ᐅᖃᓚᐅᑎᓯᐅᑏᑦ

You are here

ᐃᖃᓗᓐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᕋᕐᕕᖏᑦ ᕿᓂᖅᑐᑦ ᐋᓐᓂᐊᕕᒻᒥ ᑲᒪᒋᔭᐅᖃᑦᑕᖅᑐᓄᑦ ᐱᓕᕆᖃᑎᒌᔅᓴᓂᑦ

ᐊᒃᑐᐸ 26, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐃᖃᓗᓐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᕋᕐᕕᖏᑦ ᕿᓂᖅᑐᑦ ᐋᓐᓂᐊᕕᒻᒥ ᑲᒪᒋᔭᐅᖃᑦᑕᖅᑐᓄᑦ ᐱᓕᕆᖃᑎᒌᔅᓴᓂᑦ

ᐱᖃᑕᐅᔪᒪᕖᑦ ᐊᑐᕐᓂᖃᑦᑎᐊᖅᑐᓂᑦ ᑐᑭᓯᐅᒪᓂᖃᖅᑎᑦᑎᓂᕐᒥᑦ ᐊᒻᒪᓗ ᑕᐅᑐᒃᑕᒃᑯᑦ ᖃᐅᔨᒪᔭᓐᓂᒃ ᐃᑲᔪᕐᓂᐊᖅᑐᒥᑦ ᐱᐅᓯᕚᓪᓕᕆᐊᖅᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᕿᑭᖅᑕᓂ ᐋᓐᓂᐊᕕᖓᓐᓂᑦ ᐊᒻᒪᓗ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓂ?

ᐃᖃᓗᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᓂᖅᑐᑦ ᐃᓄᓐᓂᑦ ᐱᖓᓲᔪᖅᑐᓂᑦ ᐱᓇᓱᐊᖃᑕᐅᔪᒪᒐᔭᖅᑐᓂᑦ ᓄᑖᕐᒥᑦ ᐱᒋᐊᕋᑖᖅᓯᒪᔪᒥᑦ ᐋᓐᓂᐊᕕᒻᒥᑦ ᑲᒪᒋᔭᐅᖃᑦᑕᖅᑐᓂᑦ ᐃᓚᒋᔭᐅᖃᑕᐅᓂᕐᒥᑦ ᐱᓕᕆᖃᒌᑦ ᑖᒃᑯᐊ ᐱᓕᕆᖃᑎᖃᖃᑦᑕᕐᓂᐊᖅᑐᑦ ᐃᖃᓗᓐᓂᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᑕ ᐃᖅᑲᓇᐃᔭᖅᑎᖏᓐᓂᑦ ᐊᒻᒪᓗ ᓯᕗᒃᑲᖅᑕᐃᓗᑎᑦ ᐱᕙᓪᓕᐊᑎᑦᑎᓂᕐᒥᑦ ᖃᓂᑦᑐᒧᑦ ᐊᒻᒪᓗ ᐊᑯᓂᐅᔪᒃᑯᑦ ᑐᕌᒐᕆᔭᐅᔪᓂᑦ ᐱᐅᓯᕚᓪᓕᕆᐊᕈᑎᔅᓴᓂᑦ ᐋᓐᓂᐊᖃᕐᓇᖏᑦᑐᓕᕆᓂᐅᖃᑦᑕᖅᑐᒥᑦ ᓄᓇᕗᒻᒥᐅᓄᑦ.

ᐱᓇᓱᐊᖃᑕᐅᔪᒪᔪᑦ ᐃᒫᒃ ᖃᐅᔨᒪᓂᖃᕆᐊᓖᑦ:

  • ᐋᓐᓂᐊᕕᒃᑯᑎᒍᑦ ᑲᒪᒋᔭᐅᖃᑦᑕᖅᑐᓂᑦ ᑲᒪᔨᐅᓂᕐᒥᑦ ᐅᕝᕙᓗ ᑲᒪᔨᒋᔭᐅᓂᕐᒥᑦ ᐋᓐᓂᐊᕕᒃᑯᑎᒍᑦ ᑲᒪᒋᔭᐅᖃᑦᑕᕆᐊᓕᒻᒥᑦ ᑖᒃᑯᓇᙵᑦ ᕿᑭᖅᑕᓂ ᐋᓐᓂᐊᕕᖓᓐᓂᑦ ᐅᕝᕙᓗ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᑎᒍᑦ;
  • ᐱᔪᒪᓂᖃᕐᓗᓂ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐱᓕᕆᔾᔪᓯᖏᓐᓂᑦ ᐊᒻᒪᓗ ᐃᑲᔪᕈᒪᓂᕐᒥᑦ ᐱᐅᓂᖅᓴᒧᑦ ᐊᓯᔾᔨᕈᒪᓂᕐᒧᑦ;
  • ᒪᑐᐃᖓᓂᖃᑦᑎᐊᕐᓗᑎᑦ ᐊᒻᒪᓗ ᐊᑲᐅᒋᔭᖃᕐᓗᑎᑦ ᐃᓱᒪᒋᔭᓐᓂᒃ ᐅᖃᐅᓯᖃᕈᓐᓇᕐᓂᕐᒥᑦ ᐊᒻᒪᓗ ᐱᓕᕆᖃᑎᒌᑦᑐᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐅᓂᒃᑳᕈᓐᓇᕐᓂᕐᒥᑦ ᐅᖃᐅᓯᔅᓴᓂᑦ ᐊᒻᒪᓗ ᐊᑐᐊᒐᔅᓴᓕᐅᖅᑎᓄᑦ;
  • ᐃᓄᓐᓂᑦ ᐊᔾᔨᒌᙱᑦᑐᓂᑦ ᐱᐅᓯᖃᖅᑐᓂᑦ ᐃᓄᓕᕆᖃᑦᑕᕐᓗᑎᑦ; ᐊᒻᒪᓗ,
  • ᐃᑲᕐᕋᓂᑦ ᓴᓂᕐᕙᐃᓯᒪᔪᓐᓇᕐᓗᑎᑦ 1-4 ᐃᑲᕐᕋᐃᑦ ᐱᓕᕆᖃᑎᒌᑦᑐᑦ ᐅᖃᖃᑎᒌᒍᑎᖃᖅᑎᓪᓗᒋᑦ ᑕᖅᑭᑕᒫᑦ ᒪᕐᕉᓐᓄᑦ ᐅᑭᐅᓐᓄᑦ ᑭᓪᓕᖃᕐᓗᓂ.

ᑖᓐᓇ ᐊᑭᓕᖅᓱᖅᑕᐅᙱᑦᑐᓄᑦ ᐃᑲᔪᖅᑎᓄᑦ ᐱᓕᕆᐊᔅᓴᖅ. ᓯᕗᓪᓕᖅᐸᐅᑎᑕᐅᓂᐊᖅᑐᑦ ᐊᒻᒪᓗ ᐱᔪᒪᔭᐅᓂᖅᓴᐅᔪᑦ ᓄᓇᕗᒻᒥᐅᑦ ᐃᓄᐃᑦ.

ᓂᕈᐊᖅᑕᐅᔪᑦ ᑖᒃᓯᐅᑎᔅᓴᖃᖅᑎᑕᐅᖃᑦᑕᕐᓂᐊᖅᑐᑦ ᐊᒻᒪᓗ ᓂᕆᔭᔅᓴᖃᖅᑎᑕᐅᓗᑎᑦ ᐃᒥᒐᔅᓴᓂᓪᓗ ᑲᑎᒪᓂᖃᓕᕋᐃᑉᐸᑕ.

ᐱᓇᓱᐊᖃᑕᐅᔪᒪᓐᓂᕈᕕᑦ, ᐅᖃᕐᕕᒋᔪᓐᓇᖅᑕᐃᑦ ᓴᐳᕇᓇ ᑕᓐᑦ−ᕼᐊᐃᔅᑎ, ᐋᓐᓂᐊᕕᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᐃᖃᓗᐃᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᓐᓄᑦ, ᑎᑎᖅᑲᓕᐅᕐᓗᑎᑦ ᐱᓇᓱᐊᖃᑕᐅᔪᒪᔾᔪᑎᓐᓂᑦ ᐃᕐᖐᓐᓈᖅᑕᐅᑎᒃᑯᑦ ᓇᔅᓯᐅᑎᓗᒍ ᐅᕗᖓ shastie@gov.nu.ca ᐅᖄᓚᐅᑎᒃᑯᓪᓘᓐᓃᑦ ᐅᖃᖃᑎᒋᔪᓐᓇᖅᑕᐃᑦ 867-975-8600 ᓈᓴᐅᑎᒃᑲᓐᓂᖏᑦ 5038.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
cpuglia@gov.nu.ca