ᐅᖃᓚᐅᑎᓯᐅᑏᑦ

You are here

ᐊᖅᓴᕐᓃᑦ ᐃᓕᓐᓂᐊᕐᕕᒻᒥᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐃᓕᓐᓂᐊᖅᑏᑦ ᑲᑎᙵᔪᑦ ᐃᓕᓐᓂᐊᖅᑐᑦ ᑲᔪᓯᓂᐊᖅᑐᑦ

ᔫᓂ 14, 2021

ᐅᖃᐅᓯᐅᔪᖅ

ᐊᖅᓴᕐᓃᑦ ᐃᓕᓐᓂᐊᕐᕕᒻᒥᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐃᓕᓐᓂᐊᖅᑏᑦ ᑲᑎᙵᔪᑦ ᐃᓕᓐᓂᐊᖅᑐᑦ ᑲᔪᓯᓂᐊᖅᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. ᒪᐃᒃ ᐹᑐᓴᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:

"ᐊᓯᑲᓐᓂᖏᓐᓂᑦ ᐋᓐᓂᐊᔪᖃᒃᑲᓐᓂᙱᒻᒪᑦ ᓄᕙᕐᔪᐊᕐᓇᖅ-19ᒧᑦ ᑖᒃᑯᐊ ᑲᑎᔭᐅᓯᒪᔪᒥᓃᑦ ᖃᐅᔨᔭᐅᓚᐅᖅᑎᓪᓗᒋᑦ ᑭᓇᒃᑰᓂᖏᓐᓂᑦ ᐊᒻᒪᓗ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑖᒃᑯᐊ ᐊᐃᑦᑐᖅᑕᐅᑐᐃᓐᓇᕆᐊᖃᖅᓯᒪᓚᐅᖅᑐᑦ ᑖᒃᑯᓇᙵᑦ ᒪᕐᕉᓐᓂᒃ ᐃᓕᓐᓂᐊᖅᑏᓐᓂᒃ ᐊᖅᓴᕐᓂᖅ ᐃᓕᓐᓂᐊᕐᕕᖓᓐᓂᑦ ᐃᖃᓗᓐᓂ. ᐊᐃᑦᑐᖅᑕᐅᑐᐃᓐᓇᕆᐊᖃᖅᓯᒪᔪᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᕕᒻᒥᑦ ᐅᓗᕆᐊᓇᖅᑐᒦᓗᐊᙱᑦᑐᑦ, ᐊᒻᒪᓗ ᐊᑦᑕᕐᓇᖅᑐᒦᙱᒻᒪᑕ ᐃᖅᑲᓇᐃᔭᖅᑏᓪᓗ ᐃᓕᓐᓂᐊᖅᑏᓪᓗ ᑲᔪᓯᓗᑎᑦ ᑖᒃᑯᐊ ᑲᑎᙵᔪᑦ Bᒥ ᐃᓕᓐᓂᐊᕆᐊᒃᑲᓐᓂᕈᓐᓇᓛᓕᖅᑐᑦ ᖃᐅᑉᐸᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓ ᒪᓕᒃᑕᐅᔭᕆᐊᖃᓪᓚᕆᑦᑐᓂᑦ ᐊᑐᕐᒪᑕ ᒫᓐᓇ ᐅᓗᕆᐊᓇᖅᑐᒦᑦᑐᖃᓗᐊᖁᓇᒍ ᓄᕙᕐᔪᐊᕐᓇᖅ-19 ᓯᐊᒻᒪᓗᐊᖅᑎᑕᐅᑦᑕᐃᓕᒪᓗᓂ ᐃᓕᓐᓂᐊᕐᕕᒋᔭᑦᑎᓐᓂᑦ. ᐃᓕᓐᓂᐊᖅᑏᑦ, ᐊᖓᔪᖅᑳᕆᔭᐅᔪᑦ ᐃᖅᑲᓇᐃᔭᖅᑎᖏᓪᓗ ᓱᓕ ᒪᓕᒋᐊᖃᖅᑐᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᒪᓕᒐᖏᓐᓂᑦ ᐃᓕᓐᓂᐊᕐᕕᓐᓂᑦ ᐊᒻᒪᓗ ᓇᒥᑐᐃᓐᓇᖅ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᖃᑦᑕᓲᖑᔪᓂᑦ.

ᐸᐃᓱᒧᑦ (Pfizer) ᑲᐱᓯᖃᑦᑕᓛᖅᑐᑦ ᐋᓐᓂᐊᓕᕇᒃᑯᑎᒧᑦ ᓄᓇᕗᒻᒥᐅᓄᑦ ᐅᑭᐅᓕᓐᓄᑦ 12ᒥᑦ 17ᒧᑦ ᑕᕝᕙᓂ ᐱᓇᓱᐊᕈᓯᕐᒥᑦ ᐱᒋᐊᕐᓂᐊᖅᑐᑦ. ᐃᓇᑦᑎᕗᖓ ᐊᖓᔪᖄᕆᔭᐅᔪᓂᑦ ᑕᐃᒪᓐᓂᒃ ᐱᓯᒪᑦᑎᔨᒋᔭᐅᔪᓂᓪᓗ ᐃᑭᐊᖅᑭᕕᒃᑯᑎᒍᑦ ᑕᑯᓂᐊᕐᕕᒋᓗᒍ ᐅᓪᓗᖏᑦ ᖃᖓᒃᑰᖓᒻᒪᖔᑕ ᑖᒃᑯᐊ ᑭᓇᒃᑰᒻᒪᖔᑕ ᖃᐅᔨᒋᐊᕐᕕᒃᓴᐅᔪᑦ ᐃᓂᔅᓴᓕᐅᕈᒪᓗᓂ ᑖᒃᑯᓄᖓ ᒪᒃᑯᑦᑐᓄᑦ. ᐃᖃᓗᓐᓂᑦ ᑕᕝᕙᓂ, ᐃᓯᑐᐃᓐᓇᕈᓐᓇᖅᑐᑦ ᑲᐱᓯᖃᑦᑕᖅᑐᖃᓕᖅᑎᓪᓗᒍ ᐃᑲᕐᕋᖏᑦ 1ᒥᑦ−10ᒧᑦ ᐅᓐᓄᒃᑯᑦ ᐱᖓᑦᑎᕐᒥᑦ ᓯᕙᑖᕐᕕᒻᒧᑦ ᑕᐃᑲᓂ ᑰᓕᕐᕕᒻᒥᑦ. ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᕇᒃᑯᑎ ᐊᑐᓪᓚᕆᒻᒪᑕ ᓴᑉᐳᒻᒥᑦᑎᓂᕐᒧᑦ ᓄᓇᕗᒻᒥᐅᓂᑦ ᑖᔅᓱᒪᙱ ᐋᓐᓂᐊᓕᕐᓇᖅᑐᒥᑦ. ᐱᓕᕆᖃᑕᐅᒋᑦ ᑲᐱᔭᐅᖃᑕᐅᓗᑎᓪᓗ."

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca