ᐅᖃᓚᐅᑎᓯᐅᑏᑦ

You are here

ᓂᕿᓂᑦ ᓱᕈᖅᓯᒪᔪᑦ: ᐃᓚᖏᑎᒍᑦ ᐊᕿᒋᕐᔪᐊᕐᒥᑦ ᓴᓇᓯᒪᔪᑦ ᐃᑭᐊᕐᒥᓕᖅᓯᒪᔪᑦ ᐱᔾᔪᑎᓕᒃ ᖁᐱᕐᕈᐊᕐᔪᑦ ᓵᒥᓇᓚᒥᑦ

ᔫᓂ 05, 2018

ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᓇᓗᓇᐃᔭᐅᑦ

 

ᓂᕿᓂᑦ ᓱᕈᖅᓯᒪᔪᑦ: ᐃᓚᖏᑎᒍᑦ ᐊᕿᒋᕐᔪᐊᕐᒥᑦ ᓴᓇᓯᒪᔪᑦ ᐃᑭᐊᕐᒥᓕᖅᓯᒪᔪᑦ ᐱᔾᔪᑎᓕᒃ ᖁᐱᕐᕈᐊᕐᔪᑦ ᓵᒥᓇᓚᒥᑦ

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᐅᑦᑎᖅᓱᖁᔨᕗᑦ ᓂᕿᒥᑦ ᓱᕈᖅᓯᒪᔪᑦ ᐃᓚᖏᑎᒍᑦ ᐊᑎᖃᖏᑦᑐᑦ ᐊᕿᒡᒋᕐᔪᐊᕐᒥᑦ ᓴᓇᓯᒪᔪᑦ ᐃᑭᐊᕐᒥᓕᖅᓯᒪᔪᑦ. ᑲᓇᑕᒥᑦ ᓂᕿᓂᑦ ᖃᐅᔨᓴᖅᓯᕙᒃᑐᑦ ᑎᒥᖁᑎᖏᑦ (CFIA) ᓂᕿᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᖅᑕᐅᓂᖅ ᓇᓗᓇᐃᖅᑕᐅᓯᒪᔪᖅ ᖁᐱᕐᕈᐊᕐᔪᒃ ᓵᒥᓇᓚᒥᑦ ᓱᕈᖅᑕᐅᔪᖃᓯᒪᑐᐃᓐᓇᕆᐊᖃᕐᒪᑦ.

ᐃᓗᓕᓕᒃ 1kg−ᒥᑦ ᐊᑎᖃᖏᑦᑐᓂᒃ ᐊᕿᒋᕐᔪᐊᒥᑦ ᓴᓇᓯᒪᔪᑦ ᐃᑭᐊᕐᒥᓕᖅᓯᒪᔪᑦ ᓱᕈᖅᓯᒪᔪᑦ ᓇᓗᓇᐃᒃᑯᑖ ᓈᓴᐅᑖ: 0 60383 16636, ᓯᓚᓪᓕᖓᑕ ᐴᖓᒍᑦ ᓇᓗᓇᐃᒃᑯᑖ: 2019 FE 06, ᐊᒻᒪ ᐃᓗᐊᒍᑦ ᐴᖓᒍᑦ: 0378M.

ᓈᓗᓇᐃᖅᑕᐅᓯᒪᔪᑦ ᑕᐃᒍᖅᑕᐅᓯᒪᔪᒥᑦ ᓱᕈᖅᓯᒪᔪᑦ ᓂᐅᕕᐊᒃᓴᐅᔪᑦ, ᓂᐅᕕᐊᒃᓴᑦ ᓇᓗᓇᐃᒃᑯᑕᖏᑦ ᐊᒻᒪ ᓱᕈᓚᐅᖏᓐᓂᖏᓐᓂ ᐅᓪᓗᕐᓄᑦ ᑲᓇᑕᒥᑦ ᓂᕿᓂ ᖃᐅᔨᓴᖅᓯᕙᒃᑐᑦ ᑎᒥᖁᑎᖏᑦ ᖃᕋᓴᐅᔭᒃᑯᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ: http://inspection.gc.ca/about-the-cfia/newsroom/food-recall-warnings/com...

ᐱᐅᔪᓐᓃᖅᓯᒪᔪᑦ ᓂᐅᕕᐊᓴᐃᑦ ᐃᒋᑕᐅᑐᐃᓐᓇᕆᐊᓖᑦ ᐅᕝᕙᓘᓐᓃᑦ ᐅᑎᖅᑎᑕᐅᓗᑎ ᓂᐅᕕᕐᕕᒋᔭᐅᔪᒧᑦ.

ᓂᕿᓂᑦ ᐱᐅᔪᓐᓃᖅᑐᑦ ᖁᐱᕐᕈᐊᕐᔪᖕᓂᑦ ᓵᒧᓇᓚ ᑕᐅᑦᑐᖃᖏᑦᑐᖅ ᐅᕝᕙᓘᓐᓃ ᓱᕈᖅᓯᒪᖂᔨᕙᖏᑦᑐᑦ ᑭᓯᐊᓂ ᖃᓂᒻᒪᐃᓐᓇᕐᓇᖅᑐᖅ. ᐊᑯᓂᐅᖏᑦᑐᒥᑦ ᐋᓐᓂᐊᕈᓯᖃᖅᑐᖅ ᐅᑯᐊᖑᕗᑦ ᐆᑎᕐᓂᖅ, ᓂᐊᖁᕐᓕᕐᓂᖅ, ᒥᕆᐊᖅᓴᕐᓂᖅ, ᒥᕆᐊᖑᑲᑕᖕᓂᖅ, ᓈᖑᑲᑕᖕᓂᖅ ᐊᒻᒪ ᐊᕿᑦᑐᖅᓱᕐᓂᖅ.

ᓄᑕᕋᐃᑦ, ᓯᖓᐃᔪᑦ, ᐃᓐᓇᐃᑦ ᐊᒻᒪ ᑎᒥᖃᖅᑐᑦ ᓴᖐᓗᐊᖅᑐᒥᑦ ᐋᓐᓂᐊᓕᕈᑎᒋᔪᓐᓇᓂᖅᓴᐅᔪᑦ ᐊᒻᒪ ᐃᓛᓐᓂᒃᑯᑦ ᑐᖁᓐᓇᖅᑐᓂ ᖃᓂᒻᒪᒍᑕᐅᔪᓐᓇᕐᒥᔪᖅ. ᖃᓂᒻᒪᒐᓱᒋᒍᕕᑦ ᓂᕆᓂᑰᓇᓱᒋᒍᕕᑦ ᐱᐅᔪᓃᖅᓯᒪᔪᒥᑦ ᐋᓐᓂᐊᕐᕕᓐᓄᑦ ᖃᐅᔨᒋᐊᕈᓐᓇᖅᐳᑎᑦ. ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᓇᓗᓇᐃᔭᐅᑦ

ᑐᑭᓯᒋᐊᒃᑲᓐᓂᕈᒪᒍᕕᑦ, ᑲᓇᑕᒥ ᓂᕿᓂᒃ ᖃᐅᔨᓴᖅᑎᑯᓐᓄᑦ ᐅᖃᓗᒍᓐᓇᖅᑐᑎᑦ ᐅᕙᖓ 1-800-442-2342 ᐅᕗᖓᓗ www.inspection.gc.ca ᐊᑎᓕᐅᖃᑕᐅᔪᓐᓇᖅᐳᑎᑦ ᑐᓴᐅᒪᔾᔪᑎᒧᑦ ᓂᕿᓂᑦ ᓱᕈᖅᓯᒪᔪᓄᑦ ᐅᕙᓂ http://inspection.gc.ca/english/ .

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓇᐃᑏᓐ ᐴᑎ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᓯᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
npurdy@GOV.NU.CA