ᐅᖃᓚᐅᑎᓯᐅᑏᑦ

You are here

ᑲᑎᒪᔨᔅᓴᓂᑦ ᕿᓂᖅᑐᑦ ᓘᑦᑖᓂᑦ ᐋᓐᓂᐊᓯᐅᖅᑎᒻᒪᕆᐅᓂᕐᒧᑦ ᐱᖁᔭᖓᑎᒍᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ

ᓄᕕᐱᕆ 24, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᑲᑎᒪᔨᔅᓴᓂᑦ ᕿᓂᖅᑐᑦ ᓘᑦᑖᓂᑦ ᐋᓐᓂᐊᓯᐅᖅᑎᒻᒪᕆᐅᓂᕐᒧᑦ ᐱᖁᔭᖓᑎᒍᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᕿᓂᖅᑐᑦ ᐱᔪᒪᓂᖃᑦᑎᐊᖅᑐᓂᑦ ᓘᑦᑖᓂᑦ, ᓄᓇᕗᒻᒥ ᓚᐃᓴᖃᕐᓗᑎᑦ, ᑲᑎᒪᔨᐅᖃᑕᐅᒐᔭᖅᑐᓂᑦ ᑖᒃᑯᓄᖓ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔩᑦ ᑲᑎᒪᔨᖏᓐᓄᑦ ᐊᕐᕌᒎᓐᓄ ᒪᕐᕉᓐᓄ ᑲᑎᒪᔨᐅᖃᑕᐅᒐᔭᖅᑐᑦ.

ᑖᒃᑯᐊ ᑲᑎᒪᔩᑦ ᐱᓕᕆᐊᔅᓴᖃᖅᑐᑦ ᐋᓐᓂᐊᓯᐅᖅᑎᒻᒪᕆᐅᓂᕐᒧᑦ ᐱᖁᔭᕐᒧᑦ ᕿᒥᕐᕈᔨᐅᓪᓗᑎᑦ ᑐᓂᔭᐅᔪᓂᑦ ᐊᒻᒪᓗ ᓇᓗᓇᐃᕈᑎᒃᓴᑦ ᐱᔾᔪᑎᖃᖅᑐᑦ ᑕᒪᒃᑯᓄᖓ ᐸᓯᑦᑎᓯᒪᔾᔪᑕᐅᔪᓂᑦ ᓘᑦᑖᓄᑦ ᓚᐃᓴᖃᖅᑎᐅᔪᓄᑦ ᓄᓇᕗᒻᒥ.

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᐃᒻᒥᒃᑰᖅᑐᖅ ᐊᒻᒪᓗ ᓈᓚᓐᓂᖃᓲᖑᓪᓗᑎᑦ ᑭᐅᓪᓕᐹᕐᒧᑦ ᑎᑭᐅᑎᔪᓐᓇᖁᓪᓗᒋᑦ ᐃᓱᒪᓕᐅᕈᑎᖃᓕᖅᑎᓪᓗᒋᑦ ᑐᙵᕕᖃᕐᓗᑎᑦ ᓇᓗᓇᐃᕈᑎᑕᐅᔪᓂᑦ ᑐᓂᔭᐅᓯᒪᔪᓂᑦ. ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᑲᑎᒪᖃᑦᑕᕆᐊᖃᑐᐃᓐᓇᕆᐊᓖᑦ ᐊᒥᓱᖅᐃᖅᓱᕐᓗᑎᑦ ᐱᒋᐊᕐᖓᐅᑎᒥᑦ ᑖᒃᑯᐊ ᐱᒋᐊᖅᑎᑦᑎᔪᓐᓇᖁᓪᓗᒋᑦ ᒪᓕᒐᖅᑎᒍᑦ ᐋᖅᑭᔅᓯᒪᔭᕆᐊᓕᓐᓂᑦ ᐊᒻᒪᓗ ᐱᒋᐊᕐᖓᐅᑎᓂᑦ ᐱᓕᕆᐊᖑᔭᕆᐊᓕᓐᓂᑦ. ᑖᒃᑯᐊ ᑲᑎᒪᔩᑦ ᑲᑎᒪᔨᖏᑦ ᐊᔾᔨᒌᙱᕈᓘᔭᕐᓃᑦ ᐊᔪᙱᑕᖃᐅᖅᑐᑦ, ᐃᖅᑲᓇᐃᔮᖃᖅᓯᒪᓂᖃᖅᑎᓪᓗ ᐊᒻᒪᓗ ᖃᓄᐃᓕᐅᖃᑦᑕᖅᓯᒪᓂᖃᖅᑐᑦ ᐃᓚᓕᐅᑎᓪᓗᑎᑦ ᑖᒃᑯᐊ ᓴᙱᔫᔾᔪᑎᒋᔭᐅᓪᓗᑎᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᐅᔪᓄᑦ.

ᑖᒃᑯᐊ ᐱᓇᓱᐊᖃᑕᐅᔪᒪᓂᐊᖅᑐᑦ ᑖᔅᓱᒧᖓ ᐱᕕᔅᓴᖃᖅᑎᑕᐅᓂᐅᔪᒧᑦ, ᐃᖅᑲᓇᐃᔮᕆᓯᒪᔭᑎᑦ ᑎᑎᕋᖅᓯᒪᔪᑦ ᐊᒻᒪᓗ ᑎᑎᖅᑲᓕᐅᖅᓯᒪᔪᒥᑦ ᐱᖃᑕᐅᔪᒪᓂᕐᒧᑦ ᑐᓂᓗᒋᑦ ᒪᑐᕕᔅᓴᖅᑐᖅ ᐅᓪᓗᖓᓐᓂ ᑏᓯᐱᕆ 15, 2021ᒥ ᑖᔅᓱᒧᖓ ᑐᓂᓗᒍ ᕚᕝᕗᓚ ᕼᐋᕕ, ᐅᕗᖓ bharvey@gov.nu.ca ᐊᐱᖅᑯᑎᔅᓴᓄᓪᓘᓐᓃᑦ ᐅᖄᓚᓗᑎᑦ 867-982-7655. ᐱᓇᓱᐊᕈᒪᔪᑦ ᐊᑎᖏᑦ ᑲᑎᑕᐅᓂᐊᖅᑐᑦ ᐊᒻᒪᓗ ᐱᓯᒪᔭᐅᓗᑎᑦ ᓯᕗᓂᔅᓴᑎᓐᓂᑦ ᑖᒃᑯᐊ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᑲᑎᒪᔨᔅᓴᓂᑦ ᑭᙴᒪᑦᑎᓕᕐᓂᖅᐸᑕ ᐊᑐᐃᓐᓇᕆᔭᐅᓛᕐᒪᑕ.

ᐱᖁᔭᐅᑉ ᑎᑎᕋᖅᓯᒪᓂᖏᑦ ᑐᓂᔭᐅᔪᓐᓇᖅᑐᑦ ᑐᔅᓯᕋᖅᑐᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca