ᐅᖃᓚᐅᑎᓯᐅᑏᑦ

You are here

ᑭᒃᑯᑐᐃᓐᓇᕐᓄᑦ ᐃᓚᒋᔭᐅᔪᑦ ᑲᑎᒪᔨᒃᒪᓕ ᑐᑭᓯᓇᓱᖕᓂᖕᒧᑦ

ᓄᕕᐱᕆ 24, 2021

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᑭᒃᑯᑐᐃᓐᓇᕐᓄᑦ ᐃᓚᒋᔭᐅᔪᑦ ᑲᑎᒪᔨᒃᒪᓕ ᑐᑭᓯᓇᓱᖕᓂᖕᒧᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᓂᕐᒪᑕ ᐃᓄᖕᓂᑦ ᑲᑎᒪᔨᐅᔪᒪᓇᔭᕐᑐᓂᑦ ᓯᕗᓂᒃᓴᓂ ᑲᑎᒪᔨᓂᑦ ᑐᑭᓯᓇᓱᖕᓂᖕᒧᑦ ᐱᔭᕆᐊᓕᑦ ᐊᒥᓱᓂ ᐋᓐᓂᐊᓯᐅᓕᑎᓕᕆᔨᒻᒪᕆᖕᓄᑦ ᐱᖁᔭᖓᓂ ᓄᓇᕗᒻᒥᑦ.

ᐱᓕᕆᐊᒃᓴᖏᑦ ᑲᑎᒪᔨᑦ ᑐᑭᓯᓇᓱᖕᓂᖕᒧᑦ ᕿᒥᕐᕈᓂᐊᕐᓗᑎᒃ ᓇᒃᓯᐅᔾᔭᓂ ᓴᖅᑭᑕᐅᓯᒪᔪᓂᓪᓗ ᐸᓯᓯᔾᔪᑕᐅᔪᓂ ᑎᑎᕋᕐᑕᐅᓯᒪᔪᓄᑦ ᐋᓐᓂᐊᓯᐅᑎᒻᒪᕆᖕᓄ ᓄᓇᕗᒻᒥᑦ.

ᕿᒥᕐᕈᔩᑦ ᑲᑎᒪᔨᖏᑦ ᐃᒻᒥᒃᑰᖅᑐᖅ ᐊᒻᒪᓗ ᓈᓚᓐᓂᖃᓲᖑᓪᓗᑎᑦ ᑭᖑᓪᓕᐹᕐᒧᑦ ᑎᑭᐅᑎᔪᓐᓇᖁᓪᓗᒋᑦ ᐃᓱᒪᓕᐅᕈᑎᖃᓕᖅᑎᓪᓗᒋᑦ ᑐᙵᕕᖃᕐᓗᑎᑦ ᓇᓗᓇᐃᕈᑎᑕᐅᔪᓂᑦ ᑐᓂᔭᐅᓯᒪᔪᓂᑦ. ᑲᑎᒪᔨᖏᑦ ᐊᒥᓱᖅᐃᖅᓱᕐᓗᑎᑦ ᐱᒋᐊᕐᖓᐅᑎᒥᑦ ᑖᒃᑯᐊ ᐱᒋᐊᖅᑎᑦᑎᔪᓐᓇᖁᓪᓗᒋᑦ ᒪᓕᒐᖅᑎᒍᑦ ᐋᖅᑭᔅᓯᒪᔭᕆᐊᓕᓐᓂᑦ ᐊᒻᒪᓗ ᐱᒋᐊᕐᖓᐅᑎᓂᑦ ᐱᓕᕆᐊᖑᔭᕆᐊᓕᓐᓂᑦ. ᑲᑎᒪᔨᖏᑦ ᐊᔾᔨᒌᙱᕈᓘᔭᕐᓃᑦ ᐊᔪᙱᑕᖃᐅᖅᑐᑦ, ᐃᖅᑲᓇᐃᔮᖃᖅᓯᒪᓂᖃᖅᑎᓪᓗ ᐊᒻᒪᓗ ᖃᓄᐃᓕᐅᖃᑦᑕᖅᓯᒪᓂᖃᖅᑐᑦ ᐃᓚᓕᐅᑎᓪᓗᑎᑦ ᑖᒃᑯᐊ ᓴᙱᔫᔾᔪᑎᒋᔭᐅᓪᓗᑎᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᐅᔪᓄᑦ.

ᑖᒃᑯᐊ ᐱᓇᓱᐊᖃᑕᐅᔪᒪᓂᐊᖅᑐᑦ ᑖᔅᓱᒧᖓ ᐱᕕᔅᓴᖃᖅᑎᑕᐅᓂᐅᔪᒧᑦ, ᐃᖅᑲᓇᐃᔮᕆᓯᒪᔭᑎᑦ ᑎᑎᕋᖅᓯᒪᔪᑦ ᐊᒻᒪᓗ ᑎᑎᖅᑲᓕᐅᖅᓯᒪᔪᒥᑦ ᐱᖃᑕᐅᔪᒪᓂᕐᒧᑦ ᑐᓂᓗᒋᑦ ᒪᑐᕕᔅᓴᖅᑐᖅ ᐅᓪᓗᖓᓐᓂ ᑏᓯᐱᕆ 14, 2021ᒥ ᑖᔅᓱᒧᖓ ᑐᓂᓗᒍ ᕚᕝᕗᓚ ᕼᐋᕕ, ᐅᕗᖓ bharvey@gov.nu.ca ᐊᐱᖅᑯᑎᔅᓴᓄᓪᓘᓐᓃᑦ ᐅᖄᓚᓗᑎᑦ 867-982-7655. ᐱᓇᓱᐊᕈᒪᔪᑦ ᐊᑎᖏᑦ ᑲᑎᑕᐅᓂᐊᖅᑐᑦ ᐊᒻᒪᓗ ᐱᓯᒪᔭᐅᓗᑎᑦ ᓯᕗᓂᔅᓴᑎᓐᓂᑦ ᑖᒃᑯᐊ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᑲᑎᒪᔨᔅᓴᓂᑦ ᑭᙴᒪᑦᑎᓕᕐᓂᖅᐸᑕ ᐊᑐᐃᓐᓇᕆᔭᐅᓛᕐᒪᑕ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca