ᐅᖃᓚᐅᑎᓯᐅᑏᑦ

You are here

ᐊᒻᒨᒪᔪᖅᑕᕐᓂᕐᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᕈᓐᓇᖅᑐᑦ

ᐊᒐᓯ 04, 2020

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐊᒻᒨᒪᔪᖅᑕᕐᓂᕐᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᕈᓐᓇᖅᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᑎᑦᑎᒋᐊᕈᒪᔪᑦ ᐊᒻᒨᒪᔪᖅᑕᖅᑎᓂᒃ ᐅᔾᔨᕈᓱᒃᓗᑎᒃ ᐊᕙᓯᑎᓂᑦ ᐱᔭᐅᔪᓐᓇᖅᑐᓂᒃ ᐊᒻᒨᒪᔪᖅᑕᕐᕕᐅᓗᑎᒃ, ᒪᓕᖁᔨᓪᓗᑎᒃᓗ ᐊᑦᑕᕐᓇᙱᑦᑐᒥᒃ ᓂᕿᓂᒃ ᑲᒪᓂᕐᓂ ᐊᑐᕆᐊᓕᖏᓐᓂ.

ᐱᓪᓗᒍ ᐅᕕᓗᖃᖅᑐᑦ ᐊᒃᑐᖅᑕᐅᓴᕋᐃᓐᓂᖏᓐᓄᑦ ᑕᒪᒃᑭᖅᑐᒧᑦ ᐃᒪᕐᒧᑦ, ᑲᓇᑕᒥᐅᑦ ᐅᕕᓗᖃᖅᑐᓂ ᐃᒋᐅᖅᑲᐃᔨᑦ ᐱᓕᕆᐊᒃᓴᖓ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ ᐱᖁᔨᔪᑦ ᐃᓕᖕᓂᒃ ᐃᒪᓐᓇ:

  • ᐊᕝᕗᕐᓗᑎᑦ ᐅᕕᓗᖃᖅᑐᓂᑦ ᐱᖅᑯᓯᑐᖃᒃᑯᑦ ᐊᕙᑎᖏᓐᓂ ᐊᒃᑐᖅᑕᐅᓯᒪᙱᑦᑐᓄᑦ ᑭᓈᓗᖃᕐᕕᖕᓄᑦ ᓴᓇᕝᕕᖕᓄᓪᓘᓐᓃᑦ. ᖃᐅᔨᒋᐊᕐᓗᒋᑦ ᓄᓇᓕᔅᓯᓐᓂ ᐊᖑᓇᓱᒃᑐᓕᕆᔨᒃᑯᑦ ᐱᐅᓛᓄᑦ ᐃᓂᓄᑦ ᐊᕝᕗᕐᕕᒃᓴᓄᑦ.
  • ᐊᕝᕗᖏᓪᓗᑎᑦ ᐅᕕᓗᖃᖅᑐᓂᒃ ᐃᓗᐊᓂ 400 ᐃᓯᒃᑲᑐᑦ ᖃᓂᑎᒋᔪᓄᑦ ᑐᓚᒃᑕᕐᕕᖕᒧᑦ.
  • ᐊᕝᕗᙱᓪᓗᑎᑦ ᐅᕕᓗᖃᖅᑐᓂᒃ ᐃᓗᐊᓂ 1,000 ᐃᓯᒃᑲᑐᑦ ᖃᓂᑎᒋᔪᓄᑦ ᐱᑕᖃᑐᐃᓐᓇᕆᐊᓕᖕᓄᑦ ᓱᕈᔪᒃᓯᒪᔪᓄᑦ ᓲᕐᓗ ᑭᓈᓗᖃᕐᕕᖕᒧᑦ ᑯᕕᕝᕕᐅᔪᓄᑦ, ᑭᓈᓗᖃᕐᕕᖕᒥ ᓴᓗᒪᑎᑦᑎᕝᕕᖕᓂ ᖁᕕᔪᓂᒃ, ᐊᓯᖏᓐᓂᒃᓘᓐᓃᑦ ᓴᓇᕝᕕᐅᔪᓂ ᓲᕐᓗ ᐃᓗᑦᑐᖅᑎᓯᒪᔪᓂ.
  • ᓂᕆᔪᓐᓇᖅᑕᑎᑦ ᐅᕕᓗᖃᖅᑐᑦ ᐃᑲᕐᕌᒃ ᒪᕐᕉᒃ ᐊᓂᒍᖅᐸᑎᒃ ᐊᕝᕗᓚᐅᖅᑎᓪᓗᑎᑦ ᓂᓚᖕᒦᑎᓪᓗᒋᓪᓘᓐᓃᑦ, ᖃᓛᖅᑎᓪᓗᒋᑦ, ᖁᐊᒃᑯᕕᖕᒧᐊᓕᕐᒥᓗᒋᑦ.
  • ᐅᕕᓗᖃᖅᑐᑦ ᖁᐊᒃᑯᕕᖕᒦᑎᓪᓗᒋᑦ ᐅᓄᓛᖑᓗᒍ ᐅᓪᓗᐃᑦ ᐱᖓᓱᑦ ᐃᒋᒻᒥᓗᒋᓪᓗ.
  • ᓯᕘᕋᒍᕕᑦ, ᐊᕝᕗᙱᓪᓗᑎᑦ.

ᐊᑐᕈᓐᓇᖅᑐᑦ ᓂᕐᑮᑦ ᐅᕕᓗᖃᖅᑐᑦ ᐊᑦᑕᕐᓇᖅᓯᖁᓇᒋᑦ:

  • ᖁᐱᕐᕈᐊᕐᔪᐃᑦ ᐱᕈᑲᐅᖅᑐᔭᒻᒪᑕ ᐊᑯᓐᓂᖓᓂ 4°C ᓂᒡᓕᓇᕐᓂᖅ ᐊᒻᒪ 60°C ᓂᒡᓕᓇᕐᓂᕐᒥ. ᐊᕝᕗᖅᓯᒪᔪᑦ ᐅᕕᓗᖃᖅᑐᑦ 4°C ᓂᒡᓕᓇᕐᓂᓕᖕᒦᑎᓪᓗᒋᑦ ᓂᒡᓕᓇᕐᓂᖅᓴᒥᒃᓘᓐᓃᑦ.
  • ᑐᖅᑯᖅᓯᒪᓂᐊᕐᓗᒋᑦ, ᐴᕐᓗᖏᑦ ᐅᕕᓗᖃᖅᑐᑦ ᓂᕿᓄᑦ ᐊᑦᑕᕐᓇᙱᑦᑐᓄᑦ ᐴᖁᑎᖏᓐᓄᑦ ᐴᖃᐅᑎᓄᓪᓘᓐᓃᑦ (ᓲᕐᓗ ᔨᑉᓛᒃ) ᐊᑖᓃᓛᒧᓪᓗ ᐃᓕᓗᒋᑦ ᖁᐊᒃᑯᕕᖕᒧᑦ.
  • ᐅᐊᓴᕐᓗᒋᑦ ᐱᓚᒃᑐᐃᕝᕕᑦ, ᓂᕐᕆᑎᑦ, ᓂᕆᔾᔪᑎᑦ, ᐊᒻᒪ ᓂᕿᓕᕆᕝᕕᖕᒥ ᑭᐳᖏᑦ ᐆᓇᖅᑐᒧᑦ ᐅᐊᓴᐅᑎᓕᖕᒧᑦ ᐃᒥᕐᒧᑦ ᓂᕿᓕᕆᓚᐅᖅᑎᓪᓗᑎᑦ.
  • ᐆᑦᑎᓂᐊᕈᕕᑦ ᐅᕕᓗᖃᖅᑐᓂ, ᐆᑦᑎᓗᒍ ᐃᓗᐊᓂ ᐆᓇᕐᓂᖃᕐᓗᒍ 74°C. ᐃᒋᓪᓗᒋᑦ ᖃᓄᐃᑦᑐᑐᐃᓐᓇᑦ ᐅᕕᓗᖃᖅᑐᑦ ᒪᑐᐃᖃᑦᑕᙱᑦᑐᑦ ᐆᑦᑎᔭᐅᑎᓪᓗᒋᑦ.

###

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca