ᐅᖃᓚᐅᑎᓯᐅᑏᑦ

You are here

ᒪᕐᕉᒃ ᓇᓗᓇᐃᖅᑕᐅᔫᒃ ᓄᕙᕐᔪᐊᕐᓇᖅ-19−ᓖᒃ ᑭᙵᕐᓂᑦ

ᓯᑎᐱᕆ 20, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᒪᕐᕉᒃ ᓇᓗᓇᐃᖅᑕᐅᔫᒃ ᓄᕙᕐᔪᐊᕐᓇᖅ-19−ᓖᒃ ᑭᙵᕐᓂᑦ

ᐃᖃᓗᐃᑦ, ᓄᓇᕗᑦ (ᓯᑦᑎᒻᕙ 19, 2021) −ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᓯᔪᖅ ᒪᕐᕉᓐᓂᑦ ᐋᓐᓂᐊᓕᖅᓯᒪᔪᖃᕐᓂᖓᓄᑦ ᓄᕙᕐᔪᐊᕐᓇᖅ-19−ᒧᑦ ᑭᙵᕐᓂᑦ.

“ᐅᓪᓗᒥ, ᒪᕐᕉᒃ ᑭᙵᕐᓂᑦ ᓄᕙᕐᔪᐊᕐᓇᖅ-19-ᑕᓖᒃ,” ᐅᖃᖅᑐᖅ ᓘᒃᑖᑦ. ᐹᑐᓴᓐ. “ᐊᐃᑦᑐᑐᐃᓐᓇᕆᐊᖃᖅᑕᖏᑦ ᖃᐅᔨᓴᖅᑕᐅᓗᑎᒃ ᓄᕙᕐᔪᐊᕐᓇᖅᑕᖃᑦᑑᓐᓄᑦ ᐊᑦᑐᐊᓂᖃᖅᑐᓄᓪᓗ ᐊᐃᑦᑐᑐᐃᓐᓇᕆᐊᖃᖅᑕᖏᑦ ᑲᔪᓯᖏᓐᓇᖅᑐᖅ ᓇᓗᓇᐃᖅᓯᓂᕐᒧᑦ ᓇᑭᙶᕐᓂᖏᑦ ᐊᐃᑦᑐᕐᓗᑦᑕᐅᓂᕐᒧᑦ.”

ᐊᐃᑦᑐᑐᐃᓐᓇᕆᐊᖃᖅᑕᖏᑦ ᖃᐅᔨᓴᖅᑕᐅᓗᑎᒃ ᓴᖅᑭᔮᕐᕕᐅᓯᒪᑐᐃᓐᓇᕆᐊᓕᓐᓄᑦ ᓄᕙᕐᔪᐊᕐᓇᖅ-19-ᒧ ᑐᐊᓴᑦ ᑐᔪᕐᒥᕕᖓᓂ ᑭᙵᕐᓂᑦ. ᑕᐃᒪᐃᓐᓂᖓᓄᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᐱᕆᔪᑦ ᑭᒃᑯᓕᒫᓂ ᑐᔪᕐᒥᕕᒻᒦᑦᑐᒥᓂᕐᓂᑦ ᓂᕆᔭᖅᑐᖅᑐᒥᓂᕐᓂᓘᓐᓃᑦ ᑭᖑᓂᖓᒍᑦ ᓯᑦᑎᒻᕙ 8-ᒥ ᓇᒻᒥᓂᖅ-ᖃᐅᔨᓴᕆᐊᖃᕐᓂᕐᒧᑦ ᖃᐅᔨᔾᔪᑕᐅᔪᓐᓇᖅᑐᓄᑦ ᐅᓪᓗᓄᑦ 14-ᓄ. ᐱᕙᓪᓕᐊᓂᖃᕈᕕᑦ, ᐃᓄᑑᒋᐊᖃᓕᑦᓴᐅᑎᒋᒋᐊᖃᖅᑐᑎᑦ ᖃᐅᔨᒃᑲᐃᓗᑎᓪᓗ ᓄᕙᕐᔪᐊᕐᓇᖅ-19-ᖃᕐᓂᕐᒧᑦ ᐅᖄᓚᕝᕕᒻᒧᑦ ᐅᕗᖓ 1-888-975-8601 10−ᒥᑦ ᐅᓪᓛᒃᑯᑦ 6−ᒧᓄ ᐅᓐᓄᒃᑯᑦ ᑲᓇᓐᓇᒥ ᑐᓴᖅᑎᑦᓯᓴᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕕᖓᓂᑦ ᐅᖄᓚᐅᑎᒃᑯᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ.

ᐱᔾᔪᑎᒋᑦᓱᒍ ᓄᕙᕐᔪᐊᕐᓇᖅ-19-ᖃᓕᕋᑖᖅᑐᑦ ᐊᒥᓱᓂ ᓄᓇᓕᓐᓂᑦ ᐅᓄᖅᓯᕙᓪᓕᐊᔪᓪᓗ ᓄᕙᕐᔪᐊᕐᓇᖅ-19-ᖃᖅᑐᑦ ᖃᓪᓗᓈᓂ ᑲᓇᑕᒥ, ᓴᖅᑭᔮᕐᕕᐅᑐᐃᓐᓇᕆᐊᖃᕐᓂᖅ ᓄᓇᕘᓕᒫᓂ ᐅᓄᖅᓯᓯᒪᔪᖅ. ᑭᐅᔾᔪᑎᒋᓗᒍ, ᒪᑐᐊᑦ ᒫᓐᓇ ᐊᑐᖅᑕᐅᔭᕆᐊᖃᖅᑐᑦ ᓄᓇᕘᓕᒫᒥᑦ.

ᐊᒻᒪᓗᑦᑕᐅᖅ, ᑭᒃᑯᓕᒫᑦ ᐋᓐᓂᐊᓕᕇᒃᑯᓯᖅᑕᐅᓯᒪᖏᑦᑐᑦ ᑭᙵᕐᓂᓪᓗ ᐊᐅᓪᓚᖅᑐᒥᓃᑦ ᑭᖑᓂᖓᒍᓪᓗ ᓯᑦᑎᒻᕙ 13, ᐃᓄᑑᑎᔭᕆᐊᖃᖅᑐᑦ ᐅᓪᓗᓄᑦ 14-ᓄ. ᑕᐃᒃᑯᐊ ᐋᓐᓂᐊᓕᕇᒃᑯᑎᖅᑕᐅᓯᒪᔪᑦ ᖃᐅᔨᔾᔪᑕᐅᔪᓐᓇᖅᑐᓂᑦ ᖃᐅᔨᓴᕆᐊᖃᖅᑐᑦ.

ᑭᒃᑯᑐᐃᓐᓇᓂᒃ ᖃᓄᐃᙱᑎᑦᓯᓂᕐᒧᑦ ᐊᑐᑕᐅᔪᑦ ᐅᓄᖅᓯᑎᑕᐅᓂᐊᖅᑐᑦ ᑭᙵᕐᓂᑦ ᐃᑲᔪᕐᓂᕐᒧᑦ ᒥᑭᓪᓕᕚᓪᓕᑎᑦᓯᓂᕐᒧᑦ ᐅᓗᕆᐊᓇᖅᑐᒥ ᓄᓇᓕᓐᓂᑦ ᐊᐃᑦᑑᑎᖃᕐᓂᕐᒧᑦ. ᒫᓐᓇᑦᓴᐅᑎᒋ ᐱᒋᐊᕐᓗᓂ:

  • ᐊᐅᓪᓚᕆᐊᓖᑦ ᑭᙵᕐᓄᑦ ᑕᕝᕙᖓᓪᓗ ᑭᙵᕐᓂᑦ ᒫᓐᓇ ᓄᖅᑲᖓᖁᔭᐅᕗᑦ.
  • ᓯᓚᒥ ᑲᑎᓐᓂᕆᔭᐅᕙᒃᑐᑦ ᐃᓱᓕᑦᑕᖅᑎᑕᐅᕗᑦ 50−ᓄᑦ ᐃᓄᖕᓄᑦ.
  • ᐃᓘᑉ ᐃᓗᐊᓂ ᑲᑎᙵᔪᑦ ᖃᑦᑏᓐᓇᕈᐊᕐᓗᑎᒃ 10−ᓄᑦ ᐃᓄᖕᓄᑦ, ᐃᒡᓗᒥᐅᖃᑕᐅᔪᑦ ᐃᓚᐅᓗᑎᒃ.
  • ᐃᓪᓗᒥ ᑲᑎᙵᔪᑦ, ᑐᒃᓯᐊᕆᐊᕐᕕᐅᔪᓂᑦ, ᐱᙳᐊᕐᕕᐅᔪᓂᑦ, ᐃᖃᐃᓕᓴᕐᕕᐅᔪᓂᑦ, ᐅᖃᓕᒫᒐᖃᕐᕕᐅᔪᓂᑦ ᐊᒻᒪᓗ ᐳᐃᔾᔪᕋᕐᕖᑦ, ᑭᓪᓕᖃᕐᓂᐊᓕᖅᑐᑦ 25ᓄᑦ ᐅᕝᕙᓗ 50 ᐳᓴᓐᑎᖓᓐᓂᒃ ᐃᓄᒋᐊᒍᓐᓇᕐᓂᕆᔭᖏᑕ, ᓇᓪᓕᐊᑐᐃᓐᓇᖅ ᖃᑦᑏᓐᓇᐅᓂᖅᓴᖅ.
  • ᓇᒥᑐᐃᓐᓇᖅ ᐃᓄᒋᐊᒃᑐᒃᑯᕕᐅᔪᓂᑦ ᑲᑎᙵᓗᑎᑦ ᐳᓚᕋᑦᑎᖃᕆᐊᖃᕈᓐᓃᖅᑐᑦ, ᑲᑎᙵᓗᑎᑦ ᐃᖃᐃᓕᓴᕆᐊᖃᕈᓐᓃᖅᑐᑦ ᐅᕝᕙᓘᓐᓃᑦ ᐃᙱᓪᓗᑎᑦ.
  • ᓯᐊᕐᕆᔮᕐᕕᓐᓃᑦᑐᑦ ᑭᓪᓕᖃᕐᓗᑎᑦ 50-ᓄᑦ ᐃᓄᓐᓄᑦ ᐅᕝᕙᓘᓐᓃᑦ 50 ᐳᓴᓐᑎᖓ ᐃᓄᖃᕈᓐᓇᕐᓂᖓᑕ, ᓇᓪᓕᐊᑐᐃᓐᓇᖅ ᖃᑦᓰᓐᓇᐅᓂᖅᓴᖅ. ᕿᑎᖃᑎᒌᙱᓪᓗᑎᑦ.
  • ᓂᕆᕝᕖᑦ ᐱᔪᓐᓇᐅᑎᖃᖅᑎᑕᐅᔪᓪᓗ 25 ᐳᓴᓐᑎᒥ ᐃᓄᖃᕈᓐᓇᖅᓯᓗᑎᑦ.
  • ᐃᓅᓯᓕᕆᓂᕐᒧᑦ ᑲᑎᙵᔪᑦ ᑭᒡᓕᖓ 10 ᐃᓄᐃᑦ.
  • ᒥᕐᖑᐃᖅᓯᕐᕖᑦ ᒪᑐᐃᖔᖅᑐᑦ ᓱᓕ ᑭᓯᐊᓂ ᐱᓕᕆᕝᕕᖏᑦ ᒪᑐᔪᑦ.
  • ᐃᓕᓐᓂᐊᕐᕖᑦ ᐸᐃᕆᕖᓪᓗ ᒪᑐᐃᙵᐃᓐᓇᓚᖓᔪᑦ, ᑭᓯᐊᓂ ᒪᑐᐊᖅᓯᒪᖏᓐᓇᕆᐊᓖᑦ.
  • ᑲᒪᒋᔭᐅᖏᓐᓇᖅᑐᒃᑯᕕᐅᔪᑦ ᐊᒻᒪᓗ ᐃᓐᓇᒃᑯᕖᑦ ᒪᕐᕉᓐᓂᒃ ᐅᒡᓚᖅᑎᖃᕈᓐᓇᕐᓗᑎᑦ; ᒪᑐᐊᖅᓯᒪᔭᕆᐊᓖᑦ ᑕᒪᕐᒥᒃ ᐅᒡᓚᖅᑎᐅᔪᑦ ᐅᑭᐅᓖᑦ ᑎᓴᒪᓂᒃ ᐅᖓᑖᓄᓪᓗ ᐃᓯᕈᓐᓇᖅᑐᑦ; ᖃᓂᒋᓂᖅᐹᖏᑦ ᐃᓚᒋᔭᖏᑦ ᑭᓯᐊᓂ.

ᐋᓐᓂᐊᓕᕇᒃᑯᑎᖅᑕᐅᓂᖅ ᐊᑐᐃᓐᓇᐅᙱᓐᓇᖅᑐᖅ ᓄᓇᕗᓕᒫᒥᑦ. ᐅᖃᓗᒃᕕᒋᓗᒍ ᐋᓐᓂᐊᕕᓯ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ ᒫᑐᓇᒧᑦ (ᐅᑭᐅᓕᖕᓄᑦ 18 ᐅᖓᑖᓗᓪᓗ) ᐱᖓᔪᐊᒃᑯᓪᓗ ᕖᓱ (ᐅᑭᐅᓕᖕᓄᑦ 12-ᓂᑦ 17-ᒧᑦ).

ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᓕᖕᓂᑦ, ᐃᓚᖕᓂᑦ ᐊᒻᒪᓗ ᓄᓇᓕᖕᓂ ᓴᐳᔾᔨᓯᒪᓇᓱᒡᓗᑎᑦ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca