ᐅᖃᓚᐅᑎᓯᐅᑏᑦ

You are here

ᓄᓕᐊᕐᓂᒃᑯᑦ ᖁᐱᕐᕆᓯᒪᔪᑦ ᓄᓇᕗᒻᒥ ᐅᓄᖅᓯᕚᓪᓕᖅᑐᑦ

ᐊᒐᓯ 25, 2020

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᓄᓕᐊᕐᓂᒃᑯᑦ ᖁᐱᕐᕆᓯᒪᔪᑦ ᓄᓇᕗᒻᒥ ᐅᓄᖅᓯᕚᓪᓕᖅᑐᑦ

ᓄᓇᕗᒻᒥ ᓄᓇᓖᑦ, ᐱᓗᐊᖅᑐᒥᒃ ᕿᑎᕐᒥᐅᑦ, ᓄᓕᐊᕐᓂᒃᑯᑦ ᖁᐱᕐᕆᔪᑦ ᐅᓄᖅᕚᓪᓕᖅᓯᒪᖕᒪᑕ.

ᖁᐱᕐᕆᓯᒪᓂᖅ ᐊᓂᐊᓚᑦᓯᒐᔪᖕᓇᖅᑐᒥᒃ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᖑᕗᖅ (STI) ᑯᔭᖕᓂᒃᑯᑦ ᖁᐱᕐᕆᔾᔪᑕᐅᓲᖅ. ᐃᑲᔪᕈᓐᓇᖅᑐᑎᑦ ᓄᖅᑲᖅᑎᑦᑎᖃᑕᐅᓗᑎᑦ ᓯᐊᒻᒪᒃᐸᓪᓕᐊᔪᒥᒃ ᖁᐱᕐᕆᔾᔪᑕᐅᕙᓪᓕᐊᔪᒥᒃ ᓄᓇᔅᓯᓐᓂ ᐊᔪᕈᓐᓃᖅᓴᖅᐸᒡᓗᓯ ᖃᓄᐃᙱᑦᑎᐊᕐᓇᖅᑐᓂᒃ ᓄᓕᐊᕈᓯᕐᓂᒃ (ᓲᕐᓗ ᐅᓲᑉ ᐴᖓᓐᓂᒃ ᐊᑐᖅᐸᒡᓗᓯ), ᖃᐅᔨᓴᖅᑕᐅᕙᒡᓗᓯ ᖁᐱᕐᕆᙱᒃᑲᓗᐊᕐᒪᖔᑦ, ᓄᓕᐊᖅᐸᒃᑕᑎᑦ ᐃᒃᐱᒋᑦᑎᐊᕐᓗᒋᑦ (ᓄᓕᐊᖅᐸᒃᑕᑎᑦ ᐅᓄᕐᓂᖅᓴᐅᒃᐸᑕ, ᐊᑦᑕᕐᓇᖅᑐᒦᓐᓂᖅᓴᐅᓇᔭᖅᐳᑎᑦ), ᐃᓅᓕᓴᖅᑕᐅᒋᐊᖃᕈᕕᑦ ᐃᓅᓕᓴᖅᑕᐅᕙᒡᓗᑎᑦ.

ᖁᐱᕐᕆᓯᒪᓂᖅ ᐊᓂᐊᓚᑦᓯᒐᔪᖕᓇᖅᑐᒥᒃ ᖃᐴᑎᓄᑦ ᐃᓅᓕᓴᐅᑎᓄᑦ ᖃᓄᐃᑦᑐᓐᓃᕈᓐᓇᖅᑐᖅ. ᑭᓯᐊᓂ, ᑲᒪᒋᔭᐅᙱᑐᐊᖅᐸᑦ ᒪᒥᔪᐃᑦᑐᒥᒃ ᐋᓐᓂᐊᖅᑖᕈᑕᐅᓐᓇᖅᑐᖅ ᐊᕐᓇᒧᑦ ᕿᑐᕐᖏᓱᐃᑦᑑᓕᕈᓐᓇᖅᑐᓪᓗ ᑕᒪᕐᒥᒃ ᐊᖑᑎᑦ ᐊᒻᒪ ᐊᕐᓇᐃᑦ. ᐃᓄᐃᑦ ᖁᐱᕐᕆᓯᒪᔪᑦ ᐊᓂᐊᓚᑦᓯᒐᔪᖕᓇᖅᑐᒥᒃ ᑲᒪᒋᔭᐅᓯᒪᙱᑦᑐᑦ ᐊᑦᑕᕐᓇᖅᑐᒦᓐᓂᖅᓴᐅᕗᑦ ᖁᐱᕐᕆᓐᓇᖅᑐᒃᑲᓐᓂᕐᓄᑦ.

ᐱᒻᒪᕆᐅᕗᖅ ᖃᐅᔨᓴᖅᑕᐅᒋᐊᒃᓴᖅ ᖁᐱᕐᕆᓯᒪᓇᓱᒋᑐᐊᕈᕕᑦ ᐊᓂᐊᓚᑦᓯᒐᔪᖕᓇᖅᑐᒥᒃ ᐊᓯᐊᓂᒡᓘᓐᓃᑦ ᓄᓕᐊᕐᓂᒃᑯᑦ ᖁᐱᕐᕆᓐᓇᖅᑐᒥᒃ. ᐋᓐᓂᐊᖅᑖᕆᔭᐅᒐᔪᒃᑐᑦ ᐊᖑᑎᓂᒃ ᐅᑯᐊᖑᕗᑦ ᐅᓱᐊᒍᑦ ᐊᓂᐊᔪᖃᕐᓗᓂ ᖃᐳᒥ. ᐊᕐᓇᓂᒃ, ᐋᓐᓂᐊᓲᖑᓪᓗᑎᒃ ᖁᐃᑎᓪᓗᒋᑦ ᐅᕝᕙᓘᓐᓃᑦ ᐅᑦᑐᐊᒍᑦ ᐊᓂᐊᔪᖃᕐᓗᓂ ᖃᐳᒥ. ᖃᔅᓯᑲᓪᓚᑦ ᐃᓄᐃᑦ ᖁᐱᕐᕆᓯᒪᖕᒪᖔᑕ ᓇᓗᓇᓲᖑᕗᑦ ᑭᓯᐊᓂ ᓱᓕ ᐊᑦᑕᕐᓇᖅᑐᒦᖏᓐᓇᓲᖑᕗᑦ ᓈᒻᒪᙱᓪᓕᐅᕈᑎᓄᑦ.

ᖁᐱᕐᕆᓯᒪᓂᖅ ᐊᓂᐊᓚᑦᓯᒐᔪᖕᓇᖅᑐᒥᒃ ᖁᐱᕐᕆᓯᒪᖕᒪᖔᑕ ᖃᐅᔨᒐᒃᓴᐅᒐᔪᒃᑐᑦ ᐃᓅᓕᓴᐅᑎᓄᓪᓗ ᖃᓄᐃᑦᑐᓐᓃᖅᑎᑕᐅᔪᓐᓇᖅᖢᑎᒃ. ᐃᓗᐊᖅᓴᐃᔨᒧᑦ ᖃᐅᔨᒋᐊᖃᑦᑕᕐᓂᐊᖅᐳᓯ ᖁᐱᕐᕆᓯᒪᓂᖅ ᐊᓂᐊᓚᑦᓯᒐᔪᖕᓇᖅᑐᖃᕋᓱᒋᑐᐊᕈᕕᑦ ᐊᓯᐊᓂᒡᓘᓐᓃᑦ ᖁᐱᕐᕆᔾᔪᑕᐅᓲᒥᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔩᑦ ᑐᑭᒧᐊᒃᑎᑦᑎᔨᖓ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5172
dsommerville@gov.nu.ca