ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᕗᑦ ᐳᕙᒡᓗᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᐊᕐᓂᖏᓐᓂᒃ ᑭᙵᓂ

ᔭᓐᓄᐊᓕ 08, 2019

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᕗᑦ ᐳᕙᒡᓗᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᐊᕐᓂᖏᓐᓂᒃ ᑭᙵᓂ

ᑭᙵᐃᑦ, ᓄᓇᕗᑦ (ᔮᓐᓄᐊᕆ 8, 2019)- ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᕗᑦ ᑭᙵᓂ ᐱᖓᔪᒋᔭᐅᓗᓂ ᐳᕙᒡᓗᙱᒃᑲᓗᐊᕐᒪᖔᑕ ᖃᐅᔨᓴᖅᑕᐅᓂᐊᕐᓂᖏᓐᓂᒃ, ᐱᒋᐊᖅᑕᐅᓛᖅᑐᑦ ᕕᕗᐊᕆ 2019−ᒥ.
"ᖃᐅᔨᓴᓚᐅᖅᑕᕗᑦ ᕿᑭᖅᑕᕐᔪᐊᕐᒥ ᐊᒻᒪ ᑎᑭᕋᕐᔪᐊᕐᒥ ᖃᐅᔨᕝᕕᒋᔪᓐᓇᖅᓯᓚᐅᖅᐸᕗᑦ ᖃᐅᔨᕝᕕᒋᕙᓪᓕᐊᑐᐃᓐᓇᕐᓂᐊᖅᖢᑎᒍᓪᓗ ᐱᓇᔪᖕᓂᖅᓴᐅᓕᕐᓗᑎᒍᑦ ᐱᑕᖃᕈᓐᓃᖅᑎᓐᓇᓱᒡᓗᒍ ᐳᕙᒡᓗᖕᓇᖅ ᓄᓇᕗᒻᒥ, ᐅᖃᓚᐅᖅᐳᖅ ᒥᓂᔅᑕ ᔪᐊᔾᔨ ᕼᐃᒃᔅ. "ᓴᙱᔪᒍᑦ ᐊᑕᐅᓯᐅᖃᑎᒌᒃᖢᑕᓗ ᐳᕙᒡᓗᖕᓇᖅ ᓄᖅᑲᖅᑎᓐᓇᓱᒃᖢᑎᒍᑦ ᖁᔭᓕᕙᕗᑦ ᐃᑲᔪᖅᓱᐃᖏᓐᓇᕐᒪᑕ ᓄᓇᕗᒻᒥ ᓄᓇᓖᑦ ᐱᓕᕆᖃᑎᖏᓪᓗ."

ᓄᓇᓕᓕᒫᓂᒃ ᖃᐅᔨᓴᕐᕖᑦ ᐱᒋᐊᖅᑎᑦᑎᔨᐅᖏᓐᓇᖅᐳᑦ ᐊᑑᑎᖃᑦᑎᐊᖅᑐᓂᒡᓗ ᖃᐅᔨᓴᖅᐸᒃᖢᑎᒃ ᑲᒪᒋᔭᖃᖅᐸᒃᖢᑎᒡᓗ ᓇᓗᓇᖅᑐᓂᒃ ᐳᕙᒡᓗᒍᓯᓕᖕᓂᒃ, ᐊᒻᒪᓗ ᐅᔾᔨᕈᓱᒃᑎᑦᑎᕙᒃᖢᑎᒃ ᑐᑭᓯᑎᑦᑎᕙᒃᖢᑎᒡᓗ ᓯᐊᒻᒪᒍᓐᓇᕐᓂᖏᓐᓂᒃ ᐊᒻᒪ ᓄᖅᑲᖅᑎᒐᒃᓴᐅᓂᖏᓐᓂᒃ, ᑎᓕᐅᖅᖢᒋᓪᓗ ᓄᓇᓖᑦ ᐊᐅᓚᔾᔭᐃᒋᐊᖁᓗᒋᑦ.

ᑭᙵᓂ, ᖃᐅᔨᓴᖅᑕᐅᔪᒪᔪᑦ ᐃᓂᒃᓴᓕᐅᖅᑕᐅᔪᑦ ᐊᐅᓚᑕᐅᓂᐊᖅᐳᑦ ᐃᒡᓗᒥᐅᖃᑎᒌᑦ, ᑎᓕᐅᕐᓗᒋᑦ ᓄᓇᓕᖕᒥᐅᑦ ᖃᐅᔨᓴᖅᑕᐅᕝᕕᓕᐊᖁᓗᒋᑦ ᑭᙵᐃᑦ ᐱᙳᐊᕐᕕᖕᒥ. ᖃᐅᔨᓴᖅᑕᐅᔪᑦ ᐊᐅᓚᓂᖃᕐᓂᐊᕋᓱᒋᔭᐅᔪᑦ ᐱᓇᓱᐊᕈᓯᕐᓄᑦ 11-ᒥᑦ −12−ᒧᑦ ᑎᑭᓪᓗᒍ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑲᔪᖅᓱᖅᑕᐅᒃᑲᓐᓂᕐᓂᐊᖅᑐᑦ ᐃᑲᔫᑎᒃᓴᑎᒍᑦ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᓯᖏᓪᓗ ᐱᒻᒪᕆᐅᓪᓗᑎᒃ ᓄᓇᕗᑦ ᒐᕙᒪᒃᑯᓐᓂ ᐃᑲᔪᖅᑎᒋᔭᐅᔪᑦ, ᓯᓚᑖᓂᙶᖅᑐᑦ ᑲᑐᔾᔨᖃᑎᒌᒡᕖᑦ ᐊᒻᒪ ᐋᓐᓂᐊᓯᐅᖅᑎᒋᔭᐅᔪᑦ ᑲᓇᑕᓕᒫᒥ. ᐱᓕᕆᔨᐅᖃᑕᐅᔪᑦ ᑮᓇᐅᔭᖃᖅᑎᑦᑎᓂᐊᖅᑐᑦ, ᑲᓇᑕᒥ ᒐᕙᒪᒃᑯᑦ, ᓄᓇᕗᑦ ᑐᙵᕕᒃᑯᑦ ᐊᒻᒪ ᐃᓄᐃᑦ ᑕᐱᕇᑦ ᑲᓇᑕᒥ

ᑐᑭᓯᒋᐊᒃᑲᓐᓂᕈᑎᒃᓴᐃᑦ ᓴᖅᑭᑕᐅᓂᐊᖅᐳᑦ ᓄᓇᓕᖕᓄᑦ ᓈᓚᐅᑎᒃᑯᑦ ᐅᖃᐅᓯᐅᓗᑎᒃ ᐊᒻᒪ ᑭᙵᓂ ᕼᐋᒪᓚᒃᑯᓐᓂ. ᑐᑭᓯᒋᐊᒃᑲᓂᕈᒪᒍᔅᓯ ᐳᕙᒡᓗᖕᓇᐅᑉ ᒥᒃᓵᓄᑦ ᐅᕗᙵᕈᓐᓇᖅᐳᓯ:

ᐳᕙᒡᓗᖕᒪᖔᑦ ᐅᕕᓂᒃᑯᑦ ᖃᐅᔨᓴᖅᑕᐅᔪᓄᑦ ᐅᖃᓕᒫᒐᒃᓴᖅ:
https://www.gov.nu.ca/sites/default/files/skin_test_pamphlet_en_-_in.pdf

ᐳᕙᒡᓗᖕᒪᖔᑦ ᓇᓗᓇᐃᖅᓯᔾᔪᑎᑦ:
https://www.gov.nu.ca/sites/default/files/tb_fact_sheet_-_inuktitut_2015...

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
sarsenault@gov.nu.ca