ᐅᖃᓚᐅᑎᓯᐅᑏᑦ

You are here

ᐊᐅᓪᓚᕐᕕᐅᖃᑦᑕᖅᑐᑦ ᒪᑐᐃᖅᑕᐅᒃᑲᓐᓂᖅᐳᑦ ᑰᔾᔪᐊᕌᓗᖕᒥ

ᓄᕕᐱᕆ 15, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐊᐅᓪᓚᕐᕕᐅᖃᑦᑕᖅᑐᑦ ᒪᑐᐃᖅᑕᐅᒃᑲᓐᓂᖅᐳᑦ ᑰᔾᔪᐊᕌᓗᖕᒥ

ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᒪᑐᐃᖅᓯᒃᑲᓐᓂᖅᐳᖅ ᐊᐅᓪᓚᕐᕕᐅᖃᑦᑕᖅᑐᒥᑦ ᑰᕐᔪᐊᕌᓗᒃ, ᒫᓂᑑᐸᒥᑦ.

ᑲᐱᔭᐅᓯᒪᙱᑦᑐᑦ ᐊᐅᓪᓚᕐᓂᐊᖅᑐᑦ ᓄᕙᒡᔪᐊᕐᓇᖃᙱᑦᑐᒥᑦ ᓄᓇᖃᖅᑐᑦ ᐊᒻᒪᓗ ᐅᓪᓗᓄᑦ 14−ᓄᑦ ᐊᐅᓪᓚᕐᕕᐅᖃᑦᑕᖅᑐᒦᓚᐅᕐᓗᓂ ᑰᒡᔪᐊᕌᓗᓕᐊᕈᓐᓇᖅᓯᕗᑦ ᑰᒡᔪᐊᕌᓗᖕᒥᓪᓗ ᐊᐅᓪᓚᕈᓐᓇᖅᓯᓪᓗᑎᒃ.

  • ᑲᐱᔭᐅᓯᒪᙱᑦᑐᑦ ᐊᐅᓪᓚᖃᑦᑕᖅᑐᑦ ᑰᒡᔪᐊᕌᓗᖕᒥᙶᖅᑐᑦ ᑎᑎᕋᕆᐊᖃᖅᐳᑦ ᐊᐅᓪᓚᖃᑦᑕᖅᑐᑦ ᓇᓗᓇᐃᖅᓯᔾᔪᑎᖓᓂᒃ ᑎᑎᕋᕆᐊᓕᖕᒥᒃ ᐊᐅᓪᓚᖅᑎᓪᓗᒍᓗ ᐅᕗᖓ cphotravelrequests@gov.nu.ca. ᒪᑐᐊᖅᓯᒪᔭᕆᐊᖃᕐᒥᔪᑦ ᐃᓄᒋᐊᒃᑐᒃᑯᕕᖕᓂ ᖃᐅᔨᒪᓇᓱᖁᔭᐅᕗᓪᓗ ᐃᓅᖃᑎᒥᓂᒃ ᐅᖓᓯᒌᒋᐊᖃᕐᓂᕐᒥᒃ ᐊᖏᕐᕋᒥᓄᑦ ᐅᑎᕋᓱᖕᓂᓕᒫᖏᓐᓄᑦ.
  • ᑲᐱᔭᐅᓯᒪᙱᑦᑐᑦ ᓄᓇᕗᒥᐅᑦ ᑰᒡᔪᐊᕌᓗᖕᒧᐊᖅᑐᑦ ᑕᐃᑯᖓ ᓄᓇᑖᕆᐊᖅᑐᕐᓗᑎᑦ, ᐃᖅᑲᓇᐃᔭᕆᐊᕐᓗᑎᑦ, ᐃᓕᓐᓂᐊᕆᐊᕐᓗᑎᑦ ᐅᕝᕙᓘᓐᓃᑦ ᐃᓚᓕᐊᕐᓗᑎᑦ ᐊᒻᒪ ᓄᓇᕗᒻᒧ ᐅᑎᕈᒪᓛᖅᐸᑕ ᑖᔅᓱᒥᖓ ᐊᐅᓪᓚᖃᑦᑕᖅᑐᑦ ᓇᓗᓇᐃᖅᓯᔾᔪᑎᖓᓂ ᑎᑎᕋᕆᐊᖃᖅᐳᑦ ᐅᕗᖓᓗ ᐊᐅᓪᓚᖅᑎᓪᓗᒍ cphotravelrequests@gov.nu.ca.
  • ᓄᓇᕗᒻᒥᐅᑦ ᑰᒡᔪᐊᕌᓗᖕᒧᙵᐅᔪᑦ ᒪᓕᖃᑦᑕᕐᓂᐊᖅᐳᑦ ᐊᕕᒃᑐᖅᓯᒪᔪᓂ ᐋᓐᓂᐊᖅᑐᓕᕆᔨᒃᑯᑦ ᒪᓕᒋᐊᓕᖏᓐᓂᑦ ᖃᐅᔨᓴᖅᑕᐅᔭᕆᐊᖃᖅᖢᓂᓗ ᑰᒡᔪᐊᕌᓗᖕᒧᑦ ᐊᐅᓪᓚᓚᐅᙱᓐᓂᖓᓂ ᑎᑭᓚᐅᙱᓐᓂᖓᓂᓘᓐᓃᑦ.
  • ᑲᐱᔭᐅᓯᒪᙱᑦᑐᑦ ᐊᐅᓪᓚᖅᑐᑦ ᒪᓕᖕᓂᐊᖅᐳᑦ ᓄᑖᒥᒃ ᒐᕙᒪᑐᖃᒃᑯᓐᓂ ᐊᐅᓪᓚᖅᐸᒃᑐᑦ ᒪᓕᒐᖏᓐᓂᒃ.
  • ᖃᐅᔨᒪᒋᑦ, ᓄᓇᕗᑦ ᒐᕙᒪᒃᑯᑦ ᖃᐅᔨᓴᖅᑕᐅᑎᑦᑎᖃᑦᑕᔾᔮᙱᑦᑐᑦ ᐊᐅᓪᓚᕐᓂᐊᖅᑐᑦ ᐱᔾᔪᑎᒋᓪᓗᒋᑦ.

ᑲᐱᔭᐅᓯᒪᔪᑦ ᐊᐅᓪᓚᖅᑐᑦ ᑲᐱᔭᐅᕌᓂᒃᓯᒪᔪᒥᒃ ᑭᑭᑕᐅᓯᒪᔪᒥᒃ ᐱᖃᑎᖃᖅᑐᑦ ᐱᔭᕆᐊᖃᙱᑦᑐᑦ ᐊᐅᓪᓚᖃᑦᑕᖅᑐᑦ ᓇᓗᓇᐃᖅᓯᔾᔪᑎᖓᓂ ᑎᑎᕋᖅᓯᒪᔪᒥᒃ ᑭᓯᐊᓂ ᑐᓂᓯᔭᕆᐊᖃᑐᐃᓐᓇᕆᐊᓕᒃ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᕐᒥᒃ ᒥᑦᑕᕐᕕᖕᒥ ᒐᕙᒪᑐᖃᒃᑯᑦ ᒪᓕᒐᖅᑖᓵᖏᑦ ᒪᓕᒡᓗᒋᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᐅᓪᓚᕐᕕᐅᔪᓐᓇᖅᑐᑦ ᒥᒃᓵᓄᑦ ᐊᒻᒪᓗ ᐊᐅᓪᓚᖃᑦᑕᖅᑐᓄᑦ ᐊᑐᖅᑕᐅᔭᕆᐊᓕᖕᓂᒃ, ᐅᕗᙵᕐᓗᑎᑦ https://gov.nu.ca/health/information/travel-and-isolation

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca