ᐃᓱᒪᓕᕆᓂᖅ ᐅᐃᕆᓯᒪᔪᓕᕆᓂᕐᓗ ᑮᓇᐅᔭᕐᓂᑦ ᑐᑦᓯᕋᕐᓂᕐᒧᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᓱᒪᓕᕆᓂᖅ ᐅᐃᕆᓯᒪᔪᓕᕆᓂᕐᓗ ᑮᓇᐅᔭᕐᓂᑦ ᑐᑦᓯᕋᕐᓂᕐᒧᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓱᓕᕆᓂᖅ ᐅᐃᕆᓯᒪᓂᓕᕆᓂᕐᓗ ᐱᓕᕆᕝᕕ ᑮᓇᐅᔭᖅᑖᕈᒪᔾᔪᑎᓂᒃ ᑐᑦᓯᕋᐅᑎᓂᒃ ᐱᔪᓐᓇᖅᓯᕗᑦ ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐱᓕᕆᐊᖑᔪᒪᔪᓂᑦ 2021-2022−ᒧᑦ ᑮᓇᐅᔭᓕᕆᓂᕐᒧᑦ ᐊᕐᕌᒍ.

ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑲᑐᔾᔨᖃᑎᒌᑦ ᓄᓇᓕᖕᓂᒡᓗ ᒐᕙᒪᐃᑦ ᓄᓇᕗᒻᒥ ᑲᔪᖏᖅᓴᐃᕗᑦ ᑐᓂᓯᖁᔨᓪᓗᑎᒃ ᑮᓇᐅᔭᕐᓂᒃ ᑐᒃᓯᕋᐅᑎᓂᒃ ᓄᓇᓕᖕᓂᙶᖅᑐᓂᒃ ᐱᓕᕆᐊᑦᓴᓂ ᐊᑲᐅᖏᓪᓕᐅᕈᓴᐅᔪᓄᑦ ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐅᐃᕆᓯᒪᓂᖃᕐᓂᕐᒧᓪᓗ ᓄᖅᑲᖓᑎᑦᓯᓂᕐᒥᑦ, ᐃᓅᓕᓴᖅᑕᐅᓂᕐᒧᑦ, ᐋᓐᓂᖅᑎᕆᖃᑦᑕᕐᓂᕐᒥᑦ ᒥᑭᓪᓕᕚᓪᓕᑎᑦᓯᓇᓱᐊᕐᓂᕐᒧᑦ ᑭᖑᓂᖓᒍᓪᓗ ᑲᒪᒋᔭᐅᓯᒪᓕᖅᑎᓪᓗᒋᑦ ᐱᓕᕆᐊᖑᔪᓄᑦ.

ᓱᓕᕆᓂᐅᔪᑦ ᐱᔪᓐᓇᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ, ᑭᓯᐊᓂ ᑭᓪᓕᖃᖏᑦᑐᑦ ᐅᑯᓄᖓ:

• ᒪᒃᑯᑦᑐᓄ ᓱᕐᕋᓇᖅᑐᓂ ᐊᑐᖃᑦᑕᓂᕐᒧᑦ ᓄᖅᑲᖓᑎᑦᓯᓂᕐᒥᑦ.
• ᓱᕐᕋᓇᖅᑐᓂ ᐊᑐᖃᑦᑕᕐᓂᕐᒧᑦ ᐃᓅᓯᓕᕆᔭᐅᓂᕐᒧᑦ ᑭᒃᑯᑐᐃᓐᓇᕐᓄᑦ ᐃᓚᒌᓄᓪᓗ.
• ᐃᓕᖅᑯᓯᑐᖃᖅᑎᒍᑦ ᐱᓕᕆᐊᖑᔪᑦ ᑐᕌᒐᖃᖅᑐᑦ ᐃᓄᓐᓄ ᐅᓗᕆᐊᓇᖅᑐᒦᑦᑐᓄᑦ ᐊᑐᖃᑦᑕᕐᓂᕐᒥᓄᑦ ᐊᑲᐅᙱᓕᐅᕈᑎᖑᖅᑐᓄᑦ.
• ᐋᖅᑭᒃᐸᓪᓕᐊᔪᓄᑦ ᑲᑎᙵᔪᓄᑦ.
• ᐋᓐᓂᑎᖅᕆᓂᕐᒥᑦ ᒥᑭᓪᓕᕚᓪᓕᑎᑦᓯᓇᓱᐊᕐᓂᕐᒧᑦ ᐱᓕᕆᐊᖑᔪᖅ.
• ᐊᑭᑐᔫᑎᓂᒃ ᐱᕙᒌᔭᕐᓂᖅ.
• ᐊᓯᖏᓐᓂᓪᓗ ᐃᓱᒪᑦᓴᖅᓯᐅᕈᓐᓇᑦᓯᐊᕐᓂᕐᒧᑦ ᐅᐃᕆᓯᒪᓂᕐᒧᑦ ᐃᓗᐊᖅᓴᐅᑎᓄᑦ ᐱᓕᕆᐊᖑᔪᑦ.

ᐊᑕᐅᓯᕐᒥᑦ ᑐᑦᓯᕋᕐᓂᖅ ᐅᓄᖅᑐᓄᑦ ᐱᔪᓐᓇᑐᐃᓐᓇᕆᐊᓕᓐᓂᑦ ᑲᔪᖏᖅᓴᐃᕗᑦ ᒪᓕᓪᓗᒋᑦ ᓄᓇᓕᓐᓂᑦ ᐱᔭᕆᐊᖃᖅᑐᑦ. ᑐᑦᓯᕋᐅᑎᑦ ᐃᓱᓕᕝᕕᖃᙱᑐᑦ ᑐᓂᓯᔪᓐᓇᕈᑎᓪᓗ ᐱᔭᐅᓇᔭᖅᑐᑦ ᐊᕐᕌᒍᓕᒫᖏᓐᓂ 2021−2022-ᒧᑦ ᑮᓇᔭᐅᓕᕆᓂᕐᒧᑦ ᐊᕐᕌᒍ, ᑮᓇᐅᔭᖅᑖᕆᔭᐅᒋᐊᖃᖅᑐᑦ ᓈᒻᒪᒃᓯᒃᐸᑕ ᑭᓯᐊᓂ. ᑐᑭᓯᒋᐊᑲᓐᓂᕈᒪᒍᕕᑦ ᐱᓇᓱᐊᕈᒪᒍᕕᓪᓘᓐᓃᑦ, ᖃᐅᔨᒃᑲᕐᓗᒍ ᕋᐃᑦᓱ ᕼᐋᓕᖕᓴᑦ, ᐃᓱᒪᓕᕆᓂᕐᒧᑦ ᖃᐅᔨᒪᔨᑕᖅ, ᐅᕙᓂ rhollingshead@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca