You are here

ᐃᖃᓗᖕᓂᑦ ᐅᖁᒪᐃᓐᓂᕐᓂᐊᕐᕕᒃ — ᓄᑕᕋᓛᓄᑦ ᐃᓯᑐᐃᓐᓇᕐᕕᒃᓴᖅ

ᔭᓐᓄᐊᓕ 18, 2023

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐃᖃᓗᖕᓂᑦ ᐅᖁᒪᐃᓐᓂᕐᓂᐊᕐᕕᒃ — ᓄᑕᕋᓛᓄᑦ ᐃᓯᑐᐃᓐᓇᕐᕕᒃᓴᖅ

ᓄᑕᕋᓛᓄᑦ ᐅᐸᒃᑕᐅᕕᒃ ᐊᑐᐃᓐᓇᐅᓕᖅᑐᖅ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓂ, ᐃᒡᓗᕐᔪᐊᖅ 1091, ᐱᖓᔪᐊᑕᒫᑦ 1−ᒥᑦ 4−ᒧᑦ ᐅᓐᓄᒃᓴᒃᑯᑦ. ᓘᒃᑖᓕᐊᕐᕖᑦ ᐃᓯᑐᐃᓐᓇᓲᑦ, ᐃᓂᒃᓴᓕᐅᕆᐊᖃᙱᑦᑐᑦ.

ᓄᑕᕋᓛᓄᑦ ᐅᐸᒃᑕᐅᕕᒃ ᑲᑐᔾᔭᐅᓪᓗᓂ ᐱᓕᕆᐊᖑᕗᖅ ᑲᓇᑕᒥ ᓯᖓᐃᔪᓄᑦ ᓂᕿᑦᑎᐊᕙᓕᕆᓂᕐᒧᑦ ᐊᒻᒪ ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᖕᒥ. ᑖᓐᓇ ᐱᓕᕆᐊᒃᓴᖅ ᑭᓇᑐᐃᓐᓇᕐᒧ ᑐᕌᖓᔪᖅ ᕿᑐᕐᖓᒃᓴᖃᖅᑐᓄᑦ ᑕᐃᒃᑯᓄᖓᓗ ᓄᑕᕋᓛᖃᖅᑐᓄᑦ ᑎᑭᓪᓗᒍ 18 ᑕᖅᑭᓕᖕᓄᑦ (ᒪᕐᕉᒃ ᐅᑭᐅᓖᑦ ᐃᕕᐊᖏᕐᒥ ᐊᒫᒪᒃᑎᑦᑎᒃᐸᑕ).

ᑲᓇᑕᒥ ᓯᖓᐃᔪᓄᑦ ᓂᕿᑦᑎᐊᕙᓕᕆᓂᕐᒧᑦ ᑲᒪᔨ ᐅᐸᒍᑎᓯᒪᓂᐊᖅᑐᖅ ᐋᓐᓂᐊᕕᖕᒥ ᑕᒧᓗᒐᒃᓴᑦᑎᐊᕙᖕᓂᒃ ᐊᒻᒪ ᑖᒃᓯᒃᑰᕈᓐᓇᐅᑎᓂᒃ ᐃᖏᕐᕋᔾᔪᑎᓄᑦ. ᐅᖁᒪᐃᓐᓂᕐᓂᐊᕐᕕᖕᒥ ᐃᓗᐊᖅᓴᐃᔨᑦ ᐊᑐᐃᓐᓇᐅᓂᐊᕐᒥᔪᑦ ᐅᖁᒪᐃᓐᓂᖅᓯᐅᖅᑕᐅᔪᓐᓇᕐᓗᑎᒃ, ᐃᓕᓐᓂᐊᖅᑎᑦᑎᔪᓐᓇᕐᓗᑎᒃ ᐊᒻᒪ ᐃᑲᔪᖅᑐᐃᔪᓐᓇᕐᓗᑎᒃ.

ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, ᐊᐱᕆᕙᕗᑦ ᐊᑕᐅᓯᕐᒥᒃ ᐃᓐᓇᕐᒥᒃ ᕿᑐᕐᖓᒥᓂᒃ ᐱᖃᑎᖃᖁᓪᓗᒍ ᐳᓛᕆᐊᖅᑐᖃᒃᑲᓐᓂᙱᓪᓗᓂ ᒫᓐᓇ.

ᐃᓕᖕᓂᒃ ᓄᓇᓕᖕᒥᐅᓂᒡᓗ ᓴᐳᔾᔭᐅᓯᒪᖁᓪᓗᑎᑦ, ᓇᖕᒥᓂᖅ ᑮᓇᕐᓄᑦ ᒪᑐᐊᖅᓯᓯᒪᔾᔪᑎᒥᒃ ᐊᑐᕐᓂᐊᖅᐳᑎᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓂ. ᑮᓇᕐᒧᑦ ᒪᑐᐊᖃᙱᒃᑯᕕᑦ, ᖃᐃᖁᔭᐅᓂᐊᖅᐳᑎᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕕᒃᑑᕆᐊ ᒧᐊᒐᓐ        
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
vmorgan2@gov.nu.ca