ᐃᖅᑲᐃᓯᒋᐊᕈᑎᑦ ᓇᒃᓴᖃᑦᑕᕆᐊᖃᕐᓂᖕᒧᑦ ᓇᓗᓇᐃᒃᑯᑕᕐᒥᑦ ᑲᐱᔭᐅᓯᒪᓂᖕᒧᑦ ᐊᐅᓪᓚᕐᓂᐊᕐᓗᓂ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᖅᑲᐃᓯᒋᐊᕈᑎᑦ ᓇᒃᓴᖃᑦᑕᕆᐊᖃᕐᓂᖕᒧᑦ ᓇᓗᓇᐃᒃᑯᑕᕐᒥᑦ ᑲᐱᔭᐅᓯᒪᓂᖕᒧᑦ ᐊᐅᓪᓚᕐᓂᐊᕐᓗᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᔪᒪᕗᑦ ᓄᓇᕗᒻᒥᐅᓂ ᖃᖓᑕᓲᕐᒧᐊᕐᓂᐊᕐᓗᓂ ᓄᓇᕗᒻᒧᙵᐅᔪᒧ, ᐊᐅᓪᓚᕐᓂᐊᕐᓗᓂ ᐃᖃᓗᖕᓂᑦ ᐅᕝᕙᓘᓐᓃᑦ ᐃᖃᓗᒃᑎᒎᕐᓂᐊᕐᓗᓂ, ᓇᓗᓇᐃᒃᑯᑕᖃᕆᐊᖃᕐᐳᑎᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᖃᕐᓂᖕᓂᑦ, ᐅᕝᕙᓘᓐᓃᑦ ᖃᐅᔨᓴᖅᑕᐅᔭᕆᐊᖃᕋᔭᕋᕕᑦ.

ᐅᑐᐱᕆ 30, 2021−ᒥ ᐱᒋᐊᕐᓗᒍ, ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ ᑕᑯᖅᑯᑎᖃᑦᑕᕆᐊᖃᓕᓛᖅᑐᖅ ᖃᖓᑕᓲᒃᑯᑦ ᐊᐅᓪᓚᕐᓗᓂ, ᐊᖅᑯᑎᑯᑖᒃᑯᑦ ᐊᒻᒪ ᐃᒫᒍᑦ ᐃᖏᕐᕋᓗᓂ ᑲᓇᑕᒥ, ᑕᒪᓐᓇ ᒪᓕᒃᑐᖅ ᐊᔭᐅᖅᑐᐃᔾᔪᑕᐅᓪᓗᓂᓗ ᑲᓇᑕᐅᑉ ᑲᐱᓯᒪᔭᕆᐊᖃᕐᓕᕆᔭᖏᓐᓂᒃ ᐊᐅᓪᓚᖃᑦᑕᕐᓂᐊᖅᑐᓕᒫᓂᒃ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒥᑦ.

ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᔭᕆᐊᓕᑦ ᐊᐅᓚᕐᐸᒃᑐᓕᒫᑦᐊᕐᕌᒍᓕᑦ 12 ᐅᖓᑖᓄᓪᓗ.

• ᖃᖓᑕᓲᒃᑯᑦ ᐊᐅᓪᓚᖅᐸᓪᓕᐊᔪᑦ ᓄᓇᓕᒡᔪᐊᑉ ᐃᓗᐊᓂ, ᑭᒡᓕᖃᕐᕕᐅᔪᑎᒍᑦ ᐊᖅᑯᓵᕐᓂᕐᒧᑦ ᐊᒻᒪ ᑲᓇᑕᐅᑉ ᓯᓚᑖᓄᑦ ᐊᐅᓪᓚᕐᓂᐊᖅᑐᓕᒫᑦ ᑲᓇᑕᐅᑉ ᒥᑦᑕᕐᕕᖏᓐᖔᖅᑐᑦ.
• ᐊᖅᑯᑎᑯᑖᒃᑯᑦ ᐃᑭᒪᖃᑦᑕᖅᑐᑦ ᐊᒻᒪ ᑲᓇᑕᐅᑉ ᐊᖅᑯᑎᑯᑖᖁᑖᒍᑦ ᕌᑭ ᒪᐅᓐᑎᓂᐅᒃᑯᑦ ᐃᑭᒪᕙᒃᑐᑦ.
• ᐅᒥᐊᒃᑯᑦ ᐃᑭᒪᓪᓗᑎᒃ ᐊᐅᓪᓚᖅᐸᓪᓕᐊᔪᑦ ᐱᔾᔪᑎᖃᓗᐊᙱᑦᑐᓂᒃ ᓲᕐᓗ ᐅᓯᔭᐅᓪᓗᑎᒃ, ᐳᓚᕋᖅᑐᓕᕆᔨᒃᑯᑦ ᐃᒥᐊᖅᔪᐊᖏᑎᒍᑦ, ᐃᒫᒍᑦ ᐃᖏᕐᕋᓂᐊᕈᑎᒃ 24 ᐃᑲᕐᕋᐃᑦ ᐅᖓᑖᓂ.

ᑖᓐᓇ ᓇᓗᓇᐃᒃᑯᑕᖅ ᐃᓚᖃᖅᑐᖅ ᐃᓅᑉ ᐊᑎᖓᓂᒃ, ᐃᓅᕝᕕᖓᑕ ᐅᓪᓗᐊᓂᒃ, ᑲᐱᔭᐅᓚᐅᖅᓯᒪᔪᐃᑦ ᓇᓕᖅᑲᖏᓐᓂᒃ ᐊᒻᒪᓗ ᖃᕆᓴᐅᔭᓄᑦ ᑕᐃᒍᐃᔾᔪᑎᒥᒃ ᓇᓗᓇᐃᒃᑯᑕᖅ ᐃᓕᓴᕆᔭᐅᔪᓐᓇᕐᓂᐊᕐᒪᑦ ᐅᖓᓯᒃᑑᒐᓗᐊᕐᓗᓂ. ᑖᓐᓇ ᓇᓗᓇᐃᒃᑯᑕᖅ ᐊᑭᖃᙱᑦᑐᖅ ᓄᓇᕗᒻᒥᐅᓄᑦ ᐃᓗᐊᓂᓗ ᖃᖓ ᓄᕙᒡᔪᐊᕇᒃᑯᑎᒥᒃ ᑲᐱᔭᐅᓚᐅᖅᓯᒪᓂᕆᔭᑎᑦ ᓄᓇᕗᒻᒦᑎᓪᓗᑎᑦ. ᑖᓐᓇ ᓇᓗᓇᐃᒃᑯᑕᖅ ᓄᓇᕗᒻᒥᐅᓂ ᐊᐅᓪᓚᕐᓂᐊᕐᑐᓂᑦ ᐱᔨᑦᑎᕋᕐᑕᐅᔭᕐᑐᕐᓗᑎᒃ ᐱᔪᓐᓇᕐᓂᕆᔭᐅᔪᒥᑦ ᓇᓗᓇᐃᒃᑯᑕᖃᕆᐊᓕᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓂᖕᒥᑦ.

ᓇᓗᓇᐃᒃᑯᑕᐃᑦ ᐱᔭᐅᔪᓐᓇᕐᑐᑦ ᐃᕐᖐᓐᓈᖅᑕᐅᑎᒃᑯᑦ vaccineexemptions@gov.nu.ca. ᐃᑭᐊᖅᑭᕕᖃᙱᒃᑯᕕᑦ, ᓇᓗᓇᐃᒃᑯᑕᐃᑦ ᐱᔪᓐᓇᕐᑕᐃᑦ ᐊᐃᓗᒍ ᐋᓐᓂᐊᕕᔅᓯᓐᓄᑦ, ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᐊᓂ ᐅᕝᕙᓘᓐᓃᑦ ᕿᑭᖅᑕᓂ ᐋᓐᓂᐊᕕᖕᒥᑦ.

ᑲᐱᔭᐅᓯᒪᙱᑦᑐᑦ, ᓇᓗᓇᐃᒃᑯᑕᖃᙱᑦᑐᓪᓘᓐᓃᑦ, ᖃᐅᔨᓴᖅᑕᐅᔭᕆᐊᖃᕐᐳᑦ ᓄᕙᒡᔪᐊᕐᓇᖅ-19−ᒧᑦ ᒥᑦᑕᕐᕕᖕᒥᑦ ᐃᑭᓚᐅᖅᑳᕋᑎᒃ. ᐃᑭᒪᔪᑦ ᓇᓕᐊᖕᓂᑦ ᓄᓇᕗᒻᒥᑦ ᓄᓇᓕᖕᓂᑦ ᐃᖃᓗᐃᑦ ᓯᓚᑖᓂ ᖃᐅᔨᓴᕆᐊᖃᙱᑦᑐᑦ.

ᑲᓇᑕᓕᒫᒥᑦ ᐊᑐᕆᐊᓕᑦ ᒪᓕᒋᐊᓕᓪᓗ ᐊᓯᔾᔨᕐᑕᕈᓐᓇᕐᑐᑦ. ᓄᓇᕗᒻᒥᐅᑦ ᐃᖅᑲᐃᑎᑕᐅᒋᕗᑦ ᖃᐅᔨᓴᖁᔭᐅᓪᓗᑎᒃ ᒐᕙᒪᑐᖃᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑭᒡᓕᖏᓐᓂᑦ ᓇᓗᓇᐃᒃᑯᑕᓪᓗ ᑲᐱᔭᐅᓯᒪᓂᖕᒧᑦ ᐊᐅᓪᓚᓚᐅᖅᑳᕋᑎᒃ.

• ᑐᓴᐅᒪᔭᒃᓴᑦ ᒐᕙᒪᑐᖃᒃᑯᓐᓂᑦ, ᐅᑭᐅᖅᑕᖅᑐᓂ ᐊᕕᒃᑐᕐᓯᒪᔪᓂᓪᓗ ᒪᓕᒃᑕᐅᔭᕆᐊᓕᑦ ᐊᐅᓪᓚᕐᓂᐊᕐᓗᓂ ᓇᓂᔭᐅᔪᓐᓇᕐᐳᑦ ᐅᕙᓂ https://travel.gc.ca/travel-covid/travel-restrictions/domestic-travel.
• ᑐᓴᐅᒪᔭᒃᓴᑦ ᐊᐅᓪᓚᕐᓂᖕᒧᑦ ᑭᒡᓕᖃᖅᑎᑕᐅᔪᑦ ᓄᓇᓕᖕᒥᐅᓄ ᐅᖓᓯᒃᑐᓂ ᓄᓇᓕᖕᓂᑦ ᐃᓚᐅᓪᓗᑎᒃ ᓄᓇᓕᓕᒫᑦ ᓄᓇᕗᒻᒥᑦ ᐃᖃᓗᐃᑦ ᐊᓯᐊᓂᑦ, ᓇᓂᔭᐅᔪᓐᓇᕐᐳᑦ ᐅᕙᓂ https://www.sac-isc.gc.ca/eng/1635354950168/1635354976951.

ᐱᔭᕆᐊᖃᕈᕕᑦ ᐃᑲᔪᖅᑕᐅᑲᐅᑎᒋᔭᕆᐊᖃᕐᓂᕐᒥᒃ ᖃᐅᔨᔭᐅᓇᓱᒍᑎᒥᒃ, ᐅᖃᓗᒃᕕᒋᓗᒍ ᓄᕙᒃᔪᐊᕐᓇᖅ-19 ᐅᖃᓘᑎᖓ ᐅᕗᖓ 1-833-524-0735 ᐊᑯᓐᓂᖏᓐᓂ 9 ᐅᓪᓛᒃᑯᑦ 5 ᐅᓐᓄᓴᒧᑦ.

ᑲᐴᑎᑦ ᓱᓕ ᐊᑐᐃᓐᓇᐅᓂᐊᖅᐳᑦ  ᓄᓇᕗᓕᒫᒥᑦ. ᐅᖃᓗᒃᓗᑎᒃ ᐋᓐᓂᐊᕕᔅᓯᓐᓄᑦ ᐃᓂᒃᓯᓕᐅᕐᓂᐊᕐᓗᑎᑦ ᓯᕗᓪᓕᕐᒧᑦ, ᐊᐃᑉᐸᖓᓄᑦ ᐱᖓᔪᖓᓐᓂᓪᓘᓐᓃᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒥᑦ. ᐃᖅᑲᐅᒪᓂᐊᕐᐳᑎᑦ, ᓄᕙᒡᔪᐊᕐᓇᖅ-19−ᒧᑦ ᑲᐴᑦ ᐊᑲᐅᓛᖑᖕᒪᑦ ᓴᐳᑎᓂᐊᕐᓗᑎᑦ ᐃᓕᖕᓂᑦ, ᐃᓚᑎᑦ ᓄᓇᖅᑲᑎᔅᓯᓐᓄᓪᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca