ᐅᖃᓚᐅᑎᓯᐅᑏᑦ

You are here

ᐃᖃᓗᒃᑑᑦᑎᐊᒥ ᓈᖑᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ

ᕕᕝᕗᐊᓕ 14, 2020


ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᐃᖃᓗᒃᑑᑦᑎᐊᒥ ᓈᖑᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖃᓗᒃᑑᑦᑎᐊᒥᐅᓂᒃ ᐅᖃᐅᔨᒋᐊᖅᑐᑦ ᐃᓄᐃᑦ ᓈᖑᑲᑕᓕᕐᒪᑕ ᓄᓇᓕᖕᓂ. ᑕᐃᒪᐃᒐᔪᙱᑦᑐᑦ ᐊᕐᕌᒎᔪᒥᑦ. ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ, ᓄᓇᓕᖕᓂᓗ ᓱᒃᑲᓕᔪᒥᑦ ᐊᐃᑦᑐᕐᓘᑕᐅᔪᓐᓇᕆᓪᓗᓂ. ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᓇᑲᑕᒃᖢᑎᒃ ᐊᒻᒪ ᐊᕿᑦᑐᖅᓱᑲᑕᒃᖢᑎᒃ.

ᐃᒪᓐᓇ ᐊᐃᑦᑐᕐᓗᐃᑦᑕᐃᓕᒪᔪᓐᓇᖅᐳᓯ:

  • ᐊᒡᒐᑎᑦ ᐅᐊᓴᕋᔪᒡᓗᒋᑦ, ᐱᓗᐊᖅᑐᒥ ᓂᖅᖠᐅᕐᓂᐊᓵᖅᑎᓪᓗᑎᑦ ᐊᒻᒪ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑯᕕᑦ.
  • ᑕᖃᐃᖅᓯᕐᓗᑎᑦ ᐃᒥᑲᑕᒡᓗᑎᓪᓗ (ᐃᒥᒐᑲᑕᙱᓪᓗᑎᑦ, ᐆᒻᒪᕆᖕᓇᖅᑐᓂᒃ ᓂᐅᖅᑲᙱᓪᓗᑎᑦ, ᐊᓯᖏᓐᓂᓪᓗ ᓱᑲᖃᓗᐊᖅᑐᓂᒃ).
  • ᑭᐳᐃᑦ ᖄᖏᑦ, ᐹ ᑎᒍᓕᖏᑦ ᐊᒻᒪ ᐊᓇᕐᕖᑦ ᓴᓗᒪᑏᓐᓇᖅᐸᒡᓗᒋᑦ ᐆᓇᖅᑐᒧᑦ ᖃᐳᐊᓕᖕᒧᑦ.
  • ᐃᓄᖕᓄᑦ ᖃᓂᒪᔪᓄᑦ ᐅᐸᒋᐊᖃᙱᓪᓗᑎᑦ ᐅᐸᒃᐸᙱᓪᓗᑎᑦ.

ᓄᑕᕋᑯᓗᐃᑦ ᐊᒡᒐᖏᑦ ᐅᐊᓴᖅᑎᑉᐸᒡᓗᒋᑦ, ᐊᒻᒪ ᐱᙳᐊᖏᑦ ᐊᓪᓚᖅᑐᑦᑎᐊᖅᐸᒡᓗᒋᑦ ᐊᓯᖏᓐᓂᒃ ᐊᓪᓚᖅᑐᐃᓕᕌᖓᕕᑦ.

ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ. ᒥᕆᐊᖅᓴᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ ᓂᕿᓕᐅᑲᑕᒋᐊᖃᙱᑦᑐᖅ ᖃᑕᙳᑎᖏᓐᓄᑦ ᐊᐃᑦᑐᕐᓗᐃᖁᓇᒋᑦ. ᐊᓐᓄᕌᑦ ᐊᓯᖏᓪᓗ ᐅᐊᓴᒐᒃᓴᐃᑦ ᐆᓇᖅᑐᒧᑦ ᐅᐊᓴᖃᑦᑕᕐᓗᒋᑦ ᐊᒻᒪ ᐆᓇᖅᑐᒧᑦ ᐸᓂᖅᓯᖅᐸᒡᓗᒋᑦ. ᐳᐃᒍᖅᑕᐃᓕᒋᑦ, ᓄᑕᕋᓛᒥᒃ ᑯᓂᒃᓴᑲᑕᒡᓗᓂ ᐊᒃᑐᖅᓯᑲᑕᒡᓗᓂᓗ ᐊᐃᑦᑐᕐᓗᐃᓐᓇᕐᒪᑦ ᖃᓂᒪᓐᓇᒥ. ᖃᓄᐃᙱᑎᓐᓇᓱᒍᓐᓇᖅᑕᑎᑦ ᖃᓂᒪᓕᕈᕕᑦ ᑎᒍᑲᑕᙱᓪᓗᒋᑦ.

ᖃᓂᒪᔪᑦ ᐊᖏᕐᕋᒥᓂ ᑲᒪᒋᔭᐅᔪᓐᓇᖅᐳᑦ ᑭᓯᐊᓂ ᖃᓂᒪᓗᐊᓕᖅᐸᑦ ᓴᙲᓗᐊᓕᕐᓗᓂᓗ ᐊᒻᒪ ᑎᒥᖓ ᐃᒪᖃᙱᓗᐊᓕᕈᓂ. ᐃᓄᐃᑦ ᐋᓐᓂᐊᓗᐊᓕᖅᑐᑦ ᐋᓐᓂᐊᕕᖕᒧᑦ ᖃᐅᔨᒋᐊᕆᐊᖃᖅᐳᑦ ᐃᖢᐊᖅᓴᐃᔨᒥᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
cpuglia@gov.nu.ca