ᐅᖃᓚᐅᑎᓯᐅᑏᑦ

You are here

ᒪᕐᕉᓐᓂᒃ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔫᓐᓂᒃ ᓇᓗᓇᐃᖅᑕᐅᔪᖃᖅᑐᖅ ᓄᓇᕗᒻᒥ

ᓯᑎᐱᕆ 21, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᒪᕐᕉᓐᓂᒃ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔫᓐᓂᒃ ᓇᓗᓇᐃᖅᑕᐅᔪᖃᖅᑐᖅ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᓯᑦᑎᒻᕙ 21, 2021) −ᓘᒃᑖᖅ. ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᕗᖅ ᒪᕐᕉᓐᓂᒃ ᓄᑖᓐᓂᒃ ᐋᓐᓂᐊᓕᖅᓯᒪᔫᓐᓂᒃ ᓄᕙᕐᔪᐊᕐᓇᖅ-19ᒧᑦ ᓇᓗᓇᐃᖅᑕᐅᔪᖃᖅᑐᖅ, ᐊᑕᐅᓯᖅ ᑭᙵᕐᓂᑦ ᐊᒻᒪᓗ ᐊᑕᐅᓯᖅ ᖁᕐᓗᖅᑑᕐᒥ, ᑲᑎᓪᓗᒋᑦ ᑕᓪᓕᒪᐅᓕᖅᑐᑦ ᒫᓐᓇ ᐋᓐᓂᐊᔪᑦ ᓄᓇᕗᒻᒥᑦ.

"ᐃᑉᐸᔅᓴᖅ, ᐊᑕᐅᓯᖅ ᐃᓄᒃ ᑭᙵᕐᓂᑦ ᐊᒻᒪᓗ ᐊᑕᐅᓯᖅ ᐃᓄᒃ ᖁᕐᓗᖅᑑᕐᒥ ᖃᐅᔨᓴᖅᑕᐅᓯᒪᔪᑦ ᓇᓗᓇᐃᖅᑕᐅᓚᐅᖅᑐᑦ ᓄᕙᕐᔪᐊᕐᓇᖅ-19ᑖᖅᓯᒪᓂᖏᓐᓂᑦ," ᐅᖃᖅᑐᖅ ᓘᒃᑖᖅ. ᐹᑐᓴᓐ. "ᑕᒪᒃᑮᒃ ᐃᓅ ᑖᒃᑯᐊ ᖃᓄᐃᙱᑦᑑᒃ ᐊᒻᒪ ᐊᓂᑦᑕᐃᓕᔫᒃ. ᓄᓇᕗᒻᒥᐅᓂᑦ ᒪᓕᑦᑎᐊᖁᔨᓪᓗᖓ ᐅᖃᐅᔾᔨᒋᐊᒃᑲᓐᓂᖅᐳᖓ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᑦᑕᐅᖁᔭᐅᔪᓂᑦ ᐋᖅᑭᓱᖅᑕᐅᓯᒪᔪᓂᒃ ᐊᒻᒪᓗ ᐃᖅᑲᐃᑎᑦᑎᒋᐊᖅᐳᖓ ᒪᑐᐊᖅᓯᒪᔾᔪᑏᑦ ᐊᑐᖅᑕᐅᖏᓐᓇᕆᐊᖃᓕᖅᑐᖅ ᓄᓇᕗᓕᒫᒥ."

ᑲᑎᔭᐅᓯᒪᔪᑦ ᖃᓂᒋᔭᖃᖅᓯᒪᓪᓗ ᖃᐅᔨᓴᖅᑕᐅᕙᓪᓕᐊᔪᑦ ᓱᓕ. ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓖᑦ ᑕᒪᒃᑮᓐᓂᒃ ᓄᓇᓖᓐᓂᒃ ᐊᓯᔾᔨᙱᑦᑐᑦ ᒪᓕᒐᖏᑦ ᐋᖅᑭᑦᑕᐅᓯᒪᔪᑦ ᒫᓐᓇ.

ᑭᓇᑐᐃᓐᓇᖅ ᐱᕙᓪᓕᐊᓂᖃᖅᐸᑦ ᓄᕙᕐᔪᐊᕐᓇᖅ-19ᖃᕐᓂᕐᒧᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᒻᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᖃᐅᔨᓴᖅᑕᐅᓂᕐᒧᑦ ᐃᓂᔅᓴᓕᐅᖁᓪᓗᒋᑦ ᐅᕝᕙᓘᓐᓃᑦ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ, ᐊᒻᒪᓗ ᐊᖏᕐᕋᓐᓂᒃ ᐃᓄᑑᔭᕆᐊᖃᓕᕐᓗᑎᑦ ᐅᓪᓗᓄᑦ 14ᓄᑦ.

ᐋᓐᓂᐊᓕᕇᒃᑯᑎᖅᑕᐅᓂᖅ ᐊᑐᐃᓐᓇᐅᙱᓐᓇᖅᑐᖅ ᓄᓇᕗᓕᒫᒥᑦ. ᐅᖃᓗᒃᕕᒋᓗᒍ ᐋᓐᓂᐊᕕᓯ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ ᒫᑐᓇᒧᑦ (ᐅᑭᐅᓕᖕᓄᑦ 18 ᐅᖓᑖᓗᓪᓗ) ᐱᖓᔪᐊᒃᑯᓪᓗ ᕖᓱ (ᐅᑭᐅᓕᖕᓄᑦ 12-ᓂᑦ 17-ᒧᑦ). ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᓕᖕᓂᑦ, ᐃᓚᖕᓂᑦ ᐊᒻᒪᓗ ᓄᓇᓕᖕᓂ ᓴᐳᔾᔨᓯᒪᓇᓱᒡᓗᑎᑦ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca