ᐅᖃᓚᐅᑎᓯᐅᑏᑦ

You are here

ᐊᑕᐅᓯᕐᒥᒃ ᓄᕙᒡᔪᐊᕐᓇᖅ-19−ᑖᖅᑐᖃᖅᐳᖅ ᐊᕐᕕᐊᓂ

ᒫᑦᓯ 02, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐊᑕᐅᓯᕐᒥᒃ ᓄᕙᒡᔪᐊᕐᓇᖅ-19−ᑖᖅᑐᖃᖅᐳᖅ ᐊᕐᕕᐊᓂ

ᐃᖃᓗᐃᑦ, ᓄᓇᕗᑦ (ᒫᔾᔨ 2, 2021) – ᐅᓪᓗᒥ, ᓄᓇᕗᒻᒥ ᐊᑕᐅᓯᕐᒥᒃ ᓄᑖᒥᒃ ᓄᕙᒡᔪᐊᕐᓇᖅ-19−ᒥᒃ. 9-ᖑᕗᑦ ᓇᓗᓇᐃᖅᑕᐅᓯᒪᕗᑦ ᓄᕙᒡᔪᐊᕐᓇᓖᑦ ᓄᓇᕗᒻᒥ, ᑕᒪᕐᒥᒡᓗ ᐊᕐᕕᐊᒦᖦᖢᑎᒃ. ᑖᒃᑯᐊ ᑕᒪᕐᒥᒃ ᖃᓄᐃᙱᑦᑐᑦ, ᐅᐸᒃᑕᐅᑦᑕᐃᓕᒪᓪᓗᑎᒡᓗ ᐊᖏᕐᕋᖏᓐᓂ ᑲᑎᙵᖃᑎᒋᔭᐅᓚᐅᖅᑐᓪᓗ ᓱᓕ ᖃᐅᔨᓴᖅᑕᐅᕙᓪᓕᐊᓪᓗᑎᒃ.

"ᓱᓕ ᒫᓐᓇ ᓇᓗᓇᐃᕈᑎᒃᓴᓪᓚᑦᑖᖑᓗᓂ ᐱᑕᙱᑦᑑᒐᓗᐊᖅ ᓄᓇᓕᒻᒥᑦ ᐊᐃᑦᑐᕐᓗᐃᖃᑦᑕᐅᓂᕆᔭᖏᓐᓂᑦ ᐊᕐᕕᐊᓂᑦ ᒫᓐᓇᐅᑎᓪᓗᒍ, ᑕᒪᒃᑯᐊ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᑦ ᓱᓕ ᐊᑐᕆᐊᖃᕐᒪᑕ ᓱᒃᑲᐃᓕᖅᑎᑕᐅᓯᒪᓇᓱᐊᖏᓐᓇᖁᓪᓗᒍ ᓯᐊᒻᒪᐸᓪᓕᐊᓂᖓ," ᐅᖃᖅᑐᖅ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᓘᒃᑖᖅ ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. "ᐅᐱᒍᓱᓪᓚᕆᑉᐳᖓ ᐊᒃᓱᕈᒻᒪᕆᑦᑐᑎᑦ ᐅᓪᓗᒥᒧᑦ ᐱᓕᕆᓯᒪᔪᒻᒪᕆᐅᒻᒪᑕ ᐊᒻᒪ ᑲᔪᖏᖅᓴᐃᒋᐊᒃᑲᓐᓂᖅᐳᖓ ᓴᙱᔫᓇᓱᐊᖏᓐᓇᖁᓪᓗᓯ ᐱᓕᕆᐊᕆᔭᔅᓯᓐᓂᒃ. ᐊᕐᕕᐊᒻᒥᐅᑦ, ᖁᔭᓐᓇᒦᒃ ᐱᓕᕆᐊᓯᒪᓂᕆᔭᔅᓯᓐᓄᑦ ᓄᓇᒋᔭᔅᓯᓐᓂᑦ ᖃᓄᐃᓐᓇᖅᑐᒦᖁᔨᓇᓯ. ᐊᑏ ᑲᔪᓯᑐᐃᓐᓇᕆᔅᓯ ᐊᒻᒪᓗ ᖃᐅᔨᒪᓗᓯ ᐊᒃᓱᕈᕐᓂᕆᔭᓯ ᐊᑑᑎᖃᑦᑎᐊᕐᒪᑦ."

ᒫᔾᔨ 2−ᒥ ᐱᒋᐊᖅᖢᓂ, ᐊᕐᕕᐊᓂ ᖃᐅᔨᓴᖅᑕᐅᔪᑦ 2360−ᖑᔪᑦ ᐱᑕᖃᙱᓐᓂᕋᖅᑕᐅᔪᑦ ᖃᐅᔨᓴᖅᑕᐅᔾᔪᑎᖏᑦ. ᒫᓐᓇᒧᑦ ᑎᑭᖦᖢᒍ, 8066 ᓄᓇᕗᒻᒥᐅᑦ ᐊᑕᐅᓯᕐᒥᒃ ᑲᐱᔭᐅᓯᒪᓕᖅᐳᑦ ᒫᑐᓇ ᑲᐴᑎᒧᑦ. ᑲᐱᓯᑲᑕᖕᓂᐊᖅᑐᑦ ᑕᒫᓂ ᐅᑭᐅᖅᑕᖅᑐᒥ ᓱᓕ ᑲᔪᓯᕗᑦ. ᓄᓇᕗᒻᒥᐅᑦ ᓄᕙᕐᔪᐊᕐᓇᖅ−19ᒧᑦ ᑲᐱᔭᐅᔪᓐᓇᖅᑎᑕᐅᔪᑦ ᐋᓐᓂᐊᕕᖕᒧᑦ ᐅᖄᓚᔪᓐᓇᖅᐳᑦ ᐃᓂᒃᓴᓕᐅᕈᒪᓗᑎᒃ.

ᑭᓇᑐᐃᓐᓇᑦᑎᐊᑦ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ−19-ᓕᖕᒧᑦ ᐅᖄᓚᖁᔭᐅᕗᖅ ᓄᕙᕐᔪᐊᕐᓇᒧᑦ−ᐅᖄᓚᕝᕕᒃᓴᒧᑦ ᐅᕗᖓ 1-888-975-8601 10−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐊᓂᑦᑕᐃᓕᒪᓯᑲᐅᑎᒋᓗᓂᓗ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.

ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ: www.gov.nu.ca/health/information/covid-19-vaccination.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca/health/information/covid-19-novel-coronavirus.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ ᒫᓐᓇᓗ ᐋᓐᓂᐊᖅᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ, ᐅᕗᙵᕐᓗᓯ: https://www.gov.nu.ca/health/information/nunavuts-path.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑕᐃᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca