ᐅᖃᓚᐅᑎᓯᐅᑏᑦ

You are here

ᑲᓇᑕᒥᐅᑦ ᐋᓐᓂᐊᕕᓕᐊᕐᐸᒃᑯᓄᑦ ᐊᑦᑕᕐᓇᖅᑐᒦᑎᑦᑎᑕᐃᓕᓂᖕᒧᑦ ᐱᓇᓱᐊᕈᓯᖓ 2021

ᐊᒃᑐᐸ 27, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑲᓇᑕᒥᐅᑦ ᐋᓐᓂᐊᕕᓕᐊᕐᐸᒃᑯᓄᑦ ᐊᑦᑕᕐᓇᖅᑐᒦᑎᑦᑎᑕᐃᓕᓂᖕᒧᑦ ᐱᓇᓱᐊᕈᓯᖓ 2021

ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᑲᔪᖏᖅᓴᐃᕗᑦ ᓄᓇᕗᒻᒥᐅᓂᑦ ᐃᓚᐅᖃᑕᐅᖁᔨᓪᓗᑎᒃ ᐃᖃᓗᐃᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᖏᓐᓂᑦ ᑲᓇᑕᒥᑦ ᐋᓐᓂᐊᕕᓕᐊᖅᐸᒃᑐᑦ ᐊᑦᑕᖕᓇᖅᑕᐃᓕᒪᓂᖕᒧᑦ ᐱᓇᓱᐊᕈᓯᐊᓂᑦ ᐅᑐᐱᕆ 25-29, 2021.

ᐃᖃᓗᐃᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐱᕚᓪᓕᕐᑎᑦᑎᓯᒪᔪᑦ ᐊᑐᕐᖢᑎᒃᓗ ᐋᓐᓂᐊᕕᓕᐊᕐᐸᒃᑐᑦ ᖃᓄᐃᙱᑦᑎᐊᕐᓂᖏᓐᓂᑦ ᑲᒪᒋᔭᐅᓂᖏᓐᓄᓪᓗ ᑕᒪᑐᒪᓂ ᐊᕐᕌᒍᒥ ᐱᔾᔪᑎᐊ "ᑭᓇ ᖃᐅᔨᒪᕙ? ᐱᔭᕆᐊᖃᓪᓚᕆᒃᑐᑦ ᐸᖅᑭᔨᐅᖃᑎᒌᑦ.” ᐱᔭᕆᐊᖃᓪᓚᕆᑦᑐᑦ ᐸᖅᑭᔨᐅᖃᑎᒌᑦ ᐃᓅᔪᖅ ᐱᒻᒪᕆᐅᓪᓗᓂ ᐋᓐᓂᐊᕐᑕᐅᓕᒪᓂᖕᒧᑦ, ᖃᓄᐃᙱᑦᑎᐊᕐᓂᖕᒧᑦ ᐊᑦᑕᖕᓇᖅᑐᒦᙱᓐᓂᖏᓐᓄᓪᓗ ᐃᓄᐃᑦ ᐋᓐᓂᐊᖅᑕᐃᓕᒪᓂᖏᓐᓂᑦ. ᐱᕐᔪᐊᖑᓪᓗᑎᒃ ᐃᓚᒋᔭᐅᓪᓗᑎᒃ ᐋᓐᓂᐊᖅᑕᐃᓕᒪᔪᓕᕆᔨᐅᖃᑎᒌᓄᑦ, ᐱᔭᕆᐊᖃᓪᓚᕆᒃᑐᑦ ᐸᖅᑭᔨᐅᖃᑎᒌᑦ ᐃᓚᒋᔭᐅᒐᔪᒃᑐᑦ ᐱᖃᓐᓇᕆᔭᓪᓘᓐᓃᑦ ᐃᑲᔪᕐᓯᒪᐃᓐᓇᕐᑐᑦ ᓇᒡᓕᒋᔭᒥᓂᒃ. ᐃᓚᐅᑎᓪᓗᒋᑦ ᑕᑎᒋᔭᐅᔪᖅ, ᖃᐅᔨᒪᔭᖅ ᖃᐅᔨᒪᔪᖅ ᐃᓅᑉ ᒥᒃᓵᓄᑦ ᐃᓚᒌᓪᓘᓐᓃᑦ ᐋᓐᓂᐊᕐᐸᓚᐅᕐᑕᖏᓐᓂᑦ, ᐃᓅᓯᖏᓐᓂᑦ ᐱᒻᒪᕆᒋᔭᖏᓪᓗ, ᐃᑲᔫᑎᔪᓐᓇᕐᑐᑦ ᖃᓄᐃᑦᑐᓐᓃᕐᐸᓪᓕᐊᓂᖓᓄᑦ.

ᑕᑯᒋᐊᕐᐸᖕᓂᐊᕐᐳᑎ ᓄᓇᔅᓯᓐᓂᑦ ᐃᓅᖃᑎᒌᓄᑦ ᑐᓴᐅᒪᔾᔪᑎᖏᑎᒍᑦ ᓈᓚᐅᑎᓂᓪᓗ ᑐᓴᕋᓱᒃᓗᑎᒃ ᖃᓄᖅ ᐃᑲᔪᕈᓐᓇᕐᒪᖔᑦ ᓇᒡᓕᒋᔭᐃᑦ, ᐱᔭᕆᐊᖃᓪᓚᕆᑦᑐᑦ ᐸᖅᑭᔨᐅᖃᑎᒌᖃᑕᐅᒋᑦ ᐃᑲᔪᕐᓗᑎᓪᓗ ᐃᖃᓗᐃᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᖏᓐᓂᑦ ᐋᓐᓂᐊᕕᓕᐊᕐᐸᒃᑐᓂᑦ ᐊᑦᑕᕐᓇᕐᑐᒦᖁᓇᒋᑦ.

ᐋᓐᓂᖃᖕᓇᙱᑦᑐᓕᕆᔨᒃᑯᑦ ᓂᕆᐅᒃᑐᑦ ᖁᕕᐊᓲᑎᖃᖕᓂᖕᒥᑦ ᑲᓇᑕᒥᑦ ᐋᓐᓂᐊᕕᓕᐊᖅᐸᒃᑐᓄᑦ ᐊᑦᑕᖕᓇᖅᑕᐃᓕᒪᓂᖕᒧᑦ ᐱᓇᓱᐊᕈᓯᐊᓂᑦ ᐋᓐᓂᐊᕕᓕᐊᖅᐸᒃᑐᓕᒫᓂᑦ, ᐃᖅᑲᓇᐃᔭᖅᑎᓂᑦ ᓄᓇᓕᖕᒥᐅᓂᒡᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca