ᐅᖃᓚᐅᑎᓯᐅᑏᑦ

You are here

ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᓕᒻᒥᒃ ᓄᓘᔮᑦ ᐅᔭᕋᕐᓂᐊᕐᕕᒻᒥ

ᓯᑎᐱᕆ 21, 2020

ᐱᕙᓪᓕᐊᔪᑦ ᑐᓴᕋᑦᓴᑦ

ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᓕᒻᒥᒃ ᓄᓘᔮᑦ ᐅᔭᕋᕐᓂᐊᕐᕕᒻᒥ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 21, 2020) – ᓘᑦᑖᖅ ᒪᐃᑯᓪ ᐸᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ, ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᓇᓗᓇᐃᖅᑕᐅᓯᒪᔪᖃᕐᓂᖓᓂᒃ ᓄᕙᔾᔪᐊᕐᓇᖅ 19-ᓕᒻᒥᒃ ᓄᓘᔮᓂ ᐅᔭᕋᕐᓂᐊᕐᕕᖓᓂ ᐅᖓᓯᓐᓂᓕᒃ 176 ᑭᓚᒥᑕᑦ ᓂᒋᐊᑕ ᐱᖓᓐᓇᖓᓂ ᒥᑦᑎᒪᑕᓕᐅᑉ. ᑖᓐᓇ ᐊᐃᑦᑐᕐᓗᑦᑕᐅᓯᒪᙱᑦᑐᖅ ᓄᕙᔾᔪᐊᕐᓇᒥᒃ ᓄᓇᕗᒻᒥ ᐊᒻᒪᓗ ᓇᓗᓇᐃᖅᑕᐅᔪᖅ ᓈᓴᖅᑕᐅᓯᒪᖔᑐᐃᓐᓇᕐᓂᐊᖅᑐᖅ ᐊᖏᕐᕋᖓᑕ ᓄᓇᖓᓂ.

“ᑖᓐᓇ ᓇᓗᓇᐃᖅᑕᐅᓯᒪᔪᖅ ᒫᓐᓇᐅᔪᖅ ᐊᓂᑦᑕᐃᓕᑎᑕᐅᔪᖅ ᖃᓄᐃᒍᑎᖃᓕᓚᐅᕋᓂᓗ,” ᐅᖃᖅᓯᒪᔪᖅ ᓘᑦᑖᖅ ᐸᑐᓴᓐ. “ᖃᐅᔨᓴᖅᑕᐅᒍᑎᖏᑦ ᓇᓗᓇᐃᖅᑕᐅᓚᐅᖅᑐᑦ ᕼᐊᒧᓪᑕᓐᒥᒃ ᐊᐅᖏᖅᓯᕕᖓᓂ ᐅᓪᓗᒥ.”

ᒫᓐᓇᐅᔪᖅ, ᓇᓗᓇᐃᖅᑕᐅᓯᒪᔪᖃᙱᑦᑐᖅ ᐊᐃᑦᑐᕐᓗᐃᓐᓂᕐᒪᖔᑎᒃ ᓄᓘᔮᑦ ᐅᔭᕋᕐᓂᐊᕐᕕᖓᓂ. ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᖃᑎᒌᑦ ᐊᑐᐃᓐᓇᐅᔪᑦ ᐃᑲᔪᖅᓱᐃᒍᓐᓇᖅᑐᑎᒃ ᑭᐅᒍᓐᓇᖅᑐᓪᓗ, ᑕᐃᒪᐃᒋᐊᖃᑐᐊᕈᑎᒃ.

“ᓄᓇᕗᒻᒥᐅᓂᒃ ᒫᓐᓇᐅᔪᖅ ᑕᐃᑲᓂ ᐃᖅᑲᓇᐃᔭᖅᑐᖃᙱᑦᑐᖅ ᓄᓘᔮᑦ ᐅᔭᕋᕐᓂᐊᕐᕕᒻᒥ,. ᐅᓗᕆᐊᓇᕈᑕᐅᓂᖓ ᓄᕙᔾᔪᐊᕐᓇᖅ 19 ᓯᐊᕐᒪᒍᓐᓇᕐᓂᖓᓄᑦ ᓄᓇᓕᑦᑎᓐᓄᑦ ᑖᒃᑯᓈᙵᑦ ᐊᑉᐸᓯᑦᑐᖅ,” ᐅᖃᖅᓯᒪᔪᖅ ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᔪᐊᔾ ᕼᐃᒃᔅ. “ᑕᐃᒫᑦᓴᐃᓐᓇᖅ, ᐊᐱᕆᔭᕗᑦ ᓄᓇᕗᒻᒥᐅᑦ ᐅᔾᔨᖅᓱᑦᓯᐊᖏᓐᓇᖁᓪᓗᒋᑦ ᐊᒡᒐᓯ ᐅᐊᓴᐃᓐᓇᖃᑦᑕᕐᓗᒋᑦ, ᐃᓅᖃᑎᒌᑦ ᖃᓂᒌᓗᐊᑦᑕᐃᓕᖃᑦᑕᕐᓗᑎᒃ ᐊᖏᕐᕋᖅᓯᒪᖃᑦᑕᕐᓗᑎᓪᓗ ᖃᓂᒪᒍᑎᒃ.”

ᒫᓐᓇᐅᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒋᐊᓖᑦ ᓄᓇᕗᑦ ᒪᑐᐃᖅᐸᓪᓕᐊᓂᖓ ᐊᒻᒪᓗ ᐊᐅᓪᓚᖃᑦᑕᕐᕕᐅᒍᓐᓇᖅᑐᑦ ᑰᔾᔪᐊᕌᓗᒃ, ᒫᓂᑐᐸᒧᑦ ᓄᓇᑦᓯᐊᕐᒧᓪᓗ, ᐊᑦᑐᖅᑕᐅᓂᖃᔾᔮᙱᑦᑐᑦ.

ᖃᓄᐃᒍᑕᐅᒍᓐᓇᖅᑐᑦ ᓄᕙᔾᔪᐊᕐᓇᖅ 19-ᒧᑦ ᐃᓚᒋᔭᐅᓪᓗᑎᒃ ᐆᑎᕐᓇᕐᓂᖅ, ᖁᐃᖅᓱᖃᑦᑕᕐᓂᖅ ᐃᐱᓂᐊᖃᑦᑕᕐᓂᕐᓘᓐᓃᑦ. ᓴᐳᒻᒥᓯᒪᑦᓯᐊᕈᓐᓇᖅᑐᑦ ᐊᐃᑦᑐᕐᓗᐃᑦᑕᐃᓕᓂᕐᒧᑦ ᐊᐃᑦᑐᕐᓗᑦᑕᐅᒍᓐᓇᓂᕐᒧᓪᓘᓐᓃᑦ ᓄᕙᔾᔪᐊᕐᓇᕐᒥᒃ ᐃᓅᖃᑎᒌᑦ ᖃᓂᒌᓗᐊᑦᑕᐃᓕᖃᑦᑕᕐᓗᑎᒃ, ᐊᒡᒐᑎᑦ ᐅᐊᓴᖃᑦᑕᕐᓗᒋᑦ 20 ᓴᑲᓐᓯᓂᒃ, ᖁᐃᖅᓱᖃᑦᑕᕐᓗᑎᒃ ᑕᒋᐅᖃᑦᑕᕐᓗᑎᓪᓗ ᐊᐃᕐᒥᓄᑦ ᐊᖏᕐᕋᖅᓯᒪᖃᑦᑕᕐᓗᑎᓪᓗ ᑕᐃᒪᐃᒍᓐᓇᕐᓂᓕᒫᒥᓂ.

###

ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒋᐊᕐᕕᑦᓵᒃ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐳᓕᐊ
ᑐᓴᕋᑦᓴᓕᕆᓂᕐᒧᑦ ᐊᐅᓚᑦᓯᔨᐅᑲᐃᓐᓇᖅᑐᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949
cpuglia@gov.nu.ca