You are here

ᓈᙳᑲᑕᒃᑐᑦ ᕿᑭᖅᑕᕐᔪᐊᕐᒥ

ᔭᓐᓄᐊᓕ 13, 2023

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑐᓴᖅᑎᑦᑎᔾᔪᑎ
ᓈᙳᑲᑕᒃᑐᑦ ᕿᑭᖅᑕᕐᔪᐊᕐᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᑭᖅᑕᕐᔪᐊᕐᒥᐅᓂᒃ ᐅᖃᐅᔨᒋᐊᖅᑐᑦ ᐃᓄᐃᑦ ᓈᖑᑲᑕᓕᕐᒪᑕ ᓄᓇᓕᖕᓂ. ᑕᐃᒪᐃᒐᔪᙱᑦᑐᑦ ᒫᓐᓇᒃᑯᑦ ᐊᕐᕌᒍᒥᑦ. ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ, ᓄᓇᓕᖕᓂᓗ ᓱᒃᑲᓕᔪᒥᑦ ᐊᐃᑦᑐᕐᓘᑕᐅᔪᓐᓇᕆᓪᓗᓂ.

ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᑎᕐᓇᖅᖢᑎᒃ ᐊᒻᒪ ᐊᓇᓚᖦᖢᑎᒃ (ᐊᕿᑦᑐᖅᓱᖅᖢᑎᒃ). ᐃᒪᓐᓇ ᐊᐃᑦᑐᕐᓗᐃᑦᑕᐃᓕᒪᔪᓐᓇᖅᐳᓯ:

  • ᐊᒡᒐᓯ ᐅᐊᓴᕋᔪᒡᓗᒋᑦ, ᐱᓗᐊᖅᑐᒥ ᓂᖅᖠᐅᕐᓂᐊᓵᖅᑎᓪᓗᓯ ᐊᒻᒪ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑳᖓᔅᓯ, ᖁᐃᕌᓂᒃᑳᖓᔅᓯᓗ.
  • ᑕᖃᐃᖅᓯᕐᓗᓯ ᐃᒥᑲᑕᒡᓗᓯᓗ (ᐃᒥᒐᑲᑕᙱᓪᓗᓯ, ᐆᒻᒪᕆᖕᓇᖅᑐᓂᒃ ᓂᐅᖅᑲᙱᓪᓗᓯ, ᐊᓯᖏᓐᓂᓪᓗ ᓱᑲᖃᓗᐊᖅᑐᓂᒃ).
  • ᑭᐳᐃᑦ ᖄᖏᑦ, ᐹ ᑎᒍᓕᖏᑦ ᐊᒻᒪ ᐊᓇᕐᕖᑦ ᓴᓗᒪᑏᓐᓇᖅᐸᒡᓗᒋᑦ ᐆᓇᖅᑐᒧᑦ ᖃᐳᐊᓕᖕᒧᑦ.
  • ᐃᓄᖕᓄᑦ ᖃᓂᒪᔪᓄᑦ ᐅᐸᒋᐊᖃᙱᓪᓗᑎᑦ ᐅᐸᒃᐸᙱᓪᓗᑎᑦ.

ᓄᑕᕋᑯᓗᐃᑦ ᐊᒡᒐᖏᑦ ᐅᐊᓴᖅᑎᑉᐸᒡᓗᒋᑦ, ᐊᒻᒪ ᐱᙳᐊᖏᑦ ᐊᓪᓚᖅᑐᑦᑎᐊᖅᐸᒡᓗᒋᑦ ᐊᓯᖏᓐᓂᒃ ᐊᓪᓚᖅᑐᐃᓕᕌᖓᕕᑦ. ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ.

ᒥᕆᐊᖅᓴᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ ᓂᕿᓕᐅᑲᑕᒋᐊᖃᙱᑦᑐᑦ ᖃᑕᙳᑎᖏᓐᓄᑦ ᐊᐃᑦᑐᕐᓗᐃᖁᓇᒋᑦ. ᐊᓐᓄᕌᑦ ᐊᓯᖏᓪᓗ ᐅᐊᓴᒐᒃᓴᐃᑦ ᐆᓇᖅᑐᒧᑦ ᐅᐊᓴᖃᑦᑕᕐᓗᒋᑦ ᐊᒻᒪ ᐆᓇᖅᑐᒧᑦ ᐸᓂᖅᓯᖅᐸᒡᓗᒋᑦ. ᐳᐃᒍᖅᑕᐃᓕᒋᑦ, ᓄᑕᕋᓛᒥᒃ ᑯᓂᒃᓴᑲᑕᒡᓗᓂ ᐊᒃᑐᖅᓯᑲᑕᒡᓗᓂᓗ ᐊᐃᑦᑐᕐᓗᐃᓐᓇᕐᒪᑦ ᖃᓂᒪᓐᓇᒥ. ᖃᓄᐃᙱᑎᓐᓇᓱᒍᓐᓇᖅᑕᑎᑦ ᖃᓂᒪᓕᕈᕕᑦ ᑎᒍᑲᑕᙱᓪᓗᒋᑦ.

ᖃᓂᒪᔪᑦ ᐊᖏᕐᕋᒥᓂ ᑲᒪᒋᔭᐅᔪᓐᓇᖅᐳᑦ ᑭᓯᐊᓂ ᖃᓂᒪᓗᐊᓕᖅᐸᑦ ᓴᙲᓗᐊᓕᕐᓗᓂᓗ ᐊᒻᒪ ᑎᒥᖓ ᐃᒪᖃᙱᓗᐊᓕᕈᓂ. ᐃᓄᐃᑦ ᐋᓐᓂᐊᓗᐊᓕᖅᑐᑦ ᐋᓐᓂᐊᕕᖕᒧᑦ ᖃᐅᔨᒋᐊᕆᐊᖃᖅᐳᑦ ᐃᖢᐊᖅᓴᐃᔨᒥᓄᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕕᒃᑑᕆᐊ ᒧᐊᒐᓐ     
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
vmorgan2@gov.nu.ca