ᐅᖃᓚᐅᑎᓯᐅᑏᑦ

You are here

ᓇᓗᓇᐃᕐᑕᐅᔪᖃᕐᐳᖅ ᓄᕙᒡᔪᐊᕐᓇᖅ-19−ᒥᒃ ᐃᖃᓗᖕᓂᑦ

ᓯᑎᐱᕆ 13, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓇᓗᓇᐃᕐᑕᐅᔪᖃᕐᐳᖅ ᓄᕙᒡᔪᐊᕐᓇᖅ-19−ᒥᒃ ᐃᖃᓗᖕᓂᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 13, 2021) −ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᓘᑦᑕᑦ ᐊᖓᔪᖅᑳᖓ, ᓇᓗᓇᐃᖅᓯᓯᒪᓕᖅᐳᖅ ᓄᕙᒡᔪᐊᕐᓇᖅ-19−ᑕᖃᓕᕐᓂᖓᓂ ᐃᖃᓗᖕᓂᑦ.

“ᑖᓐᓇ ᓄᑖᖅ ᓇᓗᓇᐃᕐᑕᐅᓚᐅᕐᑐᑕᖅ ᓯᑎᐱᕆ 12 ᐃᖃᓗᖕᓂᑦ,” ᐅᖃᓚᐅᕐᑐᖅ ᓘᒃᑖᖅ ᐹᑐᓴᓐ. “ᑖᓐᓇ ᐃᓄᒃ ᐃᖃᓗᖕᓄᐊᓚᐅᕐᑐᖅ ᐅᓪᓗᑐᐃᓐᓇᐅᑎᓪᓗ, ᓯᑎᐱᕆ 10 ᖃᐅᔨᓴᖅᑕᐅᓚᐅᕐᖢᓂᓗ ᐊᓪᓕᑐᑦ ᖃᓄᐃᓕᖕᓂᕋᒥ.”

ᒪᓕᒃᖢᓂ ᒪᓕᒃᑕᐅᔭᕆᐊᓕᖕᓂᑦ. ᐃᓄᒃ ᐊᓂᑦᑕᐃᓕᓯᒪᓕᕐᑐᑦ ᑕᐃᒪᙵ ᐅᑎᓚᐅᕋᒥ ᐃᖃᓗᖕᓄᑦ. ᖃᓂᒋᓚᐅᖅᑕᕕᓂᖏᓐᓂ ᖃᐅᔨᓇᓱᐃᓐᓇᖅᑐᑦ ᐊᑦᑕᕐᓇᕐᓂᖓᓗ ᓄᓇᓕᖕᒧᑦ ᐊᑦᑎᒐᓱᒋᔭᐅᔪᖅ ᒫᓐᓇᐅᔪᖅ. 97 ᐳᓴᓐᑎ ᐃᖃᓗᖕᒥᐅᑦ ᐅᑭᐅᓕᑦ 12 ᐅᖓᑖᓂ ᑕᒪᐃᓐᓂ ᑲᐱᔭᐅᓯᒪᓕᕐᑐᑦ, ᐊᓯᔾᔨᔮᙱᑦᑐᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᒫᓐᓇᐅᔪᖅ. ᐃᖅᑲᐃᓯᔾᔪᑕᐅᓪᓗᓂ, ᒪᑐᐊᕐᓯᒪᔭᕆᐊᖃᓪᓚᕆᒃᑐᑦ ᐃᓄᒋᐊᒃᑐᒃᑯᕕᖕᓂᑦ.

ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐅᖃᐅᔾᔪᐃᖕᒥᔪᑦ ᖃᓂᒋᔭᐅᑐᐃᓐᓇᕆᐊᖃᕐᑐᕕᓂᑦ ᓄᕙᒡᔪᐊᕐᓇᖅ-19−ᓕᖕᒥᑦ ᐆᒧᖓ ᓄᑖᖕᒧᑦ ᑲᓇᐃᑎᐊᓐ ᓄᐊᑦ ᖃᖓᑕᓲᖓᓂ 5T-101, ᐋᑐᕚᒥᙶᕐᑐᖅ ᓯᑎᐱᕆ 10−ᒥᑦ 1−ᒧᐊᕐᑎᓪᓗᒍ ᐅᓐᓄᒃᓴᒃᑯᑦ. ᑲᐱᔭᐅᓯᒪᙱᑦᑐᐃᑦ ᐃᓚᐃᓐᓇᖓᓂᓪᓗ ᑲᐱᔭᐅᓯᒪᔪᑦ ᐃᓄᐃᑦ ᐃᒃᓯᕙᐅᑕᖃᓚᐅᕐᑐᑦ 10−ᒥᑦ 16−ᒧᑦ ᐅᖃᓗᒋᐊᓕᑦ ᐅᖄᓚᕕᐊᓄ ᐅᕗᖓ 1-888-975-8601 ᐊᑯᓐᓂᖓᓂ 10 ᐅᓪᓛᒥ ᐊᒻᒪᓗ 6 ᐅᓐᓄᒃᑯᑦ ᑲᓇᖕᓇᖓᓂ ᐃᓂᒃᓴᓕᐅᕐᓂᐊᕐᓗᓂ ᖃᐅᔨᓴᖅᑕᐅᓂᖕᒧᑦ. ᑲᐱᔭᐅᓯᒪᔪᑦᑕᐅᖅ ᐅᖃᓗᒍᓐᓇᕐᒥᔪᐃᑦ ᖃᐅᔨᓴᖅᑕᐅᔪᒪᒍᑎᒃ. ᐃᑭᒪᖃᑕᐅᓚᐅᖅᑐᓕᒫᑦ ᖃᐅᔨᓴᕆᐊᖃᖅᐳᑦ ᖃᓂᒻᒪᒃᐸᓪᓕᐊᖕᒪᖔᑦ ᐅᓪᓗᓄᑦ 14−ᓄᑦ (ᓯᑎᐱᕆ 24) ᐊᒻᒪ ᑭᓇᑐᐃᓐᓇᖅ ᖃᓂᒪᑲᑕᓕᖅᐸᑦ ᐃᓄᑑᔭᕆᐊᖃᓯᑲᐅᑎᒋᔭᕆᐊᓕᒃ ᐅᖄᓚᓗᓂᓗ ᖃᐅᔨᓴᖅᑕᐅᔪᒪᓗᓂ.

ᑲᐱᔭᐅᓐᓇᖅ ᐊᑐᐃᓐᓇᐅᙱᓐᓇᖅᑐᖅ ᓄᓇᕗᒻᒥ. ᐅᖃᓗᒃᕕᒋᓗᒍ ᐋᓐᓂᐊᕕᓯ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ ᒫᑐᓇᒧᑦ (ᐅᑭᐅᓕᖕᓄᑦ 18 ᐅᖓᑖᓗᓪᓗ) ᐱᖓᔪᐊᒃᑯᓪᓗ ᕖᓱ (ᐅᑭᐅᓕᖕᓄᑦ 12-ᓂᑦ 17-ᒧᑦ). ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᓕᖕᓂᑦ, ᐃᓚᖕᓂᑦ ᐊᒻᒪᓗ ᓄᓇᓕᖕᓂ ᓴᐳᔾᔨᓯᒪᓇᓱᒡᓗᑎᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca