ᐅᖃᓚᐅᑎᓯᐅᑏᑦ

You are here

ᐊᐅᓈᕐᓂᕐᒥ ᓴᓗᒪᓂᕐᒥ ᐅᓪᓗᖓ 2021

ᒪᐃ 28, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐊᐅᓈᕐᓂᕐᒥ ᓴᓗᒪᓂᕐᒥ ᐅᓪᓗᖓ 2021

ᒪᐃ 28 ᐊᐅᓈᕐᓂᕐᒥ ᓴᓗᒪᓂᕐᒥ ᐅᓪᓗᖓᐅᓂᐊᖅᑐᖅ, ᐅᓪᓗᖅ ᑐᕌᖅᑎᑦᑎᔪᖅ ᐅᖃᖅᑕᐃᓕᒪᔪᓐᓃᕐᓗᓂ ᐊᐅᓈᕐᓂᕐᒥ ᓴᓗᒪᓂᕐᒥ ᐱᔪᓐᓇᖅᓯᒃᑲᓐᓂᖅᑎᓪᓗᒋᓪᓗ ᐊᐅᓈᖅᑐᖅᓯᐅᑎᓂᒃ ᓄᓇᕐᔪᐊᓕᒫᒥ. ᐅᓪᓗᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᒋᐊᖅᑎᑦᑎᔪᑦ ᓄᓇᕗᒻᒥᐅᓂᒃ ᐱᓪᓚᕆᐅᓂᖓᓂᒃ ᐊᐅᓈᕐᓗᓂ ᓴᓗᒪᓂᖅ ᐊᐅᓈᕐᓗᓂᓗ ᐋᓐᓂᐊᖃᖅᑕᐃᓕᒪᓂᖅ ᐃᓕᓐᓂᐊᖅᑎᑦᑎᓂᕐᒥᒃ ᑐᑭᓯᒋᐊᖅᑎᑦᑎᓯᓐᓈᖅ ᐊᒃᓱᕈᕐᓇᕐᓇᕐᓂᖓᓂᒃ ᐊᑐᖅᑕᐅᔭᕆᐊᖃᖅᐸᒃᑐᓂᒃ ᑕᐃᒃᑯᓄᖓ ᐊᐅᓈᖅᐸᒃᑐᓄᑦ.

ᓄᓇᕐᔪᐊᓕᒫᒥ, ᑕᒫᓂᓗ ᓄᓇᕗᒻᒥ, ᐱᔪᓐᓇᕐᓇᕐᓂᖅ ᐊᑭᑐᓗᐊᙱᑦᑐᓂᒃ ᐊᐅᓈᖅᑐᖅᓯᐅᑎᓂᒃ ᑐᓗᕈᑕᐅᕙᒃᑐᖅ ᐊᐅᓈᕐᓗᓂ ᓴᓗᒪᓂᕐᒧᑦ ᐱᔪᓐᓇᕐᓂᕐᓗ ᐊᐅᓚᓪᓗᒍ ᐊᐅᓈᕐᓂᖅ ᐊᑦᑕᕐᓇᙱᑦᑐᒃᑯᑦ. ᑕ]ᓐᓇ ᓂᐱᖃᙱᔾᔪᑕᐅᒃᑲᓐᓂᖅᑐᖅ ᓱᓕᓂᖓᓂᒃ ᐅᓄᖅᑐᑦ ᐃᓄᐃᑦ ᐃᖢᕐᕆᓐᓇᕈᓱᙱᒻᒪᑕ ᐅᖃᐅᓯᖃᕆᐊᒃᓴᖅ ᐊᐅᓈᕐᓂᕐᒥᒃ. ᐊᐅᓈᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐱᒻᒪᕆᐅᔪᑦ ᐃᓚᒋᔭᐅᓪᓗᓂ ᐊᑕᖏᖅᖢᒍ ᑎᒥᐅᑉ ᐋᓐᓂᐊᖃᕐᓇᙱᑦᑐᓕᕆᓂᓄᑦ. ᑕᖅᑭᑕᒫᑦ ᐊᐅᓈᕈᓰᑦ ᖃᓄᐃᙱᑦᑐᑦ ᐃᓚᒋᓪᓗᓂᐅᒃ ᐃᓅᑉ ᐊᑐᖃᑦᑕᖅᑕᖏᓐᓂ ᐱᒻᒪᕆᐅᓪᓗᓂᓗ ᖃᓄᐃᙱᑎᓪᓗᒍ ᐅᖃᐅᓯᕆᔭᕆᐊᒃᓴᖅ ᐱᓪᓗᒍ ᑎᒥᕗᑦ. ᓄᓇᕗᒻᒥ, ᓄᓇᓖᑦ ᐱᓕᕆᐊᖃᓲᑦ ᐱᖁᓪᓗᒋᑦ ᐊᐅᓈᖅᑐᖅᓯᐅᑎᑦ ᐃᓕᓐᓂᐊᕐᓂᕐᓗ ᐱᔪᓐᓇᖅᑕᐅᓂᖏᓐᓂᒃ ᑕᐃᒃᑯᓄᖓ ᐱᔭᕆᐊᓕᖕᓄᑦ. ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᑦ ᐃᓕᓴᐃᓲᑦ ᕿᑐᕐᖏᐅᕈᓐᓇᖅᓯᓂᕐᒥᒃ ᐊᒻᒪ ᓄᓕᐊᕐᓂᓕᕆᔪᓂᒃ ᐋᓐᓂᐊᖃᖅᑕᐃᓕᒪᓂᕐᓂ ᓄᓇᕗᓕᒫᒥ ᐃᑲᔪᕐᓗᒋᓪᓗ ᐱᔪᓐᓇᖅᓯᒃᑲᓐᓂᕐᓂᕐᓂ ᐊᐅᓈᖅᑐᖅᓯᐅᑎᓂᒃ ᓄᓇᓕᒃᑎᒍᑦ ᐋᓐᓂᐊᕐᕕᒃᑯᑦ.

ᑕᒪᑦᑕ ᐃᑲᔪᕈᓐᓇᖅᑐᒍᑦ ᑕᓗᕈᒃᑯᑎᓗᐊᕈᓐᓃᖅᑎᑦᑎᓂᕐᒥ ᑲᙳᓲᑎᖃᕐᓂᕐᒥᒃᓗ ᐊᐅᓈᕐᓂᐅᑉ ᒥᒃᓵᓅᖓᔪᓂᒃ ᖃᐅᔨᒪᑎᑕᐅᙱᓐᓇᕐᓂᕐᓗ ᑎᓕᐅᕆᓂᕐᓗ ᐅᖃᖃᑎᖃᕐᓂᕐᓂ ᐃᓄᖕᓂ ᐃᓅᓯᑦᑎᓐᓃᑦᑐᓂᒃ ᐊᐅᓈᓲᓂᒃ. ᑐᓴᕆᐊᒃᑲᓐᓂᕈᑎᓄᑦ ᐊᐅᓈᕐᓂᐅᑉ ᒥᒃᓵᓄᑦ, ᕿᑐᕐᖏᐅᕈᓐᓇᖅᓯᓂᐅᓪᓗ, ᐅᕝᕙᓘᓐᓃᑦ ᓄᓕᐊᕐᓂᓕᕆᔪᓂᒃ ᐋᓐᓂᐊᖃᖅᑕᐃᓕᒪᓂᕐᓂ, ᐅᐸᒃᓗᒍ ᐅᓇ www.irespectmyself.ca ᐅᕝᕙᓘᓐᓃᑦ ᖃᐅᔨᒋᐊᕐᓗᒋᑦ ᓄᓇᓕᔅᓯᓐᓂ ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca