ᐅᖃᓚᐅᑎᓯᐅᑏᑦ

You are here

ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓇᖅ-19-ᖃᕐᑐᖃᕐᒪᑦ ᒪᑐᐹᖕᒃ ᐅᔭᕋᖕᓂᐊᕐᕕᒻᒥ

ᐊᒐᓯ 27, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓇᖅ-19-ᖃᕐᑐᖃᕐᒪᑦ ᒪᑐᐹᖕᒃ ᐅᔭᕋᖕᓂᐊᕐᕕᒻᒥ

ᐃᖃᓗᐃ, ᓄᓇᕗᑦ (ᐊᐅᒍᔅᓯ 27, 2021) – ᓘᒃᑖᖅ ᕉᓵᓐ ᓴᐃᕕᐊ, ᓄᓇᕗᒻᒥᑦ ᐋᓐᓂᐊᖃᖅᑕᐃᓕᒪᔪᓕᕆᔨᒻᒪᕆᐅᑲᐃᓐᓇᕐᑐᖅ, ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᓄᕙᕐᔪᐊᕐᓇᖅ-19−ᓕᒻᒥ ᒪᑐᐹᖕᒃ ᐅᔭᕋᖕᓂᐊᕐᕕᐊᓂ, ᐅᖓᓯᓐᓂᓕᒃ 110 ᑭᓛᒥᑐ ᑐᓄᕕᐊᓂ ᖃᒪᓂᖅᑐᐊᑉ.

“ᐊᐅᒡᒍᓯ 24-ᒥ, ᖃᐅᔨᒃᑲᖅᑕᐅᓚᐅᕋᑦᑕ ᐱᑕᖃᕆᐊᖓ ᓄᕙᕐᔪᐊᕐᓇᖅ-19-ᒥ ᒪᑐᐹᖕᒃ ᐅᔭᕋᖕᓂᐊᕐᕕᒻᒥ, ᓇᓗᓇᐃᖅᑕᐅᓯᒪᔪᖅ ᖃᐅᔨᓴᕐᕕᖓᓂ ᑯᐸᐃᒃᒥ ᐊᐅᒡᒍᓯ 25,” ᐅᖃᖅᑐᖅ ᓘᒃᑖᖅ ᓴᐃᕕᐊ. “ᐊᑐᖅᑕᐅᓯᒪᑐᐃᓐᓇᕆᐊᓖᑦ ᓄᕙᕐᔪᐊᕐᓇᖅᑐᓕᒃ ᐊᑦᑐᐊᓂᖃᖅᑐᓄᓪᓗ ᐊᑐᖅᑕᐅᓯᒪᑐᐃᓐᓇᕆᐊᓖᑦ ᓴᖅᑭᑎᑦᓯᔪᖅ ᓴᖅᑭᔮᖅᕕᐅᓯᒪᓂᖓᓄᑦ ᐊᑕᐅᓯᕐᒧᑦ ᓄᓇᕗᒻᒥ ᐃᖅᑲᓇᐃᔭᖅᑎᒧᑦ ᐅᔭᕋᖕᓂᐊᕐᕕᒻᒥ ᐊᐅᓪᓚᓚᐅᖅᑐᒧᑦ ᐊᐅᒡᒍᓯ 21-ᒥ. ᐊᑐᖅᑕᐅᓯᒪᑐᐃᓐᓇᕆᐊᓕᒃ ᐅᑯᓄᖓ ᓄᕙᕐᔪᐊᕐᓇᖅᑐᓕᒃ ᓄᓇᕗᒻᒥᐅᑕᕐᓗ ᐃᓱᒪᒋᔭᐅᔪᑦ ᐊᑦᑕᕐᓇᕐᓂᖃᙱᓐᓂᑦᓴᒥ, ᓄᓇᕗᒻᒥᐅᕐᓗ ᖃᐅᔨᓴᖅᑕᐅᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ.”

ᓄᕙᕐᔪᐊᕐᓇᖅᑐᓕᒃ ᐅᔭᕋᖕᓂᐊᕐᕕᓪᓗ ᐊᑐᖅᑕᐅᓯᒪᑐᐃᓐᓇᕆᐊᓖᑦ ᐃᓄᑑᔭᕆᐊᖃᖅᑎᑕᐅᔪᑦ ᒪᑐᐹᖕᒃᒥ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑲᔪᖅᑐᑦ ᖃᐅᔨᓴᕐᓂᐅᔪᒧᑦ ᓄᖅᑲᑎᑦᓯᑦᓱᑎᓪᓗ ᖃᖓᑕᔫᕐᓂᑦ ᐅᔭᕋᖕᓂᐊᕐᕕᒻᒨᖅᑐᓂ ᐅᔭᕋᖕᓂᐊᕐᕕᒻᒥᓪᓗ ᐊᑐᐃᓐᓇᐅᑎᑦᓯᓂᕐᒧᑦ ᐱᔭᕇᖅᓯᓂᕐᒧᑦ ᐊᑐᖅᑕᐅᓯᒪᑐᐃᓐᓇᕆᐊᓕᓐᓂᑦ ᖃᐅᔨᓴᕐᓂᕐᒧᓪᓗ.

ᑭᓇᑐᐃᓐᓇᖅ ᐱᕙᓪᓕᐊᓂᖃᖅᐸᑦ ᓄᕙᕐᔪᐊᕐᓇᖅ-19ᖃᕐᓂᕐᒧᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᒻᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕕᖓᓄᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ.

ᓄᕙᕐᔪᐊᕐᓇᖅ-19 ᐋᓐᓂᐊᓕᕇᒃᑯᑎᓄ ᐊᑐᐃᓐᓇᐅᙱᓐᓇᖅᑐᑦ ᓄᓇᕗᒻᒥᐅᓕᒫᓄᑦ ᐊᕐᕌᒍᓕᓐᓄᑦ 12-ᒥ ᐅᖓᑖᓄᑦ. ᖃᐅᔨᒋᐊᕐᕕᒋᒍᒃ ᐋᓐᓂᐊᕐᕕᓯ ᐃᓂᑦᓴᓕᐅᕐᓂᕐᒧᑦ. ᐃᖃᓄᐃᑦ ᐅᖁᒪᐃᓐᓂᕐᓂᐊᕕᖓ ᐋᓐᓂᐊᓕᕇᒃᑯᑎᓄᑦ ᐃᑎᑐᐃᓐᓇᕐᓗᓂ ᕙᐃᓱᒧ (ᐊᕌᒍᓖᑦ 12-ᒥ 17-ᒧ) ᐱᖓᑦᓯᕐᒥᑦ 9:30-ᒥ ᐅᓪᓛᒃᑯᑦ 11:30-ᒧᓄ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᓄ ᐅᓐᓄᓴᒃᑯᑦ ᐃᑎᑐᐃᓐᓇᕐᓗᓂ ᒪᑑᓇᒧ (18-ᓂ ᐅᖓᑖᓄ ᐊᕌᒍᓖᑦ) ᐋᓐᓂᐊᓕᕇᒃᑯᑎᖅᑕᐅᖃᑦᑕᖅᑐᑦ ᓇᒡᒐᔾᔭᐅᒥ ᑕᓪᓕᕐᒥᒧᓄ 9:30-ᒥ ᐅᓪᓛᒃᑯᑦ 11:30-ᒧᓄ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᓄ ᐅᓐᓄᓴᒃᑯᑦ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca