ᐅᖃᓚᐅᑎᓯᐅᑏᑦ

You are here

ᓈᙳᔪᑦ ᐊᕿᑦᑐᕐᓱᕐᑐᓪᓗ ᒥᑦᑎᒪᑕᓕᖕᒥᑦ ᑭᒻᒥᕈᒻᒥᓪᓗ

ᓄᕕᐱᕆ 23, 2021

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑐᓴᖅᑎᑦᑎᔾᔪᑎᑦ

ᓈᙳᔪᑦ ᐊᕿᑦᑐᕐᓱᕐᑐᓪᓗ ᒥᑦᑎᒪᑕᓕᖕᒥᑦ ᑭᒻᒥᕈᒻᒥᓪᓗ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᑦᑎᒪᑕᓕᖕᒥᑦ ᑭᒻᒥᕈᒻᒥᓪᓗ ᐅᖃᐅᔨᒋᐊᖅᑐᑦ ᐃᓄᐃᑦ ᓈᖑᑲᑕᓕᕐᒪᑕ ᓄᓇᓕᖕᓂ. ᑕᐃᒪᐃᒐᔪᙱᑦᑐᑦ ᒫᓐᓇᒃᑯᑦ ᐊᕐᕌᒍᒥᑦ. ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ, ᓄᓇᓕᖕᓂᓗ ᓱᒃᑲᓕᔪᒥᑦ ᐊᐃᑦᑐᕐᓘᑕᐅᔪᓐᓇᕆᓪᓗᓂ. ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᑎᕐᓇᖅᖢᑎᒃ ᐊᒻᒪ ᐊᓇᓚᖦᖢᑎᒃ (ᐊᕿᑦᑐᖅᓱᖅᖢᑎᒃ).

ᐃᒪᓐᓇ ᐊᐃᑦᑐᕐᓗᐃᑦᑕᐃᓕᒪᔪᓐᓇᖅᐳᓯ:

  • ᐊᒡᒐᑎᑦ ᐅᐊᓴᕋᔪᒡᓗᒋᑦ, ᐱᓗᐊᖅᑐᒥ ᓂᖅᖠᐅᕐᓂᐊᓵᖅᑎᓪᓗᑎᑦ ᐊᒻᒪ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑯᕕᑦ.
  • ᑕᖃᐃᖅᓯᕐᓗᑎᑦ ᐃᒥᑲᑕᒡᓗᑎᓪᓗ (ᐃᒥᒐᑲᑕᙱᓪᓗᑎᑦ, ᐆᒻᒪᕆᖕᓇᖅᑐᓂᒃ ᓂᐅᖅᑲᙱᓪᓗᑎᑦ, ᐊᓯᖏᓐᓂᓪᓗ ᓱᑲᖃᓗᐊᖅᑐᓂᒃ).
  • ᑭᐳᐃᑦ ᖄᖏᑦ, ᐹ ᑎᒍᓕᖏᑦ ᐊᒻᒪ ᐊᓇᕐᕖᑦ ᓴᓗᒪᑏᓐᓇᖅᐸᒡᓗᒋᑦ ᐆᓇᖅᑐᒧᑦ ᖃᐳᐊᓕᖕᒧᑦ.
  • ᐃᓄᖕᓄᑦ ᖃᓂᒪᔪᓄᑦ ᐅᐸᒋᐊᖃᙱᓪᓗᑎᑦ ᐅᐸᒃᐸᙱᓪᓗᑎᑦ.

ᓄᑕᕋᑯᓗᐃᑦ ᐊᒡᒐᖏᑦ ᐅᐊᓴᖅᑎᑉᐸᒡᓗᒋᑦ, ᐊᒻᒪ ᐱᙳᐊᖏᑦ ᐊᓪᓚᖅᑐᑦᑎᐊᖅᐸᒡᓗᒋᑦ ᐊᓯᖏᓐᓂᒃ ᐊᓪᓚᖅᑐᐃᓕᕌᖓᕕᑦ.

ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ. ᒥᕆᐊᖅᓴᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ ᓂᕿᓕᐅᑲᑕᒋᐊᖃᙱᑦᑐᑦ ᖃᑕᙳᑎᖏᓐᓄᑦ ᐊᐃᑦᑐᕐᓗᐃᖁᓇᒋᑦ. ᐊᓐᓄᕌᑦ ᐊᓯᖏᓪᓗ ᐅᐊᓴᒐᒃᓴᐃᑦ ᐆᓇᖅᑐᒧᑦ ᐅᐊᓴᖃᑦᑕᕐᓗᒋᑦ ᐊᒻᒪ ᐆᓇᖅᑐᒧᑦ ᐸᓂᖅᓯᖅᐸᒡᓗᒋᑦ. ᐳᐃᒍᖅᑕᐃᓕᒋᑦ, ᓄᑕᕋᓛᒥᒃ ᑯᓂᒃᓴᑲᑕᒡᓗᓂ ᐊᒃᑐᖅᓯᑲᑕᒡᓗᓂᓗ ᐊᐃᑦᑐᕐᓗᐃᓐᓇᕐᒪᑦ ᖃᓂᒪᓐᓇᒥ. ᖃᓄᐃᙱᑎᓐᓇᓱᒍᓐᓇᖅᑕᑎᑦ ᖃᓂᒪᓕᕈᕕᑦ ᑎᒍᑲᑕᙱᓪᓗᒋᑦ.

ᖃᓂᒪᔪᑦ ᐊᖏᕐᕋᒥᓂ ᑲᒪᒋᔭᐅᔪᓐᓇᖅᐳᑦ ᑭᓯᐊᓂ ᖃᓂᒪᓗᐊᓕᖅᐸᑦ ᓴᙲᓗᐊᓕᕐᓗᓂᓗ ᐊᒻᒪ ᑎᒥᖓ ᐃᒪᖃᙱᓗᐊᓕᕈᓂ. ᐃᓄᐃᑦ ᐋᓐᓂᐊᓗᐊᓕᖅᑐᑦ ᐋᓐᓂᐊᕕᖕᒧᑦ ᖃᐅᔨᒋᐊᕆᐊᖃᖅᐳᑦ ᐃᖢᐊᖅᓴᐃᔨᒥᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca