ᐅᖃᓚᐅᑎᓯᐅᑏᑦ

You are here

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᖃᓱᔭᐅᔪᑦ ᓴᓪᓕᕐᓂ

ᐊᒃᑐᐸ 21, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᖃᓱᔭᐅᔪᑦ ᓴᓪᓕᕐᓂ

ᐃᖃᓗᐃᑦ, ᓄᓇᕗᑦ (ᐅᑐᐱᕆ 22, 2021) − ᓘᒃᑖᖅ. ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᖃᖅᑎᑕᐅᔪᑦ ᐊᒃᓱᕉᑕᐅᓗᐊᔾᔮᔪᓐᓃᕐᓂᖏᓐᓂᒃ ᓴᓪᓕᕐᓂ.

"ᒫᓐᓇ ᐋᓐᓂᐊᔪᑦ ᓄᕙᕐᔪᐊᕐᓇᖅ-19ᒧᑦ ᓴᓪᓕᕐᓂ ᐃᓪᓗᒥᐅᖃᑎᒌᑦᑐᑐᐊᑦ ᐊᐅᑦᑐᕐᓗᐃᖃᑦᑕᐅᓯᒪᔪᑦ ᑖᒃᑯᑑᒻᒪᑕ," ᐅᖃᖅᑐᖅ ᓗᑦᑖᖅ. ᐹᑐᓴᓐ. "ᓄᓇᓕᒻᒥ ᐊᐃᑦᑐᕐᓗᐃᖃᑦᑕᐅᓂᕐᒧᑦ ᓯᐊᒻᒪᒍᓐᓇᑐᐃᓐᓇᕆᐊᖃᕐᓂᖓ ᐅᓗᕆᐊᓇᓗᐊᙱᒻᒪᑦ, ᖃᓄᐃᒍᓐᓃᖅᓯᒪᓕᖅᑐᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᑦᑕᐅᔭᕆᐊᖃᖅᑐᑦ ᐃᓚᖓ ᐊᐅᓪᓚᕆᐊᖃᕈᓐᓃᖅᓯᒪᓂᑎᑕᐅᓂᐅᔪᖅ ᐊᑐᕈᓐᓃᖅᑎᑕᐅᓗᓂ ᓴᓪᓕᕐᒧᑦ ᐊᑐᖅᑎᑕᐅᔪᖅ. ᒪᑐᐊᖅᓯᒪᔭᕆᐊᖃᐃᓐᓇᑐᐃᓐᓇᕆᐊᓖᑦ ᓄᓇᕗᒻᒥ ᓄᓇᓕᓕᒫᓂᒃ."

ᒫᓐᓇ ᐱᒋᐊᕐᓗᒍ ᐊᑐᓕᖅᑎᑕᐅᑦᑕᐅᑎᒋᔪᑦ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃᑯᑎᒍᑦ ᑎᑎᖅᑲᖅᑖᕆᐊᖃᕐᓂᐅᔪᖅ ᐊᑐᕈᓐᓃᖅᑎᑕᐅᔪᖅ ᐊᐅᓪᓚᕈᒪᔪᓄᑦ ᓴᓪᓕᕐᒥᑦ ᐊᒻᒪᓗ ᓴᓪᓕᕐᒨᕈᒪᔪᓄᑦ. ᐊᒻᒪ ᓱᓕ:

  • ᓯᓚᒥ ᑲᑎᙵᖃᑦᑕᖅᑐᑦ 25-ᖑᔭᕆᐊᖃᖅᐳᑦ ᐃᓄᐃᑦ.
  • ᐃᓘᑉ ᐃᓗᐊᓂ ᑲᑎᙵᔪᑦ ᑕᓪᓕᒪᐅᔭᕆᐊᖃᖅᐳᑦ ᐃᓄᐃᑦ ᐊᑕᐅᑦᑎᒥ, ᐃᒡᓗᒥᐅᖃᑎᒌᓪᓗ ᐃᓚᐅᓗᑎᒃ.
  • ᐃᓘᑉ ᐃᓗᐊᓂ ᑲᑎᙵᔪᑦ, ᐃᓚᒋᔭᐅᔪᑦ ᐅᑯᐊ, ᐱᙳᐊᕐᕕᒻᒥᑦ, ᐃᖃᐃᓕᓴᕐᕕᒻᒥ, ᐅᖃᓕᒫᒐᖃᕐᕕᒻᒥᑦ, ᑕᑯᔭᒐᖃᕐᕕᓐᓂᑦ ᑭᓪᓕᖃᖅᑎᑕᐅᓕᖅᑐᑦ 25ᓄᑦ ᐅᕝᕙᓗ 25%ᒥᑦ ᐃᓐᓄᒍᓐᓇᕐᓂᕆᔭᖏᓐᓂ.

ᐃᓕᓐᓂᐊᕐᕖᑦ ᐸᐃᕆᕖᓪᓗ ᒪᑐᐃᒃᑲᓐᓂᕈᓐᓇᖅᓯᔪᑦ

  • ᑐᑦᓯᐊᕐᕖᑦ ᑭᓪᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖓᑕ 50ᓂᑦ ᐅᕝᕙᓗ 25%, ᐃᙱᕆᐊᖃᖏᑦᑐᑦ.
  • ᓯᐊᕐᕆᔮᕐᕕᐅᔪᑦ ᑭᓪᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖏᑦ 25ᓄᑦ ᐅᕝᕙᓘᓐᓃᑦ 25% ᐊᒻᒪᓗ 25 ᐃᓄᐃᑦ ᑕᐅᑐᕋᓐᓈᕆᐊᕈᓐᓇᖅᑐᑦ.
  • ᐱᔭᕆᐊᖃᓪᓚᕆᙱᑦᑐᑦ ᓇᒻᒥᓂᖁᑎᒋᔭᐅᔪᑦ ᑖᒃᑯᐊ ᐱᖃᑕᐅᙱᑦᑐᑦ ᐃᒻᒥᓐᓅᖓᔪᑦ ᐱᔨᑦᑎᕈᑏᑦ ᓲᕐᓗ ᐱᐅᓴᕐᕖᑦ ᐊᒻᒪᓗ ᓄᔭᓕᕆᕖᑦ ᒪᑐᐃᖓᒍᓐᓇᖅᓯᔪᑦ.
  • ᓂᕆᕝᕖᑦ ᐊᒻᒪᓗ ᐱᔪᓐᓇᐅᑎᖃᖅᑎᑕᐅᔪᑦ ᓂᕿᓕᕆᕝᕖᑦ ᑎᑭᓴᐃᕝᕕᐅᔪᓐᓇᑐᐃᓐᓇᖅᐳᑦ ᓂᕆᔭᒃᓴᓂᒃ. ᐅᓄᓛᖑᓗᒍ ᖁᓕᑦ ᐃᓄᐃᑦ ᑐᑭᓕᕇᒃᑐᑦ.
  • ᑲᑎᙵᔪᓂᑦ ᐃᓅᓯᓕᕆᔭᐅᕙᒃᑐᑦ ᖁᓕᑦ ᐃᓄᐃᑦ ᐅᖓᑖᓃᑦᑕᕆᐊᖃᙱᑉᐳᑦ.
  • ᑲᒪᒋᔭᐅᖏᓐᓇᕆᐊᖃᖅᑐᒃᑯᕖᑦ ᐊᒻᒪᓗ ᐃᓐᓇᕐᓄᑦ ᓇᔪᒐᐅᔪᑦ ᒪᑐᐃᖓᔪᓐᓇᖅᓯᔪᑦ ᐊᑕᐅᓯᕐᒥᑦ ᐳᓛᖅᑎᖃᕈᓐᓇᕐᓗᑎᑦ ᐊᑐᓂᒃ, ᒪᑐᐊᖅᓯᒪᐃᓐᓇᕆᐊᖃᖅᑐᑦ.
  • ᓯᓚᒥ ᐱᙳᐊᕐᕖᓪᓗ ᒪᑐᐃᕈᓐᓇᖅᓯᔪᑦ, ᐃᓪᓗᕐᔪᐊᑦ ᓱᓕ ᒪᑐᓯᒪᔭᕆᐊᓖᑦ.

ᑭᓇᑐᐃᓐᓇᖅ ᓄᕙᕐᔪᐊᕐᓇᖅ-19−ᒥᑦ ᖃᓂᒻᒪᒃᐸᓪᓕᐊᒃᐸᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ. ᓇᖕᒥᓂᖅ ᐋᓐᓂᐊᕕᓕᐊᖅᑕᐃᓕᒋᑦ.

ᓄᕙᕐᔪᐊᕐᓇᖅ-19 ᑲᐴᑎᑦ ᐊᑐᐃᓐᓇᐅᙱᓐᓇᖅᑐᑦ ᓄᓇᕗᒻᒥᐅᓕᒫᓄᑦ 12-ᒥ ᐅᖓᑖᓄᓪᓗ ᐅᑭᐅᓕᖕᓄᑦ. ᐋᓐᓂᐊᕐᕕᓯᓐᓄᑦ ᖃᐅᔨᒋᐊᕐᓗᑎᑦ ᐃᓂᒃᓴᓕᐅᕈᒪᒍᕕᑦ. ᐃᖃᓄᐃᑦ ᐅᖁᒪᐃᓐᓂᕐᓂᐊᕕᖓ ᑲᐱᔭᐅᔭᖅᑐᕈᓐᓇᖅᐳᑦ ᐃᓯᑐᐃᓐᓇᕐᓗᑎᒃ ᕙᐃᓱᒧ (Pfizer) (ᐊᕌᒍᓖᑦ 12-ᒥ 17-ᒧ) ᐱᖓᑦᓯᕐᒥᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ ᐅᓐᓄᓴᒃᑯᑦ ᐃᓯᑐᐃᓐᓇᕐᓗᓂ ᒪᑑᓇᒧ (Moderna) (18-ᓂ ᐅᖓᑖᓄ ᐊᕌᒍᓖᑦ) ᑲᐱᔭᐅᖃᑦᑕᖅᐳᑦ ᓇᒡᒐᔾᔭᐅᒥ ᑕᓪᓕᕐᒥᒧᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca