ᐅᖃᓚᐅᑎᓯᐅᑏᑦ

You are here

ᐊᐅᒃᑯᑦ ᓱᑲᖃᓗᐊᖅᑕᐃᓕᒪᑎᑦᑎᓂᖅ: ᖃᓄᐃᖏᑦᑎᐊᕋᓱᐊᕆᑦ

ᓄᕕᐱᕆ 01, 2019

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐊᐅᒃᑯᑦ ᓱᑲᖃᓗᐊᖅᑕᐃᓕᒪᑎᑦᑎᓂᖅ: ᖃᓄᐃᖏᑦᑎᐊᕋᓱᐊᕆᑦ

ᓄᕕᑉᐱᕆᒥᑦ ᑎᒥᒃᑯᑦ ᓱᑲᖃᓗᐊᖅᑐᓂᑦ ᐅᔾᔨᕈᓱᖕᓇᐅᕗᖅ! ᑎᒥᒃᑯᑦ ᓱᑲᖃᓗᐊᓕᖃᑦᑕᖅᐳᑦ ᑎᒥ ᐊᐅᖕᒥᑦ ᓱᑲᕐᒥᑦ ᐊᐅᓚᑦᑎᔪᓐᓇᐃᓕᑎᓪᓗᒍ.

ᐊᐅᒃᑯᑦ ᓱᑲᖃᓗᐊᖅᑐᑦ ᓱᑲᖃᖏᓗᐊᖅᑐᓪᓘᓐᓃᑦ ᑎᒥᒥᒧᑦ ᐱᐅᖏᑉᐳᑦ ᐋᓐᓂᐊᖃᕐᔪᐊᓕᕈᓐᓇᖅᑐᑦ ᐊᒻᒪ ᑕᖅᑐᒃᑯᑦ ᐋᓐᓂᐊᖅᑖᕐᓗᑎᒃ. ᐊᐅᒃᑯᑦ ᓱᑲᖃᓗᐊᓕᕐᓂᖅ ᑕᐃᒪᓐᓇᐃᓕᑳᓪᓚᖕᓂᕐᓘᓐᓃᑦ ᐱᔾᔪᑎᐅᖃᑦᑕᖅᐳᖅ ᐊᐅᒃᑯᑦ ᓱᑲᖃᓗᐊᓕᕈᓐᓃᖅᑎᑦᑎᔪᓐᓇᖅᐳᖅ ᐅᕝᕙᓘᓐᓃᑦ ᑭᖑᕙᖅᑎᑦᑎᓗᓂ.

ᑎᒥᒃᑯᑦ ᖃᓄᐃᖏᑦᑎᐊᕋᓱᕐᓗᑎᑦ ᐊᐅᓚᑦᑎᑎᐊᕆᑦ! ᐊᐅᒃᑯᑦ ᓱᑲᖃᓗᐊᓕᖅᑕᐃᓕᒋᑦ ᓂᕿᑦᑎᐊᕙᖕᓂᑦ ᓂᕆᕙᒡᓗᑎᑦ ᑎᒥᓪᓗ ᖃᓄᐃᓕᕈᓘᔭᖅᑎᑉᐸᒡᓗᒍ:

  • ᓂᕿᓪᓚᑦᑖᑦ ᓂᕈᐊᒐᒃᓴᑦᑎᐊᕙᐅᕗᑦ ᖃᓄᐃᖏᑦᑎᐊᖃᑦᑕᖁᓗᑕ.
  • ᓇᓕᒧᒌᒃᑐᓂ ᓂᕆᕙᒡᓗᓂ ᓂᕈᐊᕌᖓᕕᑦ ᓂᕿᓂᒃ ᓂᐅᕕᕐᕕᖕᒥᑦ ᐊᒻᒪ ᐃᒥᑐᐃᓐᓇᕐᒥᑦ ᐃᒥᖃᑦᑕᕐᓂᖅᐹᖑᓗᑎᑦ. ᖃᐅᑕᒫᖅ ᓂᕆᓕᕌᖓᕕᑦ ᐊᑕᐅᓯᕐᒥᑦ ᐃᕕᔭᕐᒥᑦ ᐊᑕᐅᓯᕐᒥᓪᓗ ᐅᕕᓂᐅᔭᕐᒥᑦ ᐱᕈᖅᑐᕕᖅᑐᖅᐸᒡᓗᑎᑦ.
  • ᐅᓪᓘᓕᕌᖓᒥᑦ 30−60−ᒥᓇᒥᑦ ᐱᓕᕆᐊᖃᕋᓱᒃᐸᒡᓗᑎᑦ. ᐅᑯᓂᖓ ᐱᓕᕆᐊᖃᕐᓂᖅ ᐃᓚᒋᔭᐅᔪᓐᓇᖅᐳᖅ ᓲᕐᓗ ᐊᖑᓇᓱᖕᓂᖅ, ᐃᒡᓗ ᓴᓗᒻᒪᖅᓴᕐᓗᒍ, ᐱᖅᑯᓯᑐᖃᕐᓂᖅ ᐱᙳᐊᖅᐸᒡᓗᑎᑦ ᐱᙳᐊᖅᑐᓇᑎᒡᓘᓐᓃᑦ ᐅᕝᕙᓘᓐᓃᑦ ᐱᓱᒃᐸᒡᓗᑎᑦ.

ᑐᓴᑲᓐᓂᕈᒪᓐᓂᕈᕕᑦ ᑎᒥᒃᑯᑦ ᓱᑲᖃᓗᐊᕐᓂᕐᒧᑦ, ᓂᕿᑦᑎᐊᕙᖕᓂᑦ ᓂᕆᖃᑦᑕᕐᓂᖅ ᑎᒥᒃᑯᓪᓘᓐᓃᑦ ᐱᓕᕆᐊᖃᖅᐸᕐᓗᑎᒃ ᑕᑯᒋᐊᕈᓐᓇᖅᑕᑦ:

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
agriffin@gov.nu.ca