ᐅᖃᓚᐅᑎᓯᐅᑏᑦ

You are here

ᐃᓅᓯᕐᒥᑦ ᐃᓵᒃᓯᒪᒋᑦ ᐅᓪᓗᖓ/ ᓄᓇᕐᔪᐊᖕᒥᑦ ᐃᒻᒥᓃᖅᑕᐃᓕᒪᓂᐅᑉ ᐅᓪᓗᖓ

ᓯᑎᐱᕆ 09, 2014

ᑭᒃᑯᓕᒫᓄᑦ ᑐᓴᒐᒃᓴᖅ

ᐃᓅᓯᕐᒥᑦ ᐃᓵᒃᓯᒪᒋᑦ ᐅᓪᓗᖓ/ ᓄᓇᕐᔪᐊᖕᒥᑦ ᐃᒻᒥᓃᖅᑕᐃᓕᒪᓂᐅᑉ ᐅᓪᓗᖓ

ᐱᒋᐊᕐᕕᖓ: ᓯᑎᐱᕆ 9, 2014

ᐃᓱᓕᕝᕕᐊ: ᓯᑎᐱᕆ 10, 2014

ᐃᖃᓗᐃᑦ, ᓄᓇᕗᑦ 45 ᑎᑦᑕᑯᓗᐃᑦ

ᐃᓅᓯᕐᒥᑦ ᐃᓵᒃᓯᒪᒋᑦ ᐅᓪᓗᖓ/ᓄᓇᕐᔪᐊᖕᒥᑦ ᐃᒻᒥᓃᖅᑕᐃᓕᒪᓂᐅᑉ ᐅᓪᓗᖓ ᓯᑎᐱᕆ 10-ᖑᕗᖅ. ᓄᓇᕗᒻᒥᐅᑦ ᖃᐃᖁᔭᐅᕗᑦ ᐃᓚᐅᖁᔭᐅᓪᓗᑎᒃ ᓄᓇᕐᔪᐊᖕᒥᑦ ᐱᓲᑎᒧ ᐃᖏᕐᕋᓂᖅ ᓄᓇᕐᔪᐊᒥᑦ ᐊᑐᖅᑕᐅᔪᓂᑦ, ᐃᖏᕐᕋᓗᑎᒃ ᑕᓪᓗᕈᑎᐅᑉ ᐃᒪᖓᑕ ᐊᖏᑎᒋᓂᐊᓂ ᓄᓇᕗᒻᒥᑦ.

ᑐᕌᖅᑕᐅᓇᓱᒃᑐᖅ ᐃᓲᑎᒃᑰᕋᓱᖕᓂᑦ 2,700 ᑭᓛᒥᑐᓂ ᑕᓪᓗᕈᑎᐅᑉ ᐃᒪᖓᑎᑐᑦ ᓄᓇᕗᒻᒦᑦᑐᖅ, ᒥᑦᑎᒪᑕᓕᖕᒥᑦ ᐊᒪᓐᓴᓐ ᐃᒫᓄ, ᖁᕐᓗᖅᑑᑉ ᐱᖓᖕᓇᖓᓂ. ᑕᒪᓐᓇ ᓴᖅᑭᑎᑦᑎᕚᓪᓕᕋᓱᒃᐳᖅ ᐱᒻᒪᕆᐅᓂᖓᓂ "ᐃᓚᒋᔭᐅᓂᖕᒥᑦ" ᐃᒻᒥᓃᖅᑕᐅᓕᒪᓂᖕᒧᑦ.

ᖃᐅᔨᓇᓱᖕᓂᐊᖅᐳᓯ ᐊᔾᔨᒌᙱᑦᑑᑎᓂᑦ ᖃᓄᐃᓕᐅᖕᓂᐅᓂᐊᖅᑐᓂᑦ ᓄᓇᔅᓯᓐᓂᑦ ᓯᑎᐱᕆ 10-ᒥᑦ. ᓄᓇᓕᓯ ᓯᕗᒃᑲᖅᑕᖕᓂᐊᖅᑐᑦ ᐋᖅᑭᒃᓱᐃᓂᖕᓂᑦ ᐱᓲᑎᒃᑯᑦ ᐱᓱᖕᓂᒃᑯᓪᓗ ᓄᓇᕗᓕᒫᒥᑦ. ᐅᓪᓗᖅ ᐃᓱᓕᑉᐸᑦ, ᓄᓇᓕᖕᓂᑦ ᓯᕗᒃᑲᖅᑕᖅᑎ ᓄᐊᑦᑎᓂᐊᖅᐳᑦ ᑲᑎᓯᒪᓕᒫᖅᑐᓂᑦ ᑭᓛᒥᑐ ᐃᖏᕐᕋᔭᑦ ᐱᓲᑎᒃᑯᑦ, ᐱᓲᑎᙳᐊᒃᑯᓪᓘᓐᓃᑦ ᐱᓱᖕᓂᒃᑯᓪᓘᓐᓃᑦ.

ᐃᓚᖏᑦ ᖃᓄᐃᓕᐅᖕᓂᐅᓂᐊᖅᑐᑦ ᓄᓇᕗᒻᒥᑦ ᓯᑎᐱᕆ 10-ᖑᓕᖅᐸᑦ ᐅᑯᐊᖑᕗᑦ:

ᐃᖃᓗᒃᑑᑦᑎᐊᖅ – ᐃᖃᓗᒃᑑᑦᑎᐊᑉ ᓄᓇᓕᖕᓂ ᐱᓕᕆᖃᑎᒌᑦ ᐋᖅᑭᒃᓱᐃᓯᒪᔪᑦ 5-ᑭᓛᒥᑐᒥᑦ ᐱᓱᖕᓂᖕᒥᑦ ᓄᓇᓕᖏᓐᓂᑦ. ᓄᓇᓕᖕᓂᑦ ᐃᓱᒪᓕᕆᔨᒃᑯᑦ ᐋᖅᑭᒃᓱᐃᖕᒥᔪᑦ ᐱᓲᑎᙳᐊᒥᑦ ᓄᓇᓕᖕᒥᐅᑕᓄᑦ. ᑭᖑᓂᐊᒍᑦ ᐱᓱᐊᓂᒃᐸᑕ, ᓄᓇᓕᖕᒥᑦᐅᑦ ᐃᒐᓂᐊᖅᑐᑦ ᑕᒧᓗᒐᒃᓴᖅᑐᖅᑎᑦᑎᓗᑎᒃ. ᒪᒃᑯᒃᑐᑦ ᐱᕕᖃᖕᓂᐊᖕᒥᔪᑦ ᑎᑎᕋᐅᔭᖕᓂᖕᒥᑦ ᐃᒻᒥᓃᖅᑕᐃᓕᒪᓂᓕᕆᔪᒥᑦ ᖃᐅᔨᓴᖕᓂᐊᖅᖢᓂᐅᒃ ᐋᕆᐅᓪ ᑦᐃᑑ (ᐊᓛᔅᑲᒥ ᑕᓚᕖᓴᒃᑰᓲᖅ), ᓯᑎᐱᕆ 27-ᒥᑦ, ᓄᓇᓕᖕᓄᐊᕈᓂ.

ᐊᕐᕕᐊᑦ – ᓄᓇᓕᖕᓂᑦ ᐱᓕᕆᖃᑎᒌᑦ ᐊᕐᕕᐊᓂᑦ, ᐃᓚᖃᕐᓗᑎᒃ ᓄᓇᓕᖕᓂᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓄᑦ ᑭᒡᒐᖅᑐᐃᔨᒥ, ᐃᓱᒪᓕᕆᔨᒃᑯᓐᓂᑦ, ᐳᑭᖅᑕᓕᖕᓂᓪᓗ ᐊᒥᓱᓪᓗ ᐊᓯᖏᑦ, ᐋᖅᑭᒃᓱᐃᓯᒪᕗᑦ ᐱᓱᖕᓂᖕᒥᑦ. ᓄᓇᓖᑦ ᖁᕕᐊᓲᑎᖃᖅᑎᑦᑎᓂᐊᖅᑐᑦ ᐱᙳᐊᕐᕕᐊᓂᑦ, ᓵᓪᓗ ᐋᖅᑭᒃᓱᖅᓯᒪᓗᑎᒃ ᐊᔾᔨᒌᙱᑦᑑᑎᓂᑦ ᑲᑐᔾᔨᖃᑎᒌᓂ ᓄᓇᓕᖏᓐᓂᑦ, ᐊᒻᒪᓗ ᐱᓕᕆᖃᑎᒌᖕᓂᖅ ᑲᐃᒃᒥᑦ ᐊᒥᐊᓕᖅᓱᐃᑎᑦᑎᓗᑎᑦ ᓵᓚᖃᖅᑎᑦᑎᓇᓱᓛᖅᑐᑦ.

ᒥᑦᑎᒪᑕᓕᒃ – ᐃᓱᒪᓕᕆᔨᒃᑯᑦ ᒥᑦᑎᒪᑕᓕᖕᒥᑦ ᐱᓕᕆᖃᑎᖃᖅᐳᐃᑦ ᐃᓕᓴᐃᔨᓂᑦ, ᐳᑭᖅᑕᓕᖕᓂᑦ ᐊᓯᖏᓐᓂᒃᓗ ᓄᓇᓕᖕᒥᐅᑕᓂ ᓄᓇᓕᐊᓂᑦ ᐱᓱᖕᓂᖕᒥᑦ. ᐱᓱᐊᓂᒃᐸᑕ, ᓄᓇᓕᖕᒥᐅᑦ ᐱᙳᐊᕐᕕᓕᐊᕈᓐᓇᖕᓂᐊᖅᑐᑦ ᓯᓚᑖᓂ ᐱᙳᐊᖕᓂᒃᓴᒧᑦ ᑕᒧᓗᒐᒃᓴᓂᒃᓗ. ᖃᓄᐃᓕᖅᑕᐅᒃᑲᓐᓂᒐᒃᓴᓂ ᐸᖕᓇᐅᔪᑦ ᓇᓗᓇᐃᖅᑕᐅᓂᐊᖅᖢᑎᒃᓗ ᑭᒃᑯᓕᒫᓄᑦ ᖃᒡᓕᓕᖅᐸᑦ ᐅᓪᓗᖓ.

ᐃᖃᓗᐃᑦ – ᓄᓇᓕᖕᓂᑦ ᐱᓱᖕᓂᒃᓴᖓ ᐱᒋᐊᓛᖅᑐᖅ 3-ᒧᐊᖅᐸᑦ ᐅᓐᓄᒃᓴᒃᑯᑦ ᐅᑭᐅᖅᑕᖅᑐᒥᑦ ᐊᓐᓂᑭᑦᑐᕐᕕᐊᓂᑦ ᓯᐅᓪᕕᐊ ᒡᓂᐅᓪ ᒥᕐᙳᐃᖅᓯᕐᕕᐊᓄᑦ. ᐊᑏ ᐃᖃᐃᓕᓴᖅᑐᓕᕆᔨᒃᑯᑦ ᐃᖃᓗᖕᓂᓪᓗ ᕌᑭᑦ ᒃᓚᑉᑯᑦ, ᐊᒻᒪᓗ ᒡᓂᐅ ᐃᒡᓗᐊᓂᑦ, ᑎᑎᕋᖅᐸᓪᓕᐊᓂᐊᖅᑐᑦ ᑭᓛᒥᑐᓄᑦ ᐃᓚᖁᑎᖏᓐᓅᖓᔪᑦ. ᐃᓅᓯᕐᒥᑦ ᐃᓵᒃᓯᒪᒋᑦ ᐊᒻᒪᑦᑕᐅᖅ ᐊᒥᓱᒐᓚᖕᓂᑦ ᖃᓄᐃᓕᐅᒐᒃᓴᓂᑦ ᐸᖕᓇᐃᓯᒪᔪᑦ ᐱᓇᓱᐊᕈᓯᓕᒫᒥᑦ ᐃᓕᓴᖅᓯᑎᓪᓗᒋᑦ ᐊᕐᕌᒍᒋᓕᖅᑕᖏᓐᓂᑦ 10-ᖓᓐᓂᑦ. ᑖᒃᑯᐊ ᐃᓅᓯᕐᒥᑦ ᐃᓵᒃᓯᒪᒋᑦ ᑲᑎᒪᔨᖏᑦᑕ ᐃᑭᐊᖅᑭᕕᐊᓄ ᑕᑯᒋᐊᕐᓗᑎᑦ, www.inuusiq.ca, ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖃᓗᖕᓂᑦ ᖃᓄᐃᓕᐅᖕᓂᐅᓂᐊᖅᑐᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑭᓇ ᓄᓇᔅᓯᓐᓂᑦ ᓯᕗᒃᑲᖅᑕᖕᒪᖔᑦ, ᖃᐅᔨᒋᐊᕐᓗᑎᑦ ᓄᓇᔅᓯᓐᓂᑦ ᐋᓐᓂᐊᕕᐊᓄ ᐅᕝᕙᓘᓐᓃᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᐊᓄᐊᕐᓗᑎᑦ ᐅᕗᖓ http://gov.nu.ca/health .

###

ᐱᕙᓪᓕᐊᔪᓄᑦ ᑐᑭᓯᒋᐊᕐᕕᒃᓴᖅ:

ᐋᑦᕆ ᓕᒥᐅ ᑐᓴᐅᒪᔪᓕᕆᓂᖕᒧᑦ ᓂᐅᕕᐊᖑᕙᒃᑐᓂᒃᓗ ᖃᐅᔨᓴᖅᑎᒻᒪᕆᒃ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ

867-975-5949

alemieux@gov.nu.ca