ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᑦ ᐊᑐᓗᐊᕈᓐᓃᖅᑎᑕᐅᕗᑦ ᒥᑦᑎᒪᑕᓕᖕᒥ

ᑎᓯᐱᕆ 03, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᑦ ᐊᑐᓗᐊᕈᓐᓃᖅᑎᑕᐅᕗᑦ ᒥᑦᑎᒪᑕᓕᖕᒥ

ᐃᖃᓗᐃᑦ, ᓄᓇᕗᑦ (ᑎᓯᐱᕆ 3, 2021) − ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᑦ ᐊᑐᓗᐊᕈᓐᓃᖅᑎᑕᐅᕗᑦ ᒥᑦᑎᒪᑕᓕᖕᒥ.

"ᓄᕙᕐᔪᐊᕐᓇᖅ-19−ᓕᖕᒥᑦ ᓇᓗᓇᐃᖅᑕᐅᔪᖃᒃᑲᓐᓂᓚᐅᙱᑦᑐᖅ ᒥᑦᑎᒪᑕᓕᖕᒥ ᑕᐃᒪᙵᑦ ᓯᕗᓪᓕᖅᐹᒥ ᓄᕙᒡᔪᐊᕐᓂᕋᖅᑕᐅᔪᒥᒃ ᓇᓗᓇᐃᖅᑕᐅᔪᖃᓚᐅᖅᑎᓪᓗᒍ ᐊᒻᒪᓗ ᑕᒪᕐᒥᒃ ᐅᓗᕆᐊᓇᖅᑐᒦᑦᑐᑦ ᐊᒃᑐᖅᑕᐅᓯᒪᓇᓱᒋᔭᐅᔪᑦ ᓄᓇᓕᖕᓂ ᐃᓄᑐᐊᒃᑯᕕᖕᒦᑦᑐᓐᓃᖅᖢᑎᒃ ᐱᓇᓱᐊᕈᓯᕐᓂ ᒪᕐᕉᖕᓂᒃ," ᓘᒃᑖᖅ" ᐹᑕᓴᓐ ᐅᖃᖅᑐᖅ. "ᒫᓐᓇ ᑭᒡᓕᖃᖅᑎᑦᑎᓗᐊᕈᓐᓃᕋᓗᐊᕈᑦᑕ ᐊᑦᑕᕐᓇᕈᓐᓃᖅᐳᖅ. ᓄᓇᖅᑲᑎᒌᑦ ᑎᓕᐅᖅᐸᒃᑲ ᒪᓖᓐᓇᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᒃᑕᐅᖁᔭᐅᔪᓂᑦ ᐃᖅᑲᐃᓯᒋᐊᖅᖢᒋᓪᓗ ᑭᒃᑯᑐᐃᓐᓇᑦᑎᐊᑦ ᒪᑐᐊᖅᓯᒪᐃᓐᓇᕆᐊᖃᕐᓂᖏᓐᓂᒃ ᓄᓇᕗᒻᒥ ᓄᓇᓕᓕᒫᓂᒃ."

ᒫᓐᓇᑲᐅᑎᒋ ᐱᒋᐊᕐᓗᓂ:

  • ᓯᓚᒥ ᑲᑎᙵᖃᑦᑕᖅᑐᑦ ᑭᒡᓕᖃᖅᑎᑕᐅᔪᓐᓃᖅᐳᑦ.
  • ᐃᓘᑉ ᐃᓗᐊᓂ ᑲᑎᙵᔪᑦ ᖁᓕᓪᓗ ᑕᓪᓕᒪᐅᔭᕆᐊᖃᖅᐳᑦ ᐃᓄᐃᑦ ᐊᑕᐅᑦᑎᒥ, ᐃᒡᓗᒥᐅᖃᑎᒌᓪᓗ ᐃᓚᐅᓗᑎᒃ.
  • ᐃᓄᒋᐊᒃᑐᒃᑯᕕᑦ ᐃᓗᐊᓂ, ᐃᓚᐅᓪᓗᑎᒃ ᑲᑎᒪᕝᕕᑦ ᐱᙳᐊᕐᕕᑦ ᑭᒡᓕᖃᖅᑐᑦ 100−ᓂᑦ 75 ᐳᓴᓐᑎᖓᓂ ᐃᓄᒋᐊᒍᓐᓇᕐᓂᖓ.
  • ᐅᖃᓕᒫᒐᖃᕐᕖᑦ, ᑕᑯᔭᒐᖃᕐᕖᑦ ᐅᑯᐊᓗ ᑭᒡᓕᖃᖅᑎᑕᐅᕗᑦ ᐊᕙᑎᑦ ᑕᓪᓕᒪᓂᓪᓗ ᐃᓄᖃᕈᓐᓇᖅᑎᑕᐅᓪᓗᑎᒃ ᐅᕝᕙᓘᓐᓃᑦ 50 ᐳᓴᓐᑎᖓᓐᓄᑦ ᑎᑭᓪᓗᒍ ᐃᓄᖃᕈᓐᓇᕐᓂᖓ. ᑲᑎᙵᔪᑦ ᐳᓚᕋᖅᑎᑦ ᐊᕙᑎᑦ ᑕᓪᓕᒪᓂᓪᓗ ᑭᒡᓕᖃᖅᑎᑕᐅᕗᑦ ᐃᓄᐃᑦ.
  • ᐃᖃᐃᓕᓴᕐᕖᑦ ᑭᒡᓕᖃᖅᑎᑕᐅᔪᑦ ᐊᕙᑎᑦ ᑕᓪᓕᒪᓪᓗ ᐃᓄᐃᑦ 50 ᐳᓴᓐᑎᓘᓐᓃᑦ ᐃᓄᒋᐊᒍᓐᓇᕐᓂᖓ, ᑲᑎᙵᓪᓗᑎᒃ ᐱᓕᕆᖃᑎᒌᒃᑐᑦ ᑭᒡᓕᖃᖅᑎᑕᐅᕗᑦ ᐊᕙᑎᑦ ᑕᓪᓕᒪᓪᓗ.
  • ᑐᒃᓯᐊᕐᕖᑦ 100−ᓂᒃ ᑭᒡᓕᖃᖅᑎᑕᐅᕗᑦ ᐅᕝᕙᓘᓐᓃᑦ 75−ᐳᓴᓐᑎᖓ ᐃᓐᓄᒋᐊᒍᓐᓇᕐᓂᖓ, ᐃᙱᕆᐊᖃᙱᖦᖢᑎᒡᓗ.
  • ᓯᐊᕐᕆᔮᕐᕕᑦ ᑭᒡᓕᖃᖅᑎᑕᐅᔪᑦ 50 ᐃᓄᐃᑦ ᐅᕝᕙᓘᓐᓃᑦ 50 ᐳᓴᓐᑎᖓ ᐃᓐᓄᒋᐊᒍᓐᓇᕐᓂᖓ ᐊᒻᒪᓗ 50 ᐃᓄᐃᑦ ᖁᙱᐊᕆᐊᕈᓐᓇᖅᑐᑦ.
  • ᓂᕆᕝᕖᑦ ᐱᔪᓐᓇᐅᑎᖃᖅᑎᑕᐅᔪᓪᓗ 75 ᐳᓴᓐᑎᒥᒃ ᐃᓄᖃᕈᓐᓇᖅᓯᕗᑦ.
  • ᑲᑎᙵᔪᓂᑦ ᐃᓅᓯᓕᕆᔭᐅᕙᒃᑐᑦ ᐊᕙᑎᑦ ᐃᓄᐃᑦ ᐅᖓᑖᓃᑦᑕᕆᐊᖃᙱᑉᐳᑦ.
  • ᑲᒪᒋᔭᐅᖏᓐᓇᖅᑐᒃᑯᕖᑦ ᐊᒻᒪᓗ ᐃᓐᓇᒃᑯᕖᑦ ᒪᕐᕉᖕᓂᒃ ᐳᓛᖅᑎᖃᕈᓐᓇᖅᑐᑦ, ᒪᑐᐊᖅᓯᒪᐃᓐᓇᕆᐊᖃᖅᑐᑦ. ᐃᓚᒌᑐᐊᑦ ᑭᓯᐊᓂ.

ᑭᓇᑐᐃᓐᓇᖅ ᓄᕙᒡᔪᐊᕐᓇᖅ-19−ᒥᑦ ᖃᓂᒻᒪᒃᐸᓪᓕᐊᒃᐸᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ. ᓇᖕᒥᓂᖅ ᐋᓐᓂᐊᕕᓕᐊᖅᑕᐃᓕᒋᑦ.

ᓄᕙᒡᔪᐊᕐᓇᖅ-19 ᑲᐴᑎᑦ ᐊᑐᐃᓐᓇᐅᙱᓐᓇᖅᑐᑦ ᓄᓇᕗᒻᒥᐅᓕᒫᓄᑦ 5-ᒥ ᐅᖓᑖᓄᓪᓗ ᐅᑭᐅᓕᖕᓄᑦ. ᐋᓐᓂᐊᕐᕕᓯᓐᓄᑦ ᖃᐅᔨᒋᐊᕐᓗᑎᑦ ᐃᓂᒃᓴᓕᐅᕈᒪᒍᕕᑦ. ᐃᖃᓗᐃᑦ ᐅᖁᒪᐃᓐᓂᕐᓂᐊᕕᖓᓄᑦ ᑲᐱᔭᐅᔭᖅᑐᕈᓐᓇᖅᐳᑦ ᐃᓯᑐᐃᓐᓇᕐᓗᑎᒃ ᕙᐃᓱᒧ (Pfizer) (ᐅᑭᐅᓖᑦ 5-ᒥ 11-ᒧ) ᓇᒡᒐᔾᔭᒥ ᐅᓪᓗᑐᐃᓐᓇᕐᒧᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ ᐅᓐᓄᓴᒃᑯᑦ. ᐃᖅᑲᓇᐃᔭᕐᓇᐅᙱᑦᑐᒃᑯᑦ, ᓇᒡᒐᔾᔭᒥ ᐅᓪᓗᑐᐃᓐᓇᕐᒧᑦ 5−ᒥᑦ 7−ᒧᑦ ᐅᓐᓄᒃᓴᒃᑯᑦ ᐊᒻᒪ ᓯᕙᑖᕐᕕᖕᒥ 10−ᒥᑦ 11:45−ᒧᑦ ᐅᓪᓗᒃᑯᑦ ᐊᒻᒪᓗ  1−ᒥᑦ 3:45−ᒧᑦ ᐅᓐᓄᒃᓴᒃᑯᑦ.

ᓄᑖᙳᓛᒥᒃ ᑐᓴᒐᒃᓴᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᓄᓇᕗᒻᒥ, ᐅᕗᙵᕐᓗᑎᑦ: https://www.gov.nu.ca/

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca