ᐃᖃᓗᓐᓂᑦ ᐃᒥᖓ ᐃᒥᖅᑕᐅᔭᕆᐊᙱᓐᓂᖓᓂᑦ ᑐᓴᖅᑎᑦᑎᔾᔪᑎ

ᐋᓐᓂᐊᖅᑐᓕᕆᔨᒃᑯᓐᓂ ᑐᓴᖅᑎᑦᑎᔾᔪᑎ

ᐃᖃᓗᓐᓂᑦ ᐃᒥᖓ ᐃᒥᖅᑕᐅᔭᕆᐊᙱᓐᓂᖓᓂᑦ ᑐᓴᖅᑎᑦᑎᔾᔪᑎ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓱᓕ ᐅᑕᖅᑭᖕᒪᑕ ᖃᐅᔨᓴᖅᑕᐅᔾᔪᑎᓂᒃ ᐅᖅᓱᐊᓗᒃᓴᒥ ᓱᕈᕐᓇᖅᑐᖃᑐᐃᓐᓇᕆᐊᓕᖕᒥᒃ ᓄᓇᓕᐸᐅᔭᒃᑯᓐᓂ ᐃᒥᖅᑕᐅᖃᑦᑕᖅᑐᒥᑦ. ᑕᐃᒪᐃᒻᒪᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖃᓗᖕᒥᐅᓂᒃ ᐃᖅᑲᐃᓯᒋᐊᕈᒪᕗᑦ ᑯᕕᑦᑕᖅᑐᒥ ᐃᒪᕐᒥᒃ ᐊᑐᑲᑕᖁᔨᙱᖦᖢᑎᒃ ᐃᒥᕐᓂᐊᕐᓗᒍ, ᓂᖅᖠᐅᕈᑎᒋᓂᐊᕐᓗᒍ, ᑐᓴᖅᑎᑕᐅᒃᑲᓐᓂᓚᐅᙱᓐᓂᖏᓐᓂ. ᑎᖅᑎᓯᒪᒐᓗᐊᖅᑎᓪᓗᒍ/ᖃᓛᖅᓯᒪᒐᓗᐊᖅᑎᓪᓗᒍ ᐃᒥᖅ, ᓴᓗᒻᒪᖅᓴᐅᑎᒃᑰᖅᓯᒪᒐᓗᐊᖅᑎᓪᓗᒍ ᓂᐅᕕᐊᒃᓴᕆᔭᐅᕙᒃᑐᓂᑦ ᓲᕐᓗ ᓱᕈᔾᔭᐃᒃᑯᑎᓖᑦ ᐃᒥᖃᐅᑏᓪᓗ ᓱᕈᔾᔭᐃᒃᑯᑎᓖᑦ ᐃᒪᑦᑎᐊᕙᓕᐅᕈᑎᒃᑰᖅᑐᑦ.

ᓇᔾᔨᔪᑦ/ᓯᖓᐃᔪᑦ, ᐃᓅᕋᑖᑦ ᓄᑕᕋᓛᓪᓗ ᐅᐊᓴᖅᑕᐅᔭᕆᐊᖃᙱᑦᑐᑦ ᐅᕕᓂᓐᓂᐊᕆᐊᖃᙱᑦᑐᑦ ᐃᒪᕐᒧᑦ ᑯᕕᑦᑕᖅᑐᒧᑦ. ᐃᒥᖅ ᑯᕕᑦᑕᖅᑐᒃᑰᖅᑐᖅ ᐊᑐᖅᑕᐅᔭᕆᐊᙱᑦᑐᖅ ᐃᒻᒧᓕᐅᕈᑎᒋᓗᒍ ᓄᑕᕋᕐᓄᑦ.

ᐃᒥᖅ ᑯᕕᑦᑕᖅᑐᒃᑰᖅᑐᖅ ᐊᑐᖅᑕᐅᔪᓐᓇᖅᑑᒐᓗᐊᖅ ᒪᑯᓄᖓ:

• ᐊᓐᓄᕌᓄᑦ ᐅᐊᓴᐅᑎᒋᓗᒍ.
• ᓴᓗᒻᒪᖅᓴᐃᔾᔪᑎᒋᓗᒍ.
• ᐅᕕᓂᓐᓂᐊᕈᑎᒋᓗᒍ (ᐃᒥᕐᕕᒋᑦᑕᐃᓕᓗᒍ)

ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᖃᑦᑕᕐᓂᐊᖅᐳᖅ ᐊᑐᐃᓐᓇᐅᓕᑐᐊᕌᖓᑕ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca