ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᓇᓗᓇᐃᖅᓯᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᕐᓇᖅᑐᒃᑰᕈᑎᖃᕐᓂᕐᒥᒃ

ᒫᑦᓯ 18, 2020

ᐱᕙᓪᓕᐊᔪᑦ ᑐᓴᕋᑦᓴᑦ

ᐃᖃᓗᐃᑦ, ᓄᓇᕗᑦ (ᒫᑦᓯ 18, 2020) − ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓᑦ ᔪᐊᔾ ᕼᐃᒃᔅ ᓇᓗᓇᐃᖅᓯᓯᒪᓕᖅᑐᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᕐᓇᖅᑐᒃᑰᕈᑎᖃᕐᓂᕐᒥᒃ ᓄᓇᕗᒻᒥ.

“ᓇᓗᓇᐃᖅᑕᐅᓯᒪᔪᖃᙱᒃᑲᓗᐊᖅᑎᓪᓗᒍ ᖃᓂᒪᓐᓇᖅᑖᖅᓯᒪᔪᓂᒃ COVID-19 ᓄᓇᕗᒻᒥ, ᓇᓗᓇᐃᖅᓯᓂᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᕐᓇᖅᑐᒃᑰᕈᑎᖃᕐᓂᕐᒥᒃ ᑐᑭᒧᐊᖅᑎᑦᓯᓂᖅᓴᐅᒍᓐᓇᕐᓂᐊᖅᑐᑦ ᐊᑦᓱᕉᑕᐅᔪᓂᒃ ᓄᓇᕗᓕᒫᒥ ᑲᓇᑕᒥᓗ, ᖃᓄᐃᓕᒋᐊᕈᑎᖃᕆᐊᖃᕐᓂᕐᓗ ᐅᐸᓗᖓᐃᔭᖅᓯᒪᑦᓯᐊᕈᓐᓇᖁᓪᓗᑕ ᖃᓂᒪᓐᓇᒧᑦ,” ᐅᖃᖅᓯᒪᔪᖅ ᒥᓂᔅᑕ ᕼᐃᒃᔅ. “ᑕᐃᒫᒃ ᖃᓄᐃᓕᒋᐊᕈᑎᖃᙱᑯᑦᑕ ᒫᓐᓇ ᓇᓗᓇᐃᖅᑕᐅᔪᖃᓚᐅᖅᑎᓐᓇᒍ ᖃᓂᒪᓐᓇᑖᖅᓯᒪᔪᓂᒃ ᓄᓇᕗᒻᒥ, ᑭᖑᕙᓗᐊᑐᐃᓐᓇᕆᐊᖃᕋᑦᑕ ᐱᕙᓪᓕᐊᓕᕐᓂᖅᑲᑕ.”

ᐱᒋᐊᕐᓗᓂ ᑕᓪᓕᒥᕐᒥ, ᒫᑦᓯ 20 ᑭᖑᓂᐊᒍᓪᓗ ᓇᓗᓇᐃᖅᑕᐅᓚᐅᙱᓐᓂᖓᓂ ᖃᖓᒃᑯᑦ:

  • ᓂᕆᕕᑦ ᑭᓯᐊᓂ ᐊᓐᓂᑎᒐᑦᓴᐅᓗᑎᒃ ᑎᑭᓴᐃᕕᑦᓴᐅᓂᐊᖅᑐᑦ, ᖁᓕᑦ ᑐᖔᓃᑦᑐᑦ ᑭᒃᑯᑐᐃᓐᓇᐃᑦ ᐅᑕᖅᑭᒍᓐᓇᕐᓗᑎᒃ ᖃᖓᑐᐃᓐᓇᒃᑯᑦ.
  • ᐃᒥᕐᕕᓕᒫᑦ ᒪᑐᓛᖅᑐᑦ.
  • ᑖᒃᓰᑦ ᑭᓯᐊᓂ ᐊᑕᐅᓯᐅᓈᖅᑎᖅᑐᓂᒃ ᐃᑭᒪᑎᑦᓯᖃᑦᑕᕐᓗᑎᒃ.

ᐊᑭᖃᙱᑦᑐᓂᒃ ᓂᕿᑖᕐᕕᑦ ᖃᔪᖅᑐᕐᕕᓪᓗ ᓄᓇᕗᓕᒫᒥ ᒪᑐᐃᖓᖃᑦᑕᕈᓐᓇᕐᓂᐊᖅᑐᑦ ᐅᓪᓗᓂᒃ ᑕᓪᓕᒪᓂᒃ ᓂᕆᔭᑦᓴᖃᙱᓗᐊᖃᑦᑕᖁᔨᒐᑕ. ᑐᓂᔭᐅᖃᑦᑕᕐᓂᐊᖅᑐᑦ ᓂᕆᓂᐊᖅᑕᖏᓐᓂᒃ ᓇᑦᓴᕈᑎᓂᒃ ᐴᖅᑕᐅᓯᒪᓗᑎᒃ ᓂᕆᔭᑦᓴᓕᐅᕐᓂᐊᕋᒥᒃ ᐊᓐᓂᑎᓗᒋᑦ.

“ᑭᒃᑯᓕᒫᑦ ᐱᓕᕆᖃᑎᒌᑦᓯᐊᕆᐊᖃᕐᓂᐊᖅᑐᑦ, ᐊᑑᑎᖃᕐᓗᑎᒃ ᐃᓅᖃᑎᒌᓂ ᐅᖓᓯᒌᖃᑦᑕᓂᕐᒥᒃ ᐊᐃᑦᓱᕐᓘᑎᖃᑎᒌᖁᓇᒋᑦ. ᐱᒻᒪᕆᐅᓂᐊᖅᑐᖅ ᑕᐃᒪᐃᓕᐅᕆᐊᖃᕐᓂᕗᑦ ᓴᐳᒻᒥᖃᑦᑕᐅᑎᓂᐊᕋᑦᑕ. ᐊᖏᕐᕋᖅᓯᒪᐃᓐᓇᕋᓱᐊᖃᑦᑕᕐᓗᓯ. ᐊᒡᒐᓯ ᐅᐊᓴᐃᓐᓇᖃᑦᑕᕐᓗᒋᑦ. ᐃᓱᒫᓗᓐᓇᕐᓂᖓᓂᒃ ᐊᒥᓱᕐᖑᕈᓐᓇᕐᓂᖏᓐᓂᒃ ᓄᖅᑲᖅᑎᔾᔫᒥᓯᒪᓚᕗᑦ ᓄᓇᕗᒻᒥ, ᐅᑕᖅᑭᒍᓐᓇᑦᓯᐊᕐᓗᑕ ᑐᙵᓇᕐᓗᑕᓗ, ᐃᑉᐱᒋᖃᑦᑕᐅᑎᑦᓯᐊᕐᓗᑕ.”

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓂᒪᓐᓇᐅᑉ COVID-19 ᒥᑦᓵᓄᑦ ᓄᓇᕗᒻᒥ, ᐅᕗᙵᕐᓗᑎᑦ: www.gov.nu.ca

### 

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
ᓯᕗᓕᖅᑎ ᓴᕕᑲᑖᖅ ᐊᓪᓚᕝᕕᖓᓂ
867-975-5059
cmacleod@gov.nu.ca