ᐅᖃᓚᐅᑎᓯᐅᑏᑦ

You are here

ᓄᓕᐊᕐᓂᕐᒧᑦ ᕿᑐᕐᖏᐅᕐᓂᕐᒧᓪᓗ ᖃᓄᐃᙱᑦᑎᐊᖕᓂᖕᒧᑦ ᐅᔾᔨᕈᓱᖕᓇᐅᑉ ᐱᓇᓱᐊᕈᓯᐊ

ᕕᕝᕗᐊᓕ 08, 2019

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᓕᐊᕐᓂᕐᒧᑦ ᕿᑐᕐᖏᐅᕐᓂᕐᒧᓪᓗ ᖃᓄᐃᙱᑦᑎᐊᖕᓂᖕᒧᑦ ᐅᔾᔨᕈᓱᖕᓇᐅᑉ ᐱᓇᓱᐊᕈᓯᐊ

ᓄᓕᐊᕐᓂᕐᒧᑦ ᕿᑐᕐᖏᐅᕐᓂᕐᒧᓪᓗ ᖃᓄᐃᙱᑦᑎᐊᖕᓂᖕᒧᑦ ᐅᔾᔨᕈᓱᖕᓇᐅᑉ ᐱᓇᓱᐊᕈᓯᐊ ᕕᕗᐊᕆ 11-15. ᓄᓕᐊᕐᓂᒃᑯᑦ ᖃᓄᐃᙱᑦᑎᐊᖕᓂᖅ ᐱᒻᒪᕆᐅᖃᑕᐅᕗᖅ ᑕᒪᐃᑦᑎᓐᓂᑦ ᖃᓄᐃᙱᑦᑎᐊᖕᓂᑦᑎᓐᓂᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓂᑦ ᐅᖃᓪᓚᐅᓯᖃᑦᑎᐊᖁᔨᕗᑦ ᑕᒪᑐᒪ ᒥᒃᓵᓄᑦ!

ᑕᒪᑐᒪᓂ ᐊᕐᕌᒎᑉ ᐱᔾᔪᑎᒋᓂᐊᖅᑕᖓ ᓄᓕᐊᖕᓂᖕᒧᑦ ᖃᓄᐃᙱᑦᑎᐊᖕᓂᖅ ᖃᓄᐃᑦᑐᑐᐃᓐᓇᓂᑦ ᐅᑭᐅᓕᖕᓄᑦ. ᓄᓇᕗᒻᒥᐅᑦ ᐱᖃᓪᓗᐊᖕᒪᑕ ᐅᑭᐅᖏᓐᓄᑦ ᓈᒻᒪᒃᑐᓂᑦ ᓱᓕᔪᓂᒡᓗ ᑐᓴᐅᒪᔭᒃᓴᓂᑦ ᓄᓕᐊᖕᓂᖕᒧᑦ ᖃᓄᐃᙱᑦᑎᐊᖕᓂᖕᒥᑦ.
ᓄᓕᐊᖕᓂᖕᒧᑦ ᖃᓄᐃᙱᑦᑎᐊᖕᓂᖕᒧᑦ ᐃᓕᓐᓂᐊᕐᓂᖅ ᐱᒻᒪᕆᐊᓘᔪᖅ ᑲᙳᓇᕈᓐᓃᖅᐸᓪᓕᕈᑕᐅᓂᐊᕐᓗᓂ ᓇᔾᔨᑦᑕᐃᓕᒪᓂᖕᒧᑦ, ᓄᓕᐊᖕᓂᒃᑯᑦ ᖁᐱᕆᓯᒪᓃᑦ, ᓄᓗᐊᖕᓂᒃᑯᑦ ᖁᐱᕐᕆᓯᒪᓂᖕᒧᑦ ᖃᐅᔨᓴᖅᑕᐅᓃᑦ, ᐊᓯᖏᓪᓗ ᐊᑲᐃᓪᓕᐅᕈᑕᐅᓲᑦ ᓄᓕᐊᖕᓂᖕᒧᑦ ᖃᓄᐃᙱᑦᑎᐊᖕᓂᖕᒧᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑦᑎᓚᐅᖅᐳᑦ ᓄᓕᐊᖕᓂᖕᒧᑦ ᕿᑐᙱᐅᕐᓂᖕᒧᓪᓗ ᖃᓄᐃᙱᑦᑎᐊᖕᓂᓕᕆᔪᓂᑦ ᓇᔾᔨᑦᑕᐃᓕᒪᓂᖕᒧᑦ, ᓄᓕᐊᖕᓂᒃᑯᑦ ᖁᐱᕐᕆᓯᒪᓂᖕᒧᑦ ᖃᐅᔨᓴᖅᑕᐅᓃᑦ, ᐊᖏᖅᓯᒪᓃᑦ, ᐊᐃᑉᐸᕇᑦᑎᐊᖕᓂᖕᓂᓪᓗ ᐅᓲᑉ ᐴᖏᓐᓂᒡᓗ ᐊᑐᕐᑕᐅᕙᖕᓂᖏᑦ.

ᐱᓕᕆᐊᒃᓴᖃᖅᑐᐃᓐᓇᐅᕗᒍᑦ ᓄᓇᓕᕗᑦ ᑐᓴᐅᒪᑦᑎᐊᖁᓪᓗᒋᑦ. ᑐᓴᕆᐊᒃᑲᓐᓂᕈᑎᓄᑦ ᐱᓪᓗᒍ ᖃᓄᐃᙱᓪᓗᑎᒃ ᐱᖃᓐᓇᕇᒍᓰᑦ, ᓄᓕᐊᕐᓂᕐᒧᑦ ᐋᓐᓂᐊᖅᑖᖅᑕᐃᓕᒪᓂᖅ, ᓄᓕᐊᕐᓂᒃᑯᑦ ᖁᐱᕐᕆᓐᓇᖅᑐᑦ ᐊᑦᑕᕐᓇᙱᑦᑐᒥᒃᓄ ᓄᓕᐊᕐᓂᖅ, ᐅᕝᕙᓘᓐᓃᑦ ᖃᓄᖅ ᐅᖃᐅᓯᖃᕈᓐᓇᕐᒪᖔᑦ ᓄᓕᐊᕐᓂᕐᒧᑦ ᐋᓐᓂᐊᖅᑖᖅᑕᐃᓕᒪᓂᕐᓂ ᓄᑕᖅᑲᔅᓯᓐᓄᑦ, ᐃᓕᓐᓂᐊᖅᑎᓄᑦ, ᐱᖃᓐᓇᕆᔭᕐᓄᑦ ᐱᖃᑎᖕᓄᓪᓗ, ᐅᐸᒃᓗᒍ ᓄᓇᓕᔅᓯᓐᓂ ᐋᓐᓂᐊᕕᒃ, ᐅᖃᖃᑎᖃᕐᓗᑎᑦ ᐅᒃᐱᕆᔭᕐᓂᑦ ᐃᓐᓇᕐᒥᒃ ᐅᕝᕙᓘᓐᓃᑦ ᐅᕗᙵᕐᓗᑎᑦ www.irespectmyself.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
sarsenault@gov.nu.ca