ᐅᖃᓚᐅᑎᓯᐅᑏᑦ

You are here

ᑲᐱᔭᐅᕌᓂᒃᓯᒪᓕᖅᑐᓄᑦ ᑕᒪᒃᑮᓐᓄᑦ ᐋᓐᓂᐊᓕᕇᒃᑯᑎᒧᑦ ᐊᐅᓪᓚᖅᑐᑦ ᐃᓄᑐᐊᒃᑯᕕᒻᒦᒋᐊᖃᕈᓐᓃᖅᑐᑦ

ᔫᓂ 07, 2021

ᐱᕙᓪᓕᐊᔪᑦ ᓴᖅᑭᑕᑦ

ᑲᐱᔭᐅᕌᓂᒃᓯᒪᓕᖅᑐᓄᑦ ᑕᒪᒃᑮᓐᓄᑦ ᐋᓐᓂᐊᓕᕇᒃᑯᑎᒧᑦ ᐊᐅᓪᓚᖅᑐᑦ ᐃᓄᑐᐊᒃᑯᕕᒻᒦᒋᐊᖃᕈᓐᓃᖅᑐᑦ

ᐃᖃᓗᐃᑦ, ᓄᓇᕗᑦ (ᔫᓂ 7, 2021) − ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᓘᒃᑖᖅ. ᒪᐃᑯ ᐹᑐᓴᓐ, ᐅᓪᓗᒥ ᑐᓴᖅᑎᑦᑎᕗᖅ ᐱᒋᐊᕐᓗᓂ ᔫᓂ 14ᒥ, ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᔪᑦ ᑕᒪᒃᑮᓐᓄ ᐃᓄᑐᐊᒃᑯᕕᒻᒦᖃᑦᑕᕆᐊᖃᔾᔮᒍᓐᓃᖅᑐᑦ ᓄᓇᕗᒻᒨᓚᐅᙱᓐᓂᖏᓐᓂᑦ ᓄᓇᕗᒻᒦᓕᖅᑎᓪᓗᒋᓪᓗ. ᑖᒃᑯᐊ ᑲᐱᔭᐅᓯᒪᓕᖅᑐᑦ ᑕᒪᒃᑮᓐᓂᒃ ᐊᖓᔪᖄᕆᔭᐅᔪᑦ ᐊᐅᓪᓚᖃᑎᖃᖅᐸᑕ ᑲᐱᔭᐅᓯᒪᙱᑦᑐᓂᑦ ᕿᑐᕐᖓᓐᓂᑦ ᓱᓕ ᐃᓄᐊᖑᔭᕆᐊᖃᖃᑦᑕᕐᓂᐊᖅᑐᑦ.

"ᒫᓐᓇ ᖃᐅᔨᔾᔪᑕᐅᓯᒪᓕᖅᑐᓂᑦ ᑕᑯᔅᓴᐅᑎᑦᑎᒻᒪᑦ ᑖᒃᑯᐊ ᑲᐱᔭᐅᓯᒪᔪᑦ ᐋᓐᓂᐊᓕᕇᒃᑯᑎᒧᑦ ᐃᓄᐃᑦ ᐊᐃᑦᑐᖅᑕᐅᖃᑦᑕᙱᓐᓂᖅᓴᐅᒻᒪᑕ ᐊᒻᒪᓗ ᐅᐃᑦᑐᕐᓗᐃᖏᓐᓂᖅᓴᐅᓪᓗᑎᓪᓗ ᐋᓐᓂᐊᓕᕐᓇᖅᑐᒥᑦ, ᐊᒻᒪᓗ ᐅᑉᐱᕈᓱᑦᑎᐊᖅᐳᒍ ᑖᒃᑯᐊ ᐃᓄᑑᐊᒃᑯᕕᒻᒦᖏᒃᑲᓗᐊᖅᑎᓪᓗᒋᑦ ᐅᓗᕆᐊᓇᖅᑐᒦᑎᑦᑎᓗᐊᙱᓂᖅᓴᐅᒻᒪᑕ ᓄᕙᕐᔪᐊᕐᓇᖅ-19ᒧᑦ ᓄᓇᕗᒻᒨᖅᑎᑎᔾᔮᖏᓂᖅᓴᐅᒻᒪᑕ," ᐅᖃᖅᑐᖅ ᓗᑦᑖᖅ. ᐹᑐᓴᓐ. "ᑕᒪᓐᓇ ᐱᓗᐊᕈᓐᓃᖅᑎᑕᐅᒃᑲᓐᓂᖁᓪᓗᒍ ᐅᓗᕆᐊᓇᖅᑐᒦᓐᓂᕆᔭᐅᔪᖅ ᐱᑖᖅᑎᑦᑎᓂᕐᒥᑦ ᒫᓐᓇᒃᑯᑦ, ᐊᐅᓪᓚᖃᑎᖃᖅᑐᓄᑦ ᑲᐱᔭᐅᓯᒪᙱᑦᑐᓄᑦ ᐋᓐᓂᐊᓕᕇᒃᑯᑎᒥᑦ ᐃᓄᓐᓂᑦ ᓱᓕ ᐃᓄᑐᐊᒃᑯᕕᒻᒦᖃᑦᑕᕆᐊᖃᕐᓂᐊᖅᑐᑦ ᓄᓇᕗᒻᒨᓚᐅᙱᓐᓂᖏᓐᓂᑦ."

ᐃᓄᐃᑦ ᑲᐱᔭᐅᓯᒪᔪᑦ ᑕᒪᒃᑮᓐᓂᒃ ᐋᓐᓂᐊᓕᕇᒃᑯᑎᖃᓕᖅᑐᑦ ᒪᕐᕉᒃ ᐱᓇᓱᐊᕈᓰᒃ ᓈᓯᒪᓕᖅᑎᓪᓗᒋᒃ ᑲᐱᔭᐅᓚᐅᖅᑎᓪᓗᒋᑦ ᑕᒪᒃᑮᓐᓂᒃ ᓇᓪᓕᐊᓐᓂᑐᐃᓐᓇᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᖏᖅᑕᐅᓯᒪᔪᒥᑦ ᓄᕙᒡᔪᐊᕐᓇᖅ-19ᒧᑦ ᐋᓐᓂᐊᓕᕇᒃᑯᑎᒥ. ᑖᒃᑯᐊ ᐃᓄᐃᑦ ᐋᓐᓂᐊᓕᕇᒃᑯᑎᖃᓕᖅᑐᑦ ᐃᓄᑑᖅᑳᕆᐊᖃᖃᑦᑕᔾᔮᕈᓐᓃᖅᑐᑦ ᑭᓯᐊᓂ ᓱᓕ ᒪᓕᖃᑦᑕᕆᐊᖃᕐᓂᖅᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒐᖏᓐᓂᑦ ᓄᓇᕗᒻᒥ.

"ᓄᓇᕗᒻᒥᐅᑦ ᐊᔅᓱᕈᖅᑐᑎᑦ ᐱᓕᕆᓯᒪᔪᑦ ᒪᓕᒋᐊᓕᓐᓂᑦ ᒪᓕᑐᑎᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒐᖏᓐᓂᑦ, ᐊᒻᒪᓗ ᓄᕙᕐᔪᐊᕐᓇᖅᑐᒧᑦ ᐋᓐᓂᐊᓕᕇᒃᑯᑎᖃᓕᕐᓂᖏᓐᓂᑦ ᑖᒃᑯᐊ ᓴᐳᔾᔭᐅᒋᐊᒃᑲᓐᓂᖅᓯᒪᓕᕐᒪᑕ ᑕᕝᕙ ᑖᔅᓱᒥᖓ ᑲᔪᓯᑎᑦᑎᔪᓐᓇᖅᓯᕗᒍᑦ," ᐅᖃᖅᑐᖅ ᓯᕗᓕᖅᑎ ᔫ ᓴᕕᑲᑖᖅ. "ᖁᕕᐊᓱᑦᑎᐊᖅᐳᖓ ᑖᔅᓱᒥᖓ ᐊᑐᕈᓐᓇᖅᓯᒐᑦᑕ ᐊᐃᑉᐸᖓᓐᓄᑦ ᖃᓄᐃᑉᐸᓪᓕᐊᓂᔅᓴᕆᓯᒪᔭᑦᑎᓐᓄᑦ ᓄᕙᕐᔪᐊᖅᑐᖃᓕᖅᑐᒥᑦ ᐃᓅᑎᓪᓗᑕ, ᐊᒻᒪᓗ ᑲᔪᖏᖅᓴᐃᕗᖓ ᑖᒃᑯᐊ ᑕᒪᕐᒥᒃ ᐊᔪᙱᑦᑐᑦ ᓄᓇᕗᒻᒥᐅᑦ ᑲᐱᔭᐅᖃᑕᐅᖁᓪᓗᒋᑦ ᐋᓐᓂᐊᓕᕇᒃᑯᑎᓂᑦ ᓱᓕ ᐱᓚᐅᕐᓂᖏᑉᐸᑕ."

ᑖᒃᑯᐊ ᐃᓄᐃᑦ ᑲᐱᔭᐅᓯᒪᔪᑦ ᐋᓐᓂᐊᓕᕇᒃᑯᑎᖃᓕᖅᑐᑦ ᑐᔅᓯᕋᕈᓐᓇᓕᖅᑐᑦ ᐃᓄᑐᐊᒃᑯᕕᒻᒦᒍᒪᙱᓪᓗᑎᑦ ᑖᒃᑯᐊ ᐋᓐᓂᐊᓕᕇᒃᑯᑎᖃᕐᓂᕐᒧᑦ ᐃᓄᑐᐊᒃᑯᕕᒻᒦᙱᒍᓐᓇᖅᓯᓂᖏᓐᓄᑦ ᑐᓂᓗᒍ ᑐᔅᓯᕋᐅᑏᑦ ᐅᕗᖓ vaccineexemptions@gov.nu.ca.. ᐊᖏᖅᑕᐅᔪᑦ ᐊᐅᓪᓚᕐᓂᐊᖅᑐᑦ ᑐᓂᔭᐅᓂᐊᖅᑐᑦ ᐊᐅᓪᓚᕈᓐᓇᐅᑎᒥᑦ ᑎᑎᖅᑲᒥᑦ ᐱᔭᕆᐊᖃᕐᒪᑦ ᐃᑭᑎᑕᐅᔪᓐᓇᖁᓪᓗᒍ ᓇᓪᓕᐊᓐᓄᑐᐃᓐᓇᖅ ᖃᖓᑕᓲᒧᑦ ᓄᓇᕗᒻᒨᖅᑐᒧᑦ.

ᓄᓇᕗᒻᒥᐅᑦ ᐊᖏᕈᑎᖃᕆᐊᓖᑦ ᑲᐱᔭᐅᓯᒪᓂᕐᒥᓄᑦ ᓇᓗᓇᐃᖅᓯᔾᔪᑎᒥᒃ ᖃᓄᐃᓕᖓᒻᒪᖔᖅ ᑐᔅᓯᕋᐅᑎᒋᔭᕐᒥᓄᑦ ᐃᓄᑐᐊᒃᑯᕕᒻᒦᒍᒪᖏᔾᔪᑎᒧᑦ. ᓄᓇᕗᒻᒥᐅᑕᐅᙱᑦᑐᑦ ᑕᑯᑎᑦᑎᔭᕆᐊᓖᑦ ᑎᑎᖅᑲᓕᐊᖑᓯᒪᔪᒥᑦ ᒐᕙᒪᒃᑯᓐᓄᑦ ᓇᓗᓇᐃᖅᓯᔾᔪᑎᓂᒥᑦ ᑲᐱᔭᐅᓯᒪᓂᖓᓂᑦ ᖃᓄᐃᓕᖓᒻᒪᖔᖅ. ᐋᓐᓂᐊᓕᕇᒃᑯᑎᑖᖅᓯᒪᓕᖅᑐᑦ ᐊᐅᓪᓚᖅᑐᑦ ᓇᓪᓕᐊᓐᓂᑐᐃᓐᓈᖅᑐᑦ .

ᓄᓇᕗᑦ ᒐᕙᒪᒃᑯᓐᓄᑦ ᑐᔪᕐᒥᕕᐅᑎᑕᐅᔪᓂᑦ ᖃᓪᓗᓈᓂ ᐃᓄᑐᐊᒃᑯᕕᐅᔪᓂᑦ ᑖᔅᓱᒥᖓ ᑐᔅᓯᕋᖃᑕᐅᔪᓐᓇᖅᑐᑦ ᐊᐅᓪᓚᖅᑎᑕᐅᓴᕋᐃᒍᒪᓗᑎᑦ.

ᑲᐱᔭᐅᕕᑦ ᐅᒃᑯᐃᖓᐃᓐᓇᕐᓗᑎᒃ ᓄᓇᕗᒻᒥᑦ. ᐅᖃᓗᒋᑦ ᐋᓐᓂᐊᕐᕕᔅᓯᓐᓄ ᐃᓂᒃᓴᓕᐅᕐᓂᕐᒧᑦ. ᐋᓐᓂᐊᓕᕇᒃᑯᑎ ᐊᑦᑕᕐᓇᖏᑦᑐᖅ ᓴᐳᔾᔭᐅᔾᔪᑎᐅᒻᒪᑦ ᐊᐃᑦᑐᕐᓗᓐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ.

ᑐᑭᓯᒋᐊᒃᑲᓂᕈᒪᒍᕕᑦ ᑐᔅᓯᕋᐅᑎᐅᑉ ᒥᔅᓵᓄᑦ ᐃᓄᑐᐊᒃᑯᕕᒻᒦᒍᒪᖏᔾᔪᑎᒥᑦ, ᐅᕗᙵᕐᓗᑎᑦ: https://gov.nu.ca/iu/aanniaqangnanngittulirijikku/information/aullaqatta...

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca