ᐅᖃᓚᐅᑎᓯᐅᑏᑦ

You are here

ᐊᕿᐊᕈᕐᓗᖕᓂᖅ ᐊᒻᒪ ᐊᕿᑦᑐᖅᓱᕐᓂᖅ

ᑎᓯᐱᕆ 18, 2018

ᐃᓄᐃᑦ ᐋᓐᓂᐊᓕᖁᔭᐅᙱᖦᖢᑎᒃ

ᑐᓴᖅᑕᐅᔪᒃᓴᖅ ᐊᕿᐊᕈᕐᓗᖕᓂᖅ ᐊᒻᒪ ᐊᕿᑦᑐᖅᓱᕐᓂᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᐅᒪᖁᔨᕗᑦ ᓄᓇᕗᒻᒥᐅᓂᒃ ᒫᓐᓇᐅᔪᖅ ᐊᕿᐊᕈᕐᓗᖕᓇᕐᓂᖓᓂᒃ (ᓈᙳᓐᓇᖅᑐᖅ) ᓄᓇᕗᒻᒥ. ᑕᒪᓐᓇ ᐊᔾᔨᐅᙱᑦᑑᖏᑦᑐᖅ ᐅᑭᐅᖅ ᑕᒪᐅᓈᖅᑎᓪᓗᒍ. ᑖᓐᓇ ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ ᓱᒃᑲᓴᖅᑐᒥᒃ. ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᓇᑲᑕᒃᖢᑎᒃ ᐊᒻᒪ ᐊᕿᑦᑐᖅᓱᑲᑕᒃᖢᑎᒃ.

ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ. ᒥᕆᐊᖅᓴᑲᑕᒃᑯᕕᑦ ᐊᕿᑦᑐᖅᓱᕈᕕᓪᓘᓐᓃᑦ, ᐊᓯᖕᓄᑦ ᓂᖅᖠᐅᕈᔾᔨᑦᑕᐃᓕᒋᑦ ᖁᐱᕐᕈᕐᓗᖕᓂᒃ ᐊᐃᑦᑐᕐᓗᐃᕈᓘᔭᖤᕐᓂᐊᕋᕕᑦ.

ᐊᐃᑦᑐᕐᓗᐃᑦᑕᐃᓕᒪᓗᓂ ᐃᒪᓐᓇ ᑕᕝᕙ ᐊᑲᐅᓛᖑᕗᖅ:

  • ᐊᒡᒐᑎᑦ ᐃᕐᒥᒐᔪᒡᓗᒋᑦ/ᐅᐊᓴᒐᔪᒡᓗᒋᑦ ᓂᕿᓕᕆᓚᐅᙱᓐᓂᕐᓂ ᐊᒻᒪ ᓂᕿᓕᕆᐊᓂᒃᑳᖓᕕᑦ.
  • ᖁᐃᖅᓱᖅᐸᒡᓗᓯ ᐅᕙᓘᓐᓃ ᑕᒋᐅᒃᐸᒡᓗᓯ ᑕᓕᔅᓯᓐᓄ.
  • ᐊᒡᒐᑎᑦ ᐃᕐᒥᒃᐸᒡᓗᒋᑦ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑳᖓᕕᑦ.
  • ᖄᖑᔪᐃᑦ ᓲᕐᓗ ᑭᐳᐃᑦ ᓂᕿᓕᕆᕝᕖᓪᓘᓐᓃᑦ ᐊᒻᒪ ᐹ ᑎᒍᒻᒥᕕᖏᑦ ᓴᓗᒪᑏᓐᓇᕐᓗᒋᑦ ᐊᒻᒪ ᓴᓗᒻᒪᖅᓴᖅᐸᒡᓗᒋᑦ ᐆᓇᖅᑐᒧᑦ ᐅᐊᓴᐅᑎᓕᖕᒧᑦ.

ᐋᓐᓂᐊᑲᑕᒃᑐᑦ 48 ᐃᑲᕐᕋᑦ ᐅᒐᑖᓂ ᐅᖃᓗᒋᐊᖃᖅᐳᑦ ᐊᓐᓂᐊᕐᕕᖓᓄᑦ ᐃᑲᔪᖅᑕᐅᔪᒪᓗᑎᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
sarsenault@gov.nu.ca