐᓂᕐᓂᐊᕕᖓᓄᑦ ᑲᐱᔭᐅᔭᖅᑐᕈᓐᓇᖅᐳᑦ ᐃᓯᑐᐃᓐᓇᕐᓗᑎᒃ ᕙᐃᓱᒧ (Pfizer) (ᐅᑭᐅᓖᑦ 12-ᒥ 17-ᒧ) ᐱᖓᔪᐊᓂ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ ᐅᓐᓄᓴᒃᑯᑦ ᐃᓯᑐᐃᓐᓇᕐᓗᓂ ᒪᑑᓇᒧ (Moderna) (18-ᓂ ᐅᖓᑖᓄᑦ ᐊᕌᒍᓖᑦ) ᑲᐱᔭᐅᖃᑦᑕᖅᐳᑦ ᓇᒡᒐᔾᔭᒥ ᐅᓪᓗᑐᐃᓐᓇᕐᒧᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ.
ᓄᑖᙳᓛᒥᒃ ᑐᓴᒐᒃᓴᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᓄᓇᕗᒻᒥ, ᐅᕗᙵᕐᓗᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca