ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᓴᓂᕋᔭᖕᒥ

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᓴᓂᕋᔭᖕᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔨᔾᔪᑎᒥᒃ ᓴᖅᑭᑎᑦᑎᕗᑦ ᓴᓂᕋᔭᖕᒥᐅᓄᑦ.

ᑖᓐᓇ ᐅᓗᕆᐊᓇᖅᑐᒦᑦᑐᖃᖁᓇᒍ ᐱᔾᔪᑕᐅᔪᖅ ᐃᓱᓗᐊᕐᓂᖓᓄᑦ (ᐃᓱᖅᑐᖅ ᐃᒥᖅ).

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᑎᓪᓗᒋᑦ ᐃᒥᖅᑕᐅᓂᐊᖅᑐᓕᒫᑦ ᖃᓛᖅᑎᓯᒪᔭᕆᐊᖃᖅᐳᑦ 1-ᒥᓂᑦ ᐅᖓᑖᓄᑦ.

ᐃᒪᓕᒫᑦᓯᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᑐᐊᕈᑎᒃ:

• ᐃᒥᕐᓂᐊᕐᓗᒍ.
• ᐊᒫᒪᒃᑎᑦᑎᓂᐊᖅᑎᓪᓗᑎᑦ ᓄᑕᕋᓛᒥᒃ.
• ᐃᒥᒐᒃᓴᓕᐅᕐᓂᐊᕐᓗᑎᑦ ᓂᓚᓕᐅᕐᓂᐊᕈᕕᓪᓘᓐᓃᑦ.
• ᓰᕐᓇᖅᑐᓂᒃ ᐱᕈᖅᑐᓂᒡᓗ ᐃᕐᕈᖅᑐᐃᓂᐊᕈᕕᑦ.
• ᓂᖅᖠᐅᕐᓂᐊᕐᓗᓂ; ᐅᕝᕙᓘᓐᓃᑦ
• ᑭᒍᑎᓯᐅᕐᓂᐊᕐᓗᓂ.

ᐃᒥᕐᒥᑦ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᖕᒧᑦ ᖃᑦᑕᕐᒧᓪᓘᓐᓃᑦ ᐃᒐᐅᑉ ᖄᖓᒍᑦ ᐅᕝᕙᓘᓐᓃᑦ ᑲᑉᐳᔾᔭᕆᐊᓕᖕᒧᑦ ᐆᓇᖅᓯᑦᑏᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ.  ᐃᒪᕐᒥᒃ ᖃᓛᖅᑎᑦᑎᑲᑕᖁᔨᔪᑦ ᖁᓛᓃᑦᑐᓄᑐᐊᖅ ᑎᑎᕋᖅᓯᒪᔪᓂᒃ ᐊᑐᕐᓂᐊᖅᑐᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᓂᐊᕐᐳᑦ ᓄᓇᓕᖕᓂᑦ ᖃᓛᕐᑎᑦᑎᔭᕆᐊᖃᕈᓐᓃᕐᐸᑕ ᐃᒪᕐᒥᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca